وژم تنیا خمت وه مِل مَکیشِم
خَمِ دُنیا وَ خوینِ دل مَکیشم

اگر شوگار بای اژ نویرِ چیمِم
ارینِت صد اساره زل مَکیشم

#وژمwožêm= خودم
#ملmêł= شانه ها،گردن
#خوینxwin=خون
#ئساره زل= ستاره نوید دهند صبح
#ارینتarint=برایت
#نویر=نور
#خمxam=غم

شاعر #حسین_عیسوند_اسدی
#شعر_لکی
#صوتانه_خیر

کانال تلگرامی گلونی
🌹🌹🌹🌹


@Golvani_lak

گوش فلک ئه ناله دروینِ مِه پِره
ئی ژنه لیوه بیه، مَری وِرّه

ئه سازه خم روژگار، ها سرچوپی
ظالمه وه حقِ وِژ ،ئو لئو جِرّه

شاعر #خدیجه_خانمرادی
#شعر_لکی
#صوتانه_خیر

کانال تلگرامی گلونی
🌹🌹🌹🌹


@Golvani_lak

اُورِ پِر وَشتِ وِهاری، گیونِ تازه مینه باخ
دارِسونی حُشگ و سرد و سی زمینِم، هاینه کو...

شاعر #صمد_نجاتی_بیرانوند (بیکش)
#شعر_لکی
#صوتانه_خیر

کانال تلگرامی گلونی
🌹🌹🌹🌹


@Golvani_lak

م هوکاره گری پلمونه بیمه
هوکاره نیشتن إ ویرونه بیمه
ئرّا إ نوم مردم طئنه مه می؟!
م وه خاطر تونا دیوونه بیمه


م مِه تا کِ نقاشی نو بکیشم ؟!
وه کاسه هوشک و حالی زو بکیشم
یکی تِر بی گنم حواردی ئه بی کش
م مِه بار تقاس ئر شو بکیشم؟!!

پی نوشت: نو: نان، زو: زبان ، شو: شانه
طئنَه: طعنِه

شاعر : #حشمت_آزاد_بخت
#شعر_لکی
#صوتانه_خیر

کانال تلگرامی گلونی
🌹🌹🌹🌹


@Golvani_lak

#تو بِرمِت چُوی هِلالِ مونگِ نوئه
تو گیسِت بیتِ فالِ چِل سروئه
*
اگر بوشِم تونین نُویرِ گلارَم
مَتَرسم ناکَسی بوشی دُروئه !

شاعر #استاد_عزیز_بیرانوند_بازوند
#شعر_لکی
#صوتانه_خیر

کانال تلگرامی گلونی
🌹🌹🌹🌹


@Golvani_lak

گلارا حال ئه دلمه تو خو که
شوئه تیریکه بختم نیمرو که

تو دریایی چزونی خم یعنی چه
سیلی اژ توین تنیایی رو که

*رو: رودخانه
*توین: امتداد

شاعر #علی_کولیوند
#شعر_لکی
#صوتانه_خیر


کانال تلگرامی گلونی
🌹🌹🌹🌹


@Golvani_lak

لکیکم، اِ لکی حاشا نِمَکم
وَ زور اَ دل کسیره جا نِمَکم

نه باوم لُر بیه، نه دام کُرده
وژم درگیر لام و کا نِمَکم

شاعر #حسین_نظریان(غریب دلفانی)
#شعر_لکی
#صوتانه_خیر

کانال تلگرامی گلونی
🌹🌹🌹🌹


@Golvani_lak

چَمَل بِی سُرمَه سِیت وَ سُرمَه رَش کِرد
دُو زِلف بافتَت وَ دُور، رُخسارَه بَش کرد

کَتِین اِی سَر چُوپِی، چُوی کُوگِ هُومیُون
شکارچِی پِی شکار، پِر کُو ئُو کَش کِرد

شاعر #علی_میرتیموری
#شعر_لکی
#صوتانه_خیر

کانال تلگرامی گلونی
🌹🌹🌹🌹


@Golvani_lak

تو آگِر گرمیِ هر چه تنویری
چوی جُمِ حور نِقُ نِق آوِ نویری

وَ نومت بو هویراتَ مپیچه
تو سمسایی، مفرایی، چویری

ترجمه فارسی:
گرمای آتش تمامِ تنورها از توست
همچو جامِ پر از آفتاب، لبالب از آبِ نوری
با نام تو رایحه‌ی تمامِ خوبی‌ها می‌پیچد
تو سمسا و مفرا و چویر هستی

نکته: سمسا، مفرا و چویر از گیاهان خوشبویی هستند که در دامنه‌ی کوه‌های زاگرس(گرین) می‌رویند
سمسا، مفرا و چویر خاصیت دارویی دارند و هر کدام رایحه‌ای خوش دارند. در گذشته چون یخچال نبوده، گوشتِ گوسفند و گوساله را در میانِ چویر نگه‌داری می‌کردند تا فاسد نشود

شاعر #هادی_مومنی
#شعر_لکی
#صوتانه_خیر

کانال تلگرامی گلونی
🌹🌹🌹🌹


@Golvani_lak

ریوار
چنی دلمه چوی ریواری بنیشم
گرّی ار سایه دیواری بنیشم

اخه آز ا دس و ا پا نیه گه
فره دلمه گه سیگاری بکیشم

ترجمه
بسیارمشتاقم که مانند مسافران من هم کمی استراحت کنم و درسایه ی دیواری بیارامم
وانقدر دست و پایم ناتوان شده که مشتاق کشیدن سیگار شده ام!!

#رضا_حسنوند(شوریده)
#شعر_لکی
#صوتانه_خیر

کانال تلگرامی گلونی
🌹🌹🌹🌹


@Golvani_lak

مه چوی پاییز فرَه دلگیرم اِ دوس
فـرَه زَرد و خـَمین و پیـرم اِ دوس

نهَتینــو خُصَــه جَــــرگم ســزونِه
دی اِ طَعنَـه هُمالَل سِیـرم اِ دوس

➖معنی

🔸من همچو پاییز بسیار دلگیر و دلتنگت شده‌ام ...
🔸این دلتنگی مرا ‌بسیار افسرده و غمگین و پیر کرده است....
🔸نیامدی و از فراق و دوریت ، غصه جگرم را سوزاند.
🔸دیگر تاب طعنه مدعیانی را ندارم که با نیش خند، غم فراقت را به رخم میکشانند و جانم را به لب رسانده‌اند.

واژه ها
▫️مه: من
▫️ا: ای
▫️چوی: همچون
▫️فره: بسیار
▫️خمین: غمگین
▫️نهتینو: نیامدی
▫️خصه: غصه
▫️جرگم: جگرم
▫️دی: دیگر
▫️سزونه: سوزاند
▫️همالل: مدعیان

#مجتبی_حسینی
#شعر_لکی

کانال تلگرامی گلونی
🌹🌹🌹🌹


@Golvani_lak

خدایا دی ئژ عی زندانَ یاسِم
ئژ عی آبادی ال ویرانَ یاسِم

پِرِم ده تا بچم ویر ئر ولاتی
ئژ عی زمسانِ سر زمسانَ یاسِم

#علی_خدادادی(بیداد)
#شعر_لکی
#صوتانه_خیر

کانال تلگرامی گلونی
🌹🌹🌹🌹


@Golvani_lak

«قوم لک»

بنیش ار پا کلومِ پیره باول
بگیرد ار ژیرِ ساروج و خراول

نشونی قومِ لک درجا پیا مو
ا نوم تاریخ و ‌اِ خط‌خط کتاول

«پیروز باد لک و لکستان»

شاعر #واحد_یاری
#شعر_لکی
#صوتانه_خیر

کانال تلگرامی گلونی
🌹🌹🌹🌹


@Golvani_lak

یاواش بوشیه بئن، ناخای بتورئ
بوش وژِت نمای، عیو نئرئ نورئ

خَمِت بیه مه، بورمیه نوم کویچه
بِنمیه وَر وارون، خُصَت بشورئ

شاعر #علی_عدالتجو
#شعر_لکی
#صوتانه_خیر

کانال تلگرامی گلونی
🌹🌹🌹🌹


@Golvani_lak

دَسَه کِلیله عِشقِتِم،بوری فِراموشِم نَکَه
مِه مَردِسَرنِوشتِتِم،بوری فِراموشِم نَکَه

کُل کَس مَخِر چَمَئل مَسِت،بوری فِراموشِم نَکَه
بِومَه طِلا اَمِل دَسِت،بوری فِراموشِم نَکَه

داخی نیاتَسَردِلِم،بوری فِراموشِم نَکَه
رَنج بیوَرِه بی حاصِلِم،بوری فِراموشِم نَکَه

مِه بیمَه آو اِطورشَمی،بوری فِراموشِم نَکَه
تَرِم کَه ئَه اَسِرچَمی،بوری فِراموشِم نَکَه

شاعر #جمشید_حاتم_زاده_سرکشتی
#شعر_لکی
#صوتانه_خیر

کانال تلگرامی گلونی
🌹🌹🌹🌹


@Golvani_lak

چِیمهَ رِیتِم عزیزِم تا گِلاری
پَـریشون و مَریضِم تاگِلاری

مهِ گهِ خِراو بیهَ لونهَ خِیالِم
مَلیچِک آوهَ لِیزِم تا گِـلاری

شاعر #کامی_کر_بیرانوند
#شعر_لکی
#صوتانه_خیر


کانال تلگرامی گلونی
🌹🌹🌹🌹


@Golvani_lak

مِه خِیر اَژ ویرِ تو خاپوره نِیرم
رفیقی تِر به خِیر اَژ هوره نِیرم

اگر ویرِ تو ئِه ویرم بِتوری
فقیریکِم گِه هویچِه توره نِیرم


ترجمه فارسی:
به جز یاد تو چیزی برای مشغول شدن ندارم
و غیر از آوای هوره همدمی در کنارم نیست

اگر یاد تو قهر کند و از خاطرم  برود
نداری هستم که هیچ چیزی در بساط نخواهم داشت.

شاعر #فرزاد_سیاهپوش
#شعر_لکی
#صوتانه_خیر

کانال تلگرامی گلونی
🌹🌹🌹🌹


@Golvani_lak

شَکت اَر پا بنارِ مالِ دوسم
خور باری یکی اِی حالِ دوسم

وتون یه شو وه بیکِش داسیَر بار
گری زاریمه اَر جامالِ دوسم

#اردشیر_قبادی
#شعر_لکی
#صوتانه_خیر

کانال تلگرامی گلونی
🌹🌹🌹🌹


@Golvani_lak

دل ها کَمِ آگر خم، زنی بریژ خم تونه
ای بنَ ها مل طالع مه رسن دریژ خم تونه


شاعر: #مهدی_کیانی_برخوردار
#شعر_لکی
#تک_بیت
#صوتانه_خیر

کانال تلگرامی گلونی
🌹🌹🌹🌹


@Golvani_lak

دواره خون ِ سهراوته منه مه
کلیلِ گنج ِ مهراوته منه مه

چو واگیژه مِنِت پیچاسه وژما
مَری هر گیژ و گرداوته منه مه

شاعر #حسین_نظریان (غریب_دلفانی)
#شعر_لکی
#صوتانه_خیر

کانال تلگرامی گلونی
🌹🌹🌹🌹


@Golvani_lak