‌‌دوبیتی لکی
گورئ گرتی دلی چوی برد بیمه
مه کویره زرگری بیم سرد بیمه

مه چوی دارئ اسیر تویل‌تکن بو
رنگم پریایه و روی زرد بیمه
#واحد_یاری
تویل تکن : از ماه‌های پاییز
گورئ گرتی : وابسته شده

‌‌دوبیتی لکی

چوکیامه اَر دِراخلتو چَمی بار
گُرّاوه بَستیه پام ، مَلهمی بار

هِناسل آخرینمه ، آکَه دَروَچ
ارا ای لاشه بی گیونمه دَمی بار
#واحد_یاری

چوکیامه = سرپا ایستاده‌ام
دراخل = درب و دروازه
گراوه = تاول زدن
آکه = باز کن
دروچ = پنجره

مه حالم حالِ هروارم نیه ده
شفق ار پی شوئل تارم نیه ده

اِ وختی ریشه داسی عشق اِ گیونم
پَلِ سوزی وه قئ دارم نیه ده
#واحد_یاری

دوبیتی لکی
#واحد_یاری

دلم چوی کویره گُرّ گُرّ ، آگِرَسئ
چوی باوه مِردئ پرتالل، شِرَسئ

هماری یه کوت اژ ایلاخه سینه‌م
پر ای دنگ مور و‌ کِز هوره چِرَسی
#واحد_یاری

‌‌به نام پروردگار...
اینک که دست طبیعت، بهار زندگی ما را به برگ ریزان خزان بدل کرد و گل سر سبد زندگی ما را به دیار باقی برد و روح بلند پدری مهربان، خیّر و نوعدوست (کدخدا حاج سبزخدا یاری از طایفه یارکه_ دلفان) را با خود به پرواز در آورد و به ملکوت اعلی فرستاد و همه را در ماتم و سوگ ابدی نشاند،
به حکم ادب و حق شناسی، بدین وسیله از همه عزیزان، سروران، دوستان، آشنایان، اقوام که بازماندگان را در تحمل این مصیبت یاری بخشیدند چه با حضور آرامش بخش و دلسوزانه خود، و چه از طریق تماس و ارسال پیام مارا مورد تفقد قرار دادند و مرهمی بر قلب داغدارمان بودند، صمیمانه تشکر می‌کنم.
همچنین نظر به این که به علت تألمات روحی فراوان و کثرت بزرگواران، قادر به قدردانی حضوری و تلفنی نشده‌ام، یک بار دیگر دست همه شما را می‌فشارم و می‌بوسم و دست دعا به امید اجابت به درگاه خداوند بزرگ بلند می‌کنم وسلامتی و بهروزی همه شما را از درگاه خداوند متعال مسئلت دارم.
از طرف : واحد یاری
#واحد_یاری

منه شعرا ، تونه نازا ، تو مورین
تو چوپی گر منه سازا، تو مورین

تونه دو چیم وه سا قیلی کموندار
قوشن بارم وه سروازا ، تو مورین
#واحد_یاری

کانال تلگرامی گلونی
🌹🌹🌹🌹


@Golvani_lak

بنیش أ گلونی واز ار دراخل
بهه ناز و بژن ساز و بی ار کِل

خره ماریم چوی کر داوت وه دورت
دو دسماله منو دو چیم و صد دل
#واحد_یاری



@Golvani_lak

اجرای شعر خوانی واحد یاری

در مراسم با شکوه و بی نظیر
آیین تجلیل و بزرگداشت شاعر گرانقدر و محبوب استاد کرم دوستی در شهرستان کوهدشت.

کرم , مانی رُخی‌کین زرگری کین
پژاره نویس و دم تقّه کری کین

تو نومه سگ و گرگت آوتیئر یک
وه بختم شاعرِ جادوگری کین

#واحد_یاری

کانال تلگرامی گلونی
🌹🌹🌹🌹


@Golvani_lak

اشکونته دل مه هنی آه مه ها پشت سرت
بو وه گنل زرد پتی نو‌چکر و تویل ترت

هتی قپونت عه دسم هتی که بوینه کولکسم
وتت عه سر آ که ولات مه تنیا مومه یاورت

وتت هنارست منم وی دنیا هر کست منم
هر منم و هر تو فقط مه مومه شال و خنجرت

وتت وژم مومه عصات باوه چیه ولکه دآآت
مه طلف نایو پر گرک وتت مه مومه مادرت

وتت دله ای مینگه بکن هر وه درو مدوم بخن
ولکه دیار و آو خاک وژم موعم وه کشورت

تونم نیشونه سا وژم تونم کرده خدا وژم
بینه رفیق نیمه ری بشکی جناح لشکرت

بی کس و‌ کز کور و کلیز کته شرم کلیک فلک
بویینه بچه بلاییکا خضو خدا عه نوم سرت

بنی خدا داخه دلت خم بوعه مهمو منزلت
بنیشی هر وه پاوه مور خوین بتکی عه چیم ترت

دل مه چو شیشه ریختیه تا ابد هر ها دس پات
تیر اجل بایه دیار آ رزنی بال و پرت

چیم مه چی تیم وهار خوینه ماواری ار رویم
چپالی عه فلک بیری بی ار رویت بهه کرت


بار وژت بستته تو بار مه لار و لنگ کتی
خدا مه ار نوم قه بنار بشیونی بار خرت

بخت تونی سی بو عه طور طالع منو تول سی ام
چاویته مه شر عه ریت کراس سی بو عه ورت

بچو کل عه دوما نیه عشقت عه ویر و دل چیه
هیز ده دسه آوار مه عه سَرِه مه بکن شرت

#واحد_یاری


@Golvani_lak

قوطی عطاریه عه زون رنگینه
دمت شیرین تره هرچی شیرینه

لکیکین که خدا رَشتینسی تو
گپت مصداق احسن خالقینه

#واحد_یاری
#شعر_لکی
#صوتانه_خیر

کانال تلگرامی گلونی
🌹🌹🌹🌹


@Golvani_lak

تو بوری زلفلت بی اَر دسِ وا
بپیچی بو حویرات وَ کُل جا

ایلاخ و گَرمَسیر کُل هانه دارا
که زلفت بو وَ کولا قاو دن اَر سا

ترجمه فارسی:
بیا و گیسوانت را به باد بسپار
تا بوی خوشش در همه جا پخش شود
مردان ییلاق و قشلاق همه در انتظارند
که از زلفت سایه سار درست کنند و آنجا حتی
برای یک لحظه توقف و استراحت کنند

#واحد_یاری
#شعر_لکی
#صوتانه_خیر

کانال تلگرامی گلونی
🌹🌹🌹🌹


@Golvani_lak

نه زلفی هَس نه کولایی نه سایی
نه دلداری ارا نیشتن وَ لایی

مه خرمونی خمم هر ها وَ کولا
نهت ار شنگه شنیارِم یه وایی

#واحد_یاری
#شعر_لکی
#صوتانه_خیر

کانال تلگرامی گلونی
🌹🌹🌹🌹


@Golvani_lak

وَ قیقاج و دل و گیون مامه لانت
وَ روی بالا وَ آسمون مامه لانت

مه تا وختی گه نیفه گیونی دیرم
وَ دس وَ پا وَ گوچون مامه لانت

#واحد_یاری
#شعر_لکی
#صوتانه_خیر

کانال تلگرامی گلونی
🌹🌹🌹🌹


@Golvani_lak