🔥🔥🔥🔥🔥🔥🔥🔥
#نصائح
#البدايات
نعود إليكم اصدقائنا بعد انقطاع لفترة❤️
رح نحكي بهي #الدقائق شو هي السادسة ونصايح شفتها عنجد من #ذهب خلال فترة السادسة بحيث بتطلع منها طبيب قادر عالمحاكمة الطبية وكيف تقضي أيامها وتتعامل معها
الرسالة طويلة وكنت رح قسمها على يومين بس تستحق بصراحة تكون رسالة وحدة بحيث تطلعو منها عرفانين شو تعملو شوو تتجبنو وتنظمو حالكن اكتر 👍
بسم الله 🤗❤️

1- #الشوامل (دورات الوطني الي ببيتا) هدول لازم نحلن كلن حتى لو في خلافات فين لانو الأفكار بتعيد بعضها وتحل خلال السنة طبعا مع الستاجات مع خياراتها وتعاد مع كل مراجعة للمادة ولا تهمل لانو الفحص طويل وبدو مرونة بالحل لهيك بدن تكرار وحط براسك ساعتين باليوم لحل اسئلة الشوامل أو بعد ماتخلص المادة بتفرم الاسئلة الخاصة فيها بيوم خاص(بالمناسبة البنوك غير مهمة ببيتا... )

2-أسئلة #الجامعات (نقاط فضية) غيرر مهمات واذا زاد وقت معك اطلع على آخر دورة دورتين الأحدث بكفي وزيادة خصوصي للجراحات (انا مافتحتن ابدا للأمانة ومالي ندمان)

3- #نماذج الوزارة شغلة 60 صفحة حلوين وسهلين ولازم ينحلو لاراحة الضمير بنزلو قبل الامتحان بفترة

4-#قبل_الفحص حط ببالك مراجعة مرتين ليلي بدو معدل فوق ال90(بفترة الانقطاع تقريبا) كالتالي :
عيف 90يوم تقريبا قبل الكتلة الأولى بحيث اول مراجعة تاخد 20 يوم لكل كتلة وتاني مراجعة 15 يوم لكل كتلة واخر 15/20 يوم هي لمراجعة الكتلة الأولى وطبعا هي الفترة لازم تكون ملخص وقارئ كلشي لازم يندرس ومهم ☑️

5-#المراجعة من المصدر الي اعتمدتو اول مرة ولا تغير إطلاقا بكل الأدوار مرجع يعني مرجع سكسيس يعني سكسيس.. ✔️❤️مشان الذاكرة البصرية رح تفرق معك بورقة الامتحان جدا 😉👍👌

6-#اول دور هو دور الفهم والتلخيص(لا تغلط وتبصم هلأ رح تندم لانو ببساطة قسم 100صفحة بجي منو ١٠ أسئلة لهيك البصم هون غلط وبنتسى) وهو الأطول وحل فين الشوامل(فترة الستاجات أو قبل بشهر ممتاز جدا ) متل ماحكينا بحيث تلخص 90% من مواد الوطني ☑️ جرعات أدوية ومقدمة تشريح وفيزيولوجيا للكب طبعا ♥️
اما تاني دور هو للبصم وهون بتحس حالك نسيان كلشي فيك تقول وبببلش الجد بمعدل ساعات بيصل ل١٢ ساعة باليوم وكترن معلش إذا بتحسن .... علم الشغلات البصمية مشان قبل الفحص وعلم الشي الشائع بعدا ادخلو بالتفاصيل

7- #معدل الدراسة اليومي والي بفضلو هو 4 ساعات يوميا (مافي شي اسمو ساعة ساعتين والله لا حدا يخرط عليكن يعني لتحمي دماغك بدك ساعة يااخي 😂😁) وزيدن شوي شوي لفترة الانقطاع مع يوم الجمعة عطلة وفياش واطلاع وغير جو معلش(اكتر سنة بطلع فيها مشاوير هي السادسة) وكلو لازم يكون منظم مع ضرورة الدراسة اليومية بالمعدل المذكور ☑️🤗وطبعا باقي اليوم متروك الك للستاج.لغة ألمانية، شغل،ترميم بعض المواد،أدوية، دورة ECG وغيرها....

8-#ركزو المهم + الشائع هدول مكررات دوما 👍☑️

9-فترة #الانقطاع = هي آخر 4 أشهر قبل الفحص يعني بالشهر 5/6 وهون لازم تكون ملخص كلشي وعرفان شو تدرس وشو للكب مشان ترتاح بالمراجعة

10 -حط #برنامج اسبوعي وعدد ايام معين لدراسة كل مادة (رح نبلش كيفية الدراسة وعدد أيامها ومصادرها الأفضل بحيث ماتاخد وقت على حساب غيرها ومع شو تندرس قريبا بعد ماتخلص سلسلة النصايح) وحط ببالك علامة ال90 بدها خبرة التنقل بين الصفحات والمرور السريع عالشي المهم

11 -#هام_جدا في فترات بالسنة تعتبر فترة برود الهمة للطالب متل شهر رمضان أو الأعياد... هون فيك تستبدل حل الدورات على الدراسة النظرية وتريح حالك (أو تعمل متلي عملت رمضان كلو عطلة ورواق وعبادة لاني بلشت وضغطت حالي قبلو بحيث وصلت لعندو تقريبا مخلص ٧٥٪ من المواد)

12-مافي شي اسمو #إعادة كاملة لكلشي قبل الامتحان راجع فقرات الشوامل الأكثر تكرارا مع بيتا وحاج والجداول مهمة بكل المراجع ولا تهمل إطلاقا وسؤال فحص حتى يثبت العكس 👍👌

13 -اغلب الطلاب وهو برأيي الأفضل انو تبلش #داخلية مع أطفالها بعدا جراحات وعيادات ونسائية (خلص قسم الباطنة مع أطفالها مع جراحتها متل هضمية باطنة أطفال جراحة عامة مع بعض لانو في ترابط كبير بيناتن)

14 -#المقابلات عيف يوم يومين قبل المقابلة ولا تعطيها اهتمام كبير تترك الوطني مشانها ☑️👌😅

15 - كل يوم #بتقرأ حالات سريرية من Uworld / Amboss تماشيا مع مادتك الي عبتدرسها اربع خمس حالات يوميا ممتازين عااالمدى الطويل ورح تفرق معك ❤️👌☑️

اخيرااااااااااا 🔥🔥 السنة طويلة واذا مانظمت وقتك فيها رح تبلش تحس بتأنيب الضمير والملل والخوف وهاد مو لصالحك ابدا

رح نكفي بكرا ان شالله بالتعريف عن كل مرجع بالتفصيل ومنين ندرس وشو الاهم الي بستاهل ندرسو
الي عندو استفسار ممكن تتواصلوا على بوت القناة الجديد بما يخص أسئلتكم عن السادسة ورح يكون معكم الدكتور #سعيد والدكتور #ناصر من أوائل الدفعة 50 وبمعدل 92 و 94 بالوطني ❤️
@golden5minuten_bot

#سوادس_الدفعة_2024
#سلسلة_التعريف_بالوطني
#داخلية_قلبية ☑️🔥🔥🔥☑️
المادة الدسمة والمحببة واكتر وحدة عليها شغل 💪
مادة فهمية بالدرجة الأولى....البصم فيها مضيعة للوقت ومستحيل حرفيا 😁🤞
المرجع يحتاج لترميم وتفسير المبهم وإكمال النواقص الهامة
إضافة انو المادة لازم تندرس مع الأطفال خاصة الامراض الخلقية كون في ترابط كبير فيها
مع قسم الجراحة القلبية بتطلعو مسكرين المادة فهم وبصم 🤞🔥
طبعا هاد الشي رح ياكل جهد ووقت إضافي اذا حابين تتوسعو بالمادة من كذا مصدر سواء منهج الشام او امبوس وغيرن ....
طيب شو الحل دكتور بدنا شي شامل وفهمي ويغنينا عن ايا مصدر تاني ؟؟!!!
بحب خبركن انو هاد السؤال هو محور وهدف فريقنا #الميدبوس❤👍
تحضير نوط على مستوى رفيع بحيث نضمن الشمولية التامة (مرجع + توضحيات+ إضافات هامة+ شوامل واخيرا ماهو مهم من دورات الجامعات😍😇🔥)
لهيك جبنالكن الحل مع نوطة ااميدبوس داخلية قلبية مع الأطفال....🤞❤
حوالي ٢٠٠ صفحة تغنيك عن ايا مصدر اخر بإذن الله
موضحين الفقرات المهمة من الاقل أهمية من الفقرات الفهمية مشان تسهيل إعادة الدراسة😉💙وهيك بتكونو ختمتو كلشي قلبية بالوطني حتى الي اساسو ضعيف فيها
بالنسبة الي حابب يعتمد عالمرجع👇👇❤❤
ممكن تقرأ سريعاً منهاج ملحيس وماردنلي للمواضيع الدسمة متل القصور والACS
الصمامات متوسطة الأهمية وناقصها كم شغلة كملن من المصادر الي ذكرناهن مسبقا ☑️
الضغط والتامور والشغاف جيدات بالمرجع
اضطراب النظم اقل أهمية (والعلاج فين كتير مهم)
أطفال القلبية لا تستبحر فيه احفاظ الأساسيات ولا تدخل بالتفاصيل كتير

المدة اللازمة لانهاء القلبية بكل مراجعها هي 10 ل12 يوم
عدد الأسئلة ١٢ ل١٥ سؤال
خلصو القلبية وبوشكن عبيتا طبعا متل مااتفقنا سابقا بالبوستات 💪👌مع قسم الأدوية الخاص فيها بتطلعو مسكرينها ☑️🔥

لأي سؤال فيكن تتواصلو على حسابي الشخصي ❤
بالتوفيق ❤️❤️

#سوادس_الدفعة_2024
#سلسلة_التعريف_بالوطني
#داخلية_هضمية☑️🔥☑️
رح نزيد عدد البوستات اليومية مشان تتعرفو عالمواد اسرع ونبلش ننزل برنامج لتحسنو تبلشو فيه وتمشو عليه عالمرتاح ❤️
ماتاكلو هم الوقت لسا مريح ورح نسرع الوتيرة بناء على طلبكم  ☑️💚
الهضمية مرجع كافي وبدها مراجعة كون الأسئلة دقيقة على نمط أسئلة دكتور بشير مبيض

التفريق بين الحبن الرشحي والنضحي مهم أيضا وسؤال امتحان تقريبا سنوي
حمى البحر المتوسط موضوع مشترك بين الجراحة والعامة والهضمية ادرسوه

بعد هدول روحو عالجراحة العامة بتلاقو ترابط كتير كبير وعينو الشي الخلافي بيناتن مشان ماتضيعو وقت بين الكتلتين على شي دارسينو بالباطنة
الهضمية تحتاج ١٠ ايام
الجراحة بدها ٧ ايام
بالنسبة للترميم المادة بصراحة ضخمة وعادة اسئلتها اقرب للبصم
نوط الميدبوس عملت نوطة للهضمية وشملنا فيها إضافات خارجية مهمة مع وضع كامل مرجع الهضمية دافيدسون ضمن النوطة مع الشوامل🤞❤
الجراحة العامة منحكي غليها مع الجراحات...
الي مستعجل يدرسها ميدبوس أشمل ملخص نازل بما يقارب ١٤٠ صفحة وهي تلخيص لمنهج الشام
رح تتوفر بالمكاتب بنسخها المحدثة بعد اول كتلة ان شالله
مدة الدراسة ١٠ ايام
عدد الأسئلة ١٢ سؤال
لأي سؤال ماتترددو وانا جاهز ❤️
رح اكتر منشورات هالفترة مشان الي حابب يزبط امورو ويبلش بالدراسة
عينكن عالقناة 💚🔥☺️
بالتوفيق ❤❤❤

#سوادس_الدفعة_2024 ❤❤❤
#سلسلة_التعريف_بالوطني
#داخلية_صدرية☑️🔥🔥☑️
المرجع كافي ووافي كامتحان
اما كفهم وترميم رح تتعذبو فيه كون مافي شرح زيادة ومكتفيين بذكر الأساس، خاصة طلاب حلب المنهاج مختصر كتير عندكن لهيك في عذاب بترميم المادة

في امراض اخر القسم متل الاسبستوس وتغبر الرئة بتوجع الراس (قراءة سريعة لا تخافو منن)

تمييز الانصباب الرشحي عن النتحي #هام جدا ومن الأمور الغير مشروحة بالمرجع وسؤال فحص سنوي كمان
الربو COPD ذات رئة السل هدول اساس الصدرية وحلوين كتير بمعرفة الباثولوجي فين
نوطة الميدبوس الصدرية رح تكون شاملة لكلشي حكيتو بحيث نخلص المادة مرتاحين منها فهم وبصم مع تنويه عالهام الخارجي
من يريد التوسع مصادر التوسع ذكرتها بالبوستات السابقة
الصدرية تحتاج ٤الى٥ ايام
عدد الأسئلة ١٠ ل ١٢ سؤال

اخيرا الصدرية من المواد الهامة سواء للوطني أو للاسعاف والاختصاص لاحقا شو ماكان فرعك
بنصحك ببناء اساس قوي ومتين بهيك ايام حتى تدخل الاختصاص بقاعدة قوية 👌❤🤞

رح نمشي بمواد دموية كلية رثوية بإذن الله بين المسا وبكرا 👌

دورات الوطني لسا بكير عليها...إذا بدي افتح لاخر الشهر ١٠ لوقت اخلص من دفعة ٢٠٢٣
لايا ملاحظات فيكن تتواصلو على حسابي الشخصي جاهز ان شاءالله ❤
بالتوفيق 🔥❤

#سوادس_الدفعة_2024
#سلسلة_التعريف_بالوطني
#داخلية_كلية 👌❤☑️
معلومات المرجع كافية
يفقد عامل الشرح ....متلو متل ايا داخلية بالدافيدسون والكلية من المواد المهمة المرتبطة بالقلبية وفيها حالات اسعافية حلوة ومهم واحد يفهمها صح
لعلامة 95 ادرسو RTA وفانكوني مع انو قلال الأهمية بس لاراحة الضمير معلش😂👌✌️
بحث الشوارد والمخبر قراءة والباقي تسبيح...🏊‍♂️

ركزو أعراض فرط نقص الشوارد وتدبيرها واهم شي تدبير فرط الK الاسعافي سؤال فحص ياجماعة 👍☑️

فريق الميدبوس كان هدفو وضع نوطة كلية من العيار التقيل👌❤ نوطة ترميمية مع شروحات واضافات خارجية بحيث تندرس للوطني + جماعة الخامسة الي بدن أساسيات المادة

مدة الدراسة ٦ إيام وبتطلعو مختمينها👌❤️
عدد الأسئلة ٦
بالتوفيق 💚

#سوادس_الدفعة_2024
#سلسلة_التعريف_بالوطني
#داخلية_دموية 🔥🔥❤❤
المرجع يحتاج لترميم لفهم الاليات كاملة
الداخلية الدموية تحتاج فهم +بصم وتعتبر من الداخليات الهامة وترمم وتدرس مع قسمها الأطفال (تلاسميا ومنجلي) 👌👍
بمثابة القلبية كمادة تحتاج لفهم آليات التخثر إضافة لأمراض البيض (ابيضاضات)والحمر (فقر دم وانحلالات) وكل وحدة من وين تنشأ....
لعلامة ال95😉 فيكن تتوسعو بالأمراض التالية :✌️💪
فقر دم الارومي الحديدي
فقر دم فانكوني ودياموند شواخمان
فقر دم لا مصنع وأخواته
بيلة PNH
تحتاج المادة  ٤ إلى ٥ أيام ✌️😁
عدد الأسئلة ٦

لأي سؤال فيكن تتواصلو معي عالخاص أو إكتبو بالتعليقات شو ببالكن استفسارات
ماتنسو هاشتاغ #سوادس_الدفعة_2024 فيها كلشي هام لكل حدا حابب يبلش هالايام
بالتوفيق ❤️😍

#سوادس_الدفعة_2024
#سلسلة_التعريف_بالوطني
#داخلية_عصبية✌️🔥❤️
بوست اخر الليل لتسريع عملية تعريف المواد حسب طلبكن و مشان نبدأ بتنزيل خطة دراسية مرتبة والبدء بكورسات الوطني ان شالله 👌💙

بالنسبة للباطنة كمرجع يعتبر من أضخم المواد بالتفاصيل الاختصاصية والمشتتة ومن الصعب حدا يستوعبها او يبصمها
لهيك ركزو الشي المهم والفقرات المتكررة بالشوامل(والباقي قراءة سريعة حاج)
يعني بمعنى تاني قراءة لكلشي وثبتو وراجعو فقرات الدورات مع تلوين بعض المعلومات الغريبة الي بتشوفوها هامة😁✌️لانو ببساطة المرجع ضخم جدا نسبة لعدد أسئلتها وبدوخ الواحد 🙈😅

تحتاج ٤ ايام
عدد أسئلة ٤
بالنسبة للميدبوس العصبية ....النوطة عملتها على قسمين
🔵قسم هام وفيه فقرات الشوامل مع الشوامل مع إضافات خارجية محتمل يجي منها ومحببة من أطباء العصبية
🔵قسم اقل أهمية وشملت فيه تتمة أمراض المرجع كاملاً الي حابب يدرس كلشي
طبعا القسم التاني تفصيلي اختصاصي ومااجا منو ايا سؤال طيلة السنوات السابقة
عملتو مشان الي حابب يحرق المادة بأول وجه ...😁💙👌
طبعا بالاعادة مابنصح بهاد الشي ويكتفى بالقسم الأول الهام

بالتوفيق ❤️

#سوادس_الدفعة_2024
#سلسلة_التعريف_بالوطني
#داخلية انتانية 🔥❤
الباطنة ادرسو 5/6 أمراض هدول الشائعات متل التيفية مالطية كزاز سفلي ملاريا سيلان.... من أي ملخص بكفي حكينا هالحكي سابقا مع بوست الأطفال وتدرس المادة مع الأطفال
(المرجع ضخم جدا الي بدو ٩٩ يدرس كل الانتانية🙂✌️)
Ecoli HIV المبيضات
هدول كمان مهمات
طفيليات ديدان  مابجي منن طبعا
الدكتور زين اشتغل نوطة الفريق وقسمها ل٣ اجزاء جزء اول فقرات الشوامل والهام جزئين تاني وتالت اقل أهمية الي حابب يدرس كل الانتانية
تحتاج ٤ ايام بعدد أسئلة ٢ل ٣✌️❤️

#داخلية غدية 🔥❤
مادة فهمية مع بصم
الباطنة مرجع حلو ومابدو توسع كتير
السكري ثبت فقط الفقرات الهامة✌️👌
اهم شي التشخيص علاج أدوية اختلاطات... وكلشي جداول طبعا مهمة 💪
بس بشكل عام حرام تاخد وقت على حساب غيرها اسئلتها قليلة ومكشوفة الفقرات
تحتاج ٤ إلى ٥ أيام 😁✌️❤️
عدد أسئلة ٤ ل٥ أسئلة

هيك منكون خلصنا السلسلة الشاملة لمواد الكتلة الأولى تحت هاشتاغ #سوادس_الدفعة_2024
رح نكفي بالكتلة التانية ان شالله بعد كم يوم

بالتوفيق ❤❤

مساء الخير جميعا ❤❤
مشان الكورس القادم
الكورس الأول من نوعو للمادة 🔥🔥🔥

#داخلية_رثوية ان شالله ❤❤
السبب انو الدموية لسا ماوصلت لجميع المحافظات وممكن تصل الاتنين لهيك مشان نمشي مع بعض مادة مادة بدون تضارب
كلمتين عن الرثوية .....
مادة حلوة ومهمة ...عدد أسئلة ٦ بالامتحان ...جااااااافة جدا وفيها من المعلومات الكثير المخفية بين الأسطر
الكل متفق انو تعتبر مادة صعبة بالدراسة كأول وجه وتحتاج لمعرفة أساسيات المادة حتى تنطلق فيها متلها متل بقية المواد ...
طيب شو رح نعمل نحنا بالكورس؟؟؟
بكل بساطة إضافة لمنهج الميدبوس ....رح ناخد المادة بنظام الامبوس ....متل تصنيفها فيه ونضيف أدوات ربط الخاصة بالمادة لسهولة الربط والتذكر
بوعدكن رح تختلف نظرتكم للمادة بعد الكورس ...

السعر ١٥ الف فقط ...بحال الاشتراك بمادتي الكلية والرثوية يصبح السعر ٢٥ الف مع خصم إضافي داعم لجميع المشتركين بالكورسات اللاحقة.

خبرو بعض .....بالتوفيق ❤❤