قناة مختصة بالسوادس والتعريف بالوطني خطوة بخطوة بأبسط شكل ♥️
سلسلة تعريفية عن مواد الوطني تجدونها ضمن القناة بهاشتاغات مذكورة بالاسفل👌✌️
#هاشتاغات
#وطني_الجراحات
https://t.me/golden_minutes/106

#وطني_نسائية_توليد
https://t.me/golden_minutes/97

#النسائية
https://t.me/golden_minutes/103
#التوليد https://t.me/golden_minutes/98


#وطني_عيادات
https://t.me/golden_minutes/91

#الاذنية
#العينية
#جلدية

#وطني_أطفال1
https://t.me/golden_minutes/88

#أطفال2(الشرح مدموج مع رسائل الباطنة)

#مرجع_دافيدسون
https://t.me/golden_minutes/115

#وطني_باطنة_جلدية
https://t.me/golden_minutes/86
#وطني_باطنة_انتانية
https://t.me/golden_minutes/68
#وطني_باطنة_عصبية
https://t.me/golden_minutes/74
#وطني_باطنة_غدية
https://t.me/golden_minutes/77
#وطني_باطنة_رثوية
https://t.me/golden_minutes/60
#وطني_باطنة_كلية
https://t.me/golden_minutes/58
#وطني_باطنة_دموية
https://t.me/golden_minutes/55
#وطني_باطنة_صدرية
https://t.me/golden_minutes/51
#وطني_باطنة_هضمية
https://t.me/golden_minutes/49
#وطني_باطنة_قلبية
https://t.me/golden_minutes/45

#نصائح https://t.me/golden_minutes/40

#دقيقة_من_ذهب
https://t.me/golden_minutes/67
https://t.me/golden_minutes/104
https://t.me/golden_minutes/121
#مصادر_توسع_وطني https://t.me/golden_minutes/44🤗🤗
#تطبيق_BMJ
https://t.me/golden_minutes/166
#الامبوس
#الفحص السريري
https://t.me/golden_minutes/204
#تجربة_د_سعيد_العبدالله
https://t.me/golden_minutes/63
#تجربة_الدكتور_ناصر
https://t.me/golden_minutes/125
#خطة_الدراسة
https://t.me/golden_minutes/130
#نصائح_الختام لطلاب الدفعة ٢٠٢٣
#التعامل_غدآ_بورقة_الامتحان_هام_جداً
#للتواصل 👇👇
رابط القناة
https://t.me/golden_minutes
@NasserJasahra
@SaeedAlabdullah
@golden5minuten_bot

بسم الله الرحمن الرحيم
#تجربة_الدكتور_ناصر 🔥🔥
معكم الزميل #ناصر، خريج جامعة حلب بمعدل تراكمي 91 وبالوطني 94 الحمدلله
بلشت بالتحضير بداية السادسة.... بنص ال12 بمعدل 4 ساعات باليوم وزادو بفترة الانقطاع(كنت ادرس يوميا بعد ال٨المسا وقت فاضي فيه ومرتاح ورواق بالنسبة الي ✌️😁)
اعتمدت على ملخصات mri بكلشي بواطن أطفال عيادات نسائية جراحات (مابحب منظر المراجع برتعب والله 😂😂💔)
هدول الملخصات نفسن المراجع بحرفيتها وتحتاج #لتلخيص طبعا لخصو قد مافيك انتو
خلال شهر 11 قارنت بين المراجع والملخصات الموجودة وشفت MRI نفس المرجع وأفضل الموجود بين الملخصات فقررت اعتمد عليهن وتوكلت على الله ✌️❤️
بلشت بشهر 12 بواطن مع أطفالها واخدو مني وقت جيد لنص الثالث مع فصفصة حرفية من مصادر متنوعة ذكرتها بقناتنا فوق 👌✌️بعدها شديت عالعيادات وقضيت شهر رمضان عطلة عن الدراسة 😁
ثم نسائية بالخامس وجراحات أخيراً
اهم مصدر دراسي خارجي اعتمدتو هو #الامبوس كنت معتمد عليه خلال السريريات
*طبعا بكل الدراسة بيتا مع كل دور
*فيديوهات ماهر علي كويسة وبمشي مع الباطنة
*الي عندو مشكلة بالتلخيص فالنقاط فين زبدة ممتازة تفي بالغرض تقريباً بخصوص هالموضوع وكلو موجود بغروبات السوادس
*في مواد حرام تندرس كلها (ذكرتن بقناتنا فوق ومنن الغدية عصبية) بكفي فقرات مع بعض الأفكار الي بتشوفوها مهمة.... بالمقابل قلبية هضمية صدرية تُدرس كاملةً معظم الاسئلة منها ❤️✌️
*كل باطنة ادرسو معا ادويتها وأهمها القلبية 👌❤️
بالدور الأول قراءة فهمية مرة مرتين لكلشي وركزت فقرات الشوامل... لخصو قد مافيكم خدو الزبدة من كل مرض لا تطمعو وتدرسو كلشي رح تندمو باشهر الانقطاع.... لانو بكل بساطة المادة الي رح تدرسها ب١٠ ايام برياحة مثلا خلال السنة لازم تخلصها بيومين خلال مدة الانقطاع!!! لهيك بدكم شي ملخصينو انتو وجاهز بوقتها ياجماعة ✌️😉❤️
*بالايام القليلة قبل الكتلة اضغطو حالكم شوي لتحسنو تعيدو اهم الفقرات ومررو نظركن على كلشي هام
*ادرسو النوطة وروحو عتصنيفات بيتا وشوفو وين غلطتو وفقرة السؤال وركزو السؤال الغلط 👌بيتا اهم من النوط والمراجع يااخي!! ✌️
بنص السادس كنت مخلص قراءة كلشي مواد ومحدد كلشي مهم عالنوط. اخدت راحة كم يوم بعدها ب٢٠ /٦ بلش الجد بالدراسة لاخر يوم بالفحص 👌❤️حطيت شهر كتلة أولى ثم شهر كتلة تانية وكملت بالباقي كتلة أولى ليوم الفحص.
ملخصات mri بتوفر الوقت والجهد بشكل كتير كبير واسالو الي اعتمد مراجع ضيع وقت بحر 💔فين كلشي شوامل وملاحظات خارجية وهاد شي بحتاجو طالب السادسة 👌🔥إضافة لصعوبة استخراج النقاط المهمة من المراجع كون النمط سردي بحت 😇
#شغلات تانية عملتها خلال السادسة 👌❤️:
عمل خفيف 💼
الماني(للشهر الخامس وقفتو)
ترميم الضعف ببعض المواد وادوية
دورات ECG وصور شعاعيةو icdl ورضوض...
تتمة فصفصة مكتبة الامبوس ❤️
استقريت عاطفياً عقبال عند العزابية 😂😂❤️......
كل مابلشت بكير ولخصت صح... رح تضمن راحة نفسية بالاشهر قبل الامتحان.... لهيك ركز من اول السنة 🤗👌♥️
الدراسة اليومية #هامة_جدا وكل يوم انقطاع عن الدراسة مقابلها كم يوم ضياع وعذاب
عيفو يوم عطلة وفياش متل الجمعة أو ادرسو فيه ساعة ساعتين بس ✌️🤗واطلعو غيرو شكل سنة طويلة ريحو حالكم فيها تمشورو لا حرج وكلو ضمن أصول وتنظيم طبعاً 💪✌️😊
الحمدلله الأسئلة اجت متوسطة وسهلة باستثناء الأطفال الي اساسو جيد فيه حسن ينفد
علامتي اجت فوق توقعاتي بعلامتين الحمدلله بفضل الله 😊❤️
#خطة الدراسة رح تنزل بكرا او بعد بكرا بإذن الله ورح تكون شاملة لكلشي وتناسب الجميع مع الراحة والاصطهاج 😂فلا تاكلو هم 😉✌️❤️
حسابي الشخصي لأي استفسار إذا بتحبو
@NasserJasahra

جمعة مباركة للجميع 😊❤️
صباح يوم الالف مشترك بإذن الله وبوقت قياسي جدآ 🤗وهاد دليل أهمية وقوة أسلوب المحتوى بالنسبة الكم 😇👌
بدنا دعمكم اصدقائنا بنشر رابط القناة لتعم الفائدة للسوادس🔥✌️
ماتنسو #خطة_الدراسة رح تجهز اليوم المسا ان شالله 🔥🔥🔥
بالتوفيق 💪🤗

#البوست_المنتظر🔥🔥🔥
#اكتر_طلب_وصلنا_عالبوت
#خطة_الدراسة🤗❤️
اول شي بحب اتشكركم على ثقتكم الكبيرة بالقناة من خلال طلب خطة دراسية تعرفو من خلالها تقسمو أشهر السنة وهاد بعبر عن عربون الثقة والأمان مع قناتنا☺️وان شالله يارب نحسن نكون سبب بالراحة خلال سنتكم الأخيرة 🔥❤️
اول الشي هي الخطة من شغل الدكتور ناصر.... قسم المواد والاشهر بطريقة تناسب الجميع 👌الفارش والنيرد 😉✌️
بجوز خطة زميل آخر احسن منها... لا حرج واشتغلو بالخطة الي بتنال اعجابكم ووظروفكم الخاصة... يعني ماضروري تتقيدو بخطة فلان فقط.... انا قرأت كتيير خطط وعملت خطة تناسبني بالاخير وتناسب أوقاتي.... شغلة نسبية أصدقائي ❤️👌
خطة الكتلة الأولى انو تمشي كل باطنة مع أطفالها.... اتفقنا هيك اسرع واسلس❤️
منجي عالمهم ✌️🔥 عملت 3 خطط راعيت فين كل فئات الطلاب!!!
الفارش🥳
والنيرد الي بحب يخلص اول العالم الي قلبو حامي😎
والحاملين مواد 🥺
والي قلبن بارد كمان بحبو يدررسو برواق 🤓🤩

#خطة رقم 1👨‍⚕️👩‍⚕️
(الرواق والهادي 🔥♥️🔥)
١٢/١٧ ل٣/١ هي كتلة أولى حوالي ٧٠ يوم مقسمة كالتالي :
١٢ قلبية
١٠ هضمية، ٧ صدرية
١٨ يوم لمواد ( دموية، رثوية،كلية_ستة ايام لكل وحدة)
١٢ يوم لمواد (عصبية غدية انتانية_اربعة لكل وحدة)
٥ أيام لاطفال ١
٦ ايام الجلدية
وفي كم يوم راحة إذا بتلاحظو بالجمع هي الكن هدية مني ليكوو😎😂
٣/١ل٣/٢٢ توليد نسائية
بعدها بجي شهر رمضان مع العيد❤️😌شهر اشتغلو فيه اذنية عينية(حوالي ١٢ يوم وأقل) وممكن بيتا وممكن ترميم مواد وعطلة عيد وراحة وعبادة الي بدكم ياه بالباقي.... 😇😁
٥/١ ل٦/١ جراحات مقسمة كالتالي :
٦عامة، ٥ عظمية ٥ بولية، ٩ باقي الجراحات، وفيكم تغيرو بالايام على كيفكم لا حرج في وقت كافي وبرياحة ااذا بتلاحظو 🤗😊

#خطة رقم 2👩‍⚕️👨‍⚕️
هي للحملة.... على فرض حاملين ٤ مواد الحد الأقصى طبعا فمنحط لكل مادة ٤ ايام تقريبا يعني صارو ١٦ يوم فمنزيح البرنامج السابق نفس الفتره بصير بتخلصو ب 6/15... ممكن تحسو بضغط أكبر انتو بس ربنا بعين 🥺🤗طبعا الي بخلص أبكر حلال عليه وبعدل البرنامج حسب شو عندو والي عندو مادة وحدة مايبرك يعمل لحالو ٤ مواد ويبرك اصطهاج 😅لا صديقي لا تضيع وقت وخليك صريح مع نفسك 😂😉✌️

#خطة رقم 3
الي بدو يدرس حتى برمضان 👌🔥
هي للنيردات 😇😌كالتالي ✌️👌:
١٢/١٧ل ٣/١ كتلة أولى مع جلدية طبعا
ل٣/٢٢ توليد
ل٤/٥ اذنية عينية واذا فيك تقرأ جلدية عالسريع كتر خيرك يااخي🥳🤓
ل٥/١ جراحات ✌️🔥♥️

#هوامش_لازمة✌️💪♥️
*طبعاً بكل ماسبق الي بيخلص قبل وابكر بتسحبو البرنامج لورا.... لا تبركو تضيعو وقت يااخي.... لا تستنو تخلص ال١٠ ايام قلبية إذا خلصتوها ب٨ ايام!!! إذا لحقت أبكر روح لغير مادة مباشر..... ومشان إذا لا سمح الله صار معك شي (سفر مرض موجة اكتئاب سهرة أعراس....) يكون عندك وقت لتعوض هيك فترات ومايخل برنامجك!! يعني خلي يكون الك ايام مايكون عليك كسر ايام!! ✌️♥️
*الالتزام اليومي ضرورة ياجماعة 💪🔥
*لاحظتو كيف عامل راحة بالايام جيدة... كلو مشان ماتضغطو حالكم وتحسو بالملل
*فيكم تلعبو بالايام كيف بدكم.... يعني بتحسن تخلص صدرية ب٦ ايام وتحط اليوم السابع ضيفو للعصبية إذا مالحقت معك.... المجال موجود اشتغلو فيه كيف بدكم ضمن هالمجال لما تضيعو ايام عالفاضي 💪♥️
هي كلشي بخص الخطط الدراسية 😁
بعتذر عالاطالة بس بناء على طلبكم حطيت لكل الاحتمالات وانت نقي الي بناسبك واشتغل عليه 😌♥️
ياريت نشر رابط الخطة لتعم الفائدة ♥️
رابط حسابي لأي سؤال عن الخطة الدراسية
@NasserJasahra
ولاي سؤال بخص السادسة وغيرها فيكم تتواصلو على بوت القناة بوصف القناة ✌️♥️
الوجهة القادمة منحة الامبوس بناء على طلبكم 🔥🔥🔥بعدها في شغلات حلوة جدا رح نقدمها عالقناة بإذن الله بما يخص السادسة والترميم بشكل عام ♥️✌️
بالتوفيق ♥️♥️

#خطة_الدراسة (دورة آذار) ✌️🔥✌️
خطة اسعافية لجماعة آذار شاملة لكلشي خلال الوقت المتبقي بحيث تضمنو من خلالها أعلى علامة ممكنة بإذن الله💪😇
بالنسبة لاسئلتها بتجي أصعب من الكتلة الأساسية بشوي ومعدلاتها اقل من معدلات دورتنا....
خلينا نقول البداية هي:
ب١٢/٢٠ ل ١/٢٥ هي كتلة أولى كالتالي
١٢ يوم (قلبية هضمية صدرية، أربعة لكل وحده)
٩ ايام (دم كلية رثوية، ٣ لكل وحدة)
٢ انتانية
٣ عصبية
٣ غدية
اخر تلاتة بكفي فقرات ودورات
أطفال ١ يومين
كبد يوم
جلدية ٤ ايام

من ١/٢٦ ل٢/٢٧ كتلة ثانية كالتالي
١٢ توليد نسائية
٨ اذنية عينية
جراحات ( ٤ عامة، ٢ عظمية، ٢بولية،٤ للباقي وركزو بالجراحات فقرات والدورات بكفي 💪❤️)

هيك منكون درسنا كلشي وطني وشوفو أيمت لينزل موعد الامتحان وادرسو بالايام المتبقية للفحص .. 👌✌️

ياريت مشاركة الخطة مشان الي لسا محتار يعرف كيف يبلش 🔥🔥

لأي سؤال ماتنسو البوت الخاص بالقناة وماتنسونا بمشاركة رابط القناة لتعم الفائدة 💚

بالتوفيق ❤️❤️

السلام عليكم 😌
#سادسة #نصائح #خطة_ليس_لها_علاقة_بالوطني
أصدقائنا طلاب السادسة هلأ بلشت سنتكم والكل فايت متحمس وبدو يخربها دراسة وفهم وحالات وجولات مشافي وعمليات قلب مفتوح... الخ
بدايةً هدوا شوي، كتير ناس كانت هيك وأخر شي طلعت من السادسة متل ما فاتت فيها 😷
هذا البوست هو اقترح خطة دراسية لحتى تبني معرفة طبية جيدة بالسادسة وترمم ما سبق بطريقة جيدة، ولن نتطرق لأي مواضيع تخص الوطني أو المقابلات.. وإنما بوست علمي بحت للناس يلي بدها تفهم وترمم وتكون مشروع طبيب/ة ناحج/ة 😌

الخطة الأساسية لكل طالب:

1. دراسة كتاب Master the Boards (MTB):
هو كتاب موجَّه لاجتياز امتحان المعادلة الأمريكية step 2، لا تغركم الكلمات المنمقة، الكتاب سهل الدراسة وحلو وسلس (سهل ممتنع)..
ليش اخترت هالكتاب بالذات؟ الكتاب سهل، بجاوبك عل الأسئلة المحورية (امتى أتوجه/أشك بالمرض؟ شو أفضل اختبار بدئي لازم تعملو؟ شو أدق اختبار لتشخيص المرض؟ شو خط العلاج الأول؟)، وهي المعلومات لازم تكون عندك عن كل مرض..
+ الكتاب معه فيديوهات شرح الو (شرح سريري أكثر من آليات مرضية) مشجعة جداً على الدراسة، وفي حال الواحد مالو خلق يقرأ الكتاب برأيي مشاهدة الفيديوهات تغني عن قسم كبير من الكتاب وهو شي كافي (أحسن ما تقول بدي التنين ومالك خلق أبداً، وما تمشي بشي بالأخير، شيء أفضل من لاشيء).. طبعاً الفيديوهات مع الكتاب بكون ممتاز وأفضل.
هاد المحور الأساسي بالدراسة إذا بتلحقوه بالذات بالداخلية بكون ممتاز جداً.
اديش لازم ادرس منه باليوم؟ 1-3 فيديوهات (واحد يكفي، 3 خارق، المادة كلها بتكون 10 فيديو مثلاً).
رابط يحوي الفيديوهات
https://t.me/c/1359910057/1173
واشتركو بالقناة لتصلو للرابط....
http://t.me/+_1zjmn2OLHMxNjg8

2. إذا بدك تطبق معلوماتك على حالات سريرية فعليك بأسئلة الستيب 2 (uworld)، هي دورات الفحص يلي حكينا عنو فوق، هي الأسئلة سريرية بحتة وورا كل حالة في حلها وشرحها...
أفضل مصدر للحالات السريرية هية هي الأسئلة، بتطبق المعلومات يلي تعلمتها بالmtb وبتعلمك كيف تفكر وكيف تتصرف وبتعطيك قاعدة نظرية قوية (فيها معلومات إضافية طبعاً)..
طيب أديش لازم حل منها؟ برأيي كل يوم 1-3 حالات فقط، لا تعمل سوبر مان وبدك تحل عشر حالات باليوم، لح تفرش صدقني وما لح تكمل... حالة باليوم كافية مع الاستمرارية لأشهر، خير الأعمال أدومها وإن قل.
ملاحظة: هي الأسئلة عددها يسعى للانهاية😂 يعني كل سنة بينزل بكل مادة بلاوي أسئلة، فلا تفكر أنك بدك تخلصها كلا، لا الفكرة بس تحل كل يوم عدد من الحالات إلى أن تضيق بك الدنيا والوطني يكبسك وقتا بتصير بتحل أسئلة وطني.

3. بحال مريت بأمراض/معلومات ما عرفت تفسيرها أو شرحها أو آلياتها (ولح تمر بكتير هيك مواقف، هاد الشي الطبيعي) راجع اي مصدر (أسوأ الأحوال ويكيبيديا بكفي، لا تعقدوها كتير)، في مصادر مفيدة بهالمجال أهمها first aid step 1.

إذا طلعت بهالمصادر بتكون وحش وبترمم بلاوي وبتكون عم تبني حالك بشكل صح. والله يعطيك ألف عافية يارب 😌

بالنهاية.. الله يوفقكم يارب ويسرلكم ويبارك بأوقاتكم، نحن بحاجة لأطباء فهمانة ومنعول عل كل دفعة تستفيد من يلي قبلها علمياً ومعلوماتياً لحتى تكون كل دفعة أحسن من يلي قبلها وهذا ما نتمناه 😇
ولا تنسونا من صالح دعائكم
لأي سؤال ماتنسو البوت الخاص بالقناة وحسابنا الشخصي لأي استفسار بخطر عبالكم💚
بالتوفيق 💙💙

السلام عليكم ❤️
عيد أضحى مبارك.....
تفضلو شوي لعندي 😌🔥🔥🔥
جينا عالجد ✌️👌
أفخم وأشمل #خطة_دراسية_للمراجعة + بتصير كدور اول الي لسا مابلش وحابب يبلش ويجيب معدل جيد 🔥😇
رح نبلش ب١/٧ والنهاية ب١٠ /٩ يعني حوالي ٧٠ بعدد ايام مارح تلاقو اريح وأبسط من هيك سواء لتراجعو المادة أو تدرسوها وش اول بشكل مبسط 🔥🔥
#كتلة_أولى
قلبية ٤ ايام
هضمية مع كبد ٥ ايام
صدرية ٣ ايام
كلية ٣ ايام
رثوية يومين
دم يومين
غدية ٣ ايام او يومين ممكن
عصبية انتانية يومين
تتمة الداخليات يوم
أطفال ١٣ يوم
(٣ لاطفال ١وهون ركزوها منيح بهاد الدور مشان ترتاحو قبل الفحص فيها....
و١٠ لاطفال ٢ 😉🔥✌️❤️)
جلدية ٣ ايام

#كتلة_تانية

توليد ٧ ايام
نسائية ٣ ايام
عينية ٣ ايام
اذنية ٣ ايام
جراحات.... عامة ٤
بولية ٢
عظمية ٢
تتمة الجراحات ٦ ايام
تقريباً هيك منصير ب١٠ /٩ وبضل حوالي ٢٥ يوم للفحص هي بوقتها بنزل خطة مراجعة للكتلة الأولى ماتاكلو هم ✌️❤️

#ملاحظات 😁
🔺حطو براسكن علامة ال90 مو يعني دراسة كلشي 👍👌
🔺خبرة التنقل بين الصفحات والمرور السريع عالشي المهم مع الشوامل هون ذكاء المعدل ✌️❤️
🔺مافي شي اسمو إعادة كاملة لكلشي ... ركزو المهم والمكرر وعينكن عالفقرات الي بتشوفها مهمة ولسا مااجت كافي...
🔺الدراسة من بيتا حاج وبكفي... والشوامل فقط دون البنوك...
🔺أسئلة الجامعات فقط الحديثة منها ممكن تطلعو عليها يعني ٢٠٢١ وبعد إذا بتحبو....
🔺صرنا بالجد ومعدل الدراسة لا يقل عن ١٠ ساعات يومياً وتدرس الشوامل بعد كل مادة لا تتركوهن للأخير أبداً
🔺تركت ايام مريحة للمواد مشان تناسب للجميع... سواء الي بدو يدرس جديد أو الي بدو يراجع وبطيئ بالاعادة أو السريع.... بكل ماسبق الوقت مريح ان شالله وفيكن تلعبو عالبرنامج كيف بتحبو لا حرج كلو بصير تنقصو يوم تزودو يوم حسب كل واحد بشو بلاقي حالو ضعيف وهيك ✌️❤️+ حسبت حساب إذا صار شي لا سمح الله(تعب ملل مرض ما فرح استراحة مقاتل...) بحيث يكون عنكن ايام زيادة وماتضطرو تعدلو برنامجكن كتير ✌️👌❤️
🔺الاعادة من المكان الي درست منو.... من الملخص الي عملتو على نوطتك... الي بدو فقط شوامل مع فقراتها بحيث يدرس المهم دون الخوض بالتفاصيل فسلسلة #MiniBoss نزلت من فترة وبتضمن فوق ٩٠٪ من المحتوى ان شالله👌🌸
🔺الي عندو سؤال أو ايا استفسار أو خطة خاصة للبعض يحاكيني خاص 😇😌
🔺بعد العيد رح نكفي كورسات الوطني ونبدأ بالداخلية #كلية ثم أطفال ١ أو توليد بإذن الله بحيث ندرس ونلخص مع بعض المهم ونكب الحشو الاقل أهمية بهيك وقت....
🔺الي بحب يسجل بغير مواد طبعا رح افتح شعب مراجعات مكثفة ان شالله والتفاصيل على قناتي هي بتنزل🔥❤️

الله يوفقكم جميع وان شالله منفرح بعلاماتكم العالية 😊❤️
بالتوفيق 🔥🔥🔥

عينكن لعندي ياغلال 🔴🔴
افخم خطة دراسية خلال شهرين فقط😎🔥🔥
#خطة-دراسية-سريعة
ايا حدا لسا مابلش....ايا حدا بدو يراجع ومالو عرفان يقسم المواد ....بدك شي اسعافي خليك معي للأخير....☑️💙
رح نبلش ب٢٤/٧ والنهايه ب٢٤/٩ تقريبا ....

⛄️كتلة أولى...
قلبية ٥ ايام
هضمية ٣ ايام
صدرية ٣ ايام
دم ٣
كلية ٣
رثوية ٣
غدية ٢
عصبية انتانية ٢
أطفال ٢ ب٧ ايام
أطفال ١ ب٣ ايام
جلدية ٣ ايام

☂كتلة تانية
عينية ٣ ايام
اذنية ٣ ايام
نسائية توليد ٩ ايام
عامة ٤
عظمية ٢
بولية ٢
تتمة الجرحات ٤ ايام

وهييييك بكون نزلت اخر خطة دراسية بتخص الوطني ممكن تفيد البعض انشالله 😊❤️
بقية الايام ليوم الفحص إعادة للكتلة الأولى وفيكن تبدلو دراسة بين الكتل عادي كيف بتحبو
ان شالله تلاقو الفائده من الحكي ونفرح بعلاماتكن الفخمة🙈🔥🔥
بعرف دنيا شوب وحريق وملل وكهربا ووضع زفت....نسأل الله العافية للجميع ....بس والله ايام ورح تمضى صدقوني 👌 ايام عبتمشي وبكرا تترحمو عليها 😁 عينكن عالمعدل اولا واخيرا وفرحة اهليكم فيه تستحق التضحية بظل هيك ظروف 🙈😊❤️
بالنسبة لمصدر الدراسة مابتفرق المهم بلش وقول يالله....والأهم تركيز فقرات الدورات فقط سواء مصدر كبير أو صغير ...وفقط فقرات الشوامل تدرس وحاج وبكفي
ايا مادة حسيتها ضخمة استعين بملخص صغير وخلص لا تعملها قصة ومناحة وياااااي مارح ادرسها كاملة وبركي اجى شي منها كتير😏 روقو وخدو الأمور ابسط من هيك اتكلو علي الله والله يبارك بوقتكم جميع ....شفت حالك مو ملحق ادروس المهم وبيتا وخلص حاج خيو كتر خيرك ....المهم بلش 😂😌❤️
رح غط فترة اسبوعين عنكن وراجع بعدها بكورس نسائية توليد بأول التامن ان شالله

اذكروني بدعوة ولكم المثل 🩷🩷
بالتوفيق....❤️
د. ناصر .....فريق الميدبوس....❤️

صباح الخير ❤🔥
السؤال المكرر كتير ....عالخاص عالبوت بين الغروبات ....
إيمت لازم نبلش دراسة ووين خطة الدراسة الخاصة بفريق الميدبوس حتى نمشي فيها دون ضياع !!؟؟

للأمانة هاد الموضوع نسبي ومختلف بين شخص وآخر وحسب درجة الاستيعاب اليومي ...
🔵في طلاب بتعرف حالها أساسها قوي وبتأجل الدراسة لشهر تالت رابع ....
🔵البعض عندو التزامات تانية سواء لغة ستيبات خطبة زواج 😁 كمان بأجلها لبعدين
🔵والبعض بحب ييلش من اول السنة ....يقعد يرمم الضعف الي عندو وبنفس الوقت يجهز للوطني (النيردات وبطيء الدراسة)

بحسب رأي الاغلب والي اجتمعوا عليه كل الي خلصو امتحان وطني....فالأفضل تبلشو دراسة على بكير ....انسان معرض لعدة ظروف ولازم واحد يغتنم ايام الراحة بايام التعب والانشغال يموضوع ما ....
ونحن بدورنا منضيف نصيحة تانية وهي تنظيم وقتكن بشكل ساعات كل يوم لانجاز عمل ما وماتقضو السنة كلها عالوطني
مثال للتقريب 😊
بلشتو اليوم بساعتين ستاج حتى ساعة ١٠ ...
الي عندو عمل شغل خارجي لغة فيو يكمل هاد الشي للساعة ٢ مثلا
بعد هيك رح يصير وقت الغدا....فيكن تتغدو وتاخدو قسط راحة بحدود الساعتين
بتفيق ب٦ .....فيكن هلاثناء الي بحب يروح نادي يدرس لغة عندو شغل لاب خفيف دورات خفيفة لتقوية الذات متل مثلا فريلانسر أو تخطيط قلب صورة صدر وغيرها ....
ب٩ ممكن تبلش دراسة حتى الساعة ١ .... 4 ساعات يومية دراسة وطني بالبداية تعتبر ممتازة ورقم وسطي مناسب لأغلب الطلاب 🤞❤🔥
المثال السابق للتقريب لا أكثر واكيد فيكن تعدلو عليه كيف بتحبو ....

بالنسبة لموضوع #خطة_الدراسة
رح ننزل خطة على قناة الفريق وقنواته الفرعية
الخطة بتبلش بنص الشهر ١٢ ...ورح تكون تراعي موضوع التقسيمة الماضية إضافة لموضوع الفترات الي فيها برود دراسة (مثلا برمضان أو بالأعياد بكون المزاج مايل للراحة والعبادة اكتر من الدراسة )
لهيك طمنو بالكم منيح ....الخطة كافية وافية وشاملة للوطني وبوقت قياسي مريح جدا بحيث ان شالله نطلع من السنة مغتنمين كل لحظة فيها 🤞❤
يلا روقو حالكن هلأ....البدايات لسا مابلشت 😁❤

#خطة_الدراسة 🔥🔥🔥
سوووون ⏳❤❤⏳
موعدنا المسا .....
جهزو حالكن وخبرو بعض 💪😇
اكتر من خطة
خطة الرواق
خطة مضغوطة
خطة للحملة

#البوست_المنتظر 🔥🔥🔥
#خطة_الدراسة 🤗❤️
#فريق_الميدبوس2024
بسم الله 💙
قسمنا المواد بطريقة تناسب الجميع 👌الفارش والنيرد 😉✌️
الخطة ما ضروري تناسب الجميع...بس راعينا فيها اغلب الظروف المحتملة بالسنة ...بالاخير اشتغلو بالخطة الي بتنال اعجابكم وظروفكم الخاصة... يعني ماضروري تتقيدو بخطة الفريق....كل مين يشوف شو بناسبو ويعدل ويبلش💪

منبلش بالمهم ✌️🔥 عملت 3 خطط راعيت فين كل فئات الطلاب!!!
الفارش🥳
والنيرد الي بحب يخلص اول العالم الي قلبو حامي😎
والحاملين مواد 🥺
والي قلبن بارد كمان بحبو يدررسو برواق 🤓🤩

#خطة رقم 1👨‍⚕️👩‍⚕️
(الرواق والهادي 🔥♥️🔥)
البداية ١ / ١
والنهاية بنهاية الشهر السادس
خطة الرواق بدراسة #يومية(حتى برمضان) مع عطلة يوم الجمعة أسبوعيا
🔵 كتلة أولى
١٢ قلبية
٩ هضمية
٨ صدرية
٧ كلية
٦ رثوية
٦ دم
٦ غدية
٥ عصبية
٥ انتانية
٣ كبد
٣ داخليات صغرى
٢٤ اطفال ٢
٦ اطفال ١
جلدية ٦

🔵 كتلة تانية
توليد ٢٠ يوم
نسائية ١٠
اذنية ٦ عينية ٦
عامة ١٠
بولية ٥ عظمية ٥
تتمة جراحات ١٥ يوم
وفي كم يوم راحة إذا بتلاحظو بالجمع هي الكن هدية منا  الكن  😎😂
وفيكم تغيرو بالايام على كيفكم لا حرج في وقت كافي وبرياحة ااذا بتلاحظو 🤗😊

#خطة رقم 2👩‍⚕️👨‍⚕️
هي للحملة.... على فرض حاملين ٤ مواد الحد الأقصى طبعا  فمنحط لكل مادة ٤ ايام تقريبا يعني صارو ١٦ يوم فمنزيح البرنامج السابق مدة اسبوعين... ممكن تحسو بضغط أكبر انتو بس ربنا بعين 🥺🤗طبعا الي بخلص أبكر حلال عليه وبعدل البرنامج حسب شو عندو والي عندو مادة وحدة مايبرك يعمل لحالو ٤ مواد ويبرك اصطهاج 😅لا صديقي لا تضيع وقت وخليك صريح مع نفسك 😂😉✌️

#خطة رقم 3
مضغوطة شوي من أجل شهر رمضان والنقاهة
بداية ب٢٥ /١٢ بمنتصف شهر السادس
١٠ قلبية
٨ هضمبة
٧ صدرية
٦ كلية
٦ رثوية
٦ دم
٦ غدية
٤ عصبية
٤ انتانية
٣ كبد
٢ داخليات صغرى
٥ أطفال ١
٥ جلدية
ثم شهر رمضان (دراسة فقط اذآنية عينية حوالي ١٠ يوم والباقي راحة )
أطفال ٢ ٢٠ يوم
توليد  نسائية ٢٥ (١٥ ب١٠)
عامة ٨
بولية ٤
عظمية ٤
تتمة جراحات ١٢ يوم

#هوامش_لازمة✌️💪♥️
*التواريخ السابقة شبه مضبوطة فلا تاكلو هم
*طبعاً بكل ماسبق الي بيخلص قبل وابكر بتسحبو البرنامج لورا.... لا تبركو تضيعو وقت يااخي.... لا تستنو تخلص ال١٠ ايام قلبية إذا خلصتوها ب٨ ايام!!! إذا لحقت أبكر روح لغير مادة مباشر..... ومشان إذا لا سمح الله صار معك شي (سفر مرض موجة اكتئاب سهرة أعراس....) يكون عندك وقت لتعوض هيك فترات ومايخل برنامجك!! يعني خلي يكون الك ايام مايكون عليك كسر ايام!! ✌️♥️
*الالتزام اليومي ضرورة ياجماعة 💪🔥
*لاحظتو كيف عامل راحة بالايام جيدة... كلو مشان ماتضغطو حالكم وتحسو بالملل
*فيكم تلعبو بالايام كيف بدكم.... يعني بتحسن تخلص صدرية ب٦ ايام وتحط اليوم السابع ضيفو للعصبية إذا مالحقت معك.... المجال موجود اشتغلو فيه كيف بدكم ضمن هالمجال لما تضيعو ايام عالفاضي 💪♥️
*لنهاية السادس ان شالله النا بوست تاني للمراجعة ❤
هي كلشي بخص الخطط الدراسية 😁
بعتذر عالاطالة بس بناء على طلبكم حطيت لكل الاحتمالات وانت نقي الي بناسبك واشتغل عليه 😌♥️
ايا سؤال فيكن تحكو معنا عالخاص وعلى حسابي الشخصي
د. ناصر جزه را .....فريق الميدبوس
بالتوفيق ♥️♥️

#خطة_دراسية للوطني من بداية شهر 3

#توضيح
الارقام جنب المواد
اللون الأزرق هيي مدة الدراسة دور أول
اللون الزهري هيي مدة الدراسة دور تاني

#خطة_الدراسة💥🔥💥
شاملة للكتلتين ❤❤
شو ندرس ميد وشو ندرس ميني ؟؟ بالصورة بتعرفو....🤞💪
مع عرض مميز بمناسبة انطلاق التطبيق لأول 100 مشترك فيه 😌💙
طريقة الدفع بالبوست التالي
https://t.me/NasserMedboss/42