የእንግድነት ዘመኔ.....

ዘፍጥረት 47
¯¯¯¯¯¯¯¯¯¯
⁸ ፈርዖንም ያዕቆብን፦ የዕድሜህ ዘመን ስንት ዓመት ነው? አለው።
⁹ ያዕቆብም ለፈርዖን አለው፦ የእንግድነቴ ዘመን መቶ ሠላሳ ዓመት ነው፤ የሕይወቴ ዘመኖች ጥቂትም ክፉም ሆኑብኝ፥

ሁሌም ስትኖሩ እንግዳ እንደሆናችሁ እያሰባይሁ ይኑሩ ቤተኛ አይደላችሁም በዚች ምድር

መርጣችሁ ምረጡ!

“የሚያስፈልገው ግን ጥቂት ወይም አንድ ነገር ነው፤ ማርያምም መልካም ዕድልን #መርጣለች ከእርስዋም አይወሰድባትም።”ሉቃስ 10፥42

በማርያም እና በማርታ መካከል ልዩነት የፈጠረው ነገር ምርጫ ብቻ ነው ማርታ ለማስተናገድ ጉድ ጉድ ማለቷ ስህተት አልነበረም ነገር ግን የተሻለውን አውቆ ከሁሉ ይልቅ የሚያስፈልገውን አንድን ነገር አለመምረጧ እንጂ::

ማርያም ጋር ብዙ የሚባል ነገር የለም የእርሷ ጥቂት ወይም አንድ ነገር የወዳጇን ልብ ያረካና የልቡን መሻት የተረዳ አንድ ልዩ ውሳኔ ነው ያላት ያም የማይወሰድ መልካም ዕድል ከእግሩ ስር ሆኖ የሚናገረውን ቃል መስማት ነበር::

አለም በወርቅ ቅብ መልኳ ማለትም በገንዘብ በዝና በዘፈን በዝሙት ብቻ በውስጣቸው ሞትን በታቀፉ ጉዳዮች የሰው ልጆችን ልታጠምድ በምትዞርበት በዚህ ጊዜ የማይወሰድባችሁን መልካም ምርጫ መርጣችሁ ምረጡ ምንም ነገር ይቅር እንጂ እየሱስን ምረጡ ምን ይሆን አሁን ባላችሁበት ሕይወት እንድትመርጡ የቀረበላችሁ ምርጫ ለውሳኔ የተቸገራችሁበት ልባችሁን ለሁሉት ከፍሎ መሃል ቤት ያደረጋችሁ..... እንዲህ ልበላችሁ ውሳኔያችሁ የእናንተ ብቻ ሳይሆን የሰማይ ደስታም ምክንያት መሆኑን አረጋግጡ ከእግዚአብሔር ፈቃድ አንፃር በደንብ ገምግሙት ፅልዩበት ከብዙው ሩጫ መሃል የወዳጃችሁን ልብ የሚያሳርፈውን መልካሙን ምርጫ ስለመምረጣችሁ እርግጠኛ ሁኑ!

ልባርካችሁ♡

•በእያንዳንዱ የሕይወታችሁ ክፍል ውስጥ እግዚአብሔርን ማዕከል ያደረገ ምርጫ መምረጥ ይሁንላችሁ!

•ደስታውን ስትመርጡ የእናንተም ልብ እርፍ ይበልላችሁ ደስታችሁ በክርስቶስ ይብዛ!

•የማይወሰድባችሁን ስትመርጡ እግዚአብሔር ለብዙዎች በሚተርፍ በረከት ያብዛችሁ!

የልቅ ወሲብ ፊልሞች ሱስ

ፖርኖግራፊ የግሪክ ቃል ሲሆን ፖርኒ «Porni» በኢንግሊዘኛዉ ፕሮስቲቲዩት «Prostitute ወይንም ሴተኛ አዳሪ የሚል ፍቺ ሲኖረዉ ግራፌይን (Graphein) በእንገሊዘኛዉ (To write) ወይንም መፃፍ የሚል ፍቺ ይይዛል፡፡ በግርድፉ ስለ ሴተኛ አዳሪዎች የተጻፈና የተተረከ ወሲብ ቀስቃሽ ጽሁፍ ወይንም ምስል ማለት ነዉ፡፡ እኚሁ ወሲብ ቀስቃሸ ምስሎች በተለያዩ አረኪዎሎጂስቶች በሜሶፖታሚያ እና አከባቢዉ (ኢራን እና አከባቢዉ ማለት ነዉ) በሱሜሪያዉያን ዘመን እንዲሁም በ መካከለኛዉ አሶራዉያን ህዝቦች ቅሪተ ቅርሶች

እንደተገኘ ይነገራል፡፡ ይህንንም አረኪዮሎጂስቶች ቬኑስ ፊጉርስ ( Venus Figurines) ይሉታል ፡፡ እንዲሁም ይህዉ ወሲብ ቀስቃሽ ምስሎች በጥንት ግጻዉያን በዴር መዲና (Deir-el-Medina) (5500 ዓ.ዓለም ተቀርጾም እንደነበር አርኪዮሎጂስቶች ይናገራሉ፡፡ ህንዶች ካማ ሱትራ ሚለዉን ወሲብ ቀስቃሽ ምስል ህትመት ከ 4 ኛዉ ክፍለ ዘመን ጀምሮ በተለያዩ ቅርጻ ቅርጾች ላይ ከመቅረጽ አልፈዉ እንደ መጽፋፍ ጭምር በማዘጋጀት ስንፈተ ወሲብን ለማከም፣ የተዛባ የትዳር ህይወትን ለማስተካከል፣ የፍቅር አጋርን ለማማለል እና ለመምረጥ፣ ብሎም በወሲብ ዉስጥ ያለዉን ጥቅም ለማስተማር ይጠቀሙት እንደነበር ይናገራሉ፡፡

በፈረንሳይ የ ፖርኖግራፊ አብዮት በ600 በ ኢንላይትመንት ዘመን ( ከ748-49) የህትመት ሚዲያዉን መስፋፋት ተከትሎ እንደ ጀመረ ይነገራል፡፡ በዚሁ ሀገር ጆን ክሌላንድ የተባለ ደራሲ እና ጸሃፊ ፋኒ ሂል ( Funny Hill ) ተብሎ የተሰየመዉን ወሲብ ቀስቃሽ ልብወለድ በማቅረብ ይጠቀሳል፡፡

በኋላም ይህ ፉኒ ሂል የተሰኘ የፈረንሳይ ፖስት ካርድ ተብሎ ይሸጥ እንደነበር ይነገራል፡፡ በጃፓን በ6ኛዉ ክፈለ-ዘመን የወሲብ ቀስቃሽ ምስል ኢሮቲክ ዉደ ቡሎክ (Erotic wood block) ተብሎ እንደ ታተመ ተሪክ ያስረዳል፡፡ የፖርኖግራፊ ታሪካዊ አጀማመር በተያዩ ሀገራ ያለዉን እዉነታ እንገነዘባለን፡፡

ይህ የፖርኖግራፊ አብዮት በየሀገሩ እንዲህ እንዲህ እያለ እየተስፋፋ በ837እንደ አዉሮፓዉያን አቆጣጠር ንግስት ቪክቶርያ ወደ ስልጣን ሲመጡ በለንደን ከተማ ከ5ዐ በላይ የልቅ ወሲብ ቀስቃሽ ምስሎች (ፖርኖግራፊ) ሱቆች እንደነበሩ ይነገራል፡፡ በ9ኛዉ ክፍለዘመን የተንቀሳቃሽ ምስሎች ለመላዉ አለም ሲተዋወቅ በዚያዉ የልቅ ወሲብ ፊልሞች አለማችንን ማጥለቅለቅ እንደጀመር በዘርፉ ጥናት ያደረጉ ባለሙያዎች ያስረዳሉ፡፡

ባጠቃላይ በእሩቅ ምስራቅ እና በመካከለኛዉ ምስራቅ የሚገኙ ሜሶፖታማዉያን፣ ሱሜርያዉያን እና ግብጾች እና ህንዶችን ጨምሮ አረኪዮሎጂስቶች እንደሚናገሩት ይህን ወሲብ ቀስቃሽ ምስል እና እርቃን የሆኑ ፎቶዎች እና ስእሎችን በመጠቀም በስንፈተ ወሲብ የተጠቃን ግለሰብ የሚያክሙበት ጥበብ እንደሆነ ይናገራሉ፡፡

ይህን እርዳታ እና ህክምና የሚያደርጉበት ምክንያት በአከባቢዉ በርካታ ሰዎች የሚከተሉት እምነት ለተመስጦ ወይንም ለሜዲቴሽን ትልቅ ትርጉም እና ዋጋ ስለሚሰጡ፣ ስሜትን ማለትም ወሲባዊ ስሜትን መጫን እና ማጥፋት ለፈጣሪ እንደ መቀደስ ተደርጎ ስለሚወሰድና የእምነቱ ዋናዉና መሰረታዊ ቀነኖ በመሆኑ ከዚህም የተነሳ ቅድስናቸዉም ስለሚጨምር ፣ ነፍስ እና መንፈሳቸዉ ለፈጣሪ ስለምትለይ፣ በፈጣሪ ዘንድ ጽድቅም ተደርጎ ስለሚቆጠርላቸዉ ምናልባት ለወደፊት ትዳር መመስረት የሚፈልግ ሰዉ በ ስንፈተ ወሲብ የመጠቃት እድል ይኖረዋል ብለዉ በማመናቸዉ ይህን የፖርኖግራፊክ ቴራፒ (ህክምና)
አድርገዉ እንዳዘጋጁት ይናገራሉ፡፡

ከዚህ የተነሳ በወቅቱ የነበሩ የዚህ ስራ ባለሙያዎች እንዲህ አይነቱን ችግር ለመቅረፍ የሚሰጡት ህክምና እና እርዳታ የጎልማሶችን የዎሲብ ባህሪ ለማነቃቃት የተለያዩ ስእሎችን በመሳል በተለይም ወሲብ ቀስቃሽ ምስሎችን እንዲመለከቱ በማድረግ እርዳታ እና ህክምና መስጠት ከብዙ ሺ አመታት በፊት ጀምሮ የተለመደ እንደሆነ የፖርኖግራፊ ምስሎች ታካዊ አመጣጥ ያስረዳል።

ልቅ የወሲብ ፊልሞች (Pornography)- ተብሎ የሚጠራዉ ከድህረገጽ እና ከፊልም ኢንዱስተሪዉ ማደግ ጋር ተያይዞ አሁን መላዉን አለም እያወከ፣ እያሳመመ፣ አእምሮን እያበሰበሰ እና ትዉልድን እያጨነገፈ ያለ ገዳይ የ2ኛዉ ክፍለዘመን ድምጽ አልባ አዉዳሚ ጦርነት እና የጦር መሳርያ ነዉ፡፡ ፖርኖግራፊ የዚህ ትዉልድ ፈተና እና አጨንጋፊ ገዳይ መርዝ ነዉ፡፡

በአሜሪካን ሆሊዉድ፣ በህንድ በቦሊዉድ፣ በናይጄሪያ ናሊዉድ የፊልም ኢንዱስተሪያቸዉ ዉስጥ ከፍተኛ ክፍያ እየተከፈላቸዉ ይህንን አስጸያፊ ፊልም የሰሩ መልከ መለካ ሞዴል አርቲስቶች ብዙ ገንዘብ ቢያገኙም ስለተበላሸዉ ህይወታቸዉና ማንነታቸዉ የሰጡትን ምስክርነት የዚህን ገዳይ አደገኛ መርዛማ ፊልም መዘዝን መረዳት ይቻላል፡፡

ሰዎች በተለይም ወጣቶች ለምን በዚህ አደገኛ ፊልም ሱስ ይጠመዳሉ? ለምንስ ከገቡበት መላቀቅ ያቅታቸዋል? የሚያስከትለዉ ችግርስ ምንና ምንድነዉ? መዉጫ መንገዱ እና እርዳታ እንዴት ማግኘት ይቻላል የሚሉ ሃሳቦችን በዚህ ርእስ ስር እናያለን፡፡

ከላይ ለመመልከት እንደሞከርነዉ ፖርኖግራፊ ወሲብ ቀስቃሽ ፍልሞች ብቻ ማለት አይደለም፤ ወሲብን ሊቃሰቅሱ የሚችሉ እርቃን ፎቶ ግራፎች፣ ጽሁፎች፣ በድምጽ የሚተላለፉ ንግግሮች፣ ዳንሶች እና እስፖርታዊ እንቅስቃሴዎችን ያካትታል፡፡

ይህን ትዉልድን በአደገኛ ሁኔታ እየፈጀ ያለዉ የፖርኖግራፊ ዳራ ይህ እንደሆነ ይነገራል፡፡ የሆነ ሆኖ ይህ በዚያ ዘመን የተጀመረዉ ልቅ የወሲብ ቀስቃሽ ምስል አሁን አድጎ በማህበራዊ ድህረገጽ የእያንዳንዱን ሰዉ ጓዳ እያወከ፣ ትዉልድ እያበላሸ፣ ከትምህርት፣ ከስራ እና ከእድገት ሀገሪቷን ወደኋላ እያስቀረ፣ ከልጅ እሰከ አዋቂ የሚገኝን ትዉልድ አእምሮ እያበላሸ ይገኛል፡፡ ባጠቃላይ ፖርኖግራፊ የዚህ የ2ኛዉ ክፍለዘመን ትዉልድ አጨንጋፊ እና ገዳይ መርዝ ሆኗል፡፡

ስለ ፖርኖግራፊ አሁን ብዙ ማዉራት ሳይሆን ትዉልዳችንን እንዴት እንታደግ በሚል ብዙ መነጋገር እና እርምጃ መዉሰድ የሚገባን ሰዓት ላይ እንገኛለን፡፡ እያንዳንዱ ቤተሰብ አሁን ለራሱ እና ለልጁ ብሎም ለትዉልድ ስነ አእምሮ እና መንፈሳዊ ጤና ይህንን አደገኛ ጦርነት ለመፋለም መነሳት ይገባዋል፡፡ ጌዜዉ ሳይረፍድ እና ሳይሄድብን በፖርኖግራፊ ላይ መዝመት አሁን ነዉ፡፡

@Godshday

"ፍቅር እዉነተኛ የሚሆነው የሚሰማን ነገር ሲያልቅ ነው። ስሜት ካልጨረሰ ፍቅር እውነተኛ መሆኑ አይታወቅም። ስሜት አደናጋሪ፣ ሰላምን ተዋጊ፣ ቀናተኛና ራሱን በጣም የሚያምን ነው። ፍቅር መሬት የሚይዘው ስሜት ሲያልቅ ነው።"

ቅዱስ ጋብቻ (ገጽ 85)

The channel and the group join aderegulegn pls😊

ከአገር ውጪ ያላችሁ ወይም ደግሞ በግሪጎሪ ዘመን አቆጣጠር የምትጠቀሙ ክርስቲያኖች በሙሉ እንኳን 2026 ዓ.ም በሰላም አደረሳችሁ አመቱ ፥ የሰላም፥ የስኬት፥ እና የመከናወን ይሁንላችሁ፤ እግዚአብሔር በነገር ሁሉ ከፊታችሁ ቀድሞ መልካም መግቦቱን የሚያሳይበት ዘመን ይሆን ዘንድ ጥልቅ ምኞታችን ነው። ደግሞ በኢትዮጵያ አቆጣጠር የምትቆጥሩ ሁላችሁ የአመቱ አጋማሽ ላይ ደረሰን እቅድና አላማችሁ አፈጻጸሙ ከምን ደረሰ? ክለሳ አድርጋችሁ በድጋሜ መነቃቃት ጀምሩት!  በርቱልኝ!

"ፍቅር ስለ ሌላው እንጂ ስለ ራስ ማሰብ አይደለም። ራስን ለሌላ ሰው ደስታ ስለ መሰጠት እንጂ ሌላውን ሰው በግድ የራስ ማድረግ ሊሆን አይችልም። ፍቅር ሲታመም ሁሉም ነገር ይታመማል ስብእናም፣ አስተሳሰብም፣ ስሜትም፣ የራስም፣ የሌላውም ሰውም። የታመመ ፍቅር ከሁሉ የተወሳሰበ የነፍስ ደዌ ነውና ማዳኑም የዛኑ ያህል ይከብዳል።"
ዶ/ር ምህረት ደበበ 📖 ሌላ ሰው

ልቤ በሰው መቼም አይመካ
ብደገፈው ፈራሽ አልተጋ
አይኑ በሰው በሟቹ ያረፈ
እርሱ ሲሞት ተስፋውም አረፈ

ድንገት አርፈህ መርዶህ አይነገር
መንግስት ካንተ ለሌላ አይሻገር
በጉልበትህ ጽናት ትሄዳለህ
ለዘለአለም ንጉስ ትባላለህ

"ሰላም ጤና ይስጥልኝ፣ ዛሬ አንድ ወጣት የላከልኝን እውነተኛ ታሪክ ላካፍላችሁ። ስሙን ለደህንነቱ ስል አቤል ብለነዋል፤ የሚኖረውም እዚሁ አዲስ አበባ ነው።
አቤል እንዲህ ይላል፦ 'ለዓመታት የራሴ መርህ ነበረኝ። ከጋብቻ በፊት ራሴን ለመጠበቅ ቃል ገብቼ ነበር። ነገር ግን በአንድ የጓደኞቼ ግብዣ ላይ፣ 'አንተ ፋራ ነህ' የሚለው ትችት እና ያን ቀን የተሰማኝ የብቸኝነት ስሜት አሸነፉኝ።
ያን ምሽት መርሄን ጥሼ የፈለጉትን አደረግኩ። ነገር ግን የጠበቅኩት ደስታና 'ዘመናዊነት' አልመጣም። ይልቁንም ለሳምንታት አብሮኝ የሚኖር የባዶነት እና የማንነት መጥፋት ስሜት ውስጥ ወደቅኩ።'
አቤል የጠየቀኝ ጥያቄ አንድ ነበር፦ 'ያጣሁትን ሰላም እንዴት መልሼ አገኛለሁ?'
ወጣቶች፣ ዛሬ የምነግራችሁ ነገር ቢኖር፦ ንጽህናችሁን መጠበቅ 'ፋራነት' ሳይሆን፣ ለራስህ የምትሰጠው ትልቁ ክብር ነው። አንዴ የተሰበረን ማንነት ለመጠገን ረጅም ጊዜ ይወስዳል።"

ስለጠፋው ይቅርታ

#ውሽማ

ከትዳር ውጪ ያለ ግንኙነት (Affair) —

እንዲ ያለ ግንኙነት የሚጀምረው ከሌላ ሰው ጋር ሳይሆን ከልባችን ነው!

የተሰማንን ባዶነት እና መጎዳት ለመሙላት የሚደረግ ጥረት ነው።
ነገር ግን የሰው ብቻ ሳይሆን ሌላም አይነት Affair አለ ውሽማ ብዬ ልቀጥል (i know ይደብራል)

ያልጠበኩት ነገር ይሄ ነው ውሽማ ሰው ብቻ አይደለም አሉን......

1, ከትዳር አጋር ውጪ ያለ ሌላ ሰው
(በስሜት ወይም በአካል) በስሜት ማለት ያንን ባዶነት ለመሙላት ብዙ ጊዜ ማሳለፍ ሊሆን ይችላል...በText....በsocial media ......በአካል

2,ስራ እና ህልም - አንዳንድ ሰዎች ከትዳር ሸሽተው ስራ እና ህልማቸውን እንደ ውሽማ ይይዛሉ መደበቂያ ያደርጋሉ

3, የምትወዱት ተሰጥኦ ወይም ጨዋታ
ስፖርት ወይም ካስ ሊሆን ይችላል

4,ከትዳር አጋራችሁ የምታስቀድሙት ማንኛውም ግንኙነት
ሐሳብ ወይም ልማድ

5,ክፉ የስጋ ምኞት ፣የልብ አምሮት ወይም ፖርኖግራፉ

መጀመሪያ ጥሩ ይመስላሉ ግን በመጨረሻ ወደ ማንወጣው ባዶነት ይከቱናል።

ከእግዚአብሔር ዓላማ እና ከትዳር ግብ ያርቃል።
አንዳንዱ ስራውን ፣ልጆቹን ፣ህልሙን ፣አገልግሎቱን ትዳሩ አርጎ ይኖራል ይሄ ግን በእግዚአብሄር ሀሳብ ላይ ማመፅ ነው ብለዋል....

ከእግዚአብሄር ቀጥሎ የሚመጣው ዋነኛ ነገር ትዳር ነው ከዛም ልጆች ከዛም ጥሪ/ስራ ወይም አገልግሎት
ልባችሁን ጠብቁ።
ቅድሚያዎቻችሁን ጠብቁ።
ቃል ኪዳናችሁን አክብሩ።
የምትመግቡት ነገር ያድጋል።