اللهم إني أسالك الإستقامة إن مالت بنا الأيام♥️🌿

اليوم صيام يوم الاثنين / اول الايام العشر من ذو الحجة

‏فاغتنموها بالأعمال الصالحة فإن ما من ايام العمل الصالح فيها أحب الى الله من هذه الايام

‏اللَّهُمَّ يامن اقسمت بالفجرِ وليالٍ عشر بارِك لنا في هذهِ العشرِ واصرّف عنّا كُل مكرُوه🤍.

﴿وَذَكِّرْ فَإِنَّ الذِّكْرَى تَنْفَعُ الْمُؤْمِنِينَ﴾
انشروها قد ماتقدرون ولكم الاجر🤍.

نحچي عن موضوع الاغاني بطريقة مختلفة ومن زاوية مختلفة

نگدر نگول مابقة مكان مابي اغاني بالشارع بالسيارة بالدوام بالمطاعم بالمحلات بالحفلات بالتلفون ،
وصارت مثل العادة بحياتنا والمشكلة صرنا نشوفها شي عادي وطبيعي

تعرفون شنو تأثير الاغاني علينا؟؟

وشون نگدر نتخلص منها
👇👇

تأثريها على القلب

تخيلو كوب ومليان اوساخ وجيتو حطيتوا عليه ماي نظيف

رح تستفادون شي من الماي؟ رح تحسون بنظفاته ؟
لا طبعا الا تنظفون الكوب يلا ،

ونفس الشي القلب يمتلي بكلام الاغاني وصخبها بعد متحسون بالقرآن ولا بخشوع الصلاة ولا راحة وسكينة الاذكار
بعدين نكول ليش منخشع بالصلاة ليش نقرا قران وميصير شي منتأثر ليش نستغفر ونصلي على النبي ونحمد بس ماكو توفيق مدنحس بفائدتهم نكول اذكار الصباح والمساء بس مخنوگين ماكو انشراح بصدرنا ،
كله هذا لان القلب محجوب تماما مثل الحاجز على القلب يمنع عنه كل هاي المشاعر الحلوة

ومن تجربون لذة القرآن وخشوع الصلاة والتوفيق والراحة الي بالاذكار رح تعيشون بعالم ثاني
الاكتئاب المفاجئ والارق والبچي الي بدون سبب والخنگة ال بالصدر وعدم الراحه والنفسية التعبانه كل هاي الامور رح تختفي من حياتكم
راحة وطمأنينه تستاهل نتعب علمودها

وربنا يگول"" ومن اعرض عن ذكري فإن له معيشة ضنكا"'
ضنكا يعني ضيق الصدر يعني حياة بدون طمأنينة
والاغاني تبعدنا وتبعد القلب عن ذكر رب العالمين ...

تأثيرها على العقل
تقلل الانتباه والتركيز واكو دراسات أكدت انو الها تأثير على الاعصاب وبمرور الوقت تسوي فقدان للتركيز بشكل جبير
يعني كلنا نسأل ليش منركز بالدرس ليش منركز بالامتحان ،وشغلة قاريها بس بسبب عدم التركيز منعرفها او موقف منركز بي وورة فترة نتندم
ممكن تكون الاغاني وحدة من الاسباب
+ اكو دراسات أكدت انو كثرة الاغاني الصاخبة ممكن تسوي فقدان للسمع وخلل على الاعصاب يسبب اضطراب فرط الحركة ....

تأثريها على النفسية

كارثة صدگوني كل الاكتئاب وضيقة الصدر والعصبية والانعفال والضوجه والملل والشعور بالفراغ والوحدة كله بسببها ،
و تأثر على العقل الباطن
و تسوي ادمان


والناس الي تركت الاغاني من مغنين او مستمعين يعرفون كلش زين صحة هذا الكلام ويعرفون الفرق الي صار بنفسيتهم بعد متركوا

زين ليش نحس بشعور حلو من نسمع اغاني
لان ببساطة يسبب افراز الدوبامين الهرمون الي يسبب الشعور بالارتياح والسعادة وعدم الشعور بالوقت

وهنا الكارثة الجسم رح يبقى يطلب هذا الدوبامين ورح تدمنون الاغاني ورح تبدي تصير كل هاي الاضرار الي گلنا عليها

ورح تبدون كلما تضوجون تروحون تدورون دوبامين سريع وتسمعون اغاني
وبعدها يصير خنكة الصدر والاكتئاب بسبب الاغاني نفسها وترجعون تسمعون والى ما لا نهاية ....

شنو الحل ؟؟؟

الحل
حالها حال اي عادة نريد نتركها

اول شي ناخذ قرار حقيقي وصدگي وي نفسنا ونكون على يقين انو الي يترك شي لرب العالمين يعوضة بالاحسن

ثاني شي نمسح كلشي يخص الاغاني من مقاطع برامج صوتيات فيدوهات تسجيلات كلشي ممكن بي اغاني او يذكرنا بالاغاني وابتعدوا عن الاماكن الي يشغلون بيها اغاني شكد متكدون
واذا جنتو مجبورين حطوا سماعه وسمعوا شي ثاني كتاب صوتي قصة قران

خلو ببالكم شي مستحيل تتركون شي بدون متبدلوا بشي ثاني
الاوقات ال جنتو تسمعون بيها اغاني بدلوها بشي ثاني اي شي
رياضة كعدو وي اهلكم تفرجو شغلات مفيدة اقروا رواية اسمعو قصة اقروا قران
اي شي بس لتخلوا فارغ من يبقى فارغ رح تروحون تسمعون اغاني

الشعور الي تحسوا من تسمعون اغاني بدلوا بشي ثاني ينطيكم نفس الشعور
مثلا انتو من تضوجون تروحون تسمعون اغاني ،
لا روحوا اكلو شي تحبو او لعبوا لعبة تحبوها او اطلعوا بحديقة او انجزوا شي لان هاي الشغلات تفرز الدوبامين

واخر شغلة لا تيأسون حتلو بنص الطريق سمعتوا لدكولون منكدر وماكو فايدة عادي استغفروا ورجعوا بلشوا من جديد كلة هذا جهاد نفس واجر وادعوا رب العالمين يعينكم
وبعد مدة من تتركوها رح تحسون بتغير جذريييي ورح تحسون روحكم خفيفة ورح تكرهوها اصلا ومتطيقون تسمعوها
ورح تبدون تحسون فعلا بالقران وخشوع الصلاة ويستجاب دعائكم وتحسون بقرب رب العالمين وتحسون بي وياكم بكل خطوة تخطوها ووي كثرة الاذكار والقران رح توصلون للسكينة الي كلنا نبحث عنها ...

•
- قَالَ رَسُولُ اللَّـهِ ﷺ:

"خَيرُ الدُّعَـاءِ دُعَـاءُ يَـومِ عَـرَفَـةَ، وَخَيرُ مَـا قُلتُ أنَـا وَالنَّبِيُّونَ مِنْ قَبْلِي:
«لَا إلَـٰهَ إلَّا اللَّـهُ وَحدَهُ لَا شَرِيكَ لَـهُ، لَـهُ المُلْكُ، وَلَـهُ الحَمْدُ، وَهُـوَ عَلَىٰ كُـلِّ شَيءٍ قَدِير»..!"

- عن الإمام الرضا(عليه السلام):قال رسول الله(صلى الله عليه وآله):
مثل المؤمن عند الله عز و جل كمثل ملك مقرب و إن المؤمن عند الله عز و جل أعظم من ذلك و ليس شي‏ء أحب إلى الله من مؤمن تائب أو مؤمنة تائبة.

📚المصدر : بحار الأنوار

‏{فَاسْتَغْفِرُوهُ ثُمَّ تُوبُوا إِلَيْهِ ۚ إِنَّ رَبِّي قَرِيبٌ مُّجِيبٌ}

@YTAudioBot - https://t.me/YTAudio