✅️ უკრაინა ემზადება რუსეთში ტერორისტული თავდასხმების განსახორციელებლად – უშიშროების ფედერალური სამსახურის (FSB) უფროსი და ეროვნული ანტიტერორისტული კომიტეტის თავმჯდომარე ალექსანდრე ბორტნიკოვი.

❗️მისი თქმით თავდასხმის მიზანია, რუსული არმიის რესურსებით მხარდაჭერის შესუსტება და მოსახლეობაში პანიკის დათესვა.

✅️მალავის ვიცე-პრეზიდენტი ავიაკატასტროფის შედეგად დაიღუპა.

❗️საულოს ჩილიმა და სხვა ცხრა მგზავრი  ორშაბათს დილით ქვეყნის შიგნით მიფრინავდნენ, როდესაც მათი თვითმფრინავი აეროპორტის რადარებიდან გაუჩინარდა. თავდაცვის სამინისტროს ინფორმაციით თვითმფრინავი ცუდ ამინდში დაფრინავდა.
მალაველი ჯარისკაცები ჩიკანგავას ტყეში ეძებდნენ ნამსხვრევებს მთელი ღამით თვითმფრინავის პოვნის იმედით.
სამშაბათს გამართულ ბრიფინგზე პრეზიდენტმა ჩაკვერამ თქვა, რომ მალავის თავდაცვის ძალების მეთაურმა აცნობა მას, რომ სამძებრო-სამაშველო ოპერაცია დასრულდა და თვითმფრინავი იპოვეს.
ჩაკვერამ ღრმა მწუხარებით აცნობა მალავის მოქალაქეებს საშინელი ტრაგედიის შესახებ.

✅️ მაკრონი ეროვნული სტრატეგიის ახალი დოქტრინის წარსადგენად ემზადება რომელიც რუსეთთან შესაძლო ომისთვის მზადებას გულისხმობს

🟢 le figaro-ს ცნობით, საფრანგეთის არმიას მოუწევს „სისუსტეების გამოსწორება“, ხოლო საფრანგეთის ხელისუფლებას მოუწევს „გადახედოს სტრატეგიულ ამბიციებს მსოფლიო წესრიგის განადგურებულ პრიზმაში“. გაზეთი წერს, რომ მიზნებს შორის „ევროპის სტრატეგიული ავტონომიაც“ არის აღნიშნული.

✅️ ხარკოვის ოლქი - Колісниківка
უკრაინელები რუს მესანგრეებს თანმიმდევრულად ანადგურებენ.

✅️ ❗️ ბლინკენი: ჰამასი აპირებდა, რომ მიეღო ჩვენს მიერ შეთავაზებული გეგმა. ორ კვირიანი ლოდინის შემდეგ მათ ჩვენს გეგმას დაურთეს ცვლილებები, რომელთაგან ზოგიერთის მიღწევა პრაქტიკულად შეუძლებელია.

✅️ "სომხეთი აპირებს ОДКБ-დან გასვლას" - განაცხადა სომხეთის პრემიერ-მინისტრმა ნიკოლა ფაშინიანმა სააგენტო "ინტერფაქსთან" ინტერვიუში.

➡️ ОДКБ - "კოლექტიური უსაფრთხოების ორგანიზაცია", რომელიც კრემლის ინიციატივით 1992 წელს შეიქმნა სამხედრო-პოლიტიკური თანამშრომლობის მიზეზით. ორგანიზაციაში რუსეთი, ბელორუსია, სომხეთი, ყაზახეთი, ტაჯიკეთი და ყირგიზეთი შედიან.

✅️ ❗️ "ლგბტ საზოგადოება და ლგბტ პროპაგანდა “ქართულ ოცნებას” იგივე საფრთხეს უქმნის, რასაც “გლობალური ომის პარტია”, იქიდან გამომდინარე, რომ ყველაზე მარტივია დაძლიო ისეთი ამოცანები, რომლებიც ბუნებაში არ არსებობს - დაამარცხო უჩინარი მტერი.
აბა, ეკონომიკურ გაჭირვებას, შიმშილს და ერთპიროვნულ მმართველობას ხომ არ დაამარცხებ? ამიტომ უნდა მოიგონო ახალ-ახალი საფრთხეები, რომლებიც ბუნებაში არ არსებობს.

მაგრამ, მოულოდნელად ჩამოკრა უბედურების ზარმა და აღმოჩნდა, რომ 60 დეპუტატია დარბაზში, ნაცვლად 76-სა. მოგეხსენებათ, ფულიანი ხალხია ჩვენი კოლეგები - ზოგი ერთ კურორტზეა დასასვენებლად, ზოგი მეორეზე, ნაწილი საერთოდ არგენტინაში ნებივრობს.

ასეთ დროს, ისეთი მნიშვნელოვანი და ძლიერი კანონების მიღება, როგორიც არის ლგბტ პროპაგანდის კანონი არ გამოვა. ჩვენ არ ვართ ის ხალხი, მაგ კანონის მიღებას დავეხმაროთ - ჩვენ შევავსოთ კვორუმი და მერე ქოცებმა კანონი მიიღონ, ეს არ არის ჩვენი მიზანი და მოწოდება". | იაგო ხვიჩია

მიუხედავად იმისა, რომ ისრაელსა და ჰეზბოლას შორის სრულმასშტაბიანი ომი გარდაუვალია, ახალი სამოქალაქო ომი ლიბანშიც მწიფდება.

ქრისტიანები, დრუზები და სუნიტი მუსლიმები საუბრობენ ჰეზბოლას წინააღმდეგ იარაღის აღებაზე, რათა ირანის მარიონეტულმა წარმომადგენლრბმა ქვეყანა დანგრევამდე არ მიიყვანონ.

ჰეზბოლა არ აპირებს დანებებას ბრძოლის გარეშე, ამიტომ ომი სავარაუდოდ გარდაუვალია. ომის შემთხვევაში , მხარეები ისრაელი და ჰეზბოლა იქნებიან, ხოლო ლიბანის მოსახლეობა ამ ომში ჰეზბოლას მხარეს ნამდვილად არ იბრძოლებს.
ჰესბოლას მეთაურებმა უნდა იცოდნენ, რომ ისრაელს ეყოლება მოკავშირეები, ან სულ მცირე, საერთო მიზნის მქონე ძალები ლიბანის ტერიტორიაზე.
ვიდეოზე ნაჩვენებია გოლანის მაღლობის მცირე დასახლებაში ჰეზბოლას მიერ მოწყობილი მცირე დივერსია, რომელსაც ისრაელის მხარე ავრცელებს.

🇪🇺 🇨🇳 ევროკავშირი მომდევნო თვიდან დააწესებს დამატებით ტარიფებს ჩინეთიდან გამოგზავნილ ელექტრომობილებზე, რაც გამოიწვევს გლობალური სავაჭრო ომის ესკალაციას და გაზრდის ევროპაში მანქანების გაყიდვის ღირებულებას ისეთი კომპანიებისთვის, როგორიცაა ჩინეთის BYD Co. და Tesla Inc.

✅️ ნორვეგია, რომელიც ელექტრომობილების გამოყენების ერთ-ერთი პიონერია, არ შეუერთდება ევროკავშირს ჩინურ ელექტრომობილებზე ტარიფების გაზრდაში, განაცხადა ფინანსთა მინისტრმა ტრიგვე სლაგსვოლდ ვედუმმა.

✅️ ღაზას ჩრდილოეთით, შატეს ლტოლვილთა ბანაკზე ისრაელის საჰაერო თავდასხმის შედეგად ათამდე მშვიდობიანი მოქალაქე მძიმედ დაშავდა. არის მსხვერპლიც.

✅️ აშშ შეაფერხებს საჰაერო თავდაცვის მიწოდებას უცხოელი მყიდველებისთვის მანამ, სანამ უკრაინის საჭიროებები არ დაკმაყოფილდება. ამის შესახებ მედიასთან ინტერვიუში განაცხადა აშშ-ს პრეზიდენტმა ჯო ბაიდენმა.

„ჩვენ ნათლად ვუთხარით იმ ქვეყნებს, რომლებიც მომავალში ამერიკული საჰაერო თავდაცვის სისტემების მიღებას ელიან, რომ მათ მოუწევთ ლოდინი. რაც გვაქვს, უკრაინაში წავა“.

✅️ საუდის არაბეთმა გადაწყვიტა არ განაახლოს შეერთებულ შტატებთან 80-წლიანი ხელშეკრულება, რომლის მიხედვითაც ნავთობის შესყიდვა ხდებოდა ამერიკული დოლარის საშუალებით. ხელშეკრულებას ვადა კვირას, 9 ივნისს ამოეწურა.
ეს შეთანხმება, რომელსაც თავდაპირველად ხელი 1974 წლის 8 ივნისს მოეწერა, იყო აშშ-ს გლობალური ეკონომიკური გავლენის შედეგით გამოწვეული.

შეთანხმების თანახმად, საუდის არაბეთი დათანხმდა თავისი ნავთობის ექსპორტის ექსკლუზიურად აშშ დოლარებში ფასის გადახდას და ნავთობის ჭარბი შემოსავლების ინვესტირებას აშშ-ს სახაზინო ობლიგაციებში, სანაცვლოდ კი აშშ დაჰპირდა სამხედრო უსაფრთხოებას და ეკონომიკური განვითარებისათვის ხელშეწყობას.
➡️ ამიერიდან ნებისმიერ ქვეყანას შეეძლება მისთვის სასურველ ვალუტაში (რასაც საუდები დათანხდებიან, იქნება ეს, იუანი, რუპია, რუბლი, ევრო თუ ა.შ.) შეიძინოს არაბული ნავთობი, რაც დოლარზე მოთხოვნას შედარებით შეამცირებს.

✅️ ევროკავშირის მართლმსაჯულების სასამართლომ მიგრაციული პოლიტიკის ფარგლებში დაკისრებული ზომების შეუსრულებლობისთვის უნგრეთი 200 მილიონი ევროთი დააჯარიმა.
2020 წლის დეკემბერში სასამართლომ დაადგინა, რომ უნგრეთი არ აკმაყოფილებს ევროკავშირის კანონმდებლობას მიგრანტებთან მოპყრობასთან დაკავშირებით და ბუდაპეშტს მიგრაციული პოლიტიკის ცვლილება დაავალა. სასამართლოს დადგენილებით, უნგრეთმა არ მიიღო აუცილებელი ზომები თავშესაფრის მაძიებელთა საერთაშორისო დაცვის პროცედურის უზრუნველყოფასთან დაკავშირებით 2020 წლის გადაწყვეტილების შესასრულებლად.
ცნობისათვის, უნგრეთში მოქმედი კანონმდებლობის თანახმად, მიგრანტებს თავშესაფრის მოთხოვნა შეუძლიათ მხოლოდ უნგრეთის საზღვრებს გარეთ, მეზობელ სერბეთსა და უკრაინაში მდებარე მის საელჩოებში. საზღვრის უკანონოდ გადაკვეთის შემთხვევაში, პირებს ჩვეულებრივ უკან აბრუნებენ.

✅️ 🇺🇸🇺🇦 შეერთებული შტატების თავდაცვის მდივანმა ლოიდ ოსტინმა მედიასთან მიცემულ ინტერვიუში ისაუბრა იმის შესახებ, თუ როგორ იმოქმედა რუსეთზე თავდასხმის ნებართვამ ხარკოვის რეგიონში არსებულ სიტუაციაზე.

„მე ვხედავ რუსული წინსვლის შენელებას და ფრონტის ამ ნაწილის სტაბილიზაციას“.

მან ასევე გაიხსენა, რომ რამდენიმე კვირის წინ იყო საკმაოდ დიდი შიში, რომ რუსი დამპყრობლები მნიშვნელოვან გარღვევებს მოახდენდნენ ფრონტის ხაზზე, თუმცა შიში არ გამართლდა.

”არა მგონია, რომ მომავალში ეს ვიხილოთ”, - დასძინა ლოიდ ოსტინმა.

✅️ ოსამა ჰამდანმა, ჰამასის კიდევ ერთმა ლიდერმა ლიბანში, განუცხადა CNN-ს, რომ არავინ იცის, რამდენი ისრაელელი მძევალია ჯერ კიდევ ცოცხალი.

ისრაელის მონაცემებით, ღაზას სექტორში 120 მძევალი რჩება, მაგრამ მათგან მინიმუმ 30 გარდაცვლილია.

✅️ ამერიკული წყალქვეშა ნავი კუბის ყურეში შევიდა, სადაც ცოტა ხნის წინ რუსული ხომალდები ჩავიდნენ.

აშშ-ის სამხრეთ სარდლობამ განაცხადა, რომ ატომური ენერგიით აღჭურვილი სწრაფი თავდასხმის წყალქვეშა ნავი USS Helena ხუთშაბათს შევიდა წყლებში კუბაში, აშშ-ს ბაზის მახლობლად.
მათი თქმით ნავის კუბაში გაჩერება "პორტის ვიზიტის რუტინული ნაწილია".

✅️ რუსეთი იძულებულია უკან დახიოს ფრონტის ხაზზე ხარკოვის მიმართულებით უკრაინის შეიარაღებული ძალების მიერ ბელგოროდზე თავდასხმების გამო.