✅️ აშშ შეაფერხებს საჰაერო თავდაცვის მიწოდებას უცხოელი მყიდველებისთვის მანამ, სანამ უკრაინის საჭიროებები არ დაკმაყოფილდება. ამის შესახებ მედიასთან ინტერვიუში განაცხადა აშშ-ს პრეზიდენტმა ჯო ბაიდენმა.

„ჩვენ ნათლად ვუთხარით იმ ქვეყნებს, რომლებიც მომავალში ამერიკული საჰაერო თავდაცვის სისტემების მიღებას ელიან, რომ მათ მოუწევთ ლოდინი. რაც გვაქვს, უკრაინაში წავა“.

✅️ საუდის არაბეთმა გადაწყვიტა არ განაახლოს შეერთებულ შტატებთან 80-წლიანი ხელშეკრულება, რომლის მიხედვითაც ნავთობის შესყიდვა ხდებოდა ამერიკული დოლარის საშუალებით. ხელშეკრულებას ვადა კვირას, 9 ივნისს ამოეწურა.
ეს შეთანხმება, რომელსაც თავდაპირველად ხელი 1974 წლის 8 ივნისს მოეწერა, იყო აშშ-ს გლობალური ეკონომიკური გავლენის შედეგით გამოწვეული.

შეთანხმების თანახმად, საუდის არაბეთი დათანხმდა თავისი ნავთობის ექსპორტის ექსკლუზიურად აშშ დოლარებში ფასის გადახდას და ნავთობის ჭარბი შემოსავლების ინვესტირებას აშშ-ს სახაზინო ობლიგაციებში, სანაცვლოდ კი აშშ დაჰპირდა სამხედრო უსაფრთხოებას და ეკონომიკური განვითარებისათვის ხელშეწყობას.
➡️ ამიერიდან ნებისმიერ ქვეყანას შეეძლება მისთვის სასურველ ვალუტაში (რასაც საუდები დათანხდებიან, იქნება ეს, იუანი, რუპია, რუბლი, ევრო თუ ა.შ.) შეიძინოს არაბული ნავთობი, რაც დოლარზე მოთხოვნას შედარებით შეამცირებს.

✅️ ევროკავშირის მართლმსაჯულების სასამართლომ მიგრაციული პოლიტიკის ფარგლებში დაკისრებული ზომების შეუსრულებლობისთვის უნგრეთი 200 მილიონი ევროთი დააჯარიმა.
2020 წლის დეკემბერში სასამართლომ დაადგინა, რომ უნგრეთი არ აკმაყოფილებს ევროკავშირის კანონმდებლობას მიგრანტებთან მოპყრობასთან დაკავშირებით და ბუდაპეშტს მიგრაციული პოლიტიკის ცვლილება დაავალა. სასამართლოს დადგენილებით, უნგრეთმა არ მიიღო აუცილებელი ზომები თავშესაფრის მაძიებელთა საერთაშორისო დაცვის პროცედურის უზრუნველყოფასთან დაკავშირებით 2020 წლის გადაწყვეტილების შესასრულებლად.
ცნობისათვის, უნგრეთში მოქმედი კანონმდებლობის თანახმად, მიგრანტებს თავშესაფრის მოთხოვნა შეუძლიათ მხოლოდ უნგრეთის საზღვრებს გარეთ, მეზობელ სერბეთსა და უკრაინაში მდებარე მის საელჩოებში. საზღვრის უკანონოდ გადაკვეთის შემთხვევაში, პირებს ჩვეულებრივ უკან აბრუნებენ.

✅️ 🇺🇸🇺🇦 შეერთებული შტატების თავდაცვის მდივანმა ლოიდ ოსტინმა მედიასთან მიცემულ ინტერვიუში ისაუბრა იმის შესახებ, თუ როგორ იმოქმედა რუსეთზე თავდასხმის ნებართვამ ხარკოვის რეგიონში არსებულ სიტუაციაზე.

„მე ვხედავ რუსული წინსვლის შენელებას და ფრონტის ამ ნაწილის სტაბილიზაციას“.

მან ასევე გაიხსენა, რომ რამდენიმე კვირის წინ იყო საკმაოდ დიდი შიში, რომ რუსი დამპყრობლები მნიშვნელოვან გარღვევებს მოახდენდნენ ფრონტის ხაზზე, თუმცა შიში არ გამართლდა.

”არა მგონია, რომ მომავალში ეს ვიხილოთ”, - დასძინა ლოიდ ოსტინმა.

✅️ ოსამა ჰამდანმა, ჰამასის კიდევ ერთმა ლიდერმა ლიბანში, განუცხადა CNN-ს, რომ არავინ იცის, რამდენი ისრაელელი მძევალია ჯერ კიდევ ცოცხალი.

ისრაელის მონაცემებით, ღაზას სექტორში 120 მძევალი რჩება, მაგრამ მათგან მინიმუმ 30 გარდაცვლილია.

✅️ ამერიკული წყალქვეშა ნავი კუბის ყურეში შევიდა, სადაც ცოტა ხნის წინ რუსული ხომალდები ჩავიდნენ.

აშშ-ის სამხრეთ სარდლობამ განაცხადა, რომ ატომური ენერგიით აღჭურვილი სწრაფი თავდასხმის წყალქვეშა ნავი USS Helena ხუთშაბათს შევიდა წყლებში კუბაში, აშშ-ს ბაზის მახლობლად.
მათი თქმით ნავის კუბაში გაჩერება "პორტის ვიზიტის რუტინული ნაწილია".

✅️ რუსეთი იძულებულია უკან დახიოს ფრონტის ხაზზე ხარკოვის მიმართულებით უკრაინის შეიარაღებული ძალების მიერ ბელგოროდზე თავდასხმების გამო.

✅️ „დიდი შვიდეულის“ ყველა ქვეყანა მიიღებს მონაწილეობას უკრაინისთვის 50 მილიარდი დოლარის ოდენობის სესხის გამოყოფაში, რომელიც რუსეთის ფედერაციის გაყინული აქტივებიდან მიღებული შემოსავლის გამოყენებით გაიცემა.

✅️ ევროკავშირის ელჩები შეთანხმდნენ, რომ 25 ივნისიდან გაიხსნება მოლაპარაკებები მოლდოვისა და უკრაინის ევროკავშირში მიღებასთან დაკავშირებით.

✅️ სამხრეთ კორეა აპირებს გადახედოს თავის გადაწყვეტილებას, უკრაინისათვის შეიარაღების მიწოდებისგან თავის შეკავებასთან დაკავშირებით, რისი მიზეზიც ვლადიმერ პუტინის ვიზიტია ჩრდილოეთ კორეაში.

✅️ ოფიციალური სეული უკმაყოფილოა პუტინის ჩრდილოეთ კორეაში ვიზიტისას კრემლსა და ფხენიანს შორის დადებული ხელშეკრულებით სამხედრო-ეკონომიკურ სფეროში თანამშრომლობის თაობაზე.

✅️ "ჩვენ გამოვხატავთ სერიოზულ შეშფოთებას და ვგმობთ რუსეთსა და ჩრდილოეთ კორეას შორის დადებულ ხელშეკრულებას" - განაცხადა სამხრეთ კორეის პრეზიდენტის მრჩეველმა უსაფრთხოების საკითხებში ჩან ჰო ჩჟინმა. მისი განმარტებით დადებული ხელშეკრულება პირდაპირ ეწინააღმდეგება გაეროს უშიშროების საბჭოს რეზოლუციებს.

✅️ასევე სამხრეთ კორეა სანქციებს დაუწესებს იურიდიულ და ფიზიკურ პირებს, რომლებიც მონაწილეობას ღებულობენ იარაღისა და ნავთობის გადაცემის პროცესში რუსეთსა და ჩრდილოეთ კორეას შორის. გაიზრდება იმ პროდუქციის სიაც, რომლის ექსპორტირებაც აკრძალულია რუსეთში.

✅️ ნატოს სურს დაეხმაროს კიევს და შექმნას "ნატო-უკრაინის მისია", მაგრამ უნგრეთი ამ მისიაᲨი მონაწილეობას არ მიიღებს.

ორბანის თქმით, მისიის გეგმა მოიცავს სამი დიდი ბაზის შექმნას პოლონეთში, სლოვაკეთსა და რუმინეთში რომლის მიზანი იქნება უკრაინაში იარაღის სწრაფი გადადატანა, ფინანსური მხარდაჭერა და წვრთნების უზრუნველყოფა.

უნგრეთის პრემიერმა ასევე გამოთქვა მოსაზრება, რომ ახლა მხოლოდ „მსოფლიოს პრეზიდენტს“ ტრამპს შეუძლია „ომის მატარებლის შეჩერება“.

✅️ აშშ-მ შეიმუშავა კანონპროექტი, რომლის მიხედვითაც ქვეყანა ამერიკელ ინვესტორებს ჩინეთში ხელოვნური ინტელექტის სისტემების დაფინანსებას უკრძალავს, რომლებიც შეიძლება გამოყენებულ იქნას იარაღის დამიზნებისთვის თუ სხვა სამხედრო მიზნებისთვის.

✅️ გაეროს გენერალურმა მდივანმა ანტონიო გუტერეშმა გამოთქვა ღმა შეშფოთება ისრაელელ სამხედროებსა და ჰეზბოლას მებრძოლებს შორის ომის ესკალაციისა და სასიკვდილო სასაზღვრო შეტაკებების გამო.

🟠 გაეროს სამშვიდობო მისიები მუშაობენ სიტუაციის დასამშვიდებლად, რათა თავიდან აიცილონ კონფლიკტის ესკალაცია. მისიების ჩართულობა კონფლიკტში მას შემდეგ გაიზარდა, რაც ორივე მხარემ გააძლიერა ომის რიტორიკა და გაზარდა სრულმასშტაბიანი კონფლიქტის შესაძლებლობა.

✅️პენტაგონის თქმით, უკრაინას ექნება შესაძლებლობა აშშ-ის მიერ მიწოდებული რაკეტები უფრო ღრმად გაისროლოს რუსეთის სივრცეში მაშინ, როდესაც თავდასხმის ქვეშ იქნება.
🟢 აშშ ასევე აძლევს უფლებას უკრაინას დაარტყას თვითმფრინავებს რუსეთის საჰაერო სივრცეში აშშ-ს მიერ მიწოდებული საჰაერო თავდაცვის სისტემებით, თუ ისინი უკრაინის საზღვრის გადაღმა დარტყმას გადაწყვეტენ.

✅️ უკრაინისთვის პატრიოტების მიწოდება აშშ-ს პრიორიტეტია, სხვა დამკვეთი ქვეყნებისთვის კი ეს პრობლემაა, განაცხადა პოლონეთის პრეზიდენტმა.

საჰაერო თავდაცვის სისტემების მიწოდებუს შეფერხება აჩვენებს, რომ დასავლეთის ქვეყნები ძალიან ცოტა იარაღს აწარმოებენ. ხაზგასმით აღნიშნა ანდჟეი დუდამ:

„სერიოზული მოთხოვნაა, მაგალითად, საბრძოლო მასალაზე, საწყობები ცარიელია. ჩვენ უნდა დავუბრუნდეთ ნორმალურ წარმოებას, განავახლოთ მიწოდების ჯაჭვები და ფეხი ავუწყოთ მსოფლიოში მომხდარ ცვლილებებს.”

დუდას თქმით, მიუხედავად იმისა, რომ აშშ ყველა პატრიოტის სისტემას უკრაინას გადაცემს, პოლონეთს დავდაცვის პრობლემა მაინც არ შეექმნება,რადგანაც მათ აქვთ ამერიკული და ბრიტანული საჰაერო თავდაცვის სხვა სისტემები.

დუდამ განცხადება გააკეთა მას შემდეგ, რაც ცნობილი გახდა, რომ ამერიკის შეერთებული შტატები ზაფხულის ბოლომდე გეგმავს კიევში გადაიტანოს პატრიოტის სისტემები, რომლებიც სხვა მოკავშირეებისთვის იყო განკუთვნილი. სხვა ქვეყნებიდან ამერიკული საჰაერო თავდაცვის სისტემების შეკვეთები შეჩერებულია.

✅️ დონალდ ტრამპი ამბობს, რომ ჯო ბაიდენის დაპირება უკრაინისთვის ნატოში გაწევრიანების შესახებ შეცდომა იყო.
🟢 „მუდმივ ცუდად ლაპარაკობდა, ერთ-ერთი არასწორი რამ, რასაც ის ამბობდა, იყო ის, რომ უკრაინა შეუერთდებოდა ნატოს“. „როდესაც მისი დაპირებების შესახებ მოვისმინე, ვიფიქრე, რომ ეს ბიჭი ომს აპირებდა“.

🟢ტრამპმა კიდევ ერთხელ დაადასტურა მისი რწმენა, რომ რუსეთის სრულმასშტაბიანი შეჭრა არ მოხდებოდა, თუ ის პრეზიდენტის პოსტზე დარჩებოდა.
ტრამპის თქმით, რუსეთმა უკრაინის საზღვართან ძალების განლაგება მას შემდეგ დაიწყო, რაც მან თანამდებობა დატოვა.
აშშ-ს პრეზიდენტმა ჯო ბაიდენმა ცოტა ხნის წინ TIME-თან ინტერვიუში განაცხადა, რომ უკრაინაში მშვიდობა ნიშნავს იმის გარანტიას, რომ რუსეთი ვერასოდეს შეძლებს უკრაინის ოკუპაციას და რომ ნატოში გაწევრიანება ამ მიზნისთვის აუცილებელი არ არის.

🟠 აშშ-ს ადმინისტრაციამ ასევე აღნიშნა, რომ უკრაინას სჭირდება რუსეთთან ომის მოგება, რათა შემდეგ ჩრდილო ატლანტიკურ ალიანსში გაწევრიანდეს.

✅️ იტალიაში, ნეაპოლის პროვენციაში ტყის მასიურ ხანძარს ებრძვიან, რომელიც სავარაუდოდ ივნისის თვისათვის შეუსაბამო უჩვეულოდ მაღალმა ტემპერატურამ გამოიწვია.

✅️ დღეს როსტოვში სამხედრო საწყობი დაიწვა. ხანძრის გამომწვევი მიზეზები უცნობია. 🇺🇦🇺🇦👌

✅️ ირანის პრეზიდენტობის კანდიდატებმა დებატებამდე ერთად ილოცეს.