Наведала Коласаўскі тэатр! Упершыню.

Спектакль «Самая жаданая». Рэжысёр і музыка – Ніна Обухава. Сцэнаграфія і касцюмы – Наталля Ярмоліна-Лапіцкая. Пластыка – Сяргей Талкач. Пераклад – Тадэвуш Кокштыс.

Сцэнаграфія супер: усе дэкарацыі перамяшчаліся па сцэне, ігралі, пастаянна былі задзейнічаны акцёрамі. Усё ў стылі Шагала, усё па-віцебску.

✨ Адкрыццём стаў Тадэвуш Кокштыс! Пачытайце пра яго ў інтэрнэце. Чалавеку 90 гадоў споўніцца ў кастрычніку, а ён актыўна рухаецца на сцэне, у яго зразумелае вуху і чыстае беларускае маўленне. У гэтым спектаклі ён іграў за дваіх: свайго героя і ляльку. Ну цікава!

Ён жа зрабіў і вельмі добры, якасны пераклад на беларускую мову. І здзівіла, што акцёры прамаўлялі нават складаныя словы і не змянілі іх на больш простыя для вымаўлення, бо так лягчэй, а менавіта захавалі яскравую, гучную беларускую мову.

Безумоўна, па прафесійнай звычцы я ўвесь спектакль слухала вымаўленне акцёраў))) Ну што ж зробіш. Былі слоўцы, дзе я напружвалася ад неправільнасці. Аднак увогуле засталася задаволена ❤️

Пасля была імпрэза віншавання рэжысёра з юбілеем. І гэта была паўнавартасная імпрэза, а не два словы ад кіраўніцтва тэатра. Вось што значыць наяўнасць свайго рэжысёра ў тэатры, які сапраўды стварае крутыя і цікавыя сцэнарыі. І таксама ўсе падчас імпрэзы размаўлялі на беларускай, што прыемна парадавала, я ад такога адвыкла неяк.

Рэкамендую наведаць тэатр і спектаклі Коласаўскага! Не пашкадавала, што зайшла.

Ставім 9/10 🥳