‏الغياب وقت الشدة يلغي قدسية أي
علاقة مهما كانت قوتها ، وقد قيل في سياق ذلك..

"ما دام غبت بساعة أم المعارك
مالي ليا زال الخطر حاجةٍ فيك"

إيضًا :

"من شحّ باللقمه وأنا ميتٍ جوع
لا زان علمي لا يجيب الذبيحه" .

ابكي وداعك ولا ودي تشوف الدموع
يالي وداعك علي اصعب من اية وداع

الله كتب تنتهي العشره وتطفى الشموع
مات الامل في رمال اليأس والحلم ضاع

روح بفالك ترى ما ارضى عليك الخضوع
ارحل شجاعٍ مثل ماجيت صوبي شجاع

وان مر طيفي على بالك بليلة ربوع
اسال غرورك وش الدنيا بليا متاع

وانا بحافظ على جرحك مابين الضلوع
واليا ذكرتك تنحرت الفجوج الوساع

ودعتك الله ولا ودي تجف الدموع
ياللي وداعك مابعده في حياتي وداع .

‏على الهون يازهرة شبابي وتو الناس
‏علي العمر يمضي والافراح منسرقه

‏تلج الطواري كل ما ذعذع النسناس
‏على واحدٍ بين العرب واضحٍ فرقه

‏شعور المسافه بين حبل الرجا والياس
‏شعور المسافر كل ماطالت الطرقه .

تسولف لي عن احبابك وانا احبك
كانك تسولف لليتيم ان عندك اهل .

"اعتبر هذا صبا.. ولا تصابي
‏يا بصيص آمالي اللي خاب آملها

‏بان شيبي وذْبلت زهرة شبابي
‏وانتهى طيش البدايات وجهلها

‏كن أهل ذيك المرابع والمرابي
‏ديرةٍ مستفرد الريح بـ نخلها

‏جوها غايم و واقعها ضبابي
‏توجع اللي شافها واللي دخلها

‏المطر وهو المطر من حرّ مابي
‏لو يسمّي فوق كبدي ما غسلها"

حداك الحلم عن طيش الشباب لصحوة الإدراك
بعد عشرينك اللي من ربيع العمر مسروقه

بديت تْحسب الأيام المقابيل و تعدّ إخطاك
كثر ما كنت شاعر يحسب حسابات منطوقه

اسولف لك عن شعور الندم يا عقلي الشكّاك
تقول انه ورى حدب الضلوع مضيَّعٍ نوقه

على كثر الشكوك اللي تراودني هنا و هناك
أنا رجلٍ يشوف المستحيل من أبسط حقوقه

دثّريني ضايقٍ صدري وفي نفسي حسافه
‏وزمليني لو مانيب محمد وما انتي خديجه

‏اغفري لي زلةٍ زلّيتها وقت انحرافه
‏مثل مايغفر نهار الحج من يكرم حجيجه

‏وقولي لبحر الخليج اللي بكينا في ضفافه
‏يتحملنا ويدفن سالفتنا في خليجه

‏إستحيت من التردد وانكسرت من المسافه
‏كل يوم اروح واعوّد ولا احصل نتيجه

"لا تطيح بعين من شافك السد المنيع
لو تكمل باقي الدرب تمشي وتعرج"

"انا كل ما جيت الرياجيل في موضوع
‏معاريف -اخوي- وذكره الزين يخدمني"

هذا واحد، يردد هذا البيت في أخوه عسى الله يرحمه ويسكنه فسيح جناته، يقول كل ما رحت لمكان ودروا إني أخو فلان.. قضوا موضوعي
وهذا دليل؛ إن لو الإنسان يموت.. ما يموت ذكره الطيّب

كل بعدٍ عنك مر وكل قربٍ منك حالي
انت ابو كل الشعور من القلق لـ الطمئنينه

والله انه ما يمر اليوم لين تمر بالي
آه من وجهٍ يشع النور مع طلّة جبينه

وين أبهرب منك وأنت العابر اللي صار غالي؟
مرّني معجب وخلاني من أكبر معجبينه

اجرح اجرح يا وسيع المحجرين ولا تبالي
انت عينك يا حبيبي لاجلها تكرم مدينه

خابر ان قدك رهيف وخابر ان وجهك خيالي
وخابر انك ماخذ من الريم لفتاته وعينه

ما لقيت لوجهك اشباهٍ على مر الليالي
حطه الله نسخةٍ وحده ولا حط أربعينه

‏﴿ وَالصُّبْحِ إِذَا تَنَفَّسَ ﴾
‏سبحان من تنفس الصُبح بأمره
اللهم بك أصبحنا وعليك توكلنا وأنت خير الحافظين