#በግራሽ_እቀፊኝ

ውዴ ሆይ ነይልኝ እንኩዋን ደህና መጣሽ
በጣም በርዶኝ ነበር ካጠገቤ ሳጣሽ
በይ እቅፍ አድርጊኝ ግራ እጅሽን ዘርጊ
ባይሆን ቀኝ እጅሽን ትንሽ ወደዛ አርጊ
ኡፍፍ...
በቀኝ መታቀፍ
እንዴት ነው የሚቀፍ?
እባክሽን ውዴ.....ያልኩሽን ሰምተሻል?
ቀኝሽን አርቂው ግራሽ ነው የሚሻል
በቀኝ እጅሽማ
ለስንቱ ጎረምሳ ሰላምታ ሰጥተሻል
የሰው ከጃይ ሁሉ የዘየረሽ መስሎ
ሲያልፍ አይቸዋለሁ ከመዳፍሽ መሃል ምኞት ቀልቡን ጥሎ::
ምን ይህ ብቻ ውዴ?
ከታሪክ ገፅ ላይ ብታተኩሪ አንዴ
ስንት ገራሚ እውነት ታገኝ የለም እንዴ
የያኔው ባለቀን :ለምዶበት ማቀንቀን
በቀኝ እጄ ሳቅፍህ
መንገድህ ይቀናል እያለ ሲያሞቀኝ
ውሎ ሳያድር ነው በቀኝ ሽብር መላ በወጠምሻ ክንዱ ጎኔን ያደቀቀኝ
ይሄኛውስ ቢሆን በእሱ የተተካው
ላክምልህ በሚል ከንቱ ፖለቲካው
ለስንቴ መሰለሽ እየተደበቀ ቁስሌን የሚነካው
ታዲያ በዚህ ዘመን
እነዚህን ሁሉ የቀኝ አቀንቃኞች ከልቡ እያመነ
በተናገሩት ቃል እየተማመነ
ከቤቱ የወጣ ቀኝ አውለኝ እያለ
ከአውላላ ሜዳ ላይ ቀረ እንደዋለለ::
እናልሽ ፍቅሬ ሆይ ይሄ ተሞክሮ
ልቤ ውስጥ ተቁዋጥሮ
እንኩዋንስ በቀኝ እጅ ልቀፍህ ተብዬ
"ቀ" የሚባል ፊደል ሲያልፍ በጆሮዬ
ቀማኛ
ቀበኛ
ቀጣፊ
ቀሳፊ...
የሚል የ"ቀ" ውላጅ
የክፉ አሳብ ጉማጅ
ባሳቤ እየመጣ
ጤናና ሰላሜን ባንዴ ነው የማጣ::
ስለዚህ ህይወቴ ከገባሽ ጭንቀቴ
በግራሽ እቀፊኝ አድምጭኝ በሞቴ
በግራ ጡትሽ ስር ካለው ትንሽ ኮዳ
ልብ የሚሉት ጉዋዳ
እኔ ጠጋ ስልሽ ነፍሴ ከነፍስሽ ጋር
ሽርክና መፍጠርዋን በድንገት ሲረዳ
ምን ያህል ጋሎን ደም ባንዴ እንደሚቀዳ።
የፍቅሬ ማእበል የልብሽን ባህር ስንቴ እንደሚንጠው
ሽጉጥ ልበልና በደንብ ላዳምጠው
ከግራ አጥንቶችሽ እስኪ ልበል ልክክ
ለመቁጠር እንድችል የትርታሽን ልክ!!
  @gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
✍ ጋሻው ለኔ

#ፍርሃትና_ናፍቆት

"ሊመጣ ነው!" ሲሉኝ
"የመቅሰፍት ጊዜ! የመከራ ዘመን!"
"የት ደርሷል?" ስላቸው ፣
"ቀርቧል!" ብቻ እያሉኝ ፣
"መች ይመጣል?" ም ስል ፣
"ደርሷል!" ብቻ እያሉኝ ፣
ይኸው አርባ አመቴ ፣ በፍርሃት አለሁኝ ፣
ወይ ዘመኑ መጥቶ ደቁሶ አልደቆሰኝ ፣
ፍርሃቱ፣ ፍርሃቱ፣ ፍርሃቱ ገደለኝ

"ሊመጣ ነው!" ሲሉኝ ፣
"የሰላም የደስታ - የጥጋብ ዘመን!"
"የት ደርሷል?" ስላቸው ፣
"ተቃርቧል!" እያሉኝ ፣
"መች ይመጣል?" ም ስል ፣
"ተዳርሷል!" እያሉኝ ፣
ይኸው አርባ ዓመቴ፣ በናፍቆት አለሁኝ ፣
ወይ ዘመኑ መጥቶ በደስታ አላሻረኝ ፣
ናፍቆቱ፣ ናፍቆቱ፣ ናፍቆቱ ገደለኝ ።
         @gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
✍ ዶ/ር ፈቃደ አዘዘ

#ቢጥፉት_ቢጥፉት

የተላበሱትን
ላይጥሉት አውልቀው
ቢጥፉት፣ቢጥፉት
መቀደዱን ዓይተው
      ዲሪቶን ቢደርቱት
ደጋግመው ቢጥፉት
አጋልጦ ይሰጣል
በአዲስ ካልቀየሩት
       እንደው ላይከርሙበት
      በመጣፌያ ጥፎ
     ገበና ላይሸፍን
      ሊሰጥ  አሳልፎ፡፡
       @gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
✍ ግዛቸው ማሞ

#ነብስ_ይማር

አትጠብቁ ከቶ፣
ቀጠሮ አትያዙ ለዋይታ ለልቅሶ
ካፈር እስክገባ ጉዱጓዴ ተምሶ!

በፊቴ አፍስሱልኝ የወዳጅ እንባውን
ባንገቴ አጥልቁልኝ ጉንጉን አበባውን፣

ብርሃን ሲያኮበኩብ
ፅልመትም ሲያንዣብብ፣
ቀኔን ነጥቆኝ ሊሮጥ ሌቱ ሲንደረደር
ነብስ ይማር ነው እንጂ አትበሉኝ ደና 'ደር!
የ'ድሜ ሽኝት ሐውልት የለት ተለት ሞቴ
የመቃብር ላይ ፁፍ ጥቅስ ናት ህይወቴ!!
         @gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
✍ በርናባስ ከበደ

በጣም ትልቅ የተባለ የ website airdrop ልጠቁማችሁ

One FootBall Season 2 ላይ ነው  season 1 ተጠናቋል ነገር ግን አረፈደም አሁንም መስራት ትችላላችሁ

TGE Is Set To Be In Q1 2025.(የመጀመሪያዎቹ ሶስት ወራት ውስጥ )

Backed By Adidas 🔥And Animoca🔥
raised 400+ million dollar🔥

✔️ምንም አይነት ወጭ ማውጣት አይጠበቅባችሁም

ለመጀመር
https://ofc.onefootball.com/s2?referral=a3evCNHQG7f9

➡️በመቀጠል Connect Wallet አድርጉ (metamask , phantom , trust wallet )

➡️ ያሉትን ሶስት ታስኮች አጠናቁ Balls ሰብስቡ

ትልቅ ፕሮጀክት ነው guys በደንብ ስሩ በእርግጠኝነት ጥሩ ታገኛላችሁ 🔥🔥

ሰማዩ መጅ
ምድሩ ወፍጮ
አተር ነፍሴ፣ እማህል ላይ ተንገርጭጮ
ቅጤ ቅርሴ ሲፈራርስ፣
"ኅጢያቴ ነው " ?፣ ልበል ላልቅስ?
"እቅዱ ነው"፣ ልበል ወይስ
እርዳኝ ብዬ ፀሎት ላድርስ?
በላይ በታች፣ መንትያ ጥርስ
አተር ነፍሴ፣ ሲፈራርስ
"አሜን" ልበል ወይ "አያድርስ"?
 @gitm_post
    ♡ ㅤ     ❍ㅤ       ⌲            
   ˡᶦᵏᵉ    ᶜᵒᵐᵐᵉⁿᵗ    ˢʰᵃʳᵉ
✍ረድኤት አሰፋ

#ለምን_ሞተ_ቢሉ

ለምን ሞተ ቢሉ
ንገሩ ለሁሉ
ሳትደብቁ ከቶ፤
“ከዘመን ተኳርፎ
ከዘመን ተጣልቶ"፡፡
@gitm_post
  ♡ ㅤ     ❍ㅤ       ⌲            
 ˡᶦᵏᵉ    ᶜᵒᵐᵐᵉⁿᵗ    ˢʰᵃʳᵉ
✍ደበበ ሰይፉ

#ስደቢኝ_ግድየለም

ስደቢኝ ግድየለም አልቀየምሽም
ደደብ የማትረባ አህያ ነህ ቀሽም
ሲጠሉህ የማታውቅ እልም ያልክ ፋራ
ልክስክስም በይኝ አስቀያሚ ጭፍራ
ከፈለግሽ ደግሞ ደሀ ለቃቃሚ
ብትይኝ ግድየለም እባክሽን ስሚ

ከስድቦችሽ መሀል መልካሙን እያየሁ
ፋራ በመሆኔ እጅጉን እኮራለው
አህያ ላልሺኝ ደግሞ አንቺን ተሸክሜ
እስከዛሬ አለሁ ይሄውልሽ ህመሜ

ደሀ ነህ ብለሻል ደሀ ነኝ አውቃለው
ሀብታም ስላልሆንኩኝ አመሰግናለው
ምናልባት ግን ሆዴ.....
ገንዘብ ኖሮኝ እኔ በሀብቴ ብኮራ
ስድብሽን ሰምቼ እለይሽ ነ'በራ
ሁሉን ያጣ ሆኜ ብትይኝ ውዳቂ
እንደማልጠላሽ ግን አሁንም እወቂ፡፡♥
@gitm_post
    ♡ ㅤ     ❍ㅤ       ⌲            
   ˡᶦᵏᵉ    ᶜᵒᵐᵐᵉⁿᵗ    ˢʰᵃʳᵉ
✍ ሎሬት ፀጋዬ ገብረ-መድህን

#የቀበሮ_ፀሎት

እባክህ አምላኬ- ብትሬን ቀባና
እኔም ልወዝወዘው-የሙሴን ጎዳና
ያላንዳች ፍርሃት-ያለምንም ችግር
ባህሩን ከፍዬ- ህዝቤን እንዳሻግር፡፡
አቤት የኔ ጌታ ይህም አያረካም
በቃልህ ታምኜ -ከሆንኩልህ መልካም
ለእኔም ፍቀድልኝ-ያብራምን ምልክት
ከምድር አሸዋ-ዘሬ እንዲበረክት፡፡
አቤቱ ምን ልሁን-ይህም አልጠቀመኝ
እስቲ እንደ ዮናስ-ህዝብ ፊት አቁመኝ
ትንቢቴን ሰምቶልኝ-ሀገር ይተራመስ
ሰው እህል ይጡም-ከብቱም ሳር አይቅመስ፡፡
ይህም አያረካም-ይልቅ እንደዳዊት
አንተን በሚፈራ-ብዙ ሺህ ሠራዊት
ዙፋኔ ተከቦ-በደስታ እንዳመልክህ
የዚህን ሰው ኮከብ -አውጣልኝ እባክህ
አደራህን ታዲያ- ጭንቅ አትወድም ነፍሴ
ልመናዬን ሰምተህ-ካደረግከኝ ሙሴ
መከራውን ማረኝ-ያርባ ዓመት ስደቱን
በሲና በረሃ-መራብ መጠማቱን፡፡
ነቢዩ ዮናስን -አርገህም ስትፈጥረኝ
የባህሩን ፍዳ- ያሳውን ሆድ ማረኝ፡፡
አብረሃምን ሆኜም-በደስታ ሳመልክህ
ልጅህን እረደው-አትበለኝ እባክህ፡፡
የዲዊትም ኮከብ-በኔ ላይ ሲወጣ
እባክህ አምላኬ -ጎልያድ አይምጣ
@gitm_post
    ♡ ㅤ     ❍ㅤ       ⌲            
   ˡᶦᵏᵉ    ᶜᵒᵐᵐᵉⁿᵗ    ˢʰᵃʳᵉ
✍ ታገል ሰይፉ

ልብሽ ከወደደኝ በይኝ ወድካለሁ
ያው እድለኛ ነሽ መውደድ መታደል ነው።
                   
ካልወደድሺኝ ደሞ ውስጥሽ አያመንታ
ፍቅር በፍቅር እንጂ ሲሆን በይሉኝታ
ፍሬ መች ያፈራል የማታ የማታ።
                                          
ግን እየወደድሺኝ አትበይ አልወድክም
ስሜትን በማፈን ጎጆ ፀንቶ አያውቅም።
                                          
ሳትወጂኝም ደሞ አትበይ ወድካለሁ
ይህንም ታውቂያለሽ ...
ማስመሰል ካረጀ ጧሪ ዘመድ የለሁ።
                                         
እናም እኔ ዛሬ ላንቺው ሹክ የምልሽ
አልስማማ ብለው አፍሽና ልብሽ
ቡጢ ተጨባብጠው ከፀፀት ሳይጥሉሽ
ጎጆሽ እንዲቃና ፍቅር ተረብርቦ
ጥሪና አስማሚያቸው .....
ልብሽን ካራምባ አፍሽን ከቆቦ።
         @gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
✍ ሄኖክ ብርሀኑ

#የመጀመሪያ_ቀን

አየችው ተያዩ
አየና ወደዳት
ቀኑ ማታ ነበር
ወደ ሆቴል ሄዱ
ሁለት እራት መጣ
ብርጭቆው ተጋጨ
አየችው ተያዩ
አያት ተሳሳቁ
በጠረጴዛው ስር
ጭኗ ጭኑን ነካው
አየችው ፈገገ
እጇን በእጁ ያዘው
ጠበቅ አደረጋት
ጠበቅ አረገችው
ከፈሉና ወጡ
በከሰለው ሌሊት
ሁለቱ ነደዱ
ታፋቸው ጋለ
ቤቱ ተቃጠለ
ፍራሹ ነደደ
ፍቅር ተያያዘ
         @gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
    ✍ ገብረ ክርስቶስ ደስታ

#አ_ል_ገ_ጥ_ም_ም

እዪው ያን ገጣሚ
ጆሮው ስር እያለች ምትወደው ፍቅረኛ
ብዕሩን ወድሮ
ሩቅ ይማግጣል ጨረቃን ሊተኛ

ከዕለታት አንድ ቀን
ያ አፍቃሪ ገጣሚ ገጣሚ ነው ሲባል
በስንኙ ምስጠት
ባለቤቱን ፈትቶ ጨረቃን ያገባል

ከዕለታት አንድ ቀን
ያገባት ጨረቃ
በዕልፍ ገጣሚዎች ስንኝ ተወድሳ
ውበቷ የሁሉም መሆኑ ሲገባው
ጨረቃንም ፈታ መግጠሙንም ረሳ

ያ ምስኪን አፍቃሪ
ባበጃጀው ስንኝ
ባለቤቱን ትቶ በፍቺ ከተቀጣ
አ-ል-ገ-ጥ-ም-ም ካንቺ ጋር
ጨረቃን ልፈታ
       @gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
✍ ልዑል ሀይሌ

#እየጠበኩሽ_ነዉ

በሄድሽበት እንደ መንገድ
በቆምሽበት እንደ ጥላ
ንፁህ ነፍሴ ተከትላሽ
አንቺን አምና አንቺን ብላ
ሲመሽ ሲመሽ በህልሜ ላይ
ዘላለሜን እያየሁሽ
ተመልሼ ማልመልሰዉ
ሙሉ እድሜየን ያዉ ሰጠሁሽ

እየጠበኩሽ ነዉ...
በቸኮለዉ በዚህ ዘመን
መጣደፉ በበዛበት
አሁን አለ ያልነዉ ነገር
ትንሽ ቆይቶ በሌለበት
አንቺን የሚል የኔ ፍቅር
አንቺን የሚል የኔ አንደበት
ብቻ ፀንቶ ይጠብቃል
ዉብ ፍቅርሽን በቅንነት

እየጠበኩሽ ነዉ...
ደማቅ ፀሃይ ይሄዉ ገባች
ጨለማዉን አስከትላ
ብርቱ ክንዴን ሊፈትነዉ
የእድሜየ ጎርፍ ወንዙን ሞላ
በልጅነት ጨዋታችን
በዉሃ የተጫወቱ
ዉሃ አጣጬን ስጠብቅሽ
ትዳር ጎጆ መሠረቱ

እየጠበኩሽ ነዉ...
በመንገዱ ግራና ቀኝ
የበቀሉት አበባዎች
ቢራቢሮ የሚጠሩ
የልጅነት እምቡጥ መልኮች
ድንገት በፀሃይ ሳይደርቁ
ድንገት በንፋስ ሳይረግፉ
እንደጠበኩሽ ነይና
ከድካማቸዉ ይረፉ!!!
@gitm_post
    ♡ ㅤ     ❍ㅤ       ⌲            
   ˡᶦᵏᵉ    ᶜᵒᵐᵐᵉⁿᵗ    ˢʰᵃʳᵉ
✍ ሰለሞን ሳህለ

#ተስፋሽን_ፈራሁት

የደጅሽ አበባ፣ እምቡጥ ሲይዝልሽ፤
የአንቀልባሽ ህጻን፣ ጠብቶ ሲያገሳልሽ፤
ደስታሽን አይቼ፤
ተስፋሽን ቃኝቼ፤
....................ነገሽን ፈራሁት

እምቡጥን የሚያመክን፣ አመዳይ ትላትል፣ ተምች በሞላበት፤
እምቡጥ የሚቀጥፍ፣ ሰው በሚኖርበት፤

.........በእኔና አንቺ አለም፤
ማንቦጥ መታጨት ነው፣
መውለድ መከተብ ነው፣
.........የዘላለም ሀዘን፣ የዘላለም ህመም።
          @gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
✍ በድሉ ዋቅጅራ

የእግዛብሄር ዝምታ ሃቅ ያመላክታል
ሌላው ሌላው ጩኸት መንገድን ያስታል
ለጸሎትህ ምላሽ ለእንባህ ማበሻ
ከቃላት መልስ ይልቅ፤የእግዜርን ዝምታ በልቦናህ እሻ!
         @gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
✍ ሚስጥረ አደራው

#እኔ_እወድሻለው

ብዙ ሺህ ዘመናት
እልፍ አእላፍ ሌሊት
ሚልዮን መሰለኝ
ፍቅሬ አንቺን ስወድሽ ቀኑ ረዘመብኝ፡፡
እኔ እወድሻለው
የሠማይ መሬቱን
የባህር ስፋቱን
የዓለም ዳርቻ የርቀቱን ያህል
እንደ ጽጌረዳ
እንደ አደይ አበባ
እንደሎሚ ሽታ፡፡
እንደ ከርቤ ብርጉድ
እንደ እጣን ጢስ እንጨት
ውዴ እወድሻለው አበባ እንዳየ ንብ፡፡
እንደቢራቢሮ ጫካ እንደሚያስሰው
ፍቅርሽን በፍቅሬ
በፍቅርሽ ልቅመሰው፡፡
ማር ወለላዬ ነሽ ከረሜላ ስኳር
አማርኛ አይበቃ
ወይ ጉድ
ባለም ቋንቋ ሁሉ ቢወራ ቢነገር
እኔ እወድሻለው
እንደማታ ጀንበር
እንደጨረቃ ጌጥ
እንደ ተወራርዋሪ ኮከብ
እኔ እማልጠግብሽ
ስወድሽ ፤ስወድሽ፤ ስወድሽ ፤ስወድሽ ፡፡
ጡት እንዳየ ህጻን ወተት እንዳማረው
ጠጋ በይ ዘመዴ አፍሽ ህይወቴ ነው፡፡
ጣይ ላይ እንዳለ ቅቤ
ገላዬ ገላሽን ሲነካ የሚያልቀው
አፈር መሬት ትቢያ ውሃ እንደሚበላው
ፍቅሬ አንቺን ስወድሽ
ብዙ ሺህ ዘመናት
እልፍ አእላፍ ሌሊት
እኔ እወድሻለው
አይኖችሽን ባይኔ ደጋግሜ እያየው
ስወድሽ ሰወድሽ
ውድ እወድሻለው፡፡
        @gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
✍ ገብረ ክርስቶስ ደስታ

“ዛሬ በዳዊት ከተማ መድኃኒት እርሱም ክርስቶስ ጌታ የሆነ ተወልዶላችኋልና።”
  — ሉቃስ 2፥11።

✝ እንኳን ለብርሐነ ልደቱ በሰላም አደረሳችሁ አደረሰን ✝❤️

#ለምን_ነው_የተውኸኝ?

በሰደድ እሳት ውስጥ : እንደ መራመዴ
እንዴት አይሞቀኝም? ይቅርና መንደዴ።
ግግር በረዶ ላይ : በባዶ እግሬ ቆሜ
ለምን ያተኩሳል?  ሥጋዬ እና ደሜ ።
ሁሉም በወረፋው : ወር ተራ ሲደርሰው
እንደ ጉሊት ሸቀጥ  ፡  ክበህ ስታፈርሰው
በምን ሃጥያቴ ነው : የነጠልኸኝ ከሰው??
ምነው እኔ ብቻ?  ያለሁ በእርጋታ
ልድን እወዳለሁ : ማረኝ የኔ ጌታ።
         @gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
✍ በርናባስ ከበደ

#ደቃቃ_ጎልያዶች

ምን ከንቱ ቢመስል ፥ ነገር ሲጀማምር
ንቀህ አትጣለው ፥ በውል ሳትመረምር።
ድራጎን አይደለም ፥ ዳይኖሰር፣ አንበሳ
ቁጭ ብድግ አርጎ ፥ ያሳየን አበሳ።
ባክቴርያና ቫይረስ ፥ ባይን የማናያቸው
የሰው ልጅ ደመኞች ፥ ጥቃቅኖች ናቸው።
         @gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
✍ በርናባስ ከበደ

#የኗሪ_ታዛቢ!

ተይ በሏት ይችን ሰው፥ ምከሯት ትታረም
አጀብ አያሰኝም ፥ጅብ ካህያ መክረም!¡
ታግሼው ነው እንጂ!
እስስት አመልሽን ፥ ስታግለበልቢኝ
ፈርቼሽ አይደለም ፥ እንዳሻሽ ስትገልቢኝ።
ተቻችሎ መክረም!
አንቺ ትብሺ አንተ ፥
በሚል የጋራ ሀሳብ ፥ ፍቅር ካላሰረን
ቤታችን ፈረሰ፥ አውላላ ላይ ቀረን።
እወቂበት በቃ!
ማን የገነባውን ፥ ማን አፍርሶ ያልፋል
በመቻቻል ሲሆን ፥ የኔም ልብ ይሰፋል።
መቼስ ምን ይደረግ!
ጊዜ ላይቀይርሽ !
ታጥቦ ጭቃ አመልሽ ፥ ቀኔን እያስረጀው
(ትኖሪያለሽ እንጂ)
ባኗኗሪነት ነው ፥ እድሜዬን ምፈጀው።
         @gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
✍ ዳግም ህይወት

#ቦክቶ_ተጋግሮ_ነው

ይሄ ሁሉ ችግር ይኼ ሁሉ ጣጣ፣
ምንጩ የሰው ልጅ ነው ከየትም አልመጣ፤
በዘመናት ክፋት በዘመናት እርሾ፣
ቦክቶ ተጋግሮ ነው ይኼ ሁሉ ቁርሾ፤
የሰው ልጅ መከራ እራሱ ሰው ሆኖ፣
መጥፊያውን ያበጃል በተንኮል ተክኖ።
@gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
✍ ስንታየሁ ሀብታሙ