#በቃ_እወድሻለሁ

አውቃለሁ መውደዴን ልፋት ነው ብለሻል
ደግሞ አንች በተራሽ....
ምንም አልጠቅምህም መጥፎ ነኝ ብለሻል
የኔ ባትሆኝም ፍቅሬን ብትገፊውም
ደግሞ በተራዬ መጥፎ ነሽ አልልም
በቃ እወድሻለሁ ይሄንን አልክድም
አውቃለሁ ምክንያቱን ልብሽን የጎዳው ሌላ ሰው ቢሆንም
ሁሉም ወንድ አንድ አይነት መስሎ ቢታይሽም
ስህተቱ እስኪገባሽ እጠብቅሻለሁ
ዛሬም ነገም ሁሌም....
            ......በቃ እወድሻለሁ....
@gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ

ከሁሉም የሚልቅ የሰው ትልቅ ሀብቱ
ገንዘብ የማይገዛው ዋና ጤንነቱ
ማመስገን ነው እንጂ ሲመሽም ሲነጋ
ጤንነት እኮ ነው ለሰው ትልቅ ዋጋ።
@gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
ገጣሚ_ስንታየሁ ሀብታሙ

ጨርቅ አልጣለም እንጂ እርስ በእርስ ተፋፍሮ
የአበደው ብዙ ነው ወፈፌው ዘንድሮ።
ጎዳናውን ሞልቶ የሚርመሰመሰው
በኑሮ ውድነት እየጨለለ ነው።
@gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
ገጣሚ_ስንታየሁ ሀብታሙ

#ሳይበስል_አረረ!

እድሜ ፋኖስ ሆኖ ምግባር ካላበራ
ቁጥር ብቻ መቁጠር ከቶ ምን ሊሰራ
የሰው ልጅ ሚዛኑ መለኪያ ስፍረቱ
ምግባሩ አይደለም ወይ ዛሬስ ሰውነቱ
በግልብ እውቀት ስካር እድሜ እየቆጠረ
በባዶነት እሳት ሳይበስል አረረ!!!
@gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
ገጣሚ_ስንታየሁ ሀብታሙ

ጊዜው ነው አትበሉኝ ጊዜው ምን አጠፋ
እየተመለከትን ሰው በሰው ሲከፋ
ጊዜማ ቀመር ነው መቼ ይዛነፋል
ቀንና ለሊቱም በየዎቅቱ ያልፋል
ሁሉም ሰው አይከፋ ሁሉም ደግ አይደለም
ህጉን ጠባቂ ግን እንደጊዜ የለም።
@gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
ገጣሚ_ስንታየሁ ሀብታሙ

#መለየት_ቤቴ_ነው

አንቺን ይድላሽ እንጂ ካለሽበት ቦታ
እኔስ እኖራለሁ በሩቅ ሰው ትዝታ
ምን ይሆናል ብለሽ እንዴው ለነገሩ
በቂ ነው ትዝታ ከክራሬ ጋራ ለመነጋገሩ
ናፍቆትሽ ዜማዬን ፍቅርሽ ስንኝ ፈጥሮ
በልቤ ውቂያኖስ በትዝታ ጀልባ ቅኝት ነው ዘንድሮ
ይብላኝ እንጂ ላንቺ ወጥተሽ ለምቶርጅው
እኔማ ለመድኩት መለየት ቤቴ ነው።
@gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
ገጣሚ_ስንታየሁ ሀብታሙ

በዓመት አንድ ግዜ አንቺን መዘክሩ
መች ይበቃሽና አይመጥንም ክብሩ
ቀን በቀን ደጋግሞ ካልተከበርሽ እማ
እናቴ አይገልጸውም ዓመት ጠብቆማ
የእናት ቀንን ቆጥሮ ማመስገን ባይከፋም
ለውለታሽ ምላሽ ፍጹም አይበቃሽም!
        @gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
ገጣሚ_ስንታየሁ ሀብታሙ

#እኔ_ነበርኩ_እጩ!

ያብዳል ያሉኝ ሁሉ ቀድመውኝ አበዱ
እኔ ሳልጀምረው ልብስ አውልቀው ሄዱ
በማጣት መስሏቸው እብደት በደረጃ
ማግኘትም ነው ለካስ የሰው ልጅ ማበጃ
እኔ ነበርኩ እጩ አብዶ ለመታየት
ቀድመውኝ አበዱ ጥለው ያን ሁሉ ሀብት
        @gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
ገጣሚ_ስንታየሁ ሀብታሙ

እራሱን አግዝፎ በሌለው ማንነት
ያዙኝ ልቀቁኝ ሲል ሲደነፋ ሀሰት
ቃላት ሳተነፍስ በዝምታ ጥልቀት
ያንን ሁሉ ጉራ ዘረረችው እውነት።
@gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
ገጣሚ_ስንታየሁ ሀብታሙ

#ምዕራፍ_ያጣ_ፍቅር

በጅምር የቀረ ያልተቋጨ ፍቅር
ሁሌም የሚታወስ ዘመን የሚሻገር
በስንቱ ጓዳ ውስጥ አለ ተሸሽጎ
ፍርድን ያላገኘ ያልታየ በሸንጎ
ደብቆት ነው እንጂ በልቡ ማህደር
የፈራው የሸሸው ለሰው ለመናገር
የታሪክ ክታቡ ዶሴው ቢበረበር
በእያንዳንዱ ህይወት ያልተቋጨ ፍቅር
ሳይፈልግ የተወው አለው ቢመረመር
በትዝታ ዜማ በእህ! እህ! እንጉርጉሮ
በብቻ ጓዳ ውስጥ በልብ ተቀብሮ
ምዕራፍ ያጣ ፍቅር በአጭሩ የቀረ
ብዙ ታሪክ አለ!!! ያልተመረመረ።
@gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
ገጣሚ_ስንታየሁ ሀብታሙ

ትማራለች ብዬ ሙያ ከጎረቢት
አግብቻት ነበረ አድልቼ ለውበት
እንኳንስ ልትማር የምታውቀው ጠፋት
ሽንኩርት ግዛ አለችኝ ገንፎ ለማገንፋት።
@gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
ገጣሚ_ስንታየሁ ሀብታሙ

#ነይ_አብረን_እንማ

ባህል እንዲቀጥል በትውልድ ከተማ
በፌስቡክ በቲክቶክ ነይ አብረን እንማ
የጥንቱ ዘምኖ ከጀበና እርቆ
ሀሜት ዲጂታል ነው ትውልዱ ተራቆ
በቀጥታ ግቢ ከሀሜት ከተማ
በተሻሻለው ህግ ነይ አብረን እንማ
@gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
ገጣሚ_ስንታየሁ ሀብታሙ

ጌታ መምጫኽ ዘመን ከመድረሱ በፊት
ልቤን ልብ ስጠው መልሰው ከጥፋት
ጴጥሮስን ከክህደት የመለሰው ዶሮ
ለእኔም ላከውና ያንቃኝ ልቤን ሰብሮ።
@gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
ገጣሚ_ስንታየሁ ሀብታሙ

#አበጀው_በያቸው

አንቺ አትሳቀቂ ሀቁን ንገሪያቸው
እውነት ነወይ? ሲሉሽ እውነት ነው በያቸው
በአንቺ ፍቅር ያጣሁ ማግኘት ያልታደልኩኝ
ትህምርቴን አቁሜ እብድት ያጠናሁኝ
ውበትና ፍቅር አቅሌን አስጥለውኝ
እብደት በሚል ማዕረግ ሰውነት ያጣሁኝ
እኔ ያንቺ ምርኮ የፍቅርሽ ቁስለኛ
እብድ ነኝ ለሰዎች ያልሆንኩ ወረተኛ
እናም ሲጠይቁሽ ሳትሸማቀቂ
በአንቺ መወፈፌን ለሁሉ አሳውቂ
ልብሴን አሶልቆ በሰፊ ጎዳና
የሚያንከራትተኝ ያው ፍቅርሽ ነውና
ለሚጠይቁሽም እንዲህ ንገሪያቸው
የአበደው በእኔ ነው አበጀው በያቸው።
@gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
ገጣሚ_ስንታየሁ ሀብታሙ

#ብታመም_ነው_እንጂ!!

የማይገኝ ነገር ያምረኛል ዘንድሮ
ወተት ወተት አልኩኝ ገዛሁና ዶሮ
በእኔ የደረሰው አይድረስባችሁ
ዶሮ ገዝቶ ወተት ከቶ አያሰኛችሁ
አወይ የእኔስ ነገር ለማን ይነገራል
በቅሎ ስቶልድ ማየት አብዝቶ ያምረኛል
ብታመም ነው እንጂ ብለከፍ ዘንድሮ
እንዴት ሰው ይመኛል ወተትን ከዶሮ
@gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
ገጣሚ_ስንታየሁ ሀብታሙ

ሰው የሚሆን እንጅ የጠፋው ዘንድሮ
ዘር የሚቆጥርማ ሞልቷል በየጓሮ
እያደሩ ማነስ ሰው መሆን እረክሶ
በስጋው ይመካል ለሚቀር በስብሶ።
@gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
ገጣሚ_ስንታየሁ ሀብታሙ

#ወፍነት_አማረኝ

ምነው ወፍ ባረገኝ በሰማይ በራሪ
ከዛፍ ዛፍ መርጬ ነፃ ጎጆን ሰሪ!
ሳልዘራ ሳላጭድ ሳልጨነቅ ነዋሪ
በማለዳ ድባብ በፍቅር ዘማሪ
ሰው ሆኜ ሰው ሆኖ መኖር ከከበደኝ
እግዚአብሔር በቃሉ ምነው ወፍ ባረገኝ!!!
በክፋት በተንኮል ሰው ሆኖ ከመኖር
ወፍነት አማረኝ በነፃነት መብረር!!!
@gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
ገጣሚ_ስንታየሁ ሀብታሙ

የሰው ልጅ ታሪኩ ከውልደት እስከሞት
በውል ተፈትሾ መጽሐፍ ቢጻፍለት
ቁም ነገሩ ብቻ ተቆጥሮ ቢዳሰስ
ከአንድ አንቀጽ አይዘልም ዘመኑ ቢጠቀስ
በዋዛ ፈዛዛ ያሳለፈው ግዜ ይበልጣል ስፍረቱ
ከኖረበት እድሜ የሰው ልጅ ህይወቱ።
@gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
ገጣሚ_ስንታየሁ ሀብታሙ

#ፍቅር_የእውነት_ሲፈርድ

የሳቅሽብኝ አልፎ መሳቅ መጀመሬ
ሳፈቅርሽ ጠልተሽኝ ዛሬ መፈቀሬ
ግዜ ዳኛ ሆኖ ፍቅር የእውነት ሲፈርድ
ፈላጊው ሲፈለግ ተወዳጁም ሲወድ
የህይወት አዙሪት በተራ መዟዟር
የወደደው ጠልቶ የጠላው ሲያፈቅር
ይኼ ነው ሚዛኑ በሰፈሩት ቁና
ትላንት የገፋ ሰው ዛሬ ወድቋልና።
@gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
ገጣሚ_ስንታየሁ ሀብታሙ

#ካልዳሰስኩ_አላምንም

ሊነጋ ነው ሲሉኝ ለኮስኩት ፋኖሴን
ሊወብቅ ነው ሲሉኝ ደረብኩት በርኖሴን
ሰላም ወርዷል ሲሉኝ ጋሻዬን አራገፍኩ
ሰው አልሰማ ብል ነው ክፉ ቀኔን ያለፍኩ

ቃል ገብቶ ቃል ማፍረስ
ያገር ልማድ ሆኗል
እንጀራ እንደመብላት በበሬ እንደማረስ

ፍቅር ስጋ ለብሶ በጁ ካላቀፈኝ
ተስፋም ብብቴ ስር ገብቶ ካልደገፈኝ
ኢምንት ነው ምንም
ካልዳሰስኩ አላምንም
@gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
ገጣሚ_በዕውቀቱ ስዪም