#ልሂድልሽ_በቃ

እንድንኖር እንጅ በፍቅር በደስታ
አጭሯ ዕድሜያችን በተስፋ ተሞልታ
ባንች ተደስቼ በእኔ ተፍለቅልቀሽ
ዕንባሽን አብሼ ሀዘኔን አርቀሽ
            ግና……
አስተውሎ ኑሮ አልሆንልሽ ካለሽ
ነገ ከራቀብሽ ዛሬ ካታለለሽ
ልሂድልሽ በቃ አንችም ካሻሽ ድረሽ
ለማይፀና ፍቅር ተቃቅፈን እንዳይመሽ
✈️ @gitm_post ✈️
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ

አሞኛል አሞኛል መድኃኒቱን እንጃ
እፎይ!! አበዛለሁ ለስንዝር እርምጃ !!!
✈️ @gitm_post ✈️
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ

....... ✍ #ፃፍኩልሽ 💌 .......

አንድ ቀን እንደኔው የፍቅር ትርጉሙ
ሰው ወደሽ ካየሽው ስቃዩ ህመሙ
ላንቺ ብዙ እንደሆንኩ ያኔ ይገባሻል
ስነግርሽ ዝም ያልሽው ዛሬ ይቆጭሻል
አሁን ምን ያደርጋል ቢያዝኑ ቢቆጩ
ፍቅር አገርሽቶ በእንባ ቢራጩ
ያ የኔ ምስኪኑ እንግልቱ ልቤ
የፍቅርን ትርጉም ባየው ሰው ቀርቤ
እኔም ቆጨኝ ዛሬ ያኔ ያለቀስኩት
ሌላ ሌላ ስትይ አንቺን አንቺን ያልኩት
ዛሬ ግን.....
ልቤም ልብ ገዛ ሌላ ሰው ወደደ
አንቺን ለሰው ትቶ እሱ ከሰው ሄደ
በቃህ ሂድ ብለሽው ልቤ ሄዷል ቆርጦ
ይዟል አንቺን ትቶ የራሱን ሰው መርጦ
እኔስ የሰው ሆንኩኝ አንቺም ሰው ፈልጊ
ይመለሳል ብለሽ ተስፋ እንዳታደርጊ
✈️ @gitm_post ✈️
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ

የጋበዝሽኝ ዘፈን በደብዳቤ ጠቅሰሽ
አደመጥኩት ያልኩሽ መልሼ ጽፌልሽ
ውዴ ውሸቴን ነው ቴፑ ተበላሽቷል
የመረጥሽው ዘፈን ተነክሶ ተበልቷል ።

✈️ @gitm_post ✈️
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
ገጣሚ_ስንታየሁ

#ህይወቴ

ፍቅሬ ፍቅሬ እያልኩ ልጥራሽ
የመኖሬ ትርጉም ህይወቴ ነሽ
የልቤ ትርታ የነፍሴ ዕፎይታ
የእኔነቴ ምስጢር የአምላኬ ስጦታ
እንዲህ እንዲያ እያልኩ ብጠራሽ
እንዴት ሆኖ እንዴትስ ይመጥንሽ
ፍቅሬ ፍቅሬ እያልኩ ልጥራሽ
ሆሄያት ቢደረደሩ ቃላቶች ቢጣመሩ
ከቶ እንዴት ይቻሉ እንዴትስ ይድፈሩ
ቃላቶች ያልቻሉ ሆሄያት ያልሰየሙሽ
ታዲያ ምን ነሽ አንቺ አንደበት ማይገልፅሽ
ደከምኩልሽ ሆዴ ቃላቶች አጣሁኝ
በቃ በቃ !! ህይወቴ ነሽ አልኩኝ
✈️ @gitm_post ✈️
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ

መልስና ጥያቄ ሳይተዋወቁ
ከኢትዮጵያ ጋራ እንደተራራቁ
በአሽሙር በብሽሽቅ ዓመታት አለቁ
ዜጎች መልስን አጥተው እየተጨነቁ
✈️ @gitm_post ✈️
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
ገጣሚ_ስንታየሁ

#ፍቅር_ሲደናበር

ባለርስቱ አባትሽ አልይህ ይሉኛል
ቅምጥል እናትሽ በአሽሙር ይልጡኛል
ወንድምሽ በዛቻ መቆም ከልክሎኛል
ደግሞ ያንቺ ፍቅር ሁሉን ቻል ይለኛል።
ፍቅር ታውሮ እንጂ ከአንቺ ላይ የጣለኝ
ከቤተሰብሽ ጋር ወስዶ ያላተመኝ
ጥንትስ ድህነቴ መቼ ዘነጋሁት
እኔን ተወት አርገው ፍቅርን ይክሰሱት።
ፍቅር ሲደናበር በውበት ታውሮ
ከጌታ ልጅ ጣለኝ ሰውነት አክብሮ
✈️ @gitm_post ✈️
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ

#እንዴውም_አትምጭ

ትመጫለሽ ብዬ ቁማር አሲዣለሁ
እንዳትቀሪ ፍቅሬ እረታብሻለሁ
በፍቅርሽ ቀለበት ተወራርጃለሁ
የቀረሽ እንደሆን ቃል ኪዳን አጣለሁ
ባትቆይም አንዴ ነይ
ዓይኖችሽን እንዳይ
ትመጫለሽ ብዬ ልቤን አሲዣለሁ
ጨክነሽ ከቀረሽ እጎዳብሻለሁ
አትቀርም ብዬ ተወራርጃለሁ
የቀረሽ እንደሆን ልብ አልባ እሆናለሁ
እንዴውም አትምጭ ልሸነፍ ልበላ
ሰው ልቡን ከሰጠ ምን ሊቀረው ሌላ
የምወድሽ ቢሆን ለፍቅር የታመንኩኝ
በውርርድ ሰበብ ባንቺ ባልቆመርኩኝ
✈️ @gitm_post ✈️
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ
ገጣሚ_ስንታየሁ

ለማንኛውም የሄዱት ሄደዋል ሌላም የሚሄድ ካለ በሩ ክፍት ነው
ተመችቶናል ብላችሁ ላላችሁ ለእናንተ ግን የጎደለ ነገር ካለ እታዘዛለሁ ይመቻችሁ ❤️