ሞትን ድል አድርጎ ቃሉን አከበረ
የሰይጣንን ቅጥር በድል ሰባበረ
አዳም ነጻ ወጣ ባርነት ተሻረ
የሲኦል ከተማ በቃል ተሸበረ።

➕ እንኳን ለትንሳኤ በዓል በሰላም አደረሳችሁ አደረሰን➕

🔤🔤🔤🔤🔤 🔤🔤🔤🌷🔤🌹

@gitm_post
♡ ㅤ     ❍ㅤ      ⌲            
  ˡᶦᵏᵉ    ᶜᵒᵐᵐᵉⁿᵗ   ˢʰᵃʳᵉ

#ብትኖሪ_ባትኖሪ!

ለእኔ ቦታ የለው መምጣትትሽ መቅረትሽ
ባለሽበት ሆነሽ ቀን በቀን ልውደድሽ
ማጣት አያርቀው ማግኘት አያቀርበው
የፍቅር መነሻው ሚዛኑ ልብ ነው❤️
እድሜ ቢገሰግስ በዓመታት ቢቆጠር
ዘላለማዊ ነው አያረጅም ፍቅር
ብትኖሪ ባትኖሪ ብትርቂ ብትቀርቢ
የእኔን ናፍቆ መኖር ቀን በቀን አስቢ
ጎዳናው እድሜያችን ትዝታን ጎትቶ
ያመጣው የለም ወይ ከትላንት አስማምቶ ።
@gitm_post
♡ ㅤ     ❍ㅤ      ⌲            
  ˡᶦᵏᵉ    ᶜᵒᵐᵐᵉⁿᵗ   ˢʰᵃʳᵉ

#አልፈርድብሽም

ጥሩ ህሊና አለሽ መልካም ነሽ ብልሽም
ቆሜ ስንከላወስ ያለሁ ቢመስልሽም
የምነግርሽ አለኝ ካንቺ ማልደብቅሽ
አይገባሽም እንጅ እኔን ስላይደለሽ
ጀግናም ሰው ይሞታል ሲሉ ስለሰማሽ
እናም የኔ ጀግና ይኸው ሰው ገለሻል
ሰው የራበው አንጀት የማይሞት መስሎሻል🔪!!
        @gitm_post
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ

ምን አለህ አትበለኝ ያለኝ ብዙ ነው
ገንዘብ የማይገዛው ውዱ ጤና ነው።
ጤናዬን አግኝቼ ከኖርኩኝ በሰላም
ከዚህ የበለጠ የሰው ሀብታም የለም።
✈️ @gitm_post ✈️
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ

#በጣም_ታምሪ_ነበር

ሠው ሰራሹ መልክሽ አፍጥጦ ባይውጣ
በጅንስ ታፍኖ ዳሌሽ ባይቀጣ
ጡትሽ ቤቱ ቢኖር ልታይ ባያበዛ
ፀጉርሽ ያንቺው ቢሆን ከሱቅ ባይገዛ
ጊዜ ባይቀይርሽ በቃልሽ ብታድሪ
ህሊናሽ ቢገዛሽ በሥጋሽ ባትኮሪ
የሴትነት ክብሩ ቢገባሽ በልኩ
ሲጠሩሽ ባ'ሮጭ በርሽን ሲያኳኩ
አስተዋይ ብትሆኝ ምግባርሽ ቢከበር
ሔዋን ሙች ልንገርሽ በጣም ታምሪ ነበር።
🚀@gitm_post 🚀
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ

ሪሞት ቢኖረው ግዜ የእጅ ስራ
ማሳለፍ መመለስ በተራ በተራ
ደጉን ወደሗላ ክፉውን ወደፊት
መቆጣጠር ነበር ፊልም ብትሆን ህይወት ።
✈️ @gitm_post ✈️
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ

#ሁላችን_ከንቱ_ነን!

የልብ አማኝ ጠፍቶ የአፍ አማኝ ከበዛ
በእውነት አመንጭቶ ፍቅርን ካልገዛ
መማር ከየት ይምጣ ልብ ተቆልፎ
የሰው ልጅ ካልጣለ ማስመሰልን ገፎ
ባንደበቱ ጌታን በልቡ ገንዘብን
አፉ አሜን እያለ በውስጡ ተንኮልን
ምላስ አምላክ ጠርቶ
ልብን ገንዘብ ሞልቶ
የስም ፃድቅ ሰፍቶ
በነብይ ተሞልቶ
ምህረት ከየት ይምጣ
እንዴት ይብረድ ቁጣ!
ጠዋት ክርስቶስን
ከሰአት ሰይጣንን
በግፍ ተሸፍኖ ልባችን በቀልን
የተንኮል አሽክላ አስልተን እየጣልን
ማረን እንላለን እንዴትስ ይማረን
በሁለት ቢለዋ አስብተን እያረድን
ዳዊት ከደገመ ጠዋት ምላሳችን
ማታ ላይ ስድብን ለምዶ አንደበታችን
ሊምረን ቢመጣ ቁጣውን ሊያበርደው
ምላስ ብቻ ቀርቷል ለካስ ልብ ባዶ ነው
በሐይማኖት ጥላ ተሸሽገን ከርመን
እምነት ግን ሲጠየቅ ሁላችን ከንቱ ነን
✈️ @gitm_post ✈️
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ

ከመቃብር በላይ ዘላለም ለመኖር
በጎ ተግባር ከውን በሰብዐዊ ፍቅር
ስምህ እንዲነሳ መቃብርን ፈንቅሎ
በህይወት እያለህ መብላት ነው ተካፍሎ።
✈️ @gitm_post ✈️
    ♡ ㅤ     ❍ㅤ        ⌲            
   ˡᶦᵏᵉ    ᶜᵒᵐᵐᵉⁿᵗ     ˢʰᵃʳᵉ