#እንዲህ_ብለሽ_ጻፊ

በፍቅሬ ተይዞ ስሜን እየጠራ
በየጎዳናው ላይ ብቻውን ሲያወራ
ወፍፎ እየሳቀ አጥቶኝ ሲንከራተት
ለእኔ ፍርቅር ታምኖ ሲሸለመው እብደት
እኔ እስቅ ነበረ በድል ኩራት ጥርሴ
ለእርሱ ጥልቅ ፍቅር ማዘን ትታ ነፍሴ
በሞቀው ከተማ በትርምስ ቀለም
ወድቆ በእኔ ውበት ሲስቅበት ዓለም
አብሬ ስቂያለሁ መውደቁ አስደስቶኝ
ስሜን እየጠራ ሁሌም ሲከተለኝ!!!
ግና ግፌ በዝቶ ሞልቶ ፈሰሳና
እጣውን ቀመስኩኝ በእኔ ደረሰና
እኔም በተራዬ በሌላ ሰው ፍቅር
ወፍፌ እዞራለሁ በወሰድኩት ብድር
እርሱ ዛሬ የለም ለእውነት ኖሮ ሞቷል
ህመም ስቃዩን ግን ለራሴ ውርስ ሆኗል
@gitm_post
♡ ㅤ     ❍ㅤ      ⌲            
  ˡᶦᵏᵉ    ᶜᵒᵐᵐᵉⁿᵗ   ˢʰᵃʳᵉ

#ናፍቀሽኛል_ብዬ

ናፍቀሽኛል ብዬ ለመጮህ አልወጣ
ሰውም ቢያፌዝ እንጅ አንችን ይዞ አይመጣ
ናፍቀሽኛል ብዬ እኔም ግጥም አልፅፍ
ምን ቤቱን ቢመታ ህመም አያሳልፍ
ናፍቀሽኛል ብዬ ከአንቺ ዘንድ አልደርስም
ከፊትሽ የመቆም ድፍረቱም የለኝም
ናፍቀሽኛል ብዬ እምባም አይወርደኝም
ያንችን ሲያስነባ አይቷል ዓይኔም እሽ አይለኝም
@gitm_post
♡ ㅤ     ❍ㅤ      ⌲            
  ˡᶦᵏᵉ    ᶜᵒᵐᵐᵉⁿᵗ   ˢʰᵃʳᵉ

ክርስቶስ ቢመጣ በይፋ ለመፍረድ ፤
ዘሩን ይጠይቃል የእኔ ዘመን ትውልድ።
@gitm_post
♡ ㅤ     ❍ㅤ      ⌲            
  ˡᶦᵏᵉ    ᶜᵒᵐᵐᵉⁿᵗ   ˢʰᵃʳᵉ

#ግዜ

ጌዜ ዳኛ ሆኖ በሁሉም ይፈርዳል
የሄደው ይመጣል የመጣው ይሄዳል
ያበደው ይድናል ጤነኛውም ያብዳል
ግዜ እንደፔንዱለም በሁሉም ይዞራል
አንድ የሚቀር የለም ሁሉም ይቀየራል
ቀባሪም በተራው ሞቶ ይቀበራል
@gitm_post
♡ ㅤ     ❍ㅤ      ⌲            
  ˡᶦᵏᵉ    ᶜᵒᵐᵐᵉⁿᵗ   ˢʰᵃʳᵉ

እወድሽ ነበረ አልወድሽም ተውኩት
ልብሽ ወደ ሌላ ሲንሻፈፍ አየሁት
@gitm_post
♡ ㅤ     ❍ㅤ      ⌲            
  ˡᶦᵏᵉ    ᶜᵒᵐᵐᵉⁿᵗ   ˢʰᵃʳᵉ

የእኔ ፍላጎቴ ምኞቴ ባይሞላ
ጌታ አትዘገይም ተነስተህ ከሗላ
የረፈደ መስሎኝ ባንተ ሳጉረመርም
ለካስ ለበጎ ነው ያሳጣኸኝ የለም።
ያለግዜው አትሮጥ በግዜውም አትቀር
አንተ ያልከው ይሁን ታማኝ ነህ እግዚአብሔር
  #ተመስገን_ጌታዬ
@gitm_post
♡ ㅤ     ❍ㅤ      ⌲            
  ˡᶦᵏᵉ    ᶜᵒᵐᵐᵉⁿᵗ   ˢʰᵃʳᵉ

#ለቅሶ_ቤት_ሄድኩና

እንባዬ ደርቆብኝ ለማልቀስ ስቸገር
በድንገት ትዝ አለኝ ያደረግሽኝ ነገር
ትውስ ያለኝ ጊዜ የሰራሽኝ ስራ
ሚፈሰው እንባዬ እንደምን ያባራ
አልቅሼ አላቀስኩኝ ሳላዝን በሟቹ
ድሮም ያንች ፍቅር ለሀዘን ነው ምቹ
@gitm_post
♡ ㅤ     ❍ㅤ      ⌲            
  ˡᶦᵏᵉ    ᶜᵒᵐᵐᵉⁿᵗ   ˢʰᵃʳᵉ

ሁሉንም አየሁት
ሁሉንም ጀመርኩት
ሁሉንም ሰማሁት
መጨረሻም ተውኩት
  የልብ የሚሞላም...
ሆኖ አላገኘሁት
@gitm_post
♡ ㅤ     ❍ㅤ      ⌲            
  ˡᶦᵏᵉ    ᶜᵒᵐᵐᵉⁿᵗ   ˢʰᵃʳᵉ

#መታረቅ_ከራስ_ነው

በጠለቀ ስሜት ውስጥን በሚጠይቅ
የህይወትን ግጭት ከራስ በሚያስታርቅ
ማሰብ ማሰላሰል እራስን መጠየቅ
በውስጣዊ ውበት ከራስ ጋር መታረቅ
ከአለፈው ልምድ ወስዶ ዛሬ ላይ አስቦ
የነገን ህልም ስሌት በተስፋ ደርቦ
ለተሰጠው እድሜ ምስጋና እየቸሩ
መታረቅ ከራስ ነው መብሰል እያደሩ
@gitm_post
♡ ㅤ     ❍ㅤ      ⌲            
  ˡᶦᵏᵉ    ᶜᵒᵐᵐᵉⁿᵗ   ˢʰᵃʳᵉ

ሽሽት ሽሽት አለኝ
ግን ወዴት ይሸሻል
ህይወት ያው ህይወት ነው
     ይነጋል ይመሻል
ሰውም እንደዘበት ይቀርባል ይርቃል
እኮ ወዴት ልሽሽ ውስጤ ይጨነቃል
አንድ ፈጣሪ ግን መድረሻዬን ያውቃል
@gitm_post
♡ ㅤ     ❍ㅤ      ⌲            
  ˡᶦᵏᵉ    ᶜᵒᵐᵐᵉⁿᵗ   ˢʰᵃʳᵉ

#ሰውና_ዘመን

ሰው ዘመንን ሲከስ
እድሜም ሲገሰግስ
ከላይ ያለው ሲስቅ
የስሩ ሲጨነቅ
ሰውና ዘመንን ሲጠፋ አስታራቂ
አዋቂነት ጠፍቶ ሲበዛ ታዋቂ ፤
በእንዲህ አይነት ህይወት እድሜ እየለመኑ
አሁን ምን ይባላል ? ማለት ነው ዘመኑ?
@gitm_post
♡ ㅤ     ❍ㅤ      ⌲            
  ˡᶦᵏᵉ    ᶜᵒᵐᵐᵉⁿᵗ   ˢʰᵃʳᵉ

ማለፍ ብችል በዝምታ
ቅድሚያ ብሰጥ ለይቅርታ
ሞኝነቴ በዝቶባቸው
ይቅርታዬ ቀሎባቸው
ዳግም ጥፋት እየሰሩ
የልቤን ክር አከረሩ።
@gitm_post
♡ ㅤ     ❍ㅤ      ⌲            
ˡᶦᵏᵉ    ᶜᵒᵐᵐᵉⁿᵗ   ˢʰᵃʳᵉ

በዚህ ድፍረት ግዜ በዚህ መከራ ዓለም
ጥሎ ማለፍ እንጂ መደጋገፍ የለም!
@gitm_post
♡ ㅤ     ❍ㅤ      ⌲            
  ˡᶦᵏᵉ    ᶜᵒᵐᵐᵉⁿᵗ   ˢʰᵃʳᵉ

#አፋልጉኝ

ዓመታት ሆኖታል ከቤቱ ከወጣ
ማወቅ አልተቻለም መቼ እንደሚመጣ
አፋልጉኝ ፍቅርን ድንገት ካያችሁት
ወረታ ከፋይ ነኝ ከልቤ መልሱት
ሰው እኮ የጠፋው አፋልጉኝ የበዛው
ተስፋ እየቆረጠ ወጥቶ የሚቀረው
ቀድሞ ፍቅር ጠፍቶ ጥላቻ ነግሶ ነው
አፋልጉኝስ ማለት ዛሬ ፍቅርን ነው
@gitm_post
♡ ㅤ     ❍ㅤ      ⌲            
  ˡᶦᵏᵉ    ᶜᵒᵐᵐᵉⁿᵗ   ˢʰᵃʳᵉ

#ሂጅ

ድሮም ልብሽ
አልነበረም እኔጋ
ምን ያደርግልኛል
ነፍስ የሌለው ስጋ
@gitm_post
♡ ㅤ     ❍ㅤ      ⌲            
ˡᶦᵏᵉ    ᶜᵒᵐᵐᵉⁿᵗ   ˢʰᵃʳᵉ

ያምናን ቀን አማሁት ለአፌ ለከት የለው
የዘንድሮው ባሰ እጂ እግር የሌለው
@gitm_post
♡ ㅤ     ❍ㅤ      ⌲            
  ˡᶦᵏᵉ    ᶜᵒᵐᵐᵉⁿᵗ   ˢʰᵃʳᵉ

#ቀጠሮ

"እንገናኝ" ስልሽ "ደስ ይለኛል" ያልሽው
"የት ይሻላል?" ስልሽ ቦታ ያልመረጥሽው
ፒያሳ ይርቀኛል ቦሌም አልተመቸኝ
ጎተራና ሳሪስ ቄራም ደስ አላለኝ
ሜክሲኮ ፍልውሃ ካዛንችስ አልመጣም
አንችን ለማዝናናት ከተማዋ አትበቃም
ነፍሴ ተጨነቀች ቦታ አላውቅም ውዴ
አልጋዬ ሰፊ ነው ...
                      ...ይመችሻል እንዴ?
@gitm_post
♡ ㅤ     ❍ㅤ      ⌲            
  ˡᶦᵏᵉ    ᶜᵒᵐᵐᵉⁿᵗ   ˢʰᵃʳᵉ

#ህሊና_ሲፈተሽ

ደብቆት ነው እንጂ ከህሊናው ጓዳ
ስንቱ እህህ ይላል በልቶ የቃል እዳ
በመሐላ ወስዶ በክህደት ያልሸጠ
ለገባው ቃልኪዳን በሆድ ያለወጠ
የትኛው ጀግና ነው ለእምነቱ ያደረ?
የሰጡትን እውነት ጸንቶ ያከበረ?
ሁሉን ቤት ይቁጠረው ህሊና ሲፈተሽ
ማን ቃሉን ጠብቆ ማንስ ይሆን አፍራሽ
@gitm_post
♡ ㅤ     ❍ㅤ      ⌲            
  ˡᶦᵏᵉ    ᶜᵒᵐᵐᵉⁿᵗ   ˢʰᵃʳᵉ

#የሰው_ቃል_ይቅርብኝ!

ተደግፌ ነበር የሰው አጥር ትላንት
ተሰብሮ ጥሎኛል ሁሉም ሆኖ ወረት
አይ አለማወቄ ከንቱ ነበርኩ እኔ
ፈጣሪ እያለልኝ ፍጡርን ማመኔ
ሰው ቃሉነን ሲበላ ስለምን ማዘኔ
የክርስቶስ ስሙ ሳለ ትልቅ ቅኔ
በል አትዘን ልቤ አትደገፍ ሰውን
ዛሬን አለሁ ብሎ ለነገ ዋስ አይሆን
ውስጥህን አካሚ የህይወት ቃል ትተህ
ከትላንቱ ተማር የሰው ቃል ይቅርብህ
ቃል ተበላ አትበሉ ቃል የበላ ሰው ነው
ዘላለማዊ እምነት ሁሌም ክርስቶስ ነው
እርሱን መመርኮዝን መደገፍ ዘንግቼ
የሰው ቃል ስከተል በከንቱ ቀርቼ
አይቻለሁ ብዙ ሰው ሲጥል ዘንድሮ
መጠበቅ ይሻላል የአምላክን ቀጠሮ
ይዘገያል እንጅ የሚቀድመው የለም
ከእንግዲህስ ወዲያ ሰው አለኝ አልልም
@gitm_post
♡ ㅤ     ❍ㅤ      ⌲            
  ˡᶦᵏᵉ    ᶜᵒᵐᵐᵉⁿᵗ   ˢʰᵃʳᵉ