ከሎሚ ከኮብል
ዉዴ ዛሬ አምሮብሻል በጣም
ዉበትሽን ካየች ጨረቃም አትወጣም
(ትሸማቀቃለች)
ቁንጅና መልክሽን ያየው ሳር ቅጠሉ
ከሊቅ እስከደቂቅ ደንቆታል ሰው ሁሉ
ታቦተ ህጉን ላከብረው ላነግስ
ከቤቴ ብወጣም ብሄድ ደጁ ድረስ
አልልታየ ላንቺ ሽብሻቦው ለክብርሽ
ዝማሬው ተረስቶ
መወድስ አዘልኩኝ ተቀኝ አለኝ መልክሽ
ተሰናዳ ሎሚ ተዘጋጅ ለመብረር
ይዘህልኝ ክነፍ ልቤን ልቧ አሳድር
ብየ እልከዋለሁ ከድንቁ ደረትሽ
ጨብጭው ሎሚየን አስገቢኝ ከልብሽ
(አይሆንም ካልሽ ግን)
የመጣው ይምጣ አንጂ ሰማይም ቢታረስ
ተቀበይ መውደዴን ልትገቢ ቤቴ ድረስ
(አለበለዚያ ግን)
የሚያምረው ደረትሽን የልቤ ኢላማ
ለሌላ ሰው ሆኖ ዉስጤ ከሚቀማ
ሎሚየን በኮብል በክፋት ተክቸው
በላኩት ፍቅር ልክ ጥፋትን አውጄው
መጥፋትን ከማነግስ በአካልችን ዙፋን
አንቺም ለሌላ አትሆኝ እኔም ለሌላ አልሆን
ወይ ጥፊ በፍቅሬ ወይ ሙቺ በበትሬ
ከሎሚ ከኮብል ምረጭልግ ዛሬ
✍¥ïŧä¥äļ(@gtmwustie)
@gitimtm
@gitimtm
@gitimtm
ዉዴ ዛሬ አምሮብሻል በጣም
ዉበትሽን ካየች ጨረቃም አትወጣም
(ትሸማቀቃለች)
ቁንጅና መልክሽን ያየው ሳር ቅጠሉ
ከሊቅ እስከደቂቅ ደንቆታል ሰው ሁሉ
ታቦተ ህጉን ላከብረው ላነግስ
ከቤቴ ብወጣም ብሄድ ደጁ ድረስ
አልልታየ ላንቺ ሽብሻቦው ለክብርሽ
ዝማሬው ተረስቶ
መወድስ አዘልኩኝ ተቀኝ አለኝ መልክሽ
ተሰናዳ ሎሚ ተዘጋጅ ለመብረር
ይዘህልኝ ክነፍ ልቤን ልቧ አሳድር
ብየ እልከዋለሁ ከድንቁ ደረትሽ
ጨብጭው ሎሚየን አስገቢኝ ከልብሽ
(አይሆንም ካልሽ ግን)
የመጣው ይምጣ አንጂ ሰማይም ቢታረስ
ተቀበይ መውደዴን ልትገቢ ቤቴ ድረስ
(አለበለዚያ ግን)
የሚያምረው ደረትሽን የልቤ ኢላማ
ለሌላ ሰው ሆኖ ዉስጤ ከሚቀማ
ሎሚየን በኮብል በክፋት ተክቸው
በላኩት ፍቅር ልክ ጥፋትን አውጄው
መጥፋትን ከማነግስ በአካልችን ዙፋን
አንቺም ለሌላ አትሆኝ እኔም ለሌላ አልሆን
ወይ ጥፊ በፍቅሬ ወይ ሙቺ በበትሬ
ከሎሚ ከኮብል ምረጭልግ ዛሬ
✍¥ïŧä¥äļ(@gtmwustie)
@gitimtm
@gitimtm
@gitimtm
👍2😁2
ጥምቀት
ሀጥያት ያቆሸሸኝ ያጠለሸኝ አኔን
ጨለማን ስከተል ያጣሁኝ ብርሀኔን
ብኩን ሰው ነበርኩኝ ወንበር የሚያጓጓኝ
በጥምቀትህ ኪዳን ከሞት አወጣኸኝ
እልልበል ከንፈሬ ምስጋና አውርድ አፌ
ሸብረክ በል ጉልበቴ አሸብሽብ መዳፌ
ከሰው ፊት ቆሜአለሁ ከሞት ሞት ተርፌ
አንዲት ጥምቀት ፍፁም ምህረት
መዳን ሞልቷል ከአማኙ ቤት
አጠብከን በጥምቀት አነፃኸን ከእድፍ
የነፍሳችንን ስም ከፅድቁ እንድናፅፍ
✍¥ïŧä¥äļ(@gtmwustie)
@gitimtm
@gitimtm
@gitimtm
ሀጥያት ያቆሸሸኝ ያጠለሸኝ አኔን
ጨለማን ስከተል ያጣሁኝ ብርሀኔን
ብኩን ሰው ነበርኩኝ ወንበር የሚያጓጓኝ
በጥምቀትህ ኪዳን ከሞት አወጣኸኝ
እልልበል ከንፈሬ ምስጋና አውርድ አፌ
ሸብረክ በል ጉልበቴ አሸብሽብ መዳፌ
ከሰው ፊት ቆሜአለሁ ከሞት ሞት ተርፌ
አንዲት ጥምቀት ፍፁም ምህረት
መዳን ሞልቷል ከአማኙ ቤት
አጠብከን በጥምቀት አነፃኸን ከእድፍ
የነፍሳችንን ስም ከፅድቁ እንድናፅፍ
✍¥ïŧä¥äļ(@gtmwustie)
@gitimtm
@gitimtm
@gitimtm
❤4
(( በቃ እወድሻለሁ))
————————
ለምን አትበይኝ ምክኒያት የለኝም፣
ፍቅር ስሜት እንጂ ሰበብ አይመስለኝም፣
ብቻ እወድሻለሁ መዉደዴም ጥልቅ ነዉ፣
ፍቅርሽ ለእኔነቴ የልቤ ዙፋን ነዉ፣
ህያዉ የምሆነዉ አንቺን በማፍቀር ነዉ፣
ቂልነት አይደለም ሁሌ አንቺን ማለቴ፣
ሞኝነት አይሆንም ለፍቅርሽ መክሳቴ፣
ጅልነት አይደለም እራሴን መስጠቴ፣
በቃ አንቺን መዉደድ ነዉ ደስታ መደሰቴ፣
ዉለታን ፈልጌ ዉደጂኝ አላልኩም፣
ፍቅር ሰጠሁ እንጂ ምላሽ አልፈለኩም፣
እንዴት ለምን ካልሺኝ እኔም አላወኩም፣
በቃ እወድሻለሁ ማለቴን አልተዉኩም፣
አዎ እወድሻለሁ፣
አዎ አፈቅርሻለሁ፣
ፍቅርቅር አድርጌሽ በፌሽታ እኖራለሁ፣
ዉድድ አድርጌሽ አንቺን እፎይታ አገኛለሁ፣
ዉዴን እየወደድኩ ሀሴት አደርጋለሁ፣
በፍቅርሽ ዉቅያኖስ ስዋኝ እኖራለሁ፣
አንቺ ካለሽልኝ ህያዉ እሆናለሁ፡፡
ይድረስ ❤️ልቤን ለሰረቅሺዉ ሌባ...
By @Bini_smart
@gitimtm
@gitimtm
@gitimtm
🌹✽»✨🌹💕✿💕🌹✨»✽?
————————
ለምን አትበይኝ ምክኒያት የለኝም፣
ፍቅር ስሜት እንጂ ሰበብ አይመስለኝም፣
ብቻ እወድሻለሁ መዉደዴም ጥልቅ ነዉ፣
ፍቅርሽ ለእኔነቴ የልቤ ዙፋን ነዉ፣
ህያዉ የምሆነዉ አንቺን በማፍቀር ነዉ፣
ቂልነት አይደለም ሁሌ አንቺን ማለቴ፣
ሞኝነት አይሆንም ለፍቅርሽ መክሳቴ፣
ጅልነት አይደለም እራሴን መስጠቴ፣
በቃ አንቺን መዉደድ ነዉ ደስታ መደሰቴ፣
ዉለታን ፈልጌ ዉደጂኝ አላልኩም፣
ፍቅር ሰጠሁ እንጂ ምላሽ አልፈለኩም፣
እንዴት ለምን ካልሺኝ እኔም አላወኩም፣
በቃ እወድሻለሁ ማለቴን አልተዉኩም፣
አዎ እወድሻለሁ፣
አዎ አፈቅርሻለሁ፣
ፍቅርቅር አድርጌሽ በፌሽታ እኖራለሁ፣
ዉድድ አድርጌሽ አንቺን እፎይታ አገኛለሁ፣
ዉዴን እየወደድኩ ሀሴት አደርጋለሁ፣
በፍቅርሽ ዉቅያኖስ ስዋኝ እኖራለሁ፣
አንቺ ካለሽልኝ ህያዉ እሆናለሁ፡፡
ይድረስ ❤️ልቤን ለሰረቅሺዉ ሌባ...
By @Bini_smart
@gitimtm
@gitimtm
@gitimtm
🌹✽»✨🌹💕✿💕🌹✨»✽?
👍4❤3
አለሁ
አንገት መድፋትህ አሞኛል
ቅስምህ ተሰብሮም ከፍቶኝል
ምን ልሁንልህ ወንድሜ?
በምን ላፅናናህ አለሜ?
እግዜር ምርጫው ብዙ አሰራሩ የአይነት
እያዝጎረጎረ የሰውን ሰውነት
ነጠለን በግብሩ ለያየን ከአንድነት
በትንሳኤ በኪዳኑ
ሊያጣምረን በቃሉ 'ለት
ማነስ በንጽጽር ዝቅታም ከአንፃሩ
የአለም ድንበሯ ባይታወቅ ዳሩ
ሰው በራሱ ሚዛን እየከፋፈለ
ተናነስን ቢልም በስሙ እየማለ
መምሰሉ ይበልጣል አኩል መሆን ልቆ
ከምድር እስከ ሰማይ በመክበር ደማምቆ
አለሁ እስካለኸኝ እስከ መሞቴ እለት
የመኖሬን እለት በዕውቀት ቃኝቻት።
✍¥ïŧä¥äļ(@gtmwustie)
@gitimtm
@gitimtm
@gitimtm
አንገት መድፋትህ አሞኛል
ቅስምህ ተሰብሮም ከፍቶኝል
ምን ልሁንልህ ወንድሜ?
በምን ላፅናናህ አለሜ?
እግዜር ምርጫው ብዙ አሰራሩ የአይነት
እያዝጎረጎረ የሰውን ሰውነት
ነጠለን በግብሩ ለያየን ከአንድነት
በትንሳኤ በኪዳኑ
ሊያጣምረን በቃሉ 'ለት
ማነስ በንጽጽር ዝቅታም ከአንፃሩ
የአለም ድንበሯ ባይታወቅ ዳሩ
ሰው በራሱ ሚዛን እየከፋፈለ
ተናነስን ቢልም በስሙ እየማለ
መምሰሉ ይበልጣል አኩል መሆን ልቆ
ከምድር እስከ ሰማይ በመክበር ደማምቆ
አለሁ እስካለኸኝ እስከ መሞቴ እለት
የመኖሬን እለት በዕውቀት ቃኝቻት።
✍¥ïŧä¥äļ(@gtmwustie)
@gitimtm
@gitimtm
@gitimtm
👏3❤2
አዋሪኝ
ጋራ ተራራውን እንደ መውረድ መውጣት
ስድኸው ብውልም የፍቅርሽን ዳገት
ከሰው አልቀማሽም ለኔም አትሆኚ
አየሁ በፍቅር ሀይቅ ከሌላ ስትዋኚ
ግን እኔ
ላገኝ አይደል
የሰጠሁሽ ንፁህ ልቤን
ላተርፍ አይደል
ያስገዛሁት መሪ ቀልቤን
ብቻ ድምፅሽ
ይህ ጆሮየን ሲዳብሰው
ሰማይ ያህላል
ልቤ ደስታው ልቆ ከሰው
እንደ አብርሃም
አምላክ ደጁን አንዳየለት
አንቺን ሳስብ
ብርሃን ነው ድቅድቁ ሌት
እሱ ይበቃኛል
ከበቴ ባትገቢ መምጣትሽ ቢቀርም
ልቤ ፍቅርሽ ያለው
በድምፅሽ መምታቱን ለቅፅበት አይተውም
እኔ ላንቺ ባልሆን
አንቺም ለኔ ባትሆኝ ቢቀድመኝ ቀዳሚ
ባይሆን አንኳ አዋሪኝ
ገደለደችው ተብለሽ ኋላ እንዳትታሚ።
✍¥ïŧä¥äļ(@gtmwustie)
@gitimtm
@gitimtm
@gitimtm
ጋራ ተራራውን እንደ መውረድ መውጣት
ስድኸው ብውልም የፍቅርሽን ዳገት
ከሰው አልቀማሽም ለኔም አትሆኚ
አየሁ በፍቅር ሀይቅ ከሌላ ስትዋኚ
ግን እኔ
ላገኝ አይደል
የሰጠሁሽ ንፁህ ልቤን
ላተርፍ አይደል
ያስገዛሁት መሪ ቀልቤን
ብቻ ድምፅሽ
ይህ ጆሮየን ሲዳብሰው
ሰማይ ያህላል
ልቤ ደስታው ልቆ ከሰው
እንደ አብርሃም
አምላክ ደጁን አንዳየለት
አንቺን ሳስብ
ብርሃን ነው ድቅድቁ ሌት
እሱ ይበቃኛል
ከበቴ ባትገቢ መምጣትሽ ቢቀርም
ልቤ ፍቅርሽ ያለው
በድምፅሽ መምታቱን ለቅፅበት አይተውም
እኔ ላንቺ ባልሆን
አንቺም ለኔ ባትሆኝ ቢቀድመኝ ቀዳሚ
ባይሆን አንኳ አዋሪኝ
ገደለደችው ተብለሽ ኋላ እንዳትታሚ።
✍¥ïŧä¥äļ(@gtmwustie)
@gitimtm
@gitimtm
@gitimtm
❤4👍3
አድዋ
ስንክሳር ናት ሀግሬ፥የጀግኖቿ ገድል ቀለም
የሞታቸው ልኬት፥የነፍሳቸው ሰላም
እልፍ እጆችሽ ፥ ፍቅርሽን የጨበጡ
አንቺን ይዘው፥ ከመገዛት አመለጡ
የሃገርን ፍቅር፥የመውደዱን ዳሩ
በሞት አውጀውት፥ በድልሽ ከበሩ
ነገድ አምሳል ቁጥር፥ከመቁጠር የላቀ
አእላፋት ስጋቸው፥ ለፍቅርሽ ወደቀ
ምድር ከብራና፥ ዉቅያኖስ ከቀለም
ቢሰሩም ለድልሽ፥አያልቅም ገድልሽ
አንድ ግን አንድ ቃል፥አለም ያስደነቀ
አድዋ ይባላል፥ሆኖ የታወቀ
ምኒሊክ ሲደግም፥ጠይም እንስፍስፉ
እጅጉን በረታ፥ ጠላት ማሰፍሰፉ
አራስ ነብር ጣይቱ፥አይዞህ እያለችው
ንጉሱን ንግስቷ፥ ወደ ጦር መራችው
ድል በራ በአፍሪቃ፥ሽንፈት ገዛ ጠላት
ጥቁር ብርሃን በራ፥ፀሃይ ወጣች በሌት።
✍¥ïŧä¥äļ(@gtmwustie)
@gitimtm
@gitimtm
@gitimtm
ስንክሳር ናት ሀግሬ፥የጀግኖቿ ገድል ቀለም
የሞታቸው ልኬት፥የነፍሳቸው ሰላም
እልፍ እጆችሽ ፥ ፍቅርሽን የጨበጡ
አንቺን ይዘው፥ ከመገዛት አመለጡ
የሃገርን ፍቅር፥የመውደዱን ዳሩ
በሞት አውጀውት፥ በድልሽ ከበሩ
ነገድ አምሳል ቁጥር፥ከመቁጠር የላቀ
አእላፋት ስጋቸው፥ ለፍቅርሽ ወደቀ
ምድር ከብራና፥ ዉቅያኖስ ከቀለም
ቢሰሩም ለድልሽ፥አያልቅም ገድልሽ
አንድ ግን አንድ ቃል፥አለም ያስደነቀ
አድዋ ይባላል፥ሆኖ የታወቀ
ምኒሊክ ሲደግም፥ጠይም እንስፍስፉ
እጅጉን በረታ፥ ጠላት ማሰፍሰፉ
አራስ ነብር ጣይቱ፥አይዞህ እያለችው
ንጉሱን ንግስቷ፥ ወደ ጦር መራችው
ድል በራ በአፍሪቃ፥ሽንፈት ገዛ ጠላት
ጥቁር ብርሃን በራ፥ፀሃይ ወጣች በሌት።
✍¥ïŧä¥äļ(@gtmwustie)
@gitimtm
@gitimtm
@gitimtm
❤5
እውነት ስለሆነ
ከቀራንዮ አደባባይ ከጎለጎታ ከምድሩ
ንፁህ ቅዱሱን ሊሰቅሉ አይሁዳውያን ሲያሴሩ
እልፍን ያዘለ ጀርባውን
የአለም መቆሚያ መዳፉን
ሰውን መስለው ሰው ያልሆኑ የአምላክ ክብር ያልገባቸው
ፍቅርን ጥሰው አንግሰውት እብሪት ሰፍኖ በውስጣቸው
አዛኝ እሱ ጅራፍ ቅስሙን የሰበረው
የእሾህ አክሊል ብርሃን ፊቱን ደም ሸፈነው
አየን ቆሞ በሃጥእ ሰው ቅዱስ ሲዳኝ
ከንቱ ፍጡር ፈጣሪውን መግደል ሲመኝ
አልባሱን ያጣው ክርስቶስ
ስለሰው ያነሰው ንጉስ
ሀመ ወሞተ በመስቀል
መከራን አየ ለሰው ሲል
ግማደ መስቀሉ ተጭኖት ሃያሉ ጌታ ደከመ
ከአፅናፍ እስከ አፅናፍ አዳኙ ሰው ስለሆነ ታመመ
የአዳም እዳን በማሰብ ፍቅሩ ዳር ድንበር ስላጣ
ሞትን በሞቱ ሊሽረው ስለአምሳሉ ሰው ተቀጣ
ጅራፍ በዝቶበት አካሉ ቁንዳላው በደም ተዋጠ
ደምግባት ዉበት ፀዳሉ ለግፍ መከራ ተሰጠ
አክሊል ደፋ ለስቃይ ፊቱን ደም ብቻ ሸፈነው
እልፍ አእላፍ ስቃይን አዘዙ ለጌታ በመጮህ አብረው
የትኛው ይበልጥ ይሰማው የትኛው ግፍስ ይልቃል?
ግርፋት ግፊያው ጉንተላው ወይስ አክሊሉ አሞታል?
የቀኙ ይሆን የግራ የትኛው ችንካር ብሶታል?
ለውሃ ጥሙ ሃሞት ነው ወይስ ሳቃቸው መሮታል?
ብሎ ለጠየቀ ከአለም መልስ ይገኛል?
ቢገኝም ባይገኝ አንድ እውነት ግን አለ
የነበረው ቀደም የሚኖርም ያለ
ስለ ክርስቶስ ስም ሰው ሁሉ ካመነ
እውነት ስለሆነ
ፍቅር ስለሆነ
ግፍን ሊቀበል ነው ጌታ ሰው የሆነ።
ተፃፈ በYitayal G(@gtmwustie)
መልካም በአል ለብርሃነ ትንሳኤው በሰላም ያድርሰን
@gitimtm
@gitimtm
@gitimtm
ከቀራንዮ አደባባይ ከጎለጎታ ከምድሩ
ንፁህ ቅዱሱን ሊሰቅሉ አይሁዳውያን ሲያሴሩ
እልፍን ያዘለ ጀርባውን
የአለም መቆሚያ መዳፉን
ሰውን መስለው ሰው ያልሆኑ የአምላክ ክብር ያልገባቸው
ፍቅርን ጥሰው አንግሰውት እብሪት ሰፍኖ በውስጣቸው
አዛኝ እሱ ጅራፍ ቅስሙን የሰበረው
የእሾህ አክሊል ብርሃን ፊቱን ደም ሸፈነው
አየን ቆሞ በሃጥእ ሰው ቅዱስ ሲዳኝ
ከንቱ ፍጡር ፈጣሪውን መግደል ሲመኝ
አልባሱን ያጣው ክርስቶስ
ስለሰው ያነሰው ንጉስ
ሀመ ወሞተ በመስቀል
መከራን አየ ለሰው ሲል
ግማደ መስቀሉ ተጭኖት ሃያሉ ጌታ ደከመ
ከአፅናፍ እስከ አፅናፍ አዳኙ ሰው ስለሆነ ታመመ
የአዳም እዳን በማሰብ ፍቅሩ ዳር ድንበር ስላጣ
ሞትን በሞቱ ሊሽረው ስለአምሳሉ ሰው ተቀጣ
ጅራፍ በዝቶበት አካሉ ቁንዳላው በደም ተዋጠ
ደምግባት ዉበት ፀዳሉ ለግፍ መከራ ተሰጠ
አክሊል ደፋ ለስቃይ ፊቱን ደም ብቻ ሸፈነው
እልፍ አእላፍ ስቃይን አዘዙ ለጌታ በመጮህ አብረው
የትኛው ይበልጥ ይሰማው የትኛው ግፍስ ይልቃል?
ግርፋት ግፊያው ጉንተላው ወይስ አክሊሉ አሞታል?
የቀኙ ይሆን የግራ የትኛው ችንካር ብሶታል?
ለውሃ ጥሙ ሃሞት ነው ወይስ ሳቃቸው መሮታል?
ብሎ ለጠየቀ ከአለም መልስ ይገኛል?
ቢገኝም ባይገኝ አንድ እውነት ግን አለ
የነበረው ቀደም የሚኖርም ያለ
ስለ ክርስቶስ ስም ሰው ሁሉ ካመነ
እውነት ስለሆነ
ፍቅር ስለሆነ
ግፍን ሊቀበል ነው ጌታ ሰው የሆነ።
ተፃፈ በYitayal G(@gtmwustie)
መልካም በአል ለብርሃነ ትንሳኤው በሰላም ያድርሰን
@gitimtm
@gitimtm
@gitimtm
ክርስቶስ ተንስአ እምሙታን በአቢይ ሃይል ወስልጣን አሰሮ ለሰይጣን አግአዞ ለአዳም ሰላም እምይእዜሰ ኮነ ፍሰሀ ወሰላም።
ሞትን በመስቀል ያገኘ ስለሰው የተንገላታ
ሞትን በሞቱ የሻረ መቃብር ያደረው ጌታ
ተነስቷል ልኡሉ ከሙታን መካከል ማን ይፈልገዋል
ከመቃብር የለም እየሱስ ተነስቷል
ከፍጥረት በላይ ነውና ከራሱም ከሞት የላቀ
ከሞት ተነስቶ ክርስቶስ አለም በብርሀን ደመቀ
አለም አታውቀው ስልጣኑን መለካት አትችል በአቅሟ
ያረግዳል ፍጥረቷ ሙሉ እንጂ በአምላክ ሲጠራ ስሟ
ሄዋን ስትስት ትእዛዟን አዳምም ሲክድ በደሉን
አሳሳች እሱ ዲያብሎስ በቃህ ተባለ መግዛቱን
ታሰረ አበቃ መፈንጨት ሰንሰለት ያዘው አካሉን
ቃል አለውና የሰጠው ሞቶ በደልን እንዲሽር
አዳም ነፍሱ ተማረች አዛኝ በሆነው እግዚአብሄር
አስገባው ከዘላለም ቤት ከመንግስቱ አምባ ከእርስቱ
ሀጥያጥ መስራቱ ቢያስቀጣም ክብርን አደለው ፀፀቱ
ሰላም ሰፈነ በምድር ወጀብ ግዞቱም አለፈ
ሰው ሁሉ በስራው ሊዳኝ ከውርስ ሃጥያት አረፈ
የመከራው ዘመን ተሻረ ምህረት ለአለም ተሰጠ
መራራው ጊዜ ተሽሮ ለሰው ልጅ ሰላም ተሰጠ
ደስታና ተድላም ሆነ አለም በሞቱ ተምራ
ከሞት ተነስቶ ክርስቶስ ከፀሃይ ልቆ ሲበራ
ተፃፈ በ ይታያል ጌቴ(@gtmwustie)
@gitimtm
@gitimtm
@gitimtm
ሞትን በመስቀል ያገኘ ስለሰው የተንገላታ
ሞትን በሞቱ የሻረ መቃብር ያደረው ጌታ
ተነስቷል ልኡሉ ከሙታን መካከል ማን ይፈልገዋል
ከመቃብር የለም እየሱስ ተነስቷል
ከፍጥረት በላይ ነውና ከራሱም ከሞት የላቀ
ከሞት ተነስቶ ክርስቶስ አለም በብርሀን ደመቀ
አለም አታውቀው ስልጣኑን መለካት አትችል በአቅሟ
ያረግዳል ፍጥረቷ ሙሉ እንጂ በአምላክ ሲጠራ ስሟ
ሄዋን ስትስት ትእዛዟን አዳምም ሲክድ በደሉን
አሳሳች እሱ ዲያብሎስ በቃህ ተባለ መግዛቱን
ታሰረ አበቃ መፈንጨት ሰንሰለት ያዘው አካሉን
ቃል አለውና የሰጠው ሞቶ በደልን እንዲሽር
አዳም ነፍሱ ተማረች አዛኝ በሆነው እግዚአብሄር
አስገባው ከዘላለም ቤት ከመንግስቱ አምባ ከእርስቱ
ሀጥያጥ መስራቱ ቢያስቀጣም ክብርን አደለው ፀፀቱ
ሰላም ሰፈነ በምድር ወጀብ ግዞቱም አለፈ
ሰው ሁሉ በስራው ሊዳኝ ከውርስ ሃጥያት አረፈ
የመከራው ዘመን ተሻረ ምህረት ለአለም ተሰጠ
መራራው ጊዜ ተሽሮ ለሰው ልጅ ሰላም ተሰጠ
ደስታና ተድላም ሆነ አለም በሞቱ ተምራ
ከሞት ተነስቶ ክርስቶስ ከፀሃይ ልቆ ሲበራ
ተፃፈ በ ይታያል ጌቴ(@gtmwustie)
@gitimtm
@gitimtm
@gitimtm
ፉንጋዋን
ከግንባሯ መለጥ
ከወደ አይኗ ፈጠጥ
ከአፍንጫዋ ደምጠጥ
ከከንፈሯ ሞጠጥ
ለደረቷ ምጥጥ
ወደ ሆዷ ሾጠጥ
ከጀርባዋ ጎበጥ
ያለች ስጠኝ እንጂ አይን የማይበዛባት
ከቆንጆ ጋር ሆኘ አደከመኝ ቅናት
ያያት ወንድ ሁሉ የኔ ናት እያለ
አላፊ አግዳሚው ቀልቡን እየጣለ
ከሚያንገበግበኝ ቅናት ነበልባሉ
ፉንጋዋን ጠበሰ ይሻላል መባሉ።
ተፃፈ በ ይታያል ጌቴ(@gtmwustie)
@gitimtm
@gitimtm
@gitimtm
ከግንባሯ መለጥ
ከወደ አይኗ ፈጠጥ
ከአፍንጫዋ ደምጠጥ
ከከንፈሯ ሞጠጥ
ለደረቷ ምጥጥ
ወደ ሆዷ ሾጠጥ
ከጀርባዋ ጎበጥ
ያለች ስጠኝ እንጂ አይን የማይበዛባት
ከቆንጆ ጋር ሆኘ አደከመኝ ቅናት
ያያት ወንድ ሁሉ የኔ ናት እያለ
አላፊ አግዳሚው ቀልቡን እየጣለ
ከሚያንገበግበኝ ቅናት ነበልባሉ
ፉንጋዋን ጠበሰ ይሻላል መባሉ።
ተፃፈ በ ይታያል ጌቴ(@gtmwustie)
@gitimtm
@gitimtm
@gitimtm
❤2👍2👏2😁1
እውነት ስልሽ
አንቺን ይንሳኝ እውነት ስልሽ
ባንቺ ምየ ሀሰት የማውቅ እንዳይመስልሽ
ግዞት ዝቅታው ላንቺ ነው ለፍቅርሽ ነው ያነስኩልሽ
ብዙ ቀሚስን ቢያማትር አይኔ ብዙ ቢንቀዋለል
አንቺን ካየ ወዲያ በአላፊ አግዳሚው መች ሊታለል
ቅኔ አካሉን ከሁለት ከፍሎ አንዱን በአንዱ እየመራ
ወርቁን መርጧል ዉበት አይቶ ሰሙን ላንቺ እያበራ
ወርቁ ፍቅርሽ ብኩን ልቤን ስላረጋው
በምን ይሰጥ ሽልማቱ ይቆጠርስ በምን ዋጋው
አንቺ ብቻ ንግስት ዙፋን ክብር የተቀባሽ
ብዙ ገብተው ሲመለሰው ለዘላለም ቤቴ የገባሽ
አንቺ ብቻ ሄዋን ሁለመናሽ ልዩ
በውበትሽ ስፋት ይቀናል ሰማዩ
ደሞም
ፊትሽ ያለ አመሉ ኮስተር ሲል ገና
እንደሰማይ ኩርፊያ ጠቋራ ደመና
ያስፈራራል እጅግ ፍቅርሽ ዳብሶ ለወረሰው
ፀሀይ ሳቅሽ ደመናውን እስካልጣሰው
አታኩርፊ ፈገግ በይ ባክሽ ሳቂ
ኩርፊያ ጎዳኝ ማየት ናፍቆኝ ስትደምቂ
ያየሁ ትላንት እንጂ ባከተመው ዘመን
አግረኛ ነህ እያልሽ ስለምን ይመመን
እሙ
እውነት አንቺን ይንሳኝ አማላጇን ስልሽ
ሌላ እንስት አላይም አውሮኝ አካልሽ
ፈራሽ እንጂ
እያየ የማያይ ሰምቶ የማይሰማ
ጭምት ሆንኩ ወዳጅሽ ጨዋ 'ማይታማ
ፍቅርሽ ዘመን ያስገበረኝ በመዳፍሽ ያስቀመጠኝ
ዝሙትን ከኔ ወስዶ መታመን የሰጠኝ
ተፃፈ በ ይታያል ጌቴ(@gtmwustie)
@gitimtm
@gitimtm
@gitimtm
አንቺን ይንሳኝ እውነት ስልሽ
ባንቺ ምየ ሀሰት የማውቅ እንዳይመስልሽ
ግዞት ዝቅታው ላንቺ ነው ለፍቅርሽ ነው ያነስኩልሽ
ብዙ ቀሚስን ቢያማትር አይኔ ብዙ ቢንቀዋለል
አንቺን ካየ ወዲያ በአላፊ አግዳሚው መች ሊታለል
ቅኔ አካሉን ከሁለት ከፍሎ አንዱን በአንዱ እየመራ
ወርቁን መርጧል ዉበት አይቶ ሰሙን ላንቺ እያበራ
ወርቁ ፍቅርሽ ብኩን ልቤን ስላረጋው
በምን ይሰጥ ሽልማቱ ይቆጠርስ በምን ዋጋው
አንቺ ብቻ ንግስት ዙፋን ክብር የተቀባሽ
ብዙ ገብተው ሲመለሰው ለዘላለም ቤቴ የገባሽ
አንቺ ብቻ ሄዋን ሁለመናሽ ልዩ
በውበትሽ ስፋት ይቀናል ሰማዩ
ደሞም
ፊትሽ ያለ አመሉ ኮስተር ሲል ገና
እንደሰማይ ኩርፊያ ጠቋራ ደመና
ያስፈራራል እጅግ ፍቅርሽ ዳብሶ ለወረሰው
ፀሀይ ሳቅሽ ደመናውን እስካልጣሰው
አታኩርፊ ፈገግ በይ ባክሽ ሳቂ
ኩርፊያ ጎዳኝ ማየት ናፍቆኝ ስትደምቂ
ያየሁ ትላንት እንጂ ባከተመው ዘመን
አግረኛ ነህ እያልሽ ስለምን ይመመን
እሙ
እውነት አንቺን ይንሳኝ አማላጇን ስልሽ
ሌላ እንስት አላይም አውሮኝ አካልሽ
ፈራሽ እንጂ
እያየ የማያይ ሰምቶ የማይሰማ
ጭምት ሆንኩ ወዳጅሽ ጨዋ 'ማይታማ
ፍቅርሽ ዘመን ያስገበረኝ በመዳፍሽ ያስቀመጠኝ
ዝሙትን ከኔ ወስዶ መታመን የሰጠኝ
ተፃፈ በ ይታያል ጌቴ(@gtmwustie)
@gitimtm
@gitimtm
@gitimtm
አድነኝ
ከአሳ ነባሪው ጉሮሮ ከሞት እቅፍ እንድወጣ
አምላክ ፍርጃህ ማዳንህስ መች በመጣ
ህልም አለ እንጂ ከስቃይ ፅንፍ የሚነጥቀኝ
ስኖርማ ድሎት ደስታ መች አወቀኝ
እየኝ እንጂ በምህረትህ ዳብሰኝ እንጂ በመዳፍህ
ትረፍ የሚል ድምፅ ልስማ ቃል ይበቃል ልዳን በአፍህ
ሽንቁር መሀል እምደገባሁ ከወናው ስር እምዳልከርም
ብርሀን ስጠኝ ነፍስ ልዝራ ልትረፍ ዛሬን ሞት ባይቀርም
ተፃፈ በ ይታያል ጌቴ(@gtmwustie)
@gitimtm
@gitimtm
@gitimtm
ከአሳ ነባሪው ጉሮሮ ከሞት እቅፍ እንድወጣ
አምላክ ፍርጃህ ማዳንህስ መች በመጣ
ህልም አለ እንጂ ከስቃይ ፅንፍ የሚነጥቀኝ
ስኖርማ ድሎት ደስታ መች አወቀኝ
እየኝ እንጂ በምህረትህ ዳብሰኝ እንጂ በመዳፍህ
ትረፍ የሚል ድምፅ ልስማ ቃል ይበቃል ልዳን በአፍህ
ሽንቁር መሀል እምደገባሁ ከወናው ስር እምዳልከርም
ብርሀን ስጠኝ ነፍስ ልዝራ ልትረፍ ዛሬን ሞት ባይቀርም
ተፃፈ በ ይታያል ጌቴ(@gtmwustie)
@gitimtm
@gitimtm
@gitimtm
ያምራል ግን ያስፈራል
ከናፍሮችሽ ሲላቀቁ ፈልቀቅ ሲሉ ለፈገግታ
እንጃ ልቤ ተርበትብቷል ካለወሰን ነው የመታ
ጥርስሽ ከሳቅ ሲገጣጠም
ውብ ፈገግታሽ አቤት ሲጥም
እንደ ካህን
መቅደስ መሃል እንደቀዳሽ
ስጋ ወደም
መዳን እጣን ለሰው አልባሽ
እንደሆንኩኝ
ልቤ ሲያስብ ሳቅሽ ባርኮት
ቤተልሄም መግባት ሲመኝ
ፍቅር ቁርባን ለመፈተት
እንቅፋቱን
መች አለፈው እየፈራ ፈገግታሽን
ፀዳል ለባሽ
እንቁ ምስል ዉበትሽን
ፈገግታሽ
አምላክ ነው ያሰግዳል እልፉን
ተሳስቶም ላየ
ይቀጣል በምርኮ ይመዛል ወንጭፉን
ፈገታሽ አለቃው ልቤን ያደከመ
ታውይቶም አይታወቅ ሌትም አልታለም
አይጣል ነው በጣም በጣም ያምራል
ግን ደሞ ያስፈራል
ተፃፈ በ ይታያል ጌቴ(@gtmwustie)
@gitimtm
@gitimtm
@gitimtm
ከናፍሮችሽ ሲላቀቁ ፈልቀቅ ሲሉ ለፈገግታ
እንጃ ልቤ ተርበትብቷል ካለወሰን ነው የመታ
ጥርስሽ ከሳቅ ሲገጣጠም
ውብ ፈገግታሽ አቤት ሲጥም
እንደ ካህን
መቅደስ መሃል እንደቀዳሽ
ስጋ ወደም
መዳን እጣን ለሰው አልባሽ
እንደሆንኩኝ
ልቤ ሲያስብ ሳቅሽ ባርኮት
ቤተልሄም መግባት ሲመኝ
ፍቅር ቁርባን ለመፈተት
እንቅፋቱን
መች አለፈው እየፈራ ፈገግታሽን
ፀዳል ለባሽ
እንቁ ምስል ዉበትሽን
ፈገግታሽ
አምላክ ነው ያሰግዳል እልፉን
ተሳስቶም ላየ
ይቀጣል በምርኮ ይመዛል ወንጭፉን
ፈገታሽ አለቃው ልቤን ያደከመ
ታውይቶም አይታወቅ ሌትም አልታለም
አይጣል ነው በጣም በጣም ያምራል
ግን ደሞ ያስፈራል
ተፃፈ በ ይታያል ጌቴ(@gtmwustie)
@gitimtm
@gitimtm
@gitimtm
👍8
እናትየ
ሰው መሆን ሲለካ
በርኩሰት የዳኸው ድኩም ማንነቱ
የመቃናት መንገድ
የመንጻት የመዳን የማለፍ ድርሰቱ
በፍቅር ይቃኛል
በመውደድ ይሰጣል ሰው ነኝ ለሚል ሁሉ
ዝቅ ብሎ አንሶ
በጎደፈ ሃሳብ ካላጎዳደለው የሰው ልጅ በአመሉ
የሰው ልጅ ጣእሙ
ጥፍጥናው ሲለካ ማማሩ ሲወደር
ኣንቺን ነው ሚመስል
በመዋብ ዳርቻ ማ ካንቺ ሊወደር
እናትየ አንቺ
ስመ ቅድስና የንጽህና አምሳል
መውደድሽ ደምቆ ነው ከልቤ የሚሳል
እናትየ ያልኩሽ
አተልቄው እንጂ የሴትነት ልኩን
አምላክ የቸረሽን
ሰው የመሆን መጠን የመፈጠር መልኩን
በእንስፍስፏ እናቴ
በእምቁዬዋ እንስት በስሟ ምጠራሽ
እንድትኖሪልኝ ነው
ከልቤ አዳራሽ ዉስጥ ሁሌም እንዳበራሽ
ተጻፈ በ ይታያል ጌቴ(@gtmwustie)
@gitimtm
@gitimtm
@gitimtm
ሰው መሆን ሲለካ
በርኩሰት የዳኸው ድኩም ማንነቱ
የመቃናት መንገድ
የመንጻት የመዳን የማለፍ ድርሰቱ
በፍቅር ይቃኛል
በመውደድ ይሰጣል ሰው ነኝ ለሚል ሁሉ
ዝቅ ብሎ አንሶ
በጎደፈ ሃሳብ ካላጎዳደለው የሰው ልጅ በአመሉ
የሰው ልጅ ጣእሙ
ጥፍጥናው ሲለካ ማማሩ ሲወደር
ኣንቺን ነው ሚመስል
በመዋብ ዳርቻ ማ ካንቺ ሊወደር
እናትየ አንቺ
ስመ ቅድስና የንጽህና አምሳል
መውደድሽ ደምቆ ነው ከልቤ የሚሳል
እናትየ ያልኩሽ
አተልቄው እንጂ የሴትነት ልኩን
አምላክ የቸረሽን
ሰው የመሆን መጠን የመፈጠር መልኩን
በእንስፍስፏ እናቴ
በእምቁዬዋ እንስት በስሟ ምጠራሽ
እንድትኖሪልኝ ነው
ከልቤ አዳራሽ ዉስጥ ሁሌም እንዳበራሽ
ተጻፈ በ ይታያል ጌቴ(@gtmwustie)
@gitimtm
@gitimtm
@gitimtm
ፍቺኝና ላግባሽ
ታስታውሽው ይሆን?
የተጋባን ሰሞን
ወጥቼ እስክገባ አታምኝኝ ነበር
ፍቅርሽን አልብሰኝ
በካባሽ አድምቀሽኝ
ወሰን ያጣ ነበር የፍቅራችን ድንበር
የሰሞኑን ያርቅ
የዛሬን አያድርግ
ክፉ ቀን መጣ እንጂ የሚነጣጥለን
ስናወጋ...
ስናወጋ አድረናል
ከፍቅራችን እልፍኝ ተሸፋፍነን ውለን
ታስታውሽው ይሆን
የተጋባን ሰሞን
ወጥቼ እስክገባ አታምኝኝም ነበር
አሁን ፍቅር ጎሎ
አካልሽ 'ርቆኝ
የገዘፈው ትዳር አዟል ሊሰበር
ሰርጉ ከነበረ
ሰላም የሞላልን ዳንኪራ ጭፈራው
ተረስቶሽ ከሆነ
የድስ ግርግር
ልብሽ የሚርቀኝ አካሌን የፈራው
ሁካታው ከሆነ
የሰው ግርግር
ያኔ ፍቅር አጥምቆ ለቤቴ ያስገባሽ
የጎደለው ልብሽ
ዳግም ሙሉ ይሁን
የቀረው ይቅር እንጂ ፍቺኝና ላግባሽ
ተጻፈ በ ይታያል ጌቴ(@gtmwustie)
@gitimtm
@gitimtm
@gitimtm
ታስታውሽው ይሆን?
የተጋባን ሰሞን
ወጥቼ እስክገባ አታምኝኝ ነበር
ፍቅርሽን አልብሰኝ
በካባሽ አድምቀሽኝ
ወሰን ያጣ ነበር የፍቅራችን ድንበር
የሰሞኑን ያርቅ
የዛሬን አያድርግ
ክፉ ቀን መጣ እንጂ የሚነጣጥለን
ስናወጋ...
ስናወጋ አድረናል
ከፍቅራችን እልፍኝ ተሸፋፍነን ውለን
ታስታውሽው ይሆን
የተጋባን ሰሞን
ወጥቼ እስክገባ አታምኝኝም ነበር
አሁን ፍቅር ጎሎ
አካልሽ 'ርቆኝ
የገዘፈው ትዳር አዟል ሊሰበር
ሰርጉ ከነበረ
ሰላም የሞላልን ዳንኪራ ጭፈራው
ተረስቶሽ ከሆነ
የድስ ግርግር
ልብሽ የሚርቀኝ አካሌን የፈራው
ሁካታው ከሆነ
የሰው ግርግር
ያኔ ፍቅር አጥምቆ ለቤቴ ያስገባሽ
የጎደለው ልብሽ
ዳግም ሙሉ ይሁን
የቀረው ይቅር እንጂ ፍቺኝና ላግባሽ
ተጻፈ በ ይታያል ጌቴ(@gtmwustie)
@gitimtm
@gitimtm
@gitimtm
👍3
ሄዋን ነች የኔ ሴት
አለም ስትፈጠር
ሰማይም በአንድ ቃል ምድርም በአንድ ቃል
ለአምላክ ለባለ እጁ
ፍጥረትን ለመፍጠር ሁን ማለት ይበቃል
የሰውን ልጅ እንጂ
በአምሳሉ የሰራው በአፈጣጠር ክቦ
ከፍጥረታት ሁሉ
ከበላይ የሰራው በእስትንፋሱ አጅቦ
ታዲያ የኔን ሄዋን
የምኖሬን ምክንያት የአዳምነቴን ልክ
እሱ የሰጣትን
ከአለም የላቀ ወብ ጸባይና መልክ
በምድር በሰማይ
ከሷ ባነሰ አካል ሰይሜ አልንቃትም
ሰማይና ምድር ለ እንቁየ አይበቃትም
የኔ ዉዷ እንስት
የአጥንቴ ፍላጭ ሄዋኔ ብቻ እንጂ ሌላ ስም የላትም
አንዱ ሰማይ ቢላት
ከፍጥረታት ሁሉ ከበላይ ቢሰቅላት
አንዱ በምድር ስም
የሁሉም ማረፊያ መቆሚያ ነሽ ቢላት
እኔም የኔ እንስት
የስጋ እና የነፍስ የመንፈሴ ደሴት
አምላክ እንደጠራት
ክብሯ የሚገባት ሄዋን ነች የኔ ሴት
ተጻፈ በ ይታያል ጌቴ(@gtmwustie)
@gitimtm
@gitimtm
@gitimtm
አለም ስትፈጠር
ሰማይም በአንድ ቃል ምድርም በአንድ ቃል
ለአምላክ ለባለ እጁ
ፍጥረትን ለመፍጠር ሁን ማለት ይበቃል
የሰውን ልጅ እንጂ
በአምሳሉ የሰራው በአፈጣጠር ክቦ
ከፍጥረታት ሁሉ
ከበላይ የሰራው በእስትንፋሱ አጅቦ
ታዲያ የኔን ሄዋን
የምኖሬን ምክንያት የአዳምነቴን ልክ
እሱ የሰጣትን
ከአለም የላቀ ወብ ጸባይና መልክ
በምድር በሰማይ
ከሷ ባነሰ አካል ሰይሜ አልንቃትም
ሰማይና ምድር ለ እንቁየ አይበቃትም
የኔ ዉዷ እንስት
የአጥንቴ ፍላጭ ሄዋኔ ብቻ እንጂ ሌላ ስም የላትም
አንዱ ሰማይ ቢላት
ከፍጥረታት ሁሉ ከበላይ ቢሰቅላት
አንዱ በምድር ስም
የሁሉም ማረፊያ መቆሚያ ነሽ ቢላት
እኔም የኔ እንስት
የስጋ እና የነፍስ የመንፈሴ ደሴት
አምላክ እንደጠራት
ክብሯ የሚገባት ሄዋን ነች የኔ ሴት
ተጻፈ በ ይታያል ጌቴ(@gtmwustie)
@gitimtm
@gitimtm
@gitimtm
ይድረስ ለጠበሩ✍
የተነሳውን ልብ፥ እብሪት አደፋፍሮት
አስተውሎት ይግዛው፥ ወይ መስከንሽ መክሮት
እንጂ አጉል አመል ነው፥ ሰው መሆን ያልዳኘው
ግብረ ከይሲ ኩራት፥ መጠበር ያናኘው
ስምሽን ኑሪበት ፥መልካምን ተያያት
አትኩሪ ሰው ሁኚ ፥ ደጓን አንቺብ ልያት
ይሄው እኔም ላንቺ ፥ስንኜን ሸክፌ
መልእክቴን ላኩልሽ ፥ምክር አስታቅፌ።🎷🎷🎷
ተጻፈ በ ይታያልጌቴ(@gtmwustie)
@gitimtm
@gitimtm
@gitimtm
የተነሳውን ልብ፥ እብሪት አደፋፍሮት
አስተውሎት ይግዛው፥ ወይ መስከንሽ መክሮት
እንጂ አጉል አመል ነው፥ ሰው መሆን ያልዳኘው
ግብረ ከይሲ ኩራት፥ መጠበር ያናኘው
ስምሽን ኑሪበት ፥መልካምን ተያያት
አትኩሪ ሰው ሁኚ ፥ ደጓን አንቺብ ልያት
ይሄው እኔም ላንቺ ፥ስንኜን ሸክፌ
መልእክቴን ላኩልሽ ፥ምክር አስታቅፌ።🎷🎷🎷
ተጻፈ በ ይታያልጌቴ(@gtmwustie)
@gitimtm
@gitimtm
@gitimtm
👏4👍2
ንገሯት
አንዲት እንስት ነበረችኝ
የነበርኳት የገዛችኝ
እሷ ማለት....
ቀዝቃዛው አለሜን ድቅድቁን ማንነት
በጣፋጭ ማር ጧፏ በቃሏ ሰምነት
እያበራችልኝ፥ እያደመቀችው ከሰገነት ወጣን
የአካሏ ጠረን አወደኝ እንደ እጣን
ግና...
ጸሀይ ብርሃን ፍቅሯ ሞቅታን ሲያበዛ
ተነነች፣ ተሸኘች ጠፋች እንደ ጤዛ
ሄዋኔ ነሽ ብየ አዳሜ ነህ ብላ
በአንደበቴ ምየ በልሳኗ ምላ
ፍቅር ተሸልመን መቼ ጊዜው ገፋ
መለየት ደረሰው ብን ብሎ ጠፋ
መሄድ ሸነጋግሏት አሳስቷት ሸሸችኝ
በሌላ አዲስ አዳም አዳሟን ተካችኝ
ወይኔ...
ሄደች እሷስ 'ርቃ
አልቋል ብላ በቃ
በጃኖ በካባ
ያሸበረቀውን የከበረ አለሜን
በመሄዷ ገፋ
እርቃን አቆመችው ያለምኩላት ህልሜን
ግን...
ከእኔ እንደሄደችው
ከወሰዳት ሄዳ ትመጣለች ብየ
ራሴን ሰድሬ
እንደ አንበሳ ገዳይ በጀግና መስየ
ያ ቀን ስላማረኝ
ዳግም እንድታጤዝ እጠብቃታለሁ
ንገሯት ሂዱና
ካገኘችኝ ቦታ
ልክ እንደተወችኝ ሆኘላት እንዳለሁ።
ተጻፈ በ ይታያል ጌቴ(@gtmwustie)
@gitimtm
@gitimtm
@gitimtm
አንዲት እንስት ነበረችኝ
የነበርኳት የገዛችኝ
እሷ ማለት....
ቀዝቃዛው አለሜን ድቅድቁን ማንነት
በጣፋጭ ማር ጧፏ በቃሏ ሰምነት
እያበራችልኝ፥ እያደመቀችው ከሰገነት ወጣን
የአካሏ ጠረን አወደኝ እንደ እጣን
ግና...
ጸሀይ ብርሃን ፍቅሯ ሞቅታን ሲያበዛ
ተነነች፣ ተሸኘች ጠፋች እንደ ጤዛ
ሄዋኔ ነሽ ብየ አዳሜ ነህ ብላ
በአንደበቴ ምየ በልሳኗ ምላ
ፍቅር ተሸልመን መቼ ጊዜው ገፋ
መለየት ደረሰው ብን ብሎ ጠፋ
መሄድ ሸነጋግሏት አሳስቷት ሸሸችኝ
በሌላ አዲስ አዳም አዳሟን ተካችኝ
ወይኔ...
ሄደች እሷስ 'ርቃ
አልቋል ብላ በቃ
በጃኖ በካባ
ያሸበረቀውን የከበረ አለሜን
በመሄዷ ገፋ
እርቃን አቆመችው ያለምኩላት ህልሜን
ግን...
ከእኔ እንደሄደችው
ከወሰዳት ሄዳ ትመጣለች ብየ
ራሴን ሰድሬ
እንደ አንበሳ ገዳይ በጀግና መስየ
ያ ቀን ስላማረኝ
ዳግም እንድታጤዝ እጠብቃታለሁ
ንገሯት ሂዱና
ካገኘችኝ ቦታ
ልክ እንደተወችኝ ሆኘላት እንዳለሁ።
ተጻፈ በ ይታያል ጌቴ(@gtmwustie)
@gitimtm
@gitimtm
@gitimtm
🔥1
እሰይ አትይኝም?
(ቆይ ግን አታምኝኝም?)
ተራራውን ገፋሁልሽ፣ሜዳ አረኩት በትግሌ፤
ማርኮት ኖሮ ይህ አቅሜ፣ አደረክኩት ሰጋጅ ሎሌ።
አወይ እኔ ጀግናው
ሀያል ነኝ እንደ አምናው
(አሁን አምና ያልኩት!)
(ትዝ አለሽ ያረኩት?)
ውሀውን ጠልፌ፣ዳገት አስወጣሁት።
የተጠማን ቋጥኝ፣ችየው አጠጣሁት።
አጀብ ነው እጃኢብ!
ማን ሊሰራው የቱ ጠቢብ?
ላንቺ ብሎ ቀን ያበጀ፤
ጨረቃዋን ላንቺ ያስረጀ።
ማን ይገኛል በአለም መዳፍ፣ስጋና ደም የለበሰ።
የልቡን ቤት ጎጆ ብሎ፣ከልብሽ ዳር የቀለሰ።
ትላንት ለታ ስታበሪ፣ጨለማውን ስትገፊው፤
ወጋገንሽ አድማስ ደርሶ፣በውበትሽ ስታሰፊው፤
ከሰማይ ጥግ ከአንባው ላይ፣ጨረቃዋ ልትመቀኝ።
ውበትሽን ልትሳፈጥ ፣ ስትወጣ ነው የታወቀኝ።
ያኔ ብታይ ማን ይያዘኝ
አንቺነትሽም እያገዘኝ
ተነሳኋ በብርቱ አቅም
ጨረቃ ግን ይህን አታቅም
ብቻ ወሬ ተያያዝኩት፣ያው ስላንቺ በጉባኤ
እስከሰባት እስክቆጥር፣ገደምኩልሽ በሰባኤ
እቺ ደግሞ ምን አባቷ
ምትሟገት ምን እናቷ
ብርሀኔን ምትገድራት
ጨረቃናት ምትወድራት?
እያልኩኝ ብቻየን፣ከራሴው ሳወራ፤
መላ ነይ እያልኩኝ፣በልቤ ስጣራ፤
ያጠጣሁት ትልቅ ቋጥኝ፣የምለውን ሰምቶኝ ኖሮ፤
ጨረቃዋን ልገምስበት፣ከእጄ ገባ ተሰባብሮ፤
አገር ያክል በወደል፣ግዙፍ አለት ብወረውር፤
ጨረቃ ማየት ተሳናት፣ወርውሬ አደረኳት እውር፤
እሰይ አትይኝም?
ቆይ ግን አታምኝኝም?
ከዛ ቀን ጀምሮ፣እንቺ ስትሄጂ፤
ጨረቃም አትሞላ፣ትጎላለች እንጂ።
(ለምን ማለት ጥሩ)
ነገር ነው ከስሩ
ውሃም ነው ከጥሩ
ጨረቃ አንዴ ሙሉ፣ጎደሎም ምትሆነው።
በሌላ እንዳይመስልሽ፤
ወሬም አያታልሽ
ጨረቆች በዝተዋል
እኔ የሰበርኳት፣ስትወጣ እኮ ነው።
አየሽ እኔ ጀግናው፤
የፍቅር ጎዳናው፤
አልፎ ያገደመ የሚማማልብኝ፤
እንኳን ሰዉ ቀርቶ ምች የማይደርስብኝ፤
ተራራ የገፋሁ፣ጨረቃን የሸረፍኩ፤
ውሃን ወደዳገት፣አንደፍድፌው ያረፍኩ፤
እውነትን እየኖርኩ ፣ሃቅን የማወራ፤
የቤታችን መሪ ፣ያንቺው አባ ወራ፤
እኔው ነኝ!
ተፃፈ በ ይታያል ጌቴ(@gtmwustie)
@gitimtm
@gitimtm
@gitimtm
(ቆይ ግን አታምኝኝም?)
ተራራውን ገፋሁልሽ፣ሜዳ አረኩት በትግሌ፤
ማርኮት ኖሮ ይህ አቅሜ፣ አደረክኩት ሰጋጅ ሎሌ።
አወይ እኔ ጀግናው
ሀያል ነኝ እንደ አምናው
(አሁን አምና ያልኩት!)
(ትዝ አለሽ ያረኩት?)
ውሀውን ጠልፌ፣ዳገት አስወጣሁት።
የተጠማን ቋጥኝ፣ችየው አጠጣሁት።
አጀብ ነው እጃኢብ!
ማን ሊሰራው የቱ ጠቢብ?
ላንቺ ብሎ ቀን ያበጀ፤
ጨረቃዋን ላንቺ ያስረጀ።
ማን ይገኛል በአለም መዳፍ፣ስጋና ደም የለበሰ።
የልቡን ቤት ጎጆ ብሎ፣ከልብሽ ዳር የቀለሰ።
ትላንት ለታ ስታበሪ፣ጨለማውን ስትገፊው፤
ወጋገንሽ አድማስ ደርሶ፣በውበትሽ ስታሰፊው፤
ከሰማይ ጥግ ከአንባው ላይ፣ጨረቃዋ ልትመቀኝ።
ውበትሽን ልትሳፈጥ ፣ ስትወጣ ነው የታወቀኝ።
ያኔ ብታይ ማን ይያዘኝ
አንቺነትሽም እያገዘኝ
ተነሳኋ በብርቱ አቅም
ጨረቃ ግን ይህን አታቅም
ብቻ ወሬ ተያያዝኩት፣ያው ስላንቺ በጉባኤ
እስከሰባት እስክቆጥር፣ገደምኩልሽ በሰባኤ
እቺ ደግሞ ምን አባቷ
ምትሟገት ምን እናቷ
ብርሀኔን ምትገድራት
ጨረቃናት ምትወድራት?
እያልኩኝ ብቻየን፣ከራሴው ሳወራ፤
መላ ነይ እያልኩኝ፣በልቤ ስጣራ፤
ያጠጣሁት ትልቅ ቋጥኝ፣የምለውን ሰምቶኝ ኖሮ፤
ጨረቃዋን ልገምስበት፣ከእጄ ገባ ተሰባብሮ፤
አገር ያክል በወደል፣ግዙፍ አለት ብወረውር፤
ጨረቃ ማየት ተሳናት፣ወርውሬ አደረኳት እውር፤
እሰይ አትይኝም?
ቆይ ግን አታምኝኝም?
ከዛ ቀን ጀምሮ፣እንቺ ስትሄጂ፤
ጨረቃም አትሞላ፣ትጎላለች እንጂ።
(ለምን ማለት ጥሩ)
ነገር ነው ከስሩ
ውሃም ነው ከጥሩ
ጨረቃ አንዴ ሙሉ፣ጎደሎም ምትሆነው።
በሌላ እንዳይመስልሽ፤
ወሬም አያታልሽ
ጨረቆች በዝተዋል
እኔ የሰበርኳት፣ስትወጣ እኮ ነው።
አየሽ እኔ ጀግናው፤
የፍቅር ጎዳናው፤
አልፎ ያገደመ የሚማማልብኝ፤
እንኳን ሰዉ ቀርቶ ምች የማይደርስብኝ፤
ተራራ የገፋሁ፣ጨረቃን የሸረፍኩ፤
ውሃን ወደዳገት፣አንደፍድፌው ያረፍኩ፤
እውነትን እየኖርኩ ፣ሃቅን የማወራ፤
የቤታችን መሪ ፣ያንቺው አባ ወራ፤
እኔው ነኝ!
ተፃፈ በ ይታያል ጌቴ(@gtmwustie)
@gitimtm
@gitimtm
@gitimtm
❤2