I was just passing through.
Or time, through me.

I froze or time did.
And just Like that,
Of all the places in the whole world, I had nowhere to be.
I had nowhere to return to.
______

እነበርኩበት ላይ
አምናን
አሁንን
ነገን
ሁሉን መምሰል መስዬ
ያለመለወጤን ሀቅ
ለመለወጥ ምሥጢር ጥዬ

አቆያየቴን
አጠባበቄን
በእርምጃ ሳሰማምር
የሚገፋኝን፤
ቀኔን ልገፋ ስዳክር

ሁሉ ጥሎኝ ከንፎ
ሁሉን ጥዬው እየከነፍኩ
አንቺን ብቻ አትርፌ
ዓለሙን ሁሉ ከሠርኩ!

[የማይደግፈኝን ደግፌ
ወደምቀርበት የምመጣው
የማልበላውን
ተሸክሜ የምወጣው

መቆሜን አልፎ እየቻለ
መንገድ አላራምድ ያለኝ
በእህል ምትክ የሚጎረስ
ሠው፤ ህይወት እየራበኝ...

ይህቺን ታህል...
እያለፍኩበት የምኖረው
አሁን ስፈልግ ነው
ሌላ አሁን ያከተመው!]

Even when I say I haven't changed a bit,
I have changed a lot.
Cos I never used to say that!

Yes I contradict my self.
And that's what kept me in one piece!

ቆሜ
መዳከሜን ላባብለው
የተራመድኩትን ባስተውለዉ

እየሄድኩ አለመድረሴን ሊያስረዳ
የተራማጁ ሲገርመኝ
ጥላዬ እርምጃዬን አስከነዳ...

[በዐይንሽ የልቤ ይደርሳልና
መሰልቸቴን እገስጻለሁ...
አለመምጣት ፊቴ ቆሞ
በመጠበቄ እረካለሁ..

ለመተው ብናስተውለው...
የሚያልፍብን
የምናልፍበት
ጊዜ ይደናበራል
መንገዱ እየነጎደ እግራችን ቆሞ ይቀራል፤

ምንገዶን...
መቆሚያ ካለ
ተስፋ አጥግቦ ያሳድራል!]

እንግዲህ...
እውነቱ እያየነው
ውሸት የሚሆንበት ቀን አለው...

ልክ አለመለወጤን እያስረዳሁ
የከበበኝ በሙሉ አዲስ እየተካ ነጎደ
የምደርስበት ዘንድ ሳልሄድ
የምደርስበት ደርሶኝ ሄደ...

ጊዜ በጎኔ አለፈ
አዲስ ትናንት አስቀረሁ
ያልኖርሁት ዕለት ትዝ ይለኛል...
አልተለወጥኩም ብል ማን ያምነኛል?

[ሁሉ ረግቶ
ሩጫው ላይ
የምረጋበት ቢያሳጣኝ
መቆሜ ነው መጽናኛዬ
ወደጥርስሽ የሚያመጣኝ...

መድረሻዬን ሊመትር መሰለኝ
ጥላዬ ቀድሞኝ ሮጧል
ስንዝር ብጨምር አልቀድመው

ወዴት እራመዳለሁ?
ወደአመጣኝ ዘፍጥረቴ
ወደእቅፍሽ እመለሳለሁ!

በአንቺ ተስፋ ለመለምኩ እንጂ
ለምለም እንጀራ ቢጠቀለል
ለዳረጎት ቢጣል ከአፍ ላይ

ነፍሴ ተርባ አታውቅም
ቀምሳ ከማረፍ ከመንካት
አንቺን ከመጉረስ በላይ..]

እያለፍኩ
እንደአሁን
እጠብቅሻለሁ

I was just passing through.
Or time, through me.

I froze or time did.
And just Like that,
Of all the places in the whole world, I had nowhere to be.
I had nowhere to return to, but you!

_

Inspired by: The Photograph brought forward for #Gitem_sitem6 challange...

©️ MarkO's

Gitem Sitem 6