''ኧረ እሰየው ተመስገን ተመስገን አዲስ ፀሐይ ወጣ
ሞት የለህም ከእንግዲህ ችግር ምናምንቴ በል ከቤቴ ውጣ
ከእንግዲህ አትችለኝም ጠንካራ ነኝ እኔ
ሰንቄያለሁና ከብረት የላቀ የብርሃን ወኔ
እስከመቼ ነፍሴ ከእውነት ቤት እርቃ
ዘልቀህ ላታዛልቅ ካንተ ጋር ተጣብቃ
ከሚወፍር በኃጥያት እንጀራ ገላዬ
መርጫለሁ መክሳት በንጹህ ህሊናዬ

ልታለማምደኝ እርኩሰት
ተጠቅመህ በቴሌቭዢን መስኮት
ባህል ሐይማኖቴን እንድረሳ
ሞክረሃል ተሞልተህ ብዙ ተስፋ
እርግጥ እልፍ አእላፎች ይዘሃል
እንደምትገዛም እቺን ምድር ተጽፏል
ግን እብሪትህ በጣም አየለና
እቺን ቁድስ አገር አዓይኑ አየና

ባምናው ቤቴ ላይ ነግሰህ ስታሸኝ ኖረሃል ያ ክንድህ በርትቶ
‘ምታለብሰኝ ያለም ካባ የሚያልፍ የሚነጥፍ የተንኮል ድሪቶ
ከእንግዲህ ግን ይብቃ ጠንካራ ነኝ እኔ
ሰንቄያለሁና ከብረት የላቀ የብርሃን ወኔ
. . . ''

በቃ በቃ - አማን ኪያሞ / Aman Kiyamo

#አማን_ኪያሞ #Aman_Kiyamo #ግጥምሲጥም #gitemsitem #ግጥማዊቅዳሜ #poeticsaturdays