سقت عمري دون وجهك و الحزن ولت سنينه
بين ضحكات الـدروب و بين نشـوات الهقاوي
.
من عـرفتك و أنـت محـراب الشـعور و قبلتينه
يتجّه لك كل حـس و يهـتدي بـك كـل غاوي :)

ما يجيبك طيب حظ ولا تجيبك طيب سمعة
أنت "نعمة" ماتجيبك غير .. دعوة مستجابة

يمر العمر كلّه ما أعرف وش قيمته لولاك،
أحبّك يا رفيق الدروب الموحشه والمستنيره

وش هالغياب إللي له شهور ما طاب
أراقب الساعه و أدور مكااااااااااااانك

لانت إللي مصارح ولاا الوقت كذاب
" طبع الزمن خانك أو الوقت خانك

أنا تعبت أخلق .. لـ غيباتك أسباب
وأصدق ظروفك وأعاااتب زمااانك !

حتى الدقايييق مالها عـذر وأسباب
الظاهر أن الوقت واقف " عشااانك

من اللي يقول إن الفضاء والبلاد وسيع
أنا لي سنة والارض ماهيب تاسعني

أكرم جناب النفس وتعيش مرتاح
شخصٍ بلا عزة . . حياته خسارة

وشلون يا أغلى من عروقي غديتي سراب ؟
وأنا أحسبك كنتي بتبقين لين المشيب

ما دام ظنك حسن لا تبرر افعالك
فيه رب يجزي الاوادم من نواياها .

ماني بحيّ الله تحدّه على أقصاه
‏حتى لو إني عن مقامي تواضعت .

تعال يا كل الوطن مع شعوبه
أنا بدونك ديرةً مابها حيّ

ما بين درب السلام وبين درب العنا
علاقتي معك مدري وين وصّلتها ؟

كم كلمةٍ خافيه في جوف صدرك وانا
" دوّرتها في عيونك لين حصّلتها "

الصمت لا من طال واضح ومشروح
ماودي أسبابي معاك أبتديها

عن نفسي الليّ ماعرف وين بتروح
بالذات لاصار الوله ، يعتريها

يحن للماضي مفارق و مجروح
بالذاكرة أوقات لو نشتريها

يعيش من يفقدك لكن بلا روح
تمره " الأيام " ماحس فيها .

أنا من غلاته كنّي اللي ملكت الأرض
و أحس السما و أفلاكها صارت افلاكي

احبه وله مني عهد لين يوم العرض
لو إن الزمن خذاه .. يبقى من أملاكي

انا ما نسيته كود ننسى صلاة الفرض
و إذا قد نسيته .. قدرتي خارج إدراكي "

تدلّعي واخذي القلب النزيه الغيور
يالفتنه ، اللي زمام الأمر في يدينها
ٰ
واذا غشاك الكبر ولا ّغشاك الغرور
هذي من حقوقك اللي تستحقّينها

على غير ماكرها ماهي تقبل التوكير
حرار مسكها واحدٍ مايعرف المسك

ترا الي وبرها حسك في الشبك ابو شنكير
لو تربع فلبنان يبقى وبرها حسك

انا كنت اخاف العام من نافخين الكير
وهالعام صرت اخاف من حاملين المسك

كل ماجيت أبدله عن غرامك وأتوب
جددت جرح قلبي لك هبوب الرياح

جت بطاريك عندي كل نسمة هبوب
وأنعشت ذكرياتك ماضيات الجراح .

ماهو بقد المكابر واعرف الشوق زين
لكنّي اجهل سبايب ليش قلبه زهد؟

ما اذكر اني تبعت بخطوتي غايبين
انا قبل لا اتبعه ما كنت تابع لاحد ..

الى امعنت في نفسي دريت اني الغلطان
عيون المجامل ما تشوف الخطا منّي

لا تنشد وش اقسى مرحلة في عمر الانسان
لا هو من كبر تجربتي ولا كبر سنّي

انا اعطيك درسٍ في المكابر على الاحزان
وانا والله ان بعض التفاصيل تحزنّي

خلوه يزعل لين ترضيه الايام
وعقبني الفنجال لا رحت اراضيه

اللي زعل باوهام ترضيه الاوهام
خله على الصده ولاني براجيه

بعض البشر طبعه مقدّر ومحشوم
و بعض البشر عيبٍ عليك احترامه