📜 القصيدة: هيبة عباس
🎤 أداء: مسلم الوائلي
🖋 كلمات: محمود الموسوي
~
يبو فاضل .. يبو فاضل .. يبو فاضل
~~
ضك الدرع من هيبته عباس ابو الشاره
وتمرجل بغيرة علي وطب الها فقاره
بيرغ السبعه بيمنته والحومه خطاره
عباس سيفه مشتعل عزبهم ابناره

يا محله عباسي .. هو الرفع راسي
~~~
أمه بدويه وكرم لحسين ضميته
والرايه بيها گمطت وبسيف ناغيته
عباس من طب للنهر جراه بجفيته
والحومه شردت من نكث عباس خاجيته

يا زوده وعناده .. يملوحة الساده
~~~~
عباس آيه من الضوه يا محله هل آيه
رتل اجفوفه اعله النهر وتبخر بمايه
عباس رايه بكربله وما طاحت الرايه
لو مريم اتهز بالعلم تطلع المشايه

عيسى الحيه الموته .. جان الگمر صوته
~~~
عباس من طب للزلم خوفهم اخياله
والخيل شردت عالنهر ما بيها خياله
عباس قتال العرب خزراته جتاله
واليشرد اگبال الگمر صاحوله هنياله

والشرد مالومه .. ذباهن اهدومه
~~
عباس يا اجمل گمر يمحلي كل الديره
جفك الشال المشرعه وحط بالنهر غيره
تشبه علي وهذا الفلك بجفوفك اديره
يالحيرت سبعين الف فوگ النهر حيره

عباس الك هيبه .. كلك وفه وطيبه
~~~
يا غيمه يالكلك مطر يالتمطر امروه
من جربتك حته السهم خليته يتروه
ما سد مكانك اي گمر كون انته ماهوه
عباس احله من العشگ يالخوتك خوه

يوليدي يا شيمه .. يا كشخة الخيمه
°°°°°°°°°°°°°°°°°°°°°°°°°°°°°°°°°°°°

مشاهدة "هيبة عباس l الرادود مسلم الوائلي . رابطة خدام الامام الحسن المجتبى ( ع ) . 2022" على YouTube
https://youtu.be/Er1BqHy2Q8M