‏مقطع صوتي من خادمة الحسين

ابن عمك يحيدر شايل اليوم
تون ام الحسن والحيل مهدوم


ابو ابراهيم شال واظلم الكون
يسوة الكول يسوة لطم المتون
هذا البالمعارك لاعب فنوووون
( الخندق يشهد بأفعاله)


هذا الثبت الإسلام والدين
تشهدله بدر جد الميامين
اختاره الباري خاتم للنبيين
(ثبت دين الله واركانه)


حبيب الله رحل فخر الرساله
هبط جبريل نعشه بجنحه شاله
علي حيدر الليله شلون حاله
(حزنان يون اعله مصابه)


الله يساعد الزهرة ويصبرها
على فراك الابو مكسور خاطرها
اليوم اهل المدينة تون منابرها
( اليكظي الكلفة مضيعينه)


عرش الله حزن لمصاب هادينه
وفراكة كلف كلش مأذينه
وي ام الحسن هالليله ونينه
( الزهرة الليلة نعازيها)


خادمة الزهراء
الشاعرة هالي نور

https://t.me/+6Gn16N-VhH04NmQy

لحن القصيدة بصوت ملا فلاح ربي يحفظه

الزهرة تنوح وتريد اليواسيها
شال اليوم ابوها وحيل مابيها🚩

بصوت مسلم المطيري

نعازي اليوم اجينه ام الحسين


كلمات الشاعرة
هالي نور

بصوت. مسلم المطيري

نعازيها الزچبه اليوم
بمصابك يهادينه



كلمات الشاعرة
هالي نور

لحن القصيدة بصوت خادم الحسين ملا احمد الزويني

قصيدتي بصوت خادمة الحسين الملا ام مرتضى ربي يحفظها

قصيدة للامام العكسري عليه السلام



المهدي سود اثيابه
عالعسكري ومصابه
حزنان شد انكابه
ويصيح بوووويه. ويصيح بوووويه


حزنان كاضيه القهر مهدي الرسالة
علنت حداد ارض وسمه تبجي اعله حالة
راح الابو وفركاه صعب محد بقالة
مهدينا بيده وسده ولكبره شاله
الله يعينة الليله
مصاب الابو هد حيله
يا عين دم ابجيله

ويصيح بوووويه ويصيح بوووويه


يالوعة فراك الابو وشصعبة الفراك
يا دمعه التهد الصخر .. يانار الاشواك
والروح التفارك اهل كل ليلة تنباك
مر البعد ما ينجرع كل لحضه ينضاك

للعسكري ونينة
مصابه وجر بينة
ولأبنة شابح عينة
ويصيح بوووويه ويصيح بوووويه

سامره حزنانة وتون وشثكلة المصاب
مسموم مولانه وكضه وتوسد اتراب
للعسكري ون الكلب والدمع سجاب
والمهدي ينعه وينتحب يم دار الاحباب

فراكك صعب يالغالي
دمع الحزن يبرالي
بوية البعد جتالي
ويصيح بوووويه. ويصيح بوووويه


خلصو أئمتنة جتل .. مسموم .. عطشان
الله يساعد فاطمة شكد شافت احزان
ويه الهواشم للأسف هذا الدهر خاااان
راح وبعد طش الشمل ذاك الكبل جان

نتوسد باحضانه
شال ووحش ديوانه
زادت المهدي احزانه
ويصيح بوووويه. ويصيح بوووويه

ضلمة الحياة بلا أبو وحشه وخلية
شلي بحياتي من بعد فركاك الية
يالجنت للعازة ذخر عون وتجية
خلافك صفيت لوحدي واصفك بدية

ابنك تغير لونة
لو عنك ينشدونه
لسامره دار عيونه
ويصيح بوووويه ويصيح بوووويه

خادمة الزهراء
الشاعرة هالي نور

https://t.me/+6Gn16N-VhH04NmQy

قصيدتي بصوت خادم الحسين ملا احمد الزويني ربي يحفظه

لحن القصيدة بصوت خادم الحسين ملا فلاح ربي يحفظه

المهدي سود اثيابه
عالعسكري ومصابه
حزنان شد انكابه
ويصيح بوووويه ويصيح بوووويه🚩

بصوت. مسلم المطيري

المهدي سود ثيابه


كلمات الشاعرة
هالي نور

رزقني الله زيارة كربلاء

قصيدة للزهراء عليها السلام


كولي شعاجبج من نوم الكبور
ييمة اعليج كلبي الليله مكسور

شيردج عليه يالرحتي من اديه
دارج مظلمه ومابيها كل نور
ييمة اعليج كلبي الليله مكسور

،،،،،،،،،،،،،،،،،،،،

ييمه اخلاف عينج شنهي دنياي
اظل مدوهنه ومتيهه الراي
رديلي ييمة وكعدي وياي
كسرتيني يزهرة بروحتج هاي

اون صبح ومسيه يمن رحتي من ادية
يالجنتي سند يالجنتي الي سور
ييمة اعليج كلبي الليله مكسور

،،،،،،،،،،،،،،،،،،،،،،،،،

من زغري عشت ضيم ومأسي
المصايب شيبت ياييمة راسي
زماني ما نصف وياي قاسي
اخذ مني الاحبه واغلى ناسي

عكبج ياهو اليه يالرحتي من ادية

غدار الوكت من يعكس يدور
ييمه اعليج كلبي الليله مكسور

،،،،،،،،،،،،،،،،،،،،،

عكبج عاشرت دمعات العيون
وادري الفاركوني مايردون
شيصبر الكلب ويهود الظنون
الفارك مهجته يظل عايش شلون

دمعاتي جريه. يالرحتي من ادية

مجبور الكلب عالونة مجبور
ييمة اعليج كلبي الليله مكسور

،،،،،،،،،،،،،،،،،،،،،،،،

لو اكظي العمر ونه اعله ونه
ماجازي التعب يم المحنه
أئيس ياكلب واكطع الضنه
ماترجع بعد كعدات اهلنه

نرد نكعد سويه يالرحتي من ادية

وترد تزهر ييمه بصوتج الدور
ييمة اعليج كلبي الليله مكسور

،،،،،،،،،،،،،،،،،،،،،،،،،،

المفاركله أم الله اليعينه
يون الليل ميهود ونينه
تضيع ايامه كلها اكبال عينه
بالهم والحزن تخلص اسنينه

ناره تظل سريه يالرحتي من اديه

كل يوم اليمر بعيوني عاشور
ييمة اعليج كلبي الليله مكسور


خادمة الزهراء
الشاعره هالي نور

https://t.me/+6Gn16N-VhH04NmQy

كولي شعاجبج من نوم الكبور
ييمة اعليج كلبي الليله مكسور

شيردج عليه    يالرحتي من اديه
دارج مظلمه  ومابيها كل نور
ييمة اعليج كلبي الليله مكسور🚩

قصيدة للزهراء بقفلة الهوسة

على ام حسين     شلنه اليوم رايات
نهوس بالعزة  لام الكراماااااااات

يهايه معدلة وبت السلاطين
تستاهل لطمنه ودمعه العين
نواسي حيدره ونواسي حسين
        (زينب هالليلة    نواسيها)

عازي بت علي والونه عليها
على امها الزجية اليوم عينيها
وياها لطمة ام حسين شديها
           (اللطمة وياها    شمحلاها)

مكسورة ظلع ماتت المظلووومه
من شم الهوى ياويلي محرووومه
نوحي اعله الزجية بروح مالووومه
           (زينب بالزهرة     نعازيها)

خلافج يالزجية انكطعت الضنه
وي زينب نون ونعلي الونه
على الشالو نعشها وأيست منه
          (بليل المظلم      شالوها )

شلون انشال نعشج يمه بليل
ترى فراكج صعب ويهدم الحيل
اصدن للنزل ودموعي تسيل
           (دارج يايمة      تبجيني)


خادمه الزهراء
الشاعرة هالي نور

https://t.me/+6Gn16N-VhH04NmQy