ግሎባል ፋኖ ሚዲያ/ዓፋሚ/Global Fano Media/GFM

ልዩ ጥንቅር - ሸዋ

አፋብን ሸዋ ጠቅላይ ግዛት ዕዝ ከጥር 26/2018 ዓ.ም እስከ የካቲት 01 ቀን 2018 ዓ.ም፣ እየተደረገ ያለ እልክ አስጨራሽ ትንቅንቅ

ሸዋ ላይ ለከበባ የመጣው የአገዛዙ አየር ወለድ ኮማንዶ ሰራዊት በስቦ መምታት የውጊያ ስልት ተመታ። በአገዛዙ ሰራዊት ንፁሀኖች በግፍ ተረሽነዋል!!

አሳዛኙ ክስተት፦

በሸዋ ጠቅላይ ግዛት ከፋኖ የሚወሰድበትን ጠንካራ ምት መቋቋም ያቃተው የኦህዴድ ብልፅግና ስርዓት ወንበር አስጠባቂ ሰራዊት የበቀል በትሩን መሣሪያ ባልታጠቁ ንፁኋኖች ላይ ፈፅሟል። በዚህም የአገዛዙ ጥቃት በርካታ ንፁሀኖች የተረሸኑ ሲሆን በርካቶች ደግሞ ታግተው በአገዛዙ ሰራዊት ተወስደዋል። እንዲሁም የንፁኋን መኖሪያ ቤቶች በድሮን፣ በተዋጊ ሄሊኮፍተሮችና በመድፍ ተደብድበው እየወደሙ፣ እየተቃጠሉ ይገኛሉ።

በአማራ ምድር ላይ ልዩ ዞን ኦሮሞ ብሄረሰብ አስተዳደር ተብሎ ከተዋቀረው (ከኬሚሴ) የተነሱ የኦነግ ሸኔ ታጣቂዎች ከስርዓቱ መከላከያ ሰራዊት ጋር ተቀናጅተው በከባድ መሣሪያ ሽፋን በመታገዝ በንፁኋን ላይ ከባድ እልቂት ፈፅመዋል። በይፋትና ጥሙጋ አውራጃ በኤፍራታና ግድም ማኛ ቀበሌ፣ ዘምቦ ቀበሌ ልዩ ቦታው ግምብ ተብሎ በሚጠራው አከባቢ 14 አርሶ አደሮች በአሰቃቂ ሁኔታ ተገድለዋል።

የ14ቱ አርሶአደሮች አስከሬን ጥር 29/2018 ዓ.ም በአንድ ቤተክርስቲያን ውስጥ ስርዓተ ቀብራቸው ተፈፅሟል።

ከፋኖ በሚወሰድበት እርምጃ ከባድ ኪሳራን የተከናነበው አገዛዙ በሸዋ የኔትዎርክና የመብራት አገልግሎች በማቋረጥ ከኬሚሲ የኦነግ ሸኔ ታጣቂዎችን በማስገባት ከመከላከያ ሰራዊቱ ጋር አቀናጅቶ በንፁኋን ላይ የበቀል ጭፍጨፋ ፈፅሟል።

አገዛዙ ንጹሀንን ከመረሸን በተጨማሪም ወጣቶች እና ህጻናትን እያፈሰ ይገኛል። ሸዋ ላይ ኔቶርክ አጥፍቶ ለከበባ የመጣውና ህዝቡን ሲጨፈጭፍ የነበረ የብልፅግናው ወንበር ጠባቂ የአገዛዙ አየር ወለድ ኮማንዶ ሰራዊት በስቦ መምታት የውጊያ ስልት ዛሬም ተጠናክሮ በቀጠለበት በሸዋ ጠቅላይ ግዛት ዕዝ አናብስቶች እየተለበለበ ይገኛል።

በተቀናጀ ጥቃት ኪሳራ ያስተናገደው ጠላት መቋቋም ሲያቅተው ቀወት፣ ወክፈሌ፣ አርሷምባ እና ሌሎችንም ቦታዎችን ለቆ ለመፈርጠጥ ተገዷል።

በጥር 30/2018 ዓ.ም በሸዋ ጠቅላይ ግዛት ከሸዋሮቢት ከተማ እና ከሞላሌ ስፍር ቁጥር የሌለው የአገዛዙ ጦር ሸዋ ጠቅላይ ግዛት ዕዝን ለማፈን በ 3 አቅጣጫ፣ ወደ ቆቦ፣ ወደ ተሬ፣ ወክፈሌ ወደተባሉ ቀበሌዎች አዳሩን ከበባ ለማድረግ ቢሞክርም፣ የሸዋ ጠቅላይ ግዛት እዝ፣ መሀመድ ቢሆነኝ ኮር፣ ከደጃዝማች ተሰማ እርገጤ ክፍለጦር፣ ከወንዱ አስቻለው ደሴ ክፍለ ጦር፣ ከበራራ ክፍለጦር የተውጣጡ ሻለቆች እና የዕዙ ቃኝ ንስር ሻለቃ ጋር በመጣመር "መንግስት" ወደ ሚባል ቦታ ስቦ በማስገባት በጠላት ላይ ከፍተኛ ኪሳራ አድርሰውበታል። ከሌሊቱ 11፡00 ሰዓት የጀመረው አውደውጊያ ሙሉ ቀን የቀጠለ ሲሆን አገዛዙ በሄሊኮፍተር ጭምር ሙት እና ቁስለኛውን እየለቀመ ይገኛል።

ዛሬም ስድስተኛ ቀኑን እያስቆጠረ ባለው አውደ ውጊያ በተመሳሳይ ይህ ዜና እስከተጠናቀረበት ጊዜ ድረስ በቆቦ(መንግስት)፣ በውስቴንቧይ ትንቅንቁ እንደቀጠለ ነው። ዝርዝሩን ከውጊያው መጠናቀቅ በኋላ የምንመለስበት ይሆናል።

የካቲት 1/2018 ዓ.ም

ክብር ለትግሉ ሰማዕታት!!
ድል ለተገፋው አማራ ህዝብ!!

@አፋብን ሸዋ ጠቅላይ ግዛት ዕዝ!

❤1🙏1

452 views19:17