ግሎባል ፋኖ ሚዲያ/ዓፋሚ/Global Fano Media/GFM

🙏2

383 views08:53

373 views10:32

ወቅታዊ መግለጫ ከሜጀር ጀነራል ውባንተ አባተ ፩ኛ ኮር
[የካቲት 01/2018ዓ.ም]

ጥበበኛው የዓምሐራ ፋኖ ሰልፉን ትቶ ሰይፉን ያነሳበት፣ ጠላቶቹን በነፍጡ ያምበረከከበት፣ የተደራጁ ጥቂቶች ያልተደራጁ ብዙዎችን ማሸነፍ እንደሚችል የተረዳበት፣ የዓምሐራን ሕዝብ የዘመናት ተጠየቆች ለመመለሥ እሣት ለብሶ እሳት ጎርሶ ሕዝባዊ አለኹነትን በተግባር የገለጠበትና ግዙፍ ዓምሐራዊ አደረጃጀትን ፈጥሮ ክቡር የሕይወት መሥዋዕትነትን እየከፈለ ለነጻነት አለኹ ያለ የዓምሐራ ሕዝብ ልጅ ነው። የአገዛዙ መዋቅር በዓምሐራ ልጆች የተባበረ ክንድ ፍርክሥክሡ ቢወጣም ጥቂት የማይባሉ ከአምሐራው አብራክ የወጡና ሌሎችም የዓምሐራን የባርነት ጊዜ የሚያራዝሙ ጉግማንጉጎች መኖራቸው የአደባባይ ምሥጢር ነው።

👉 ለአገዛዙ ዕድሜ አርዛሚ ታጣቂዎች የመጨረሻ ጥሪ
የዓምሐራን ሕዝብ ከምድረ ገጽ ለማጥፋት 24:00 እየደከመ ላለው ለአቢይ መራሹ ፋሽሥት ኦሕዴድ ብልጽግና ዕድሜ ማራዘሚያ የሆናችኹ የአገዛዙ እሥትንፋሥ ተሸካሚ አካላት፦
✅የመከላከያ ሠራዊት አባል የሆናችኹ
✅የአድማ ብተና(አማራ በታኝ) አባል የሆናችኹ
✅የሕዝባዊ ፖሊሥ አባል የሆናችኹ
✅ሚሊሺያ የሆናችኹና በጥቅሉ ዓምሐራን እያጠፋ ላለው የምድሪቱ ጨካኝና አራጅ ለሆነው አገዛዝ ቀኝ እጅ የሆናችኹ ሁሉ ይህ ጥሪ ከቀረበበት ጊዜ ጀምሮ ለተከታታይ 07 ቀናት በአካባቢው ለሚገኘው የዓምሐራ ፋኖ እጃችኹን በመሥጠት የተሐድሶ ዓምሐራዊ ትምሕርት በመውሰድ አብረን እንደ አንድ ዓምሐራ እንታገል ሥንል የመጨረሻው መጨረሻ ማሣሠቢያችንን እናቀርብላችኋለን።
አኹናዊው የዓምሐራ ፋኖ ቁመና ከየትኛውም ጊዜ በተሻለ ዓምሐራ ራሱን ከፈጽሞ ጥቃት መከላከል ብቻ ሳይሆን ወደ ማጥቃት የተሸጋገረበት ጊዜ ነው። ማንም አልፎ ሂያጅ ጉልበት በተሰማው ቁጥር እንደ እሸት የሚቀነጥሰው እንዳልሆነ በተጨባጭ እያሥመሠከረ እንደሆነ ራሳችሁ ምሥክር ናችኹ። ሥለሆነም የዓምሐራ ፋኖ መሰረቱ ሕዝባዊ እንደሆነ ተረድታችኹ፣ ሕዝብን ያሸነፈ አገዛዝ እንደሌለ አውቃችኹ፣ ማሸነፍ የማትችሉትን ሕዝባዊ ኃይል እንደገጠማችኹ አውቃችኹ፣ አገዛዙ እንደ ቁሥ ተጠቅሞ እየወረወራችኹ እንደሆነ ተረድታችኹ፣ በዓምሐራ ሕዝብ ላይ የሚደረገውን ከምድረ ገጽ የማጥፋት ፋሽሥታዊ ግብር ቆም ብላችኹ ዓይታችኹ፣ እየገደላችኹት ያለው የታጠቀውን ዓምሐራ ፋኖ ሳይሆን ሲቪሉን የዓምሐራ ሕዝብ እንደሆነ ተመልክታችኹና በጥቅሉ በዓምሐራ ሕዝብ ላይ የሚደረገውን ጅምላ ግድያ፣ ነባር ዕምነቶችን ማውደም፣ በኢኮኖሚ ማድቀቅ፣ ርሥትና ማንነት ነጠቃ፣ የተዛባ ታሪክ ፈጠራ፣ በሕገ መንግሥታቸው ሰንዶ ሕዝብን ማረድና ማፈናቀል እንዲኹም በጠቅላላው በዓምሐራ ሕዝብ ላይ የሚደረገውን መዋቅራዊ ጥቃት ለአንዴና ለመጨረሻ ጊዜ ለመቀልበሥ፣ ሐለወቱን ለማረጋገጥ፣ ርሥትና ማንነቱን በደሙ ለማሥከበርና ከሌሎች ኢትዮጵያዊ ወገኖቹ ጋር ሕብረት ፈጥሮ መንግሥት ለመሆን ተጋድሎ እዬፈጸመ ያለውን የዓምሐራ ፋኖ ጊዜ ሳታባክኑ በተሰጣችኹ ውሥን 07 ቀናት በአካባቢያችኹ ለሚገኝ ፋኖ እጃችኹን እንድትሰጡና የዓምሐራ ቤታችንን እንድትቀላቀሉ እናሳስባለን። በመጨረሻም የመከላከያ፣ አድማ ብተና፣ ፖሊሥና ሚሊሻ ቤተሰብ የሆናችኹ አምሐሮች ልጆቻችሁን ከአገዛዙ ጉያ እንዲወጡ አድርጋችኹ የዓምሐራ ፋኖን ተቀላቅለው የሁላችንም ጠላት የሆነው የኦሕዴድ አገዛዝ በጋራ ለዓምሐራዊ ነጻነት ከሕዝባቸው ጎን እንዲቆሙ አድርጉ።

👉ለመላው የዓምሐራ ሕዝብ አኹናዊ የትግል ጥሪ
ባርነትን ወይንም ጭቆናን ለመታገል ፖለቲከኛ ወይንም ወታደር መሆን አይጠይቅም። ጭቆናን የሚታገለው የተጨቆነ ሁሉ ነው። ግፍን ለመታገል የግድ ጥቃት ከተፈጸመባቸው ወገን መገኘትም የግድ አይደለም። ግፍን የምትታገለው አንድም ኢ-ሰብአዊ በመሆኑ ነው። ሁለትም ጥቃቱ በቀጥታም ሆነ በተዘዋዋሪ ሥለሚመለከትህ እንጅ። የወጣህበት የዓምሐራ ሕዝብ ሲሆንና በፈጽሞ ጥቃት ውሥጥ ሲገኝ ደግሞ ሌላ ነው። ነገሩ ክብርም ዓምሐራዊ ሕልውናም ነው። ድንገተኛና የአንድ ወቅት አጋጣሚ ሳይሆን ተከታታይ አሰራር የተጠና ፖለቲካዊ ጥቃት ሲሆን ዝም ማለት ግን ክህደት ነው። ጭቆናን መለማመድ ውድቀት ነው። ጭቆናን ማሥታመም እና መለማመድ የባርነት ልምምድ ብቻ አይደለም፤ የመጥፋት ምርጫም እንጅ።
የዓምሐራ ሕዝብ የሕልውና አደጋ ተጋርጦብሃል። በዓቢይ አሕመድ 08 ዓመታት ቆይታ በጅምላ ተገድለሃል፣ በጅምላ ተቀብረሃል፣ ተዘቅዝቀህ ተሰቅለሃል፣ ቤተዕምነትህ ፈርሷል፣ታሪክ አልባ ተደርገሃል፣ መርጠህ ባልተፈጠርክበት ነገደ ዓምሐራነትህ ተመርጠህ እየታረድህና በጅምላ ሙሉ ጦርነት ተከፍቶብህ ትገኛለህ። ይህንን ነውረኛና አውሬ አገዛዝ መላው ዓምሐራ በአንድነት ተነሥቶ ማፈራረሥና በትረ ሐገረ መንግሥትነቱን ማንበር አለበት። ይህ ትግል የዓምሐራ ፋኖ ብቻ ሳይሆን የመላው ዓምሐራ ሕዝብ ትግል ነው። ከዓምሐራ ጋር ያልቆመ ዓምሐራነቱ ምን ያለ ነው? እሥራኤላዊያን እንዲህ አደረጉ። ''ከፅዮናዊነት ጋር የቆመ እና የሚታገል የእኛ ነው፤ ከዚህ ውጭ የቆመ ጠላት ነው''። አዎ❗ አይሁዳዊያን ያን ሁሉ መከራ ሲቀበሉ ዳር የቆመ፣ ያፈገፈገ፣ ዝም ያለ ሁሉ ከጠላት ወገን ነው የተባለበት ነው።

ዛሬ ዓምሐራ በጅምላ እየተጨፈጨፈ በይፋና በአገዛዛዊ መዋቅር የጥፋት አዋጅ ታውጆበታል። ከሰው በታች ተደርጎ ለማኝ ሲደረግ አያገባኝም የሚል የዓማራ ባለሐብት፣ ታዛቢ የሚሆን የዓማራ ምሑር፣ ዳር የቆመ የዓማራ ፖለቲከኛ፣ ጎጠኝነትን የሚሰራ ውሉደ ብአዴን አረም፣ ዝም ያለ የዓማራ ወታደር፣ አልተነካሁም ባይ የአማራ ነጋዴ ወ.ዘ.ተረፈ ከጠላት እንጅ ከእኛ ከዓምሐሮች ወገን አይደለም።

ምርጫው ወይ ከዓምሐራነት ወይንም ደግሞ ከጠላት ጋር የመቆም ነው።

ከአገዛዙ ጋር የቆማችሁ የደም አማሮች የግብር ፀረ አማሮች ቢያንሥ አማራ ሁናችሁ ሙቱ። ካልቻላችኹ ደግሞ ከፋሽሥት አቢይ አሕመድ ተላላኪነት ተቆጠቡ። ዓምሐራ መሆን፣ ለዓምሐራ መቆርቆር፤ ለዓምሐራ መታገል ጽንፈኝነት ከተባለ ማናችንም ከዚህ ፍረጃ አናመልጥም። በራሱ በብልጽግና ውሥጥ ያሉትም ከሌሎቻችን የተለዬ ዕጣ ፈንታ የላቸውም። ምክንያቱም ክሱ ከመሰረቱ ዓምሐራነትን ወንጀል የሚያደርግ በመሆኑ የትኛውም ዓይነት ተባባሪነትም ሆነ ተነጣይነት ከጥቃት አያድንም።

✅መዳኛችን የዋዋ(ጎቤ መልኬ)ን ቋሚ ምሥል(ፎቶ) በመያዝ እንጅ የገዳያችን፣ የአራጃችን፣ የሐገር አፍራሹንና የፋሽሥቱ ዓቢይ አሕመድን ፎቶ በመያዝ አይደለም❗
✅ኅልውናችን በተባበረ ክንዳችን✊
✅ዝንተዓለም ዓምሐራ Forever AMHARA✊

አፋብን
ሰሜን ዓምሐራ ቀጠና
በላይ ዕዝ
ሜጀር ጀነራል ውባንተ አባተ ፩ኛ ኮር ሕ/ግ/ክፍል

ፋኖ ኃቅ-ዓለው ፀጋ አለባቸው

ጎንደር/ዓምሐራ/ኢትዮጵያ

❤5🙏1

410 views11:19