ሰበር የድል ዜና!!!

የአገዛዙ ወንበር አስጠባቂ ጥምር ሰራዊት በቋራ ምድር ተደመሰሰ

የመይሳው ካሳ 2ኛ ኮር 4ኛ ቀኑን ያስቆጠረ እልህ አስጨራሽ አውደ ውጊያዎችን በቀጠናው እየተፋለመ ከፍተኛ ድል እያስመዘገበ ይገኛል። በትናንትናው እለት ጥር 28/2018 ከሌሊቱ 8:00 ስአት ጀምሮ እስከ ንጋቱ 12:00 ስአት ቋራ ወረዳ አባድግሱ ከምትባል ቦታ የተሰራው ጀብድ በአገዛዙ ግብስብስ ሀይል ላይ ከፍተኛ ሽንፈትን እንዲያስተናግድ አድርጓል።በመይሳው ካሳ 2ኛ ኮር ሰብሳቢ አርበኛ ማንዴላ እያዩና በኮሩ ከፍተኛ አመራሮች የተመራው ይህ አውደ ውጊያ ጠላትን ከበባ ውስጥ በማስገባት ክፉኛ ሲርበተበት ውሎ ያመሸ ሲሆን የፋኖ ሰራዊት አሰላለፍ: አድዋ ክ/ጦ ከጀርባ በስተምዕራብ ፣ የኮሩ ተወርዋሪ ከፊታውራሪ ገበየሁ ክ/ጦ ከተውጣጡ ሰራዊቶች ጋር በመሆን በቀኝ በኩል ፣ ኦሜድላ ክ/ጦ ነብሮ ብርጌድ በግራ በኩል እና ካራማራ ክ/ጦ አሳምነው ብርጌድ ከጠላት ፊት ለፊት ሆነው የተሰለፉ ሲሆን ፤ ይህ የፋኖ አሰላለፍ ያስደነገጠው የአገዛዙ የብርሀኑ ጁላ ደም መጣጭ ሰራዊት በጭንቀት መውጫ መግቢያ ሲያጣ በአንድ በኩል ከፊት ለፊት ለመውጣት ሙከራ ቢያደርግም የበረሀው ፈርጦች የአሳምነው ልጆች ወይ ፍንክች በማለት ትንቅንቁን አፏፉመውት የጠላት ሀይል ነብስ ውጭ ነብስ ግቢ ሆኖበት አዳሩን በእሳት አለንጋ ሲለበለብ አድሮ ከፍተኛ ቁጥር ያለው ሙትና ቁስለኛውን ይዞ ያልቻለውን በየቦታው እያዝረከረከ በየቦታው የድረሱልኝ ጥሪውን እየቀባጠረ ወደ መጣበት ወደ ፋርሽዋ ሊመለስ ችሏል።

በዚህ አውደ ውጊያ የአገዛዙ ከፍተኛ አመራሮች 50 አለቃ ማዕረግ ያለው እስከ ወዲያኛው የተሸኘ ሲሆን በየቦታው ያዝረከረከውን አስክሬን የፋኖ ሰራዊት የአካባቢውን ማህበረሰብ በማስተባበር ሊቀብር ችሏል።

በዚህ ልዩ ኦፕሬሽን የተገኘ ድል:
ሙት = 36
ቁስለኛ = 45
የተማረከ የነፍስ ወከፍ መሳሪያ = 12
1የዲሽቃ አፈሙዝ
ተተኳሽ = 650 የክላሽ

በዚህ አንድ ሳምንት ከአገዛዙ ጥምር ሰራዊት ጋር በሚደረገው እልህ አስጨራሽ ትንቅንቅ አገዛዙ ከሽንፈት የማያድነውን የኔት ወርክ መዝጋት ዘመቻ እንደ አንድ አማራጭ በማድረጉ በግንኙነት ማነስ ከህዝብ ጀሮ ያላደረስናቸው አውደ ውጊያዎች የሚከተሉት ናቸው:

1.ጥር 26_27/2018 የአድዋ ክ/ጦ በጋዝጌ ቀጠና ሮብ ገበያ እና ኤረፍት በተደረገው የሁለት ቀን አውደ ውጊያ የአገዛዙ የመከላከያ ሰራዊት ተብየው እና ጋሻአጃግሬው ሚኒሻ ክፉኛ ሽንፈትን አስተናግዷል።

በዚህ አውደ ውጊያ የአገዛዙ ጥምር ሰራዊት መነሻውን ሰሜን አቸፈር ሊበን ተነስቶ ወደ ጋዝጌ ቀጠና አርሶአደሩን ትጥቅ ለማስፈታት እና ሁለንተናዊ ጀኖሳይድ ለመፈፀም አስቦ ቢንቀሳቀስም የመይሳው ካሳ ፪ኛ ኮር አድዋ ክ/ጦ በተደረገው እልህ አስጨራሽ ትንቅንቅ ከፍተኛ ኪሳራን ከማስተናገዱ ባሻገር ከበባ ውስጥ ገብቶ እጅ መስጠት ሲጀምር በሁለት አቅጣጫ ከጃዊ ጃይማላ እና ከአለፋ ሻሁራ ተጨማሪ ሀይል ደርሶ ሊያስለቅቀው ችሏል።

በሁለት ቀን አውደ ውጊያ የተገኘ ድል: ከ20በላይ የታሰሩ ንፁሀን አርሶአደር መሳሪያ አላችሁ አስረክቡ በማለት በግፍ የታሰሩትን ማስፈታት ተችሏል። ከዚህ በተጨማሪ የአገዛዙ ሰራዊት ሙት እና ቁስለኛ እንደሚከተለው ይሆናል።
ሙት = 30
ቁስለኛ =ከ38 በላይ
5 ምርኮኛ ሰራዊት
የነፍስ ወከፍ መሳሪያ = 10
ከ3000በላይ ተተኳሽ
የአንድ ሬጅመንት ሙሉ የእጅ ስልክ


2.ስቦ በመምታት ኦፕሬሽን ከአድዋ ክ/ጦ ፣ ከፊውታራሪ ገበየሁ ክ/ጦ እና ከኮሩ ተወርዋሪ በተውጣጡ የፋኖ ሀይሎች የአገዛዙ ሰራዊት ከአባድግሱ ወደ ባርባስ ወደ ምትባል ገዥ ቦታ ለኩሶ ወደ ኃላ በመውጣት የሙት ወረዳ ላይ/ባርባስ ጥር 26/2018 ከቀኑ 9:00 ስአት ጀምሮ ለ2ስአት ያህል በተደረገው አውደ ወጊያ የጠላት ሀይል ኩምሽሽ ብሎ ሙት እና ቁስለኛ በመሆን እንደ ገና ወደ ኃላ አባድግሱ ወደ ምትባል ቦታ ሊመለስ ችሏል።

በዚህ አውደውጊያ የተገኘ ድል:
ሙት = 5
ቁስለኛ = 12

3.በአዳኝ አገር ጫቆ ወረዳ ነጋዴ ባህር ከተማ አቸራበር በፊታውራሪ ገበየሁ ክ/ጦ ታጠቅ ብርጌድ 2ኛ ሻለቃ ቃኝ በሆነችው ሻንበል1 አንድ አስደማሚ ኦፕሬሽን ተደርጓል።

ለአገዛዙ ሰራዊት አጋር የሆነው ሆድ አደር ሚኒሻ መነሻውን ከጭልጋ ወረዳ ወደ ነጋዴ ባህር ሲንቀሳቀስ ቀድመው መረጃን በማፈንፈን የሻለቃዋ ቃኝ በፍጥነት ደፈጣ በመያዝ በሚኒሻው ላይ መብረቃዊ ጥቃት በማድረስ ከቦታው መሰወር ችላለች።

በዚህ ልዩ ኦፕሬሽን የተገኘ ድል:
ሙት = 5
ቁስለኛ = 8
5 የነፍስ ወከፍ መሳሪያ እስከ መሉ ትጥቁ

ይህ በእንዲህ እንዳለ ፈርጣጩ የአብይ ወንበር አስጠባቂ ጥምር ሰራዊት በማፊያ አመራሮች እየተመራ ፋኖን እናፅዳ እያለ እራሱ እየፀዳ የሀገሪቱን ወጣት በስሜት በሀገር መከላከያ ስም እየነገደ አማራ ላይ የተሰጠውን የአውሬውን ተልእኮ ለመፈፀም ቢሞክርም ከመጥፋት ግን አላዳነውም፤ የሀገሪቱን እንቁ ሀብት እያግበሰበሰ የወጣቱን ደም እየለገሰ በስልጣን መቆየት እንደማይቻል ክንደ ብርቱው የፋኖ ሰራዊት የሚያስመዘግበው ውጤት ማሳያ ነው።

ኅልውናችን በተባበረ ክንዳችን!!!
አፋብን ሰሜን አማራ ቀጠና በላይ ዘለቀ ዕዝ
መይሳው ካሳ ፪ኛ ኮር
ጥር 29/2018

ከአዉደ ዉጊያ ጎን ለጎን የሜጀር ጄኔራል ውባንተ አባተ ክፍለ ጦር በመቄት ጥልቅ ተሐድሶ አደረገ!!

የአማራ ፋኖ ብሔራዊ ንቅናቄ (አፋብን) ምስራቅ አማራ ቀጠና ምኒልክ ዕዝ በግዙፉ ላስታ ጄኔራል አሳምነው ፅጌ ኮር ስር የሚገኘው ሜጀር ጄኔራል ውባንተ አባተ ክፍለ ጦር በመቄት ከጥር:-26 ጥር:- 28/05/2018 ዓ/ም ለተከታታይ ሶሰት ቀናት በጥልቀት በመገምገም የቀጣይ አቅጣጫዎችን አስቀምጧል ።

በተሐድሶው ላይ የተገኙት የሜጀር ጄኔራል ውባንተ አባተ ክፍለጦር ዋና አዛዥ አርበኛ ኮማንዶ አማን ጎበዜ ፣ምክትል አዛዥ አርበኛ ሸጋው ወርቄ ጉድለቶቻችን በማረም ቀጣይ ግዳጆችን በብቃት መፈፀም አለብን ብለዋል።
የወረዳው ጊዚያዊ ህዝብ አስተዳደር ዋና አስተዳዳሪ ፋኖ መምህር በሪሁን ደምሌ በበኩሉ ወታደሩ በየወቅቱ አቅሙን እያሳደገ አቅዶ ጠላትን መምታት እንዳለበት ገልፆ የህዝብ ጉዳይን የህዝብ አስተዳደሩ ትኩረት ሰጥቶ እየሰራ ነው ቀጣይም አቅሙን አጠናክሮ ህዝብን በቅን ልቦና ያገለግላል ብሏል።

መዳረሻው ድልና ነፃነት የሆነው የአማራ ህዝብ የህልዉና ተጋድሎ ተጠናክሮ ይቀጥላል!

ህልውናችን በተባበረ ክንዳችን!
አፋብን ምስራቅ አማራ ቀጠና ምኒልክ ዕዝ
ጥር 29/2018 ዓ.ም

ባለሽርጡ ክፍለ ጦር የሃብሩ ወረዳ ካድሬዎችን ያጀበ የፋሽስቱ ብልፅግና አገዛዝ ዙፋን ጠባቂ ሰራዊት ጋር ተጋድሎ በማድረግ ድል አስመዘገቡ::

የአገዛዙ ካድሬዎች ህዝብን በስብሰባ ለማደናገርና የሃሰት ቅስቀሳ ለማድረግ ብሎም ፀረ-ህዝብና አገር አፍራሽ ተልዕኳቸውን ለማስፈፀም ወደ ሰሜን ወሎ ዞን ሃብሩ ወረዳ ልዩ ስሙ 032 ቀበሌ ኮሎቦ በብልፅግና መከላከያ ታጅበው ህዝብ ሊሰበስቡ ባሰቡበት ሁኔታ ከባለሽርጡ ክፍለ ጦር በደረሰባቸው ያላሰቡት ድንገተኛ ጥቃት ብትንትናቸው ወጥቶ ወደ መርሳ ከተማ ተመልሰዋል::

ባለሽርጡ ክፍለ ጦር ቀጠናውን በመቆጣጠር የህዝብ አስተዳደር መዋቅር ዘርግተው እያስተዳደሩት ያለ ሲሆን አገዛዙ ብልፅግና ምንም አይነት መፈናፈኛ እንዳያገኝ በማድረግና በተደጋጋሚ ጊዜ ክንዳቸውን በማቅመስ ዛሬም ድላቸውን አስቀጥለዋል::

መዳረሻው ድልና ነፃነት የሆነው የአማራ ህዝብ የህልዉና ተጋድሎ ተጠናክሮ ይቀጥላል!

ትግላችን በተባበረ ክንዳችን!
የአፋብን ምስራቅ አማራ ቀጠና ምኒልክ ዕዝ
ጥር 29/ 2018 ዓ.ም

የሚኒሻ አባሉ ፋኖን ተቀላቀሉ አገዛዙ በአማራ ህዝብ ላይ የማደርሰውን ግፍ አይተናል ከዚህ በኋላ የዚህ ስርዓት ተባባሪ ሁነን ህዝባችን ላይ በደል ማድረስ የለብነም በማለት ትናት የበደልነውን ህዝብ ፋኖን በመቀላቀል አሰከፊውን ስርዓት ለማስወገድ በአቅራባችን ያለውን ጣና ብርጌድ በመቀላቀል ህዝባችን
እክሳለን ብለዋል ።
1ኛ መሀበው ማራለም ከአንበሳሜ ከተማ ሚኒሻ የነበረ
2ኛ ሰውመሆን ካሳሁን ሐሙሲት ከተማ ሚኒሻ
የያዙት የትጥቅ ዓይነት
1ክላሽ
1 አብራረው ይዘው በመውጣት ፋኖን ተቀላቅለዋል
አፋብን ሰሜን አማራ ቀጠና በላይ ዕዝ ሜጀር ጀኔራል ውባንተ አባተ 1ኛ ኮር ጣና ገላውዲዎስ ክ/ጦር ህ/ግ ፍቅሩ ባየ

አፋብን ሰሜን አማራ ቀጠና በላይ ዕዝ ሜጀር ጀኔራል ውባንተ አባተ 1ኛ ኮር ጣና ገላውዲዎስ ክ/ጦር አሀድ የሆነችው ጣና ብርጌድ ሻለቃ አንድ ናሁ ሰነይ ሻለቃ ለወራት በአድማ ብተና ተይዞ የነበረውን የገጠር ከተማ የሆነችውን ጉማራ ላይ ጥር 30/05/2018 ከምሽቱ 1:00ሰዓት እሰከ 3:00 ሰዓት በተደረገ እልህ አስጨራሽ ውጊያ ምሽጉን ለቆ ወደ ሐሙሲት ከተማ ሲፈረጥጥ በጣላት ላይ ከባድ ጉዳት ማድረስ ተችላል።
ህልውናችን በተባበረ ክንዳችን

አፋብን ሰሜን አማራ ቀጠና በላይ ዕዝ ሜጀር ጀኔራል ውባንተ አባተ1ኛ ኮር ጣና ገላውዲዎስ ክ/ጦር ህ/ግ
ፍቅሩ ባየ

የደጋው መብረቅ ኮር ቀኛዝማች ተበጀ ወርቁ ክፍለ ጦር ለሶስተኛ ዙር በርካታ እግረኛ ፋኖዎችን በደማቅ ሁኔታ አስመረቁ::

አፋብን ምስራቅ አማራ ቀጠና ምኒልክ ዕዝ የደጋው መብረቅ ኮር ቀኝአዝማች ተበጀ ወርቁ ክፍለ ጦር ለበርካታ ወራቶች ሲያሰለጥናቸው የነበሩትን ፋኖዎች የካቲት 1/2018 ዓ/ም የኮሩ አመራሮች በተገኙበት መድረክ ላይ አስመርቋል!

ቀኝአዝማች ተበጀ ወርቁ ክፍለ ጦር በርካታ እግረኛ ፋኖዎችን ለሶስተኛ ዙር ያስመረቀ ሲሆን በዚህ የምርቃት ስነ-ስርዓት ላይ የደጋው መብረቅ ኮር የፖለቲካ ዘርፍ ሀላፊ አርበኛ ብርሃን አረጋ በመክፈቻ ፕሮግራሙ ላይ የእንኳን ደሳላችሁ መልክት ያስተላለፉ ሲሆን "የአማራ ህዝብ የብረት አጥር ናችሁ!! የአማራን ህዝብ ጥላት የሚያጠቃው በእናተ አስከሬን ላይ ተረማምዶ ነው። ስለዚህ እናተ የአማራ ህዝብ መታፈሪያና መከበሪያ የብረት አጥር ናችሁ!" በማለት ለተመራቂዎች መልክት ያስተላለፈ ሲሆን::

የኮሩ ህዝብ ግንኙነት ሀላፊ አርበኛ መኩሪያ አጋዡ(መምህሩ) "እናተ አማራ ናችሁ! በአማራዊ የሞራል ልዕልና ቁማችሁ የተገኛችሁ!" በማለት ለተመራቂዎች መልክት አስተላልፈዋል።

የክፍለ ጦሩ ዋና አዛዥ አርበኛ በለጠ መኩሪያው በበኩላቸው ለተመራቂ ፋኖዎች የአማራን ህዝብ ነፃ የማውጣት ሀላፊነት የዚህ ተመራቂ ጭምር ነው ሲሉ ለተመራቂዎች አሳስበዋል።

በዚሁ የምርቃት ስነ ስርዓት ላይ የአሰልጣኞች ምስጋናና እየፈፀሙት ላለው ህያው ገድል የሽልማት ፕሮግራም የተበረከተ ሲሆን፤ይህ የአሰልጣኞች ማነሻሻ የምስጋና እውቅና ለቀጣይ የተልዕኮ መሰላል ይኖን ዘንድ ታስቦም የተደረገ ነው።

እየተዋጋን እንሰለጥናለን እየሰለጠን እንዋጋለን!

መዳረሻው ድልና ነፃነት የሆነው የአማራ ህዝብ የህልውና ተጋድሎ ተጠናክሮ ይቀጥላል!

የአማራ ፋኖ ብሔራዊ ንቅናቄ (አፋብን) ምኒልክ እዝ
የካቲት 1/2018 ዓ.ም