ከአማራ ማሕበር በሰሜን አሜሪካ የተሰጠ ወቅታዊ መግለጫ

ከዓለምአቀፍ የአማራ ንቅናቄ (ዓየን)
የአማራ ፋኖ ብሔራዊ ኃይል (አፋብኃ) የአንድነት ስምምነት ላይ በመድረሱ የተሰጠ የደስታ መግለጫ።

የአፋብኃ ነሀሴ ፳ ፰ ቀን ፪ሽ፲ ፯ ዓመተምህረት በጽሁፍ አንዲሁም አመራሮቹ ነሀሴ ፳ ፱ ቀን ፪ሽ፲ ፯ በድምጽ የሰጡትን የጋራ መግለጫዎች ዓለምአቀፍ የአማራ ንቅናቄ (ዓየን) በታላቅ ደስታ በመቀበል ተግባራዊ ምላሽ ለመስጠት ዝጝጁነቱን ያረጋግጣል።

በቋራ ቃል ኪዳን የተመሰረተው የአማራ ፋኖ ብሔራዊ ኃይል (አፋብኃ) ያጋጠሙትን የውስጥ ልዩነቶች በትእግስት አና በጥበብ በመፍታት በአንድነት ለመጓዝ ስምምነት ላይ መድረሱ ለአማራ ሕዝብ የህልውና ትግል አሸናፊነት ወሳኝ እርምጃ እንደሆነ ዓለም አቀፍ የአማራ ንቅናቄ (ዓየን) በጽኑ ያምናል። አፋብኃ ዳግም አንድነታቸውን አድሰው የአማራ ህዝብን ህልውና በአሰተማማኝ እና በቀጣይነት ለማስጠበቅ የጋራ ቃልኪዳናቸውን ጽፈዋል።

በውጪ ለሚኖረው አማራ በአማራ ማህበራት ውስጥ በአባልነት በመሳተፍ፣ ማህበራቱም በአስቸኳይ ዓየንን በመቀላቀል የትግል ዋናኛ ድርሻዎች በሆኑት ፈጣን እና ቀጣይ የሰብዓዊ ድጋፍ፣ የድምፅ ማሰማትና የውጭውን ማህበረሰብ እና መንግስታት ድጋፍ ለማግኘት በአፋብኃ መንፈስ እና አማራዊ ስሜት ተግተን እንድንስራ ወገናዊ ጥሪችን እያቀረብን፣ በተመሳሳይ አፋብኃን ያልተቀላቀሉ ፋኖዎችም አፋብኃን እንዲቀላቀሉ እንጠይቃለን።

በዚህ አጋጣሚ ለቋራ ቃልኪዳን መታደስ አዎንታዊ አስተዋጽኦ ላደረጉ ሁሉ ከፍ ያለ አክብሮትና ምስጋና እያቀረብን ከአፋብኃ መሪዎች በቀረበው ጥሪ መሰረት ዓየን የአማራ ተቋማትን ለማሰባሰብና ተቋማቱም ለአማራ ሕዝብ የህልውና ትግል የበኩላቸውን ሁለንተናዊ ድጋፍ እንዲያበረክቱ ለማስተባበር የምንችለውን ሁሉ የምናደርግ መሆኑን እንገልጻለን። ለአማራ ህዝባችን፣ ለፋኖ ሰራዊት፣ ለአማራ እና አጋር የህዝብ መገናኛዎች፣ ለመላው ኢትዮጵያ ህዝብ፣ ለዓለምአቀፉ ማህበረሰብ እና በተለይም በውጭ ለሚኖረው አማራ በግልፅ ያቀረባችሁትን የትግል ጥሪዎች ተግባራዊነት ዓለምአቀፍ የአማራ ንቅናቄ (ዓየን) በፍፀም የአማራ ብሄርተኝነት፣ በአላማና በመርህ ላይ ተመርኩዞ፣ ህብረቱን አጠናክሮ፣ አቅሙን አጎልብቶና ተግቶ እንደሚሰራ ዳግም ያረጋግጣል።

ድል ለአፋብኃ!
ድል ለአማራ!
ድል ለኢትዬጵያ!

ዓለምአቀፍ የአማራ ንቅናቄ (ዓየን)

በወቅታዊ ጉዳዮች ከአማራ ፋኖ በወለጋ ጽናት ክፍለ ጦር ዋና አዛዥ ከአርበኛ አደም ተፈራ የተሰጠ መግለጫ።

የዘመናዊ አኗኗር ዘይቤ ያስተማረው ታታሪውና ስራ ወዳዱ የአማራ ማህበረሰብ ወለጋ ምድር ላይ  እንደ መጤና ወራሪ ታይቶ መንግስት መር ጭፍጨፋ ከታዎጀበትና መጨፍጨፍ፣መሳድና ንብረቱን መዘረፍ ከጀመረ ድፍን 7አመታትን አስቆጥሯል።ይህ እንዲጠፋ የተፈረደበት ማህበረሰባችን ባለፉት አመታት ከተለያዩ የወለጋ ዞኖች እድል የቀናቸው በአሁኑ ስዓት አማራ ክልል የተለያዩ መጠለያ ጣብያዎች የሚጣልላቸውን ፍርፋሪ እዬቀመሱ የስቃይ ኑሯቸውን እዬገፉ ሲገኙ ይችን እድል ያላገኙ ወገኖቻችን ስጋቸው የዱር አራዊት ቀለብ ሁኖ አጽማቸው በዬጫካው ወድቆ ይገኛል።

ወለጋ  ምድር ላይ ከሞት የተረፍን ነገደ አማራውያን ከፈጣሪ በታች ከዝህ መንግስት መር ጭፍጨፋ ማንም ደርሶ ሊታደገን  እንደማይችል ተረድተን እራሳችንን በማደራጀት መከላከል ከጀመርን አመታቶችን አስቆጥረናል።

ይሁን እንጅ እኛ ከወለጋ ምድር ከነዘር ማንዘራችን ተነቅለን አለመጥፋታችን ያንገበገባቸው ሀይሎች በዬግዜው እራሳቸው ባደራጇቸው ሀይሎች የኦሮሞ ንጹሃን ወገኖቻችንን በመጨፍጨፍ  ጅራፍ እራሷን ገርፋ እራሷ ትጮሃለች እንደሚባለው ብሂል ወለጋ ምድር ሲያሻቸው የመንግስት ፋኖ ደስ ሲላቸው ጽንፈኛው ፋኖ ህዝባችን ጨፈጨፈ በሚል ህዝባችን ላይ የተቀናጀ ጭፍጨፋ ያውጁበታል።

እኛ ብሶት የወለደን የጭቁኑ የወለጋ አማራ ማህጸን ያፈራን የአማራ ፋኖ በወለጋ ህዝባችን ከሁለንተናዊ ጥፋት ለመታደግ የወጣን ከመላው ብሔር ብሔረሰብ ጋር እኩል ሁነን የመኖር መብታችን ተከብሮ እኛም የሌላውን አክብረን እንኑር እንጅ ያልነው ከማንም እንብለጥ አላልንምና መላው ኢትዮጵያውያን እንዲያውቁልን የምንፈልገው ይህ በዬግዜው ወለጋ ምድር ላይ የሚደረገውን የሁለቱንም ብሔሮች ጭፍጨፋ ገለልተኛ አካል ወደ አካባቢው በመግባት አጣርቶ እውነታውን ለህዝብ እንዲያሳውቅልን ጥሪያችንን እናቀርባለን።

ድል የመጥፋት አደጋ ለተደቀነበት ህዝባችን‼

ጳግሜ 01/2017ዓ.ም
የአማራ ፋኖ በወለጋ
ጽናት ክፍለ ጦር ዋና አዛዥ
አርበኛ አደም ተፈራ

በአፋብኃ ሲምፖዚየሙ እንዳይቀሩ‼️

የአማራ ፋኖ ብሔራዊ ኃይል ( አፋብኃ) ከዚህ አቅሙ የበለጠ ጠንካራ እንዲሆንና የትግሉ ጊዜ ባጠረ መልኩ ለመቋጨት ያስችል ዘንድ እና ለአለማቀፉ ማህበረሰብ የትግሉን ሂደትና ዓላማ ግልፅ ለማድረግ፣ ለማስተዋወቅ እና በጎ ፈቃደኛ ደጋፊዎችን ለመጨመር ያለመውን ይህን ሲምፖዚየም ዛሬ ጷጉሜ 01 እና 02 ቀን 2017 ዓ.ም ወይም በፈረንጆቹ አቆጣጠር September 06,2025 Saturday Starting 12 Noon and September 07,2025 Sunday Starting 12 Noon በቀጥታ ስርጭት የሚያካሂድ መሆኑን ያስታውቃል።

በሲምፖዚየሙ ላይ የአፋብኃ ማዕከላዊ ኮማንድ አመራሮች በጋዜጠኞች ቃለመጠይቅ ይደረግላቸዋል፣ ዝግጅቱም በቴሌቪዥንና በዩቲዩብ፣ ቲክቶክ እና የX (Twitter ) ማህበራዊ ሚዲያዎች የቀጥታ ስርጭት ሽፋን ያገኛል።

በኢትዮጵያ ሰዓት አቆጣጠር ዛሬ ከምሽቱ 1:00 ሰዓት እንገናኝ‼️

የለሚ አለም አቀፍ ሲሚንቶ ፋብሪካ ሰራተኞች በአገዛዙ ወታደሮች ተዘረፉ

የአብይ አህመድ አገዛዝ ወታደሮች ጨለማን ተገን አድርገው በለሚ አለም አቀፍ የሲሚንቶ ፋብሪካ ድርጅት እና የተቋሙ ሰራተኞች ላይ የሰሩት አደገኛ ውንብድና አለም አቀፍ ወንጀል መሆኑ ተገለፀ።የለሚ አለም አቀፍ ሲሚንቶ ፋብሪካ ሰራተኞች 48 ስልክ ሲወሰድ በአገዛዙ ወታደሮች የውጭ ሀገራት ዜጎች ለዘረፋ እና ለአካላዊ ድብደባ ሲዳረጉ የተወሰኑ የተቋሙ ሴት ሰራተኞች ተደፍረዋል።በዚሕ የውንብድና ተግባር የተሳተፈው እራሱን የሀገር መከላከያ ሰራዊት ብሎ የሚጠራው የኦሮሙማው ስርዓት አስጠባቂ የዘራፊ ስብስብ በሸዋ ጠቅላይ ግዛት መርሀቤቴ አውራጃ በእንሳሮና ዋዩ ወረዳ ከአዲስ አበባ ከተማ በ 150ኪ.ሜ ርቀት ላይ በለሚ ከተማ በቅርብ ርቀት ላይ በቅርቡ ስራ የጀመረው የለሚ አለም አቀፍ ሲሚንቶ ፋብሪካ (Lemi National Cement Factory) በቀን 28 /12/2017ዓ.ም ከለሊቱ 7:00 ላይ ጨለማን ተገን አድርገው ወደ ድርጅቱ ሰራተኞች መኖሪያ ካምፕ የገቡት የአገዛዙ ወታደሮች ከፈፀሙት የዝርፊያ ወንጀል በተጨማሪ በርካታ ኢ-ሰብዓዊ ድርጊቶች መፈፀማቸው ተረጋግጧል።

ለመሆኑ ይሕ አለም አቀፍ ድርጅት እንደ ኢትዮጵያም ሆነ በአፍሪካ የመጀመሪያውን ደረጃ በያዘው ግዙፉ የለሚ አለም አቀፍ የሲሚንቶ ፋብሪካ ላይ የተፈፀመውን አስነዋሪ ወንጀል የሸዋ ጠቅላይ ግዛት ዕዝ አፄ አምደ ጽዮን ኮር በፅኑ እያወገዘ በጉዳዩ ላይ ወንጀሉ ከተፈፀመ ጀምሮ ለተከታታይ ሶስት ቀናት በሰራው ልዩ የማጣራት ስራ የኮሩ ሚዲያና ኮሙኒኬሽን ክፍል መረጃው ለህዝባችንም ሆነ ለአለም አቀፉ ማህበረሰብ ይደርስ ዘንድ እንደሚከተለው አጠናቅሮታል።

ስለጉዳዩ በቂ መረጃ ያላቸው ስማቸው እንዳይገፅ የጠየቁን አምስት (5) የድርጅቱ ሰራተኞች በአገዛዙ ወታደሮች ስለተፈፀመው አስነዋሪ ድርጊት አስረድተዋል። "ድርጊቱ የተፈፀመው ዕለቱ ረቡዕ ሲሆን ነሐሴ 28 ቀን 2017ዓ.ም ከለሊቱ 7:00 እስከ 9:00 ድረስ መሆኑን በመግለፅ ይጀምራሉ። ቀጥለውም አብዛኛው ሰራተኛ ቀኑን ሙሉ በስራላይ ስለሚያሳልፍ  እስከ ምሽት 5:00 - 6:00 ድረስ በድርጅቱ ውስጥ ያለውን Wi Fi በመጠቀም አለም እንዴት ዋለች የሚል መረጃ ሲከታተል ይቆይና ከለሊቱ 6:00 ይተኛል ይለናል። ታዳ ይሕን የሰራተኛውን ሁለገብ እንቅስቃሴ በሚገባ የሚያውቀው ወንጀለኛ የማፊያ ስብስብ ቀኑን ሙሉ ሲደክም የዋለ የድርጅቱ ሰራተኞች በተኙበት ከለሊቱ 7:00 ላይ የመኖሪያ ካምፕ ጥበቃዎች በመደብደብ ከፍተኛ አካላዊ ጉዳት በማድረስ ወደ ውስጥ ገቡ ይላል። የድርጅቱን ጥበቃዎች ደብድበው ወደ ውስጥ እየገቡ ባለበት ወቅት "እኔ ፋኖ ነኝ!፣ እኔ የባዩ ፋኖ ነኝ!፣ እንጨርሳችኋለን!፣ እናጠፋችኋለን!" የሚሉ ድምፆች ከፍ ብለው እየተሰሙ ወደ ውስጥ ዘልቀው በመግባት እያንዳንዱን የሰራተኛ ማረፊያ ቤት እየዞሩ በሩን በማንኳኳት እንዲከፍቱ አዘዙ፣ "በፍጥነት በሩን ካልከፈታችሁት ግን ገንጥለነው እንገባለን!" በሚል አስጠነቀቁን።

ከዛ የተኛው የድርጅቱ ሰራተኛ በፍጥነት ደንግጠን ተነሳን፣ በመጀመሪያ ደረጃ የአስተርጓሚውን ክፍል በመጠየቅ የውጭ ሀገር ቋንቋ አስተርጓሚ ወደሆነው ግለሰብ ቤት ሔዱ። ከዛ መልስ የውጭ ሀገር ዜጎች ቤት ገቡ፣ በመጨረሻም በሁሉም የሰራተኛ ቤት በየተራ እስከ ለሊቱ 9:00 ድረስ ለተከታታይ ሁለት (2) ሰዓታት በድርጅቱ ሰራተኞች ላይ ዘግናኝ ወንጀል ፈፀሙ ይላሉ የመረጃ ምንጮች።

በመቀጠልም የአማራ ፋኖ ሸዋ ጠቅላይ ግዛት ዕዝ አፄ አምደ ጽዮን ኮር ሚዲያና ኮሙኒኬሽን ክፍል በድርጊቱ ለተጎዱ ግለሰቦች አንድ ጥያቄ ያነሳል ፣ወንጀለኞቹ የፈፀሙት ተግባር በዝርዝር እንዲያስረዱት ጠይቋል።የአይን እማኞቹም በድርጊቱ ክፉኛ በማዘን እንዲህ በማለት በምሬት ያስታውሳሉ " በድብደባ ብዛት አካላቸው የጎደለ የድርጅቱ ሰራተኞች አሉ፣ የውጭ ሀገር ዜጎችን በመደብደብ ከፍተኛ ገንዘብ ተዘርፈዋል፣ በርካታ ሴት የድርጅቱ ሰራተኞች በለሊት ተደፍረዋል፣ ከ 48 ስልክ በላይ ተወስዷል፣ በአጠቃላይ ለሊት በተኛንበት በተፈፀመብን ግፍ ለተከታታይ ሁለት ሰዓታት በግቢው ውስጥ ጩኸት እና ዋይታ ብናሰማም እዛው ለሚ ከተማ ውስጥ የነበረው መከላከያ ሊታደገን አልቻለም በማለት ተናግረዋል።

አዳሩን ስለተፈፀመው ጉዳይ ከፍተኛ መነጋገሪያ በመሆኑ ከንጋት ጀምረው ሙሉ የድርጅቱ ሰራተኞች ተቋሙን ለቀው በመውጣታቸው በዕለተ ሀሙስ ሰኔ 29 ቀን 2017ዓ.ም የድርጅቱ ከፍተኛ አመራሮች እና ከፍተኛ የመከላከያ አመራሮች ከአዲስ አበባ ከተማ ወደ ለሚ ከተማ በመምጣት አዳሩን ስለተፈፀመው ወንጀል አስቸኳይ ስብሰባ በማድረግ እንድናብራራ ተጠየቅን ይላሉ ተበዳዮች።

ገና ስብሰባው እንደጀመረ እዛው ለሚ ከተማ የተቀመጠውን መከላከያ የሚመራ አንድ ኮለኔል "እንዲሕ ያደረጋችሁ ፅንፈኛው ነው" በማለት ይጀምራል ፣ ከዛ ሙሉ ሰራተኛው "በማጉረምረሙ" ንግግሩን ያቆማል። ወዲያውኑ አንድ ከአዲስ አበባ ከተማ የመጣ የድርጅቱ ከፍተኛ አመራር "ስለሁኔታው ሁላችንም በጣም አዝነናል! መረጃውን እዛም ሆነን ሰምተናል፤ ነገር ግን እዝሕ ድረስ የመጣነው ስለድርጊቱ ከእናንተው ከተበዳዮች አንደበት በቀጥታ ለመስማት ነውና የመጣሁት ያለምንም ፍርሀት ንገሩኝ ይላል።

በመጀመሪያ "የእውነት እዝሕ የመጡት ፋኖ ናቸውን? ብሎ ጠየቀን ፣ብዙ ሰው በተናጠል ሀሳቡን ገለፀ ፣ ፋኖዎችን እናውቃቸዋለን አዳራቸውን የመጡት ግን በፍፁም ፋኖ አይደሉም! ፋኖ እኮ አንድም ቀን ቀና ብሎ እንኳን አይቶን አያውቅም ብለን የመለስንለት ሲሆን በምላሻችንም የመከላከያ አመራሮች ክፉኛ ተበሳጭተው ነበር ይላሉ ታዳሚዎቹ።

በመቀጠልም በዘራፊዎች አጠቃላይ ስለተፈፀመው ወንጀል እና የተወሰዱ ቁሳቁሶችን አሃዛዊ መረጃ ከተበዳዮች ተቀብለው ወደ አዲስ አበበ ከተማ ሲመለሱ የመከላከያ አመራሮች "በአስቸኳይ ወደ ስራ መመለስ እንዳለብን ሲያስፈራለን እንደ ምክነያት ያነሱት ደግሞ የመከላከያን ስም እንዲጠፋ እየተባበራችሁ ነው ሲሉ በአስገዳጅ ሁኔታ ድርጅቱን ለቀን በለሚ ከተማ ውስጥ ከሰፈርንበት ቦታ ምንም የደሕንነት ዋስትና በለለበት እንድንመለስ ተገደናል ሲሉ መረጃውን አድርሰውናል።

በመሆኑም ይሕን ሁሉ አስነዋሪ ድርጊት በለሚ አለም አቀፍ ሲሚንቶ ፋብሪካ ሰራተኞች ላይ ጨለማን ተገን አድርገው የፈፀሙት የአገዛዙ ወታደሮች መሆናቸውን የተረጋገጠ ሲሆን፣ የአገዛዙ ዱክማን ካድሬዎች የፋኖን ስም ለማጥፋት የሔዱበት ቀሽም ድራማ በመጋለጡ አገዛዙ በራሱ ጅራፍ እንደተገረፈ የአይን እማኞች ለአፄ አምደ ጽዮን ኮር ተናግረዋል።

በመጨረሻም ይሕን አይነቱን አስነዋሪ ወንጀል የተፈፀመው የሀገር ጠባቂ ነኝ በሚለው እራሱን "የሀገር መከላከያ ሰራዊት" መሆኑ  ድርጊቱን እጅግ አስገራሚ ያደርገዋል፣ በመሆኑም እንደ ተቋም የአማራ ፋኖ ሕዝባዊ ድርጅት (አፋሕድ) ሸዋ ጠቅላይ ግዛት ዕዝ ግቡን ላልመታ ለርካሽ ፖለቲካ አላማ ሲባል በድርጅቱ ሰራተኞች ላይ የተፈፀመውን ወንጀል እያወገዘ ወንጀሉ በተፈፀመበት አካባቢ ሰራዊታችን ምንም አይነት ስምሪት እንዳልተሰጠው እና በአካባቢውም እንደሌለ እየገለፅን የሚመለከተው አካል ለጉዳዩ ትኩረት በመስጠት በወንጀለኞች ላይ ተጠያቂነትን እንዲያሰፍን እንጠይቃለን።

   01/13/2017ዓ.ም

በእስር ላይ የሚገኙት ሁለት የሸገር ኤፍ ኤም ጋዜጠኞች በአስቸኳይ እንዲለቀቁ ሲፒጄ ጠየቀ።

የዓለምአቀፉ የጋዜጠኞች መብት ተሟጋች ድርጅት (CPJ) የሸገር ኤፍኤም ሬዲዮ ጣቢያ ባልደረባዎች የሆኑት ሪፖርተር ምንታምር ፀጋው እና አርታኢ ትዕግስት ዘሪሁን ያለ ምንም ቅድመ ሁኔታ ከእስር እንዲፈቱ ጠየቀ።

የሸገር ኤፍኤም የስራ ባልደረቦች ለሲፒጄ  እንዳስታወቁት የኢትዮጵያ መገናኛ ብዙኃን ባለሥልጣን በጣቢያው የጤና ባለሙያዎችን አስመልክቶ የተላለፈን ዘገባ ተከትሎ ጣቢያውን “ሁከት በማነሳሳት እና በአድሏዊነት” ወንጅሎ ደብዳቤ ልኳል። ዘገባውም ከሸገር ኤፍኤም የማኅበራዊ ትስስር ገጾች ላይ እንዲወገድ የተደረገ ሲሆን ሲፒጄ ዘገባው ከጣቢያው የማኅበራዊ ሚዲያ ገጾች ላይ መወገዱን አረጋግጫለሁ ሲል ትናንት ነሐሴ 30 ቀን 2017 ዓ.ም ባወጣው መግለጫ አስታውቋል።

የሲፒጄ የአፍሪካ ፕሮግራም አስተባባሪ ሙቶኪ ሙሞ “የኢትዮጵያ ህዝብ በጤና ዙሪያ የሚቀርቡ ገለልተኛ ዘገባዎችን ማግኘቱ ወሳኝ ነው” ያሉ ሲሆን አክለውም “ባለሥልጣናት በዚህ ጉዳይ ላይ በሳንሱር እና በቁጥጥር ምላሽ መስጠታቸው እጅግ አሳሳቢ ነው”

ኑሯአቸዉን በሸራ ለአራት አመታት የገፉ ተፈናቃይ ወገኖቻችን በአገዛዙ ጥምር ጦር ሀይል የአስገድዶ መድፈር ወንጀል ተፈፅሞባቻዋል ተባለ።

በሰሜን ወሎ ዞን ተወልደሬ ወረዳ ጃራ መጠለያ ካምፕ የሚገኙ ወገኖቻችን ከሚደርስባቸዉ እርሀብ በተጨማሪ በአገዛዙ ሰራዊት በኩል የአስገድዶ መድፈር ወንጀል ተፈፅሞባቸዋል።

ለአራት አመታት በርካታ ግፎችን እና መከራዎችን እያሳለፉ የሚገኙት ተፈናቃይ ወገኖች ከሚደርስባቸዉ የርሀብ እና ሌሎች ችግሮች ባሻገር አገዛዙ በከባድ መሳሪያ የታገዘ ጥቃት ጭምር መፈፀሙ የሚታወስ ነዉ።ዛሬ ላይ ደግሞ የአገዛዙ ጥምር ጦር  የጃራ መጠለያ ካምፕ በሚገኙ ተፈናቃይ ሴት እህቶቻችን ላይ ከባድ የአስገድዶ መድፈር ጥቃት ተፈፅሞባቸዋል።ከዚህ በፊት በዚህ መጠለያ ካምፕ በመቶዎች የሚቆጠሩ ህፃናት፣እናቶች፣አዛዉንቶች እኔዲሁም የከባድ በሽታ ተጠቂዎች በርሀብ አደጋ ለሞት ሲጋለጡ ከሞት የተረፉ ወጣቶችን ደግሞ አገዛዙ አፍሶ ወደ ወታደራዊ ማሰልጠኛ ትምህርት ቤት ወስዷቸዋል ተብሏል።

አገዛዙ ብልፅግና በእነዚህ ዜጎች ላይ የሚፈፅመዉ ግፍ ተባብሶ የቀጠለ ሲሆን አሁን ደግሞ በሰራዊቱ በኩል እንዲፈፀም ያደረገዉ አሰቃቂ ተግባር የአገዛዙ አመኔነት በግልፅ ያሳየ ነዉም ተብሏል።ይህ ፀረ አማራ ህዝብ በአማራ ህዝብ ላይ የሚያደርሰው ጉዳት፣ግፍ እና መከራ ተጠናክሮም ቀጥሏል።አሁን ላይ እነዚህ በሸራ መጠለያ ተጠልለው መከራን እያሳለፉ የሚገኙ ወገኖች የሚሰማቸዉ አተዉ ኑሮአቸውን በመከራ እያሳለፉ ቀጥለዋል።ድምፅ የተነፈጋቸዉ ወገኖቻችን በወሎ፣በሸዋ፣ቨጎጃም እና በጎንደር በርሀብ አደጋ ህይወታቸዉ ሲቀጠፍ ከእነዚህ ተለይተዉ የቀሩት የአማራ ብሄር ተዎላጆች ደግሞ ከሰሞኑ እኔዳዲስ የጀምላ ግድያ ተፈፅሞባቸዋል።ከዛሬ አራት አመት በፊት ከሞት አምልጠዉ ወደ አማራ ክልል የገቡት እነዚህ መከራን እያስተናገዱ ያሉ ወገኖቻችን ድምፅ ተነፍጓቸዉ በከፍተኛ ችግር ዉስጥ ይገኛሉ።ቀሪዎቹ ወገኖቻችን ደግሞ በዛዉ በሲዉል ምድሩ ኦሮሚያ አርሲ፣ሆሮጉድሩ ወለጋ እና ምስራቅ ወለጋ ሞትን በፀጋ እየተቀበሉ ቀጥለዋል።

ከሰሞኑ የመካከለኛ እና የከፍተኛ አመራር ስብሰባ በማድረግ የህዝብ ችግር እፈታለሁ ያለዉ የአማራ ህዝብ ታሪካዊ ጠላት ብአዴን ከስቀመጣቸዉ የቃል ኪዳን አምስት ነጥቦች ዉስጥ የተፈናቃይ ወገኖቻችን ጉዳይ እንኳን አለማንካቱ ብአዴን በአድር ባይነት ህዝብን እየሸጠ መሆኑን የተመላከተ ነዉ ተብሏል።

አፋብኃ ሰሜን አማራ ቀጠና በላይ ዕዝ
ሜጀር ጀነራል ውባንተ አባተ ፩ኛ ኮር
ጉና ክፍለ ጦር/መቅደላ አምባ ብርጌድ/ናደው ሻለቃ
ጳጉሜ 01/2017ዓ.ም

የአገዛዙ አራዊት ሠራዊት መነሻውን ደብረ ታቦር ከተማ አድርጎ ወደ እሥቴዋ መዳረሻ መካነ ኢየሡሥ ከተማ እየተንቀሳቀሰ እያለ ''አቄቶ'' የተባለ ቦታ ላይ ጥበበኛው የጥበብ ልጅ የታላቁ ጉና ክፍለ ጦር አካል የሆነው መቅደላ አምባ ብርጌድ/ናደው ሻለቃ በፈጸመችው የታቀደ የደፈጣ ውጊያ በጠላት ላይ ከፍተኛ ድልን ተቀዳጅታለች። በዚህ የደፈጣ ውጊያ በቁጥር 13 ሢደመሠሥ 07 የሚሆኑት ቁሥለኛ ሆነዋል። ከተደመሰሱት የጠላት አካላት መሐከል አገዛዙን ምሕረት ጠይቀናል ብለው ከጎንደር ዩኒቨርሲቲ ተሐድሶ ወሥደው ከጎንደር-ደብረ ታቦር-እሥቴ ሢመለሡ ነው።

ድላችን በተባበረ ክንዳችን👊
ዝንተዓለም ዐምሐራ Forever Amhara
ሜጀር ጀነራል ውባንተ አባተ ፩ኛ ኮር
ኃቅአለው ፀጋ አለባቸው

ለንደን ፋኖ እናመስግናለን!!!

ስብሰባው አሁን እየተካሄደ ነው:; ግቡ Here it is: https://us02web.zoom.us/j/86265654012