የልቤ ትርታ

🙏ሰላም ለእናንተ ይሁን እንዴት አመሻችሁ🙏

"ታግሶ ለቆየ ጊዜ መልስ ይሰጣል"

አንተ ክቡር ፍጡር እንዴት ነክ ባክህ፡፡ ኧረ ዝም አትበለኝ "እግዚአብሔር ይመስገን" በል፡፡ ደሞ ሰው ሁነክ መፈጠርክን ታማርራለክ አሉ፤ በቴሌቪዥን መስኮት ተመጣጣኝ ምግብ የሚመገቡትን፤ ለንፅህናቸው መጠበቂያ ብዙ ዶላሮች የሚፈሰባቸውን የፈረንጅ ውሾች እየተመለከትክ 'ምናለ እነሱን ባደረገኝ' ትላለክ አሉ፡፡

ወዳጄ ይሄን ሀሳብክን እኔ እንደሰማውት ሌላ ማንም ሳይሰማ ቆፍርና ቅበረው፤ እውነት ነው የምልክ አንተ ፈጣሪ ከፈጠራቸው ፍጡራን ሁሉ የላቅከው ነው፡፡ በሌሎች ፍጥረቶቹ ላይ እኮ ሹሞካል፡፡

እና አማርጠክ ስላልበላክ፤ አማርጠክ ስላለበስክ፤ ሚያማምሩ መኪኖች ስላልነዳክ፤ የተንጣለለ ቪላ ውስጥ ስላልኖርክ ነው ሰው መሆንን ትተክ ውሻ መሆን ያማረክ? ንገረኝ እስኪ የትኛውን መሆን ነው ፍፁም ደስታ የሚሰጠው? መቼም ውሻ መሆን አትለኝም፡፡

ይገባኛል የደከምከውን ያህል አላገኘክም፤ የጣርከውን ያህል ስኬታማ አልሆንክም፤ ነገር ግን አንተ ብቻ ታገስ እንጂ ጊዜ መልስ አለው፡፡ የጊዜ ባለቤት ፈጣሪ አንተ የተመኘከውን ቅንጣት ደስታ ሳይሆን እሱ ያዘጋጀልክን ትልቅ እርካታ ያጎናፅፍካል፡፡

ታላቁን የአፍሪካ አባት ማንዴላን አስታወስካቸው? 27 ዓመት በአንዲት ክፍል ታስረው ነበር፤ 27 ቀን አይደለም ያልኩህ 27 አመት ወይም 9855 ቀናት በአንዲት ክፍል ውስጥ ታስረው ነበር፡፡ እኒህ ታላቅ ሰው ለማማረርና ተስፋ ለመቁረጥ ካንተ የተሻለ ምክንያት ነበራቸው፡፡ ነገር ግን ተስፋ በመቁረጥ ፈንታ ተስፋን ሰንቀው ያን ሁሉ ግዜ በያልፋል አሳልፈውት ከእስር ከወጡ በኀላ የሀገራቸው ፕራዘዳንት ሆኑ፡፡

አየህ አንተ ጠንካራ ከሆንክ የጊዜ ባለቤት እንዴት እንደሚያነግስክ፡፡ ስለዚህ ለችግሮችክ ፊት አትስጣቸው፤ ስትንፋስክ እስካለች ድረስ ተፋለማቸው፤ አንድ ቀን ያ ሁሉ መከራ አልፎ እንደ ታሪክ ታወራዋለክ፤ እናም ወዳጄ ሰው ሁነክ መፈጠርክን አታማረው፤ ትልቅ ስጦታ ነውና፡፡ ሲስቱ ላንቺም ጭምር ነው ማወራው፡፡

https://telegram.me/geyone
https://telegram.me/geyone

🙌መልካም አዳር ይሁንላችሁ🙌

351 views18:54