Getu Temesgen - (ጌጡ ተመስገን)

“…ወለራትዓን ይደልዎሙ ክብር፣ለቅኖች ምስጋና ይገባል።”(መዝ.፴፫፥፩)

ተጨማሪ ይመልከቱ 👉
https://amharic.getutemesgen.et/16029/

የምስጋና ሕይወት የሚኖር ሰው የተደረገለትን ሥራ እና የተፈጸመለትን መልካም ነገር ሁሉ የማይረሳ ለዚህም ምስጋናውን በደስታ የሚገልጽ አዋቂ ሰው ነው ይባላል። ለእግዚአብሔር እና ለሰዎች የሚያቀርበው ምስጋና በልቡ ጽላት ላይ ተጽፎ የተቀመጠ በመሆኑ ምስጋና ከአንደበቱ ፈጽሞ ጠፍቶ አያውቅም።

ለተደረገልን ነገር ሁሉ ምስጋን ስናቀርብ እግዚአብሔርን እየባረክን፣ የሰጠንን ፍቅሩንና ትህትናውን እየገለጽን መሆኑም ልንረዳ ይገባል። እግዚአብሔር በምንም በኩል የተለያዩ መልካም ነገሮችን ካደረገልን ከእግዚአብሔር በተጨማሪ እነዚያን መልካም ነገሮች እንድንቀበል ምክንያት ለሆኑ ሰዎች ምስጋና መስጠት ተገቢ ነው።

እንደ እግዚአብሔር ቸርነት በየዓመቱ ላለፉት 29 ዓመታት በትንሣኤ ሌሊት ሰው በየቤቱ ፆሙን ሲፈስክ እኛ በአቃቂ ቃሊቲ በመንበረ ሕይወት መድኃኔ ዓለም ቤተ ክርስቲያን ያደግን ወንድሞች ነዳያንንና (የኔ ቢጤዎችን)፣ አስቀዳሾችን እናስፈስካለን። አቅመ ደካሞችን በየቤታቸው የዶሮና የእንቁላል እንዲገዙ ገንዘብ በመስጠት እና የሕግ ታራሚዎችን በፖሊስ ጣቢያ እየተገኘን ፆም የምናስፈስክበት መርሐ ግብር ዘንድሮም በዚህ መልካም ተግባር ሁሌ በሚተባበሩን ወንድሞችና እህቶች ድጋፍ ደስ በሚል ሁኔታ ተከናውኗል።

በእውነት የሚሰጡ ቅን እጆች ሊመሰገኑ ይገባል፤ የሚሰጡ እጆች የተባረኩ ናቸውና በዚህም መልካም ተግባራቸው ቅዱስ ዮሐንስ አፈወርቅ እንደተናገረው በደካማ እጃቸው የሰማይ ቤታቸውን ሠርተዋልና ሊመሠገኑ ይገባል እናንተም የማኅበራዊ ሚዲያ ተከታዮች ቅኖች እንዲበዙ አመስግኑልን ። በዚህ መልካም ተግባር ላይ በገንዘብና በጉልበት ለተሳተፉት ሁሉ ምስጋና እናቀርባለን።

በዚህ በጎ ሥራ የተሳተፉትም:-
⏺️ኮሜርሻል ኖሚኒስን፤ የማነ ብርሃንን፤ገብረ ፃድቅን፤ ኪዳነ ማርያምን አስካለ ሥላሴን ወለተ ሕይወትን ፤ ህንፀተ ድንግልን፤ተከስተ ብርሃንን፤ ወልደ እስጢፋኖስን፤ ወልደ ዮሐንስን፤ መዓዛ ቅዱሳን፤ ገብረ ሕይወትን።

እንዲሁም እነ ምትኩ ልዑልን፣ ኮማንደር ጥላሁን፣ጥላሁን ገረሱና ቤተሰቡ፤ወንደሰን ወርቁን፤ ዶክተር ጌታቸው ድንቁን፣ ቁምላቸው ዘኤልያስ፤ ዮሴፍ ወርቅነህን (ናቲ) ወይንሸት አበበ፤መኮንንወርቅነህ (ሞኬ ፎቶ) የሺእመቤት ደመቀ፤ትእግስት ባዮን፤ ጴጥሮስ ፀጋዬ፣ ዘካሪያስ በሱዬ፣ በድሉ ተሰማ፣ እሙሽ ሳህለ፣ ሀብታሙ አሰፋ፣ ደሳለኝ እና ባለቤቱ፤ ብሩክ ገዛህኝ፣አስኒ፤ አልዓዛር ሻምበል፤ ብሌን ሻምበል ውዷ ባለቤቴ አዜብ ተስፋዬ፤አልማዝ፣ሃና እና ናሆምን፤ እስጢፋኖስ፣ ሱራፌል ፀጋዬ፣ ሐይለ አብ ቶታል፣ የአብ ቃል ጌታሁን፣ ገነት (ፔጊ ) ቴውድሮ ጌታቸው፤ ኮማንደር ሽመልስ፤ ስአሁን ማስታወስ ያልቻልኳችሁ ሁሉ።

ዋጋን የማያስቀረው የድንግል ማርያም ልጅ ኢየሱስ ክርስቶስ በረድኤት ይጠብቅልን፣ እድሜና ጤና ይስጥልን፣ ከማያልቀው በረከቱ ይስጥልን፤ መልካሙን ዋጋ ይክፈልልን። መርሐ ግብሩን 29 ዓመታት እንድናከናውን እንደቸርነቱ ያበረታን እግዚአብሔር ይክበር ይመስገን።

በዚህመርሐ ግብር 200 በላይ ነዳያን፣ 120 ታራሚዎች፣ 700 በላይ የሚሆኑ አክፋዮች/ትንሣኤን ያስቀደሱ ምእመናን/ ፆማቸውን የፈሰኩ ሲሆን፤ ለ29 ረጂ ለሌላቸው አቅመ ደካሞች የበዓል መዋያ ለየአንዳንዳቸው2000 ብር መስጠት ተችሏል። መርሐ ግብሩን በፎቶ ጥቂቱን እናጋራችሁ።

የጌጡ ተመስገንን ትክክለኛ የቴሌግራም ቻናል ይቀላቀሉ 👉
@getutemesgenet
@getutemesgenet
@getutemesgenet
@getutemesgenet