ይሄንን አዲስ እና ምንም ያልተሰራበት ብራንድ የ tattoo ማሽን መግዛት የሚፈልግ
+251934039346
@Cher46 ያናግረን

@seiloch

#ዝም_ያለ_መሸታ

#አብርሀም_ተክሉ ( #መርዕድ)

የተጋባ ዋንጫ
ተደቅኖ ፊትሽ ፥ ጠላሽን ስጠማ
ቦለቲካው ይዞሽ
በሆዴ አመሀኝተሽ ፥ ጆሮዬ ሲደማ
በሰዎች ቋምጬ ፥ በዋጥኩት አረፋ
ከሳባ ጀምሮ
የነገርሽኝ ታሪክ ፥ በኔ ዘመን ጠፋ ።
ኧ........ረ #ቅጅልኝ !!
#ሆ !!......
እገሌ....... እንዲህ አደረገ
እገሌ........ ይህን አመጣ
በዚያን ዘመን ........የተገፋ
በዚህ ግዜ........ ቀኑ ወጣ
ይሄኛው ለሾርኒ ፥ ለቧልት ተቆጣ
ይህኛው ደንገጡር ፥ ጭን-ገረድ አወጣ
#የኔ_ዘር ....
#ያንተ_ዘር...
ይህን አወደመ
ይህን አመረተ
አትበይኝ ................ #ወ_ዘ_ተ
በሄድኩበት ሁሉ
ዘር ሽሉ እያደገ ፥ ወላድ እየሞተ
ቅርናት ቅርናት ቃና ፥ ሀገር እሳት ገብታ ፥ ስለተሻተተ
ልጠጣነው የመጣሁ...
እራሴን ልረሳ
የጆሮዬን ቅርሚያ ፥ ሳይወድል ላከሳ
ዝ.........ም ብለሽ ቅጅልኝ
ዝ..........ም ብዬ ልጠጣ
ለመሳም ካልሆነ በቀር
ከንፈርሽ አይንቀላወስ ፥ ምላስሽ ጉልበት አያውጣ።

✍ @Abr_sh

@getem
@getem
@GETEM

#ምን_ይውጠኝ_ነበር?
:
:
:
ዕድል የቀናኝ ለት ዐይኖችሽን ካየው
ድንገት እንኳ ላፍታ፣
የጆሮዬን ታምቡር ሊቀደው ይደርሳል
የልቤ ትርታ።
:
:
ከጨበጥሺኝ ደሞ ለስላሳው መዳፍሽ
አርፎ መዳፌ ላይ
አንቺን በነካ እጄ ሌላ ሰው መጨበጥ ያስጠላኛል ብታይ።
:
:
የገጠሙ እንደሆን ሰላምታን አስታከው ጉንጭሽና ጉንጬ፣
ከርማ እንደተፈታች እንደንቦሳይቱ አልጠግብም እሮጬ።
:
:
እንደው የገረመኝ
በድንገት ተያይተን
ሰላም ተባብለን
ጉንጭ ተገጣጥመን
እኔ ላይ ካሳደርሽ ያንን ሁሉ ስሜት
ያንን ሁሉ ነገር፣
ማርን በሚያፈልቁት በከናፍሮችሽ
ከንፈሬን ብትስሚኝ ምን ይውጠኝ ነበር?

#ሄኖክ_ብርሃኑ
@henokbirhanu

@GETEM
@GETEM

የጥር 7ቱን ፕሮግራም ለየት የሚያደርገው ነገር ቢኖር የግጥም አብዮት ልጆች የተካተቱበት እና ለዚሁም መድረክ ብለው ብዙዎቹ ከክፍለ ሀገር ድረስ መምጣታቸው ነው ።
እዚሁ መንደራችን ላይ አብረውን ሲውሉ ብዙ ቁብ የማንሰጣቸው ባዘሉት ሀሳብ እና ፍልስፍና እንዲሁም የግጥም ጥበብ ደግሞ ወደፊት ሀገራችን አንቱ ብላ የምትጠራቸው ልጆችን ያካተተ ነው ።
እኛ ማለትም (እኔና አብሪሽ) ይሄን መድረክ ለማዘጋጀት ደፋ ቀና የምንለው ኪሳራውን ተቋቁመን ቅድሚያ ለስሜታችን በመስጠት ሲሆን ከምንም በላይ መድረክ ያላገኙ ልጆች መድረክ እንዲያገኙ በማሰብ ነው ።
ጥር 7 ሁላችንም በፓናሮማ ሆቴል እንገናኝ !!

ድርሳነ ፍቅር!
(ሚካኤል አስጨናቂ)
።።።
#አንቺ የእኔ ጣዖት!
እኔ ያንቺ አማኝ
የምዕመኑ ጠሎት ቅዳሴና አዛኑ
በየት በኩል ይሰማኝ?
።።።
እሳት ያንቺ ገላ ~ መብረቅ ያንቺ መውደድ
በየት መንገድ ልጓዝ ~ እምን ላይ ልራመድ?
ዓይኖችሽ ጉልላት
ጥርሶችሽ በረዶ
ጣቶችሽ አለንጋ....
ሠንበር የወረሰው ~ ቁስል ልቤን ይዤ
እንደምን አልሰጋ?
።።።።
#እኔ
መድሀኒቴ አንቺ
በሽታዬም አንቺ
አንቺን እየዋጥሁኝ ~ አንቺን የምታመም
ባንቺ እየታመምሁኝ ~ ባንቺ የምታከም
.
ባለ አንድ ድዌያም ~ ባለ አንድ ክኒና
ወይ አልሞት ፥ ወይ አልድን
ወይ አልኖር በደህና!

@getem
@getem
@getem

#ዛሬ ራስ ሆቴል እንገናኝ!❤

# ጦቢያ ግጥም በጃዝ 102ኛው ምሽት በራስ ሆቴል ይቀርባል


እንደምነው ሮብ፤ የሃሙስ ጓደኛ ፤
እንገጥማለን ብለን፤ ሸዋ ገባን እኛ! !!!!
ነገር የመጣኝ ቀን ፤ ነገር እገጥማለሁ ፤
ግጥም የመጣኝ ቀን፤ ግጥም እገጥማለሁ ፤
ያገጣጠመኝ ቀን ግጣም እገጥማለሁ ፤
መግጠም ነው እንግዲህ ፤
ከዚህ ወዲያ ስራ ከወዴት ተገኝቶ ፤
አለም አይደለም ወይ ፤
መግጠም መገጣጠም ቁሞና ተኝቶ ።

ይኸው ነው!💚
@getem
@balmbaras

ለንጉሱ ልደት
❤️👑❤️

ይኸው ነው! !!!!!

እየውልህ ተሜ ፤
ከግድግዳው አናት ፤
ከሹርቤው ጋራ ፤ የሚገማሸረው ፤
የኔና ያንተ አባት ፤
መይሳው የሚሉት ፤ የባንዳ ጠላት ነው ።
እናም እኔና አንተ ፤
ዘወትር ጠዋት ማታ ፤
እንደ ቀማኛ ሰው ፤ የምንሳደደው ፤
ይኸንን ሹርቤ ፤
ይህንም ጉንጉን ሰው ፤
እንዳላማ ሰንደቅ ፤
ከፍ አርገን ከፍ አርገን ፤ ስለሰቀልነው ነው! !!
ይኸው ነው! !!!
ማርያምን !!!!! ይኸው ነው! !!!

(((( ጃ ኖ ()💚💛❤️

@getem
@getem
@balmbaras

#ይታየኛል
:
:
ሴት ከሆን ማናግር ስልክ ተደውሎ
አናትሽ ላይ ወቶ የሆነ ዛር ዘሎ
ምትደውለው ማናት?
የት ነውስ ምታውቃት?
ደርሶ ቁጥርክን ለምንስ ሰጠሀት?
አምጣው ስልኩን በቃ!! እንደውም ላዋራት!!
ሁሌ ባልሺኝ ቁጥር አላማርርሽም
አሁንስ ሰለቸሺኝ መቼም አልልሽም።
:
:
ሁለታችን ሆነን ስናቀና መንገድ
በፊት ከማታውቂያት ወይ ወዳጅ ወይ ዘመድ
ድንገት ስንገናኝ ከሁሉ አስቀድመሽ
እኔ ባለቤቱ አንቺ ግን ምኑ ነሽ?
ባልሺም ጊዜ ከቶ አልነደድኩብሽም
ለሰው ይምሰል እንጂ ለኔ ግን በፍፁም ጨቅጫቃ አይደለሽም።
:
:
ስልኬን ስትነካኪ ካየሽ የሴት ፎቶ
ቁጣሽ ግሎ ንሮ ወዲያው ደምሽ ፈልቶ
ባይንሽ ቂጥ እያየሽ የጥያቄ ውርጅብኝ
ገና አንዱን ሳልመልስ ስላዘነብሺብኝ
ጭራሽ አይከፋኝም
አዎንታዊነቱ እኔን አይጠፋኝም።
:
:
እቤታችን ሆነን ተቃቅፈን በደስታ
እየተሳሳቅን ፊልም ያየንም ለታ
አንዲቷን ተዋናይት እንደው ሳላስበው
ያልኩሽ እንደሆነ በጣም ነው ምታምረው
ከባጡም ከቆጡም ሰበቦች ደርድረሽ
እየገላመጥሺኝ ቻናሉን ቀይረሽ
ሌላ ሌላ ነገር ስትከፍቺብኝም
ጨቅጫቃነት መስሎ እኔን አይሰማኝም።
:
:
አንዳች ጉዳይ ገጥሞኝ
ከደጅ ውዬ ማታ እቤቴ ስመጣ
እየቀየጥሺብኝ ሰላምታና ቁጣ
ከማን ጋር የት ገብተክ ከማን ጋር የት ወጣ
ከማን ጋራ ምን በልተ ምንስ ደግሞ ጠጣ
ብለሺኛል ብዬ አልበሳጭ እኔ
የልብሽ ነው እንጂ የአፍሽ ለምኔ።
:
:
የሚገርመው ነገር ...
ዘንድሮ ሰው ሁሉ የት ገባ የት ወጣ ጭቅጭቅ መስሎታል
"ቅናት" ካሉት ቅኔ ሰሙን ብቻ አንግቦ ወርቁን ዘንግቶታል።
:
:
እውነት እውነት ውዴ ...
ገብቶኛል ድብቁ
ጌጥ ሆኖኛል ወርቁ።
:
:
እንዲ አረግሺኝ ብዬ እንዲያም አልሺኝ ብዬ
አላፈገፍግም ፍቅራችንን ጥዬ።
:
:
እንደውም የኔ ውድ
በየቀኑ ቅኚ በየቀኑ በዪኝ እጅግ ደስ ይለኛል
ከቅናትሽ ጀርባ ፍቅርሽ ይታየኛል
"ቅናት" ሚሉት ቅኔ ወርቁ በርቶልኛል።


#ሄኖክ_ብርሃኑ
@henokbirhanu

@getem
@getem
@getem

ዛሬ ታላቁ ልብ የተወለደበት ቀን ነዉ
ጥር 6 1811
እኔ አባትህ...
ከዘፍጥረቴ ስጀምር
ከጦቢያዬ አብራክ ስወጣ
ከአፈሯ እሸት ቀምሼ
ከምንጯ ውሃ ስጠጣ
ብትኑን ሰብስቤ ይዤ
የሩቁን ባንድ ጠቅልዬ
"ይማሯል እንደ አካልዬ
ይዋጓል እንደ ገብርዬ"
ብዬ
ዝመናን ጋፋት ላይ ጥጀው
ልብ ላይ እድገትን ስዬ
እኔ አባትህ...
የታጠቅ የጦሩ ጌታ
ላገሩ ተጓዥ አውታታ
እውቀትን አጭቶ ያገባ
በጃኖ በነጩ ኩታ
ለእድገት እሰየሁ እንጂ
ለውድቀት ጦር የማልፈታ
እኔ አባትህ...
ዝንት ዓለም የማስበውን
ከዘመን በፊት ጀምሬው
የእውቀት ብልጭታ ገመዱን
ከዙፊል ውሃ ነክሬው
እውቀት ይበጃል ብየ
ላገር ለወገን ነግሬው
አንድነትን ከፍ ለማድረግ
ትንፋሼን ላገር ገብሬዉ
እኔ አባትህ...
ያባት ያያቴ ታሪክ
መክሰሙ ያንገበገበኝ
የድንቁርና ጋሬጣ
ከእርምጃየ ያልበገረኝ
መድፉን ሰርቼ ያልጠገብኩ
መርከቡም ያላስቸገረኝ
አድምጠኝ ልጄ ልንገርህ
አጤ ቴዎድሮስ እኔ ነኝ
በል ተነስ ቁጭ ካልክበት
መቅረዙን ያዘው በእጆችህ
መማር ነው ትልቅ ብርሓን
ጨለማ ይራቅ ከደጅህ
ካባትህ የወረስከውን
አቀብል ለልጅ ልጆችህ
ውል ሳትይዝ ሙግት ላትገጥም
'ሀ' ሳትል ፊደል ላትጠራ
እውቀትን ታጥቀህ ተነሳ
እሱ ነው ደምቆ የሚያበራ
በታሪክ ትልቁ ዶሴ
ሀገር የሚጠራበት
ካለፉት እየቀሰመ
እውነቱን የሚረዳበት
ዛሬውን አፅንቶ አቁሞ
ነገውን የሚቀርፅበት
ቴዎድሮስ ከሚሉት መቅረዝ
ሶሎሞን ሳህለ
@getem
@getem
#jeko

"ማወቄን ጠላሁት"
(መልአኩ ስብሐት ባይህ)
*************
ያኔ ያኔ
በኋሊት ምናኔ።
ከየኔታ እግር ሥር
በጨቅላነት እድሜ ፊደል ስንቆጥር።
ያን የንጽኸት ልኸቀት
ያን የልግሰት ሹመት
አስተውለው በነበር በልሙጩ ሹረት
ዛሬን ባውቀው ድንገት
ድንገት ድንገት ድንገት
በአስኳላዊ ትዕንቢት
በመሀይም ትዕቢት።
ሆነብኝ መጨረት
ሳይፈሱ መረጨት
ሳይርሱ መጎንጨት።
እናም
"ሀ" በል ሲሉኝ "ሀ"ን ስላት
"ለ" በል ሲሉኝ "ለ"ን ስላት
"ሀ"ም ግዕዝ ናት
"ለ"ም ግዕዝ ናት
እያሉ
የዛገ ብስ ጣርያ ያለቀ እድፍ ድንጋይ
የሳሳ ሰሌዳ ያልፈገገ ሰማይ።
ባልታደሰ ሙዳይ ጠመኔው ተቀምጦ
ጨዋነቴ ረቅቆ ብጥባጦቴ በልጦ።
ግርፋቴ ሲነግስ
ከዕውቀት ማማ ላይ ውድቀቴ ሲጠነስ።
ደብተሬ ትዝ አለኝ
ደብተሬ ትዝ አለኝ
ባለ አስራ ስድስቱ
ስምሽን እንደ ድር የደረድኩበቱ
ትዝ አኝ ትዝታሽ
ቤተ - መጻፍት በሚል ስውል ቤተ - ልብሽ።
ማወቅ ይሉት ክፉ
ለሌላ ሳይሆኑ ለራስ የመትረፉ።
አንቺን አስረስቶ
ፍቅርሽን አስቶ
ሊቅነት ሲቸረኝ ልቅነቴን ሽቶ።
ሀገሬን ሚያሰኘኝ ከሀገሬ ነጥሎ
ማወቄን ጠላሁት መማር አንቺ ጥሎ።
አውቀሽኝ ሀገሬን
ሳላውቅሽ መኖሬን።
.
.
.
@getem
@getem
@poem_with_mela

ላልቅስበት
[ ቴዎድሮስ ካሳሁን_ቴዲ አፍሮ]

በነገር ፍም እሳት እያቃጠላቹ
ለማዘኔ ምክንያት እናንተው ሆናቹ
አታልቅስ አትበሉኝ ከፍቶኝ እያያቹ

ሁሉም እየጫረ እሳት ሲለኩሰው
ሻማ እንኳን ያነባል እንባ አውጥቶ እንደሰው!!
@getem
@getem
#jeko

ሁለት ገፅ
"''""""""""""

መራራና ጣፋጭ በአንድ ፅዋ መቅመስ
በግማሽ ፊት ስቀው በግማሽ ፊት ማልቀስ
በአንድ ጎን በርትተው በአንድ ጎን መቅለስለስ
በአንድ ልብ ኩሩ ሆነው በአንድ ልብ መልከስከስ
እልልታና ሙሾ በአንድ ላይ መዋረስ።

@getem
@getem
@getem
#አብርሃም

ዛሬ ከ ቀኑ 11.00 ሰዓት ላይ በፓናሮማ ሆቴል #ቀንዲል የጥበብ ምሽት ይጠብቃችኋል። አድራሻ...ከመገናኛ 22 መንገድ በስተግራ በኩል ከቫምዳስ ሲኒማ አጠገብ ነው።
።።።።።።።።።።
የአርነት ጥያቄ?!
(ሚካኤል አስጨናቂ)
።።።።።።።።።።።።።።።።
እኔም አንድ ሰሞን !
እንደ ክፉው ሳዖል
እልፍ አንገት ለመቁረጥ
ሰይፍ ይዤ ስሮጥ
በቃላትህ በትር ፥ በድምፅህ ድንፋታ
መሬት ላይ ወድቄ ...
ልቤን አስማረክሁኝ ፥ መንፈሴ ተረታ ።
ከዛ ካህን ፈለግሁ ...
በደሌን ተናዘዝሁ ...
ደግሞም ያንተ ካህን ፥ መጥሀፍ አዋቂ
የስምህ ቀዳሽ ሰው ፥ ቃላትን አርቃቂ
ሰይፍ እንዳነሳ ፥ ሰይጣን በኔ አድሮ
እልፍ አንገት ለመቁረጥ ፥ እንደቆየ አሲሮ
ስህተቱን ጠቅሰው
እንደነበር አርገው
ከቃልህ ቀንጭበው
መክረው አስተማሩኝ!
ይሄን ባሉኝ ማግስት ...
እኔም ያንተ ፍጥረት....
ጲላጦስን ሆኜ እጄን እያነፃሁ
ንሰሐዬን ሻርኩኝ ።
አንተም ይሄን ስታይ!
በአርያም ደንፍተህ ...
አይደረግም ብለህ.. .
ለምን ? እንዳትለኝ!
.
ሰይጣን በኔ አድሮ ፥ ለሚቀላው አንገት
ለሚያቆየው በደል ...
በኔ ነፍስ ፈንታ ፥ ራሱ ይወንጀል ።
እኔ ምን ተዳዬ ???

@getem
@getem
@getem

#ምርጥ ( #ምርትነሽ_የማነ)

እቴትዬና..... እሜ
አደዬና ......ሀርሜ
በየ ፈርጀ ........ፈርጁ
በእያንዳንዱ ቋንቋ ፥ ቃላት ቢወዳጁ
አንቺን .....እኮ እናቴ
የጠዋት አስኳላ ፥ የልጅነት ሀብቴ
ኑር አንተ ለኔ .......ባይ
ቅንጣት ሳይታወስ ፥ ላንቺ ያንቺው ጉዳይ
በጉያሽ አቅፈሺኝ ፥ በጪንጫ ተኝተሽ
ውሀ ባፍሽ ርቆ ፥ ወተቱን ያጠጣሽ
ማጀት ያጠቆረሽ
ረሀብ ያከሳሽ
ጎኔን ....... ጨርቄን...... ማቄን
የሚሉት ጥበቃ ፥ ከራስ በላይ ንፋስ ፥ ሰይሞ መዳከር
ላንዲት ነብስ ስስት
ላንድ አካል መንቧቸር
ከራስ በላይ ልጄ'ን
በሚል ልግስና ፥ እድሜን በመቸርቸር
ብ 'ርክ በማለት ፥ ብርክሽን የረሳሽ
በመከነ ቀለም ፥ ብዕርሽ የጠፋች።
ያ..............#ፀሀይ ውበትሽ
ኩሽና ተሳስሮ ፥ ከምጅጃ ግርጌ፥ ዕድያው የቀረ
ወዘናሽ ተሟጦ ፥ ገፅሽ የጠቆረ
በመጨናበስ #ነው
አካልሽ ለጋሱ ፥ አይነ ግቡ መልኬን ፥ ዛሬ የወቀረ ።

የአፍላነት ግዜሽ
ጥንቡሳሱን ጥሎ ፥ ያለ እድሜሽ ያረጀሽ
ደ 'ስታን ልክ እንደ መርዝ
ለልጅ በመኖር ውስጥ ፥ ዘመንሽ የቀማሽ
በአለሙ መሀል ፥ ለአለም እንግዳ
ትክሻሽ የሳሳ ፥ ቅስምሽ የተጎዳ
የህይወት ቀንበር ተጫኝ
ለፍሠሀ ባዳ !!
ሀኪም እናታለም
#ኮስማናዋ #እናቴ!!!
የህይወት መቅድሜ
የጉም ቀን መብራቴ
ተስፋ አለምሽ ይጥና
#በርቺልኝ በሞቴ
እናትነትሽ ነው ፥ በዚህ ልፋጭ አለም ፥ የቀን ክራሞቴ።

የሰማዩ ንጉስ የምድሩም ጌታ
ከምንም አብልጦ ፥ እናቱን ይወዳል
ትንሽም ሲራሩ
እናቴ ያሉ እንደው ፥ ምዕንተ ማርያም ፀሎት ይማለዳል
ውህብቶ ብዙ ነው ፥ ዳና በመከተል ፥ በገፍ ይሰደዳል
እናቴ ለሚሉት እናት መሆን ያውቃል
ስለዚህ ....
ልጄን ብለሽ አንቺ ፥ ፊቱን እንደ ሰማሽ
ያብቃኝ ....
አንቺም ያብቃሽ....
ለልጅ የተሰዋ
አድሮ የበረታ ፥ የህላዌ ጥዋ
ብሩህ ጀምበር ገጥሞ
በልጅ የፈዘዘ ፥ ዳግም በልጅ ቀልሞ
እንጥፍጥፍ አለም ....በእድሜ ስልቻ ፥ ጠብቆ ተቀምቅሞ
እያጠነጠነ...... የግዜ ሰሌዳ ፥ በመቁጠሪያ ሲታሽ
አድማስ ተሻጋሪ ... #ቦግ!!! ብሎ ማታሽ

ውድ ሸማሽ ሆኜ ፥ መቀነት ያውለኝ
ለውበት ...ለድጋፍ ፥ መጠቅለል የቀናኝ
ገንዘብ ....መቋጠሪያ
ውጋት ......ማባረሪያ
ላዱኛ ቀን ብርታት
ለጭንቅ ቀን ፅናት
አድርጎ .....እኔን ላንቺ ፥ ፈቅዶልኝ ፈጥሪ
የእናቱን ቀን አውጪ ፥ በወዘናው ጣሪ
ግብ ቀንቶት ፅናቴ
ሹልክ ብለሽ ወጥተሽ ፥ ከኑሮ ግርግር
ከእንጉርጉሮ አለም ፥ ጠማማ ውንግርግር
ምርቃትሽ ደርሶኝ ....መነን ሁኚ እናቴ
ባንቺ ውስጥ እንደኖርኩ ፥ በኔ ትኖሪ ዘንድ ፥ ይባረክ ጉልበቴ።

✍ #አብርሀም_ተክሉ ( #መርዕድ)

✍ @Abr_sh

@getem
@getem

ለቅዳሚት መዳረሻ!
❤️

እኔ ለወዳጄ
አንዲት ናት ግዳጄ
ሲመጡ መቀበል
ሲሄድ መሸኘት
እንደልቡ ሲሆን
የልቡን ለማግኘት።


(ሙሉጌታ ተስፋዬ)አያ መሌ!❤ የልቤ!❤
ይኸው ነው!
❤️❤️❤️❤️❤️❤️

@getem
@getem
@balmbaras

ቅዳሜዋ!❤ ሸጋዬዋ!❤ አለሜዋ!❤


በአንቻሮ ቅዳሜ!!!!!!

ምን ሊፈይድ ሰኞ፣
ምን ለያደርግ ማክሰኞ፣
እረ የምን እሮብ፣
የምንትስ ሀሙስ፣
ቀና ቀኑ ሁሉ፣ገለል በል ከፊቴ፣
ይገማሸርበት፣
የቀኑ ባለሟል፣የቀኑ ከበርቴ፣
ቅዳሜ ሸግየው፣ ቅዳሜ ፍትፍቴ።
የምትል ውብ ቅኔ፣
ትላንትና ወዲያ፣ ደግሞ ወዲያ ማታ፣
ድንገት ከሃድራው ላይ፣ሰተት ብላ ገብታ፣
ማክሰኞን ሞሸርናት፣በቅዳሜ ፋንታ።
ማክሰኞ ማለዳ፣
የተሸላለመው፣የቅኔ ማሰሮ፣
ይኸው ተከፈተ፣
በላይ ገንዳው ዘማች፣ ባንቻሮ ባንቻሮ።
ሃጃ ነበረብኝ፣
መውደድ ነበረብኝ፣የወንድም ሀቂቃ፣
እንኳን ለኔ ናፍቆት፣ላንቻሮ እሚበቃ።
ድረስልኝ ብሎኝ፣
ዝለቅልኝ ብሎኝ፣ሽሙንሙን ባልንጀር፣
ትላንት መልእክተኛ፣
ካንቻሮ ቀበሌ፣ ተልኮብኝ ነበር።
ወዳጅ በጠፋበት፣
ጓዱ በሸሸበት፣ በዚህ ድፍድፍ ዘመን፣
ጀነት መግባት አይደል፣
ና ድረስ ተብሎ፣በወንድም መለመን።
ናፍቄያለሁ ብሎ፣
ድረስልኝ ጓዴ፣ ድረስ ቶሎ ካለ፣
ከዚህ በላይ ህይወት፣መታመን የት አለ።
በጓደኛ ናፍቆት፣
በወንድም ወዳጃ፣
እሽ ማለት መስሎኝ፣የሚያወጣው ሃጃ።
ምን ገጠመው ጓዴን፣
ከቶ ምን አገኘው፣
ቶሎ ድረስ ያለኝ፣ ባንቻሮ በገዳም፣
ምን መንገድ ቢመቱ፣የወዳጅ አይጎዳም።
ብየ ሳላበቃ፣ብየ ሳልጨርሰው፣
ፋጦ አቀበቲቱ፣ በሃድራ እምትጨሰው፣
የባልንጀርና የወዳጅ ሃቂቃ፣
ፋጦ አቀበቲቱን፣ሲወጧት ነው በቃ።
እያለች ሸኘችኝ፣ አብሽር ገራሙ ሰው፣
ባልንጀር ነው ቀድሞ፣
የወዳጁን ፅዋ፣ቀድሞ የሚቀምሰው።
በሚል ዝይን ቅኔ፣ እየወረበችኝ፣
መገን ፋጦ ሙሄ፣ አንቻሮ ዶለችኝ።
ይኸው ከፍትፍቱ፣
ያው እረከቦቱ፣
እንደ ንጉስ ጉባይ፣
በባልንጀር ይሁን፣ መገን በወጭቱ፣
ባንተው ይሁን ብላ፣ዘለቀች ልጅቱ።
ከልጅቷ በቀኝ፣ የቆመው ባልንጀር፣
በኔ አሮ በእሷ አሮ፣ ተጀንኖ ነበር።
ሃድራው ተጋግሞ፣ ሲገለጥ ሀቂቃ፣
በዚያች በሸጋ ልጅ ፣ተፈረደ በቃ።
የታመመው ጓዴ ፣እንዲህ ተቸግሮ፣
ቀልቡ የወየበው፣ ልቡናው ተሳክሮ፣
በሌላም አይደለ፣ ባንች አሮ ባንች አሮ።
የተባለች ጊዜ፣ ልጅቱ ደንግጣ፣
እረ በሸሆቼ፣ በገታ በገታ፣
ይህን መሳይ ጎበዝ፣
እንደምን ይወዝወዝ፣እንደምን ይረታ፣
አሻ፣
ወዶ መናወዝን፣አላህም አይሻ፣
አንቻሮ ላይ ሞልቶ የፍቅር ወጌሻ።
እያለች ልጅቱ፣ ጀማው መሃል ገብታ፣
እያሰማመረች፣
ነፍሷን በምርቃን፣ ገላዋን በጉፍታ፣
ነይ ሳሚው ተብላ፣ ከንፈር ስትመታ፣
ባልንጀሬ ሻረ፣
ይሁን አሁን ብሎ፣ ጀምኣው ተፈታ።
እቴ መድሃኒቴ፣
የኔ ሸሙናይ፣
በቅዳሜ ሃድራ፣ባንቻሮ ሰማይ፣
ከንፈር እየበላሽ፣ብቅ አትይም ወይ።

((( ጃ ኖ ))💚💛❤

"ናካይታ"💚

@getem
@getem
@balmbaras

አቦ ቅዳሜም አይደል የዳዊት ሙዚቃ እየሰማን ያለንበት ሁኔታ ነው ያለው ...ምን ይላል ይሄ የኔ የሙዚቃ ንጉስ የመጀመሪያው የሙዚቃው የመጨረሻው የግጥሙ ስንኞች ላይ በዛ በሚገርም ድምፁ እንዲህ ይላል......


ባይወጉን አይደለም በነጭ ያልተገዛን
ተቸግረው እንጂ ስንሞት እየበዛን
ስንት ሺህ ጀግኖችሽ ከእነፈረሳቸው
ለፍቅር ሞተዋል ላንቺ ለእናታቸው

ምን ልሁን ባላገሩ❤️
ምን ልሁን ባለ-ሀገሩ❤️


#ይሄን እየሰሙ አለመገማሸር እንዴት ይቻላል ያውም በቅዳሜ ያውም በሸጋዋ ! ባለገር ሁኑ ሸጋ ቅዳሜ ጀባ!❤

@getem
@getem
@balmbaras