,          ( ደጅሽ ፀናሁ )

     ለለመነ ሁሉ ለጠዬቀ ሁሉ
ይሰጣል ስለሚል የክርስቶስ ቃሉ

በርሽን አንኳኳሁ መጣሁ ልለምንሽ
ዳግም ደጅሽ ፀናሁ ቆምኩና ከጎንሽ
እኔማ ወዳጅሽን እኔንማ አፍቃሪሽ

ጭንቅና ህመሜን ቀርበሽ ብታይልይ
ድንገት እግዚሔር ፈቅዶ ልብሽ ቢራራልይ
           ሱባኤ ገብቼ
አርባ ቀን አርባ ሌት በስምሽ ላፀልይ
      አወ እገባለሁ አወ እፀልያለሁ
ብትመጭም ባትመጭም እውነት እልሻለሁ
       በስምሽ ደግሼ ገና እዘክራለሁ

ይልቅ አቡዬና ስላሴን በሩን ተሳልመሽ
  ጧፍና ሻማሽን መዕባሽን ሰተሽ
ዳግም ለእመብርሃን ጧፍን ተስለሽ
ከፍቅራችን ፅዋ መተሽ ተቋደሽ

By Habtamu dama

@getem
@getem
@getem

-------- ብልግና --------

በኛ ሀገር ቀመር
በኛ ሀገር ፎርሙላ፣

ብልግና ተብሎ
ሚሰጠዉ እዎቅና፤

ለእንደ እኛ አይነት ምስኪን
ውግዝ ሲሆን ክልክል፣

ለባለ ገንዘቦች፣
ተከታይ ላላቸዉ
ማረግ ነው ያለ እክል።

@getem
@getem
@paappii

‎ናተይ ኩሉ
‎ መዋደዳችንን እስካመነው ድረስ
‎ ነይ ኪዳን እንሰር በቃል እንታነፅ
እቲ ዓውዲ ስድራቤት ዘይኮነስ አንዳችም ጥም
‎ ፍቅር ካለ ሀገር አለ በኢትዮጵያ ተስፋ አንቆርጥም
ድሕሪ ሓደ ቦታ ኣብ ኣቦ ዕዳ
‎ በደማችን እርቅ ይወርዳል መዓልቲ ሞት ግንባር ሓዳ
‎ናተይ ከሉ
‎ እንዋደድ የለ....እንፋቀር የለ
‎ ልክ እንዳምናው እንደበስቲያ ትላንትና
ዘይንጡፍ ኣይኮነን: ዝተፈላለየ ፍቕሪ አሉንና
‎ አንቺን ከኔ ቢያርቁሽም ቢነጥሉሽ ከብሌኔ
‎ ተስፋ አትቁረጪ ፍቅሬ
‎            ተስፋ አልቆርጥም እኔ
‎ ነገንም እንኑር ዛሬም አለንና
     ‎ ሐደ እንሁንና

ዮኒ
    ኣታን  @yonatoz

@getem
@getem
@getem

▵∘∘∘∘∘▴∘⊙⊙⊙⊙⊙⊙⊙⊙⊙
ስንወቃቀስ እድሜያችን ሸሸ
ስንገፋፋ ቀናችን መሸ
በመውደድ አጥቢያ በቦረቅንበት
የመለያየት ሰርዶ በቀለ
ፍቅራችን በቂም እየጠለሸ
¹
(በርግጥ...)
ሄጃለው ካልሺኝ አትመለሺም
እኔም እንዳምናው አልጠብቅሽም
ማነው ባለበት ያልተቀየረ ?
ከጊዜ ጋራ ውሎ እያደረ!
መዋደድ ማለት
ትናንት መምስል ፍጹም አይደለም!
ዛሬ ላይ ሆነም ትናንትን ማለም
ከህይወት ጋር ሰርክ እያደሩ
ለጋ ህልሞቼ ደጅሽ ነበሩ
²
(እናም...)
ያመነው እውነት ከሚነጥለን
በመለያየት ከምንከፋ
ህይወት አንዴ ናት
ጨበጥናት ስንል የምትጠፋ

ተይው ክስሽን አናሸንፍም ድል አንረታ
ከልቡ በላይ ዳኛ የለውም ወዶ የተረታ
³
(ደግሞም...)
ካለኔ በዕንባ መኖርሽን
አልፎ ሄጅ ንፋስ ነገረኝ
አውቃለሁ እንደምትወጂኝ
ጥላቻሽ እንደማይሽረኝ

ከኔም ዘንድ መተይሽ ባየሽው
የመኖር ምኞቴ ረግፏል
ሄጃለሁ ካልሺኝ ጀመሮ
ክንፎቼ ላባ ተገፏል

አድባሩም አውዱም አስጠላኝ
ወዳጆች ካልኳቸው ሸሸሁ
ዋልሽበት ባሉኝ እየዋልኩ
በራፍሽን ስከል አመሸሁ
⁴
(እናም...)
በመሸ ቀን በሌት ጀንበር 
ስንካስስ ባስረፈድነው 
በሰከነ ህያው ፍቅር 
ስንራራቅ ባበረድነው…

የቀረንን ነጣላ እድሜ 
እንኑራት በፈገግታ 
አረፍ ብዬ ልጠብቅሽ 
ከትናንቱ ከአምናው ቦታ!

#የአብስራ_ሳሙኤል
@YabisraSamuel

@getem
@getem
@getem

እናቴ 🥰
.
.
.
ቢጨላልም ንጋት ቀኗ፤
ሲደካክም ወገብ ጎኗ፤

ማጀት ቤቷ ቢጎድልባት፤
ስቃይ ችግር ቢደቁሳት፤

በሀዘን ጊዜ በደስታዋ፤
አይከደን ሁሌም ጥርስዋ፤

ብትከፋ ምን ቢያደማት፤
ፈገግታ ነዉ የሚቀድማት።
......................................
በዔደን ታደሰ
@topazionnn
@getem
@getem

‎#Akka_Qossaatti
‎
‎ባካል ግብር ሳንገናኝ
‎ያይንን ውሃ ሳንረዳ
‎ቴሌግራም አስተዋውቆን
‎ሳንተያይ እንደባዳ
‎እንዳፍለኞች ሳናወራ
‎ሳታቀብጠኝ ሳላቀብጣት
‎ድብርት ቢጤ እየጫራ
‎ሳላገኛት እሷን ማጣት
‎ውለን አድረን መጨቃጨቅ
‎መተራረብ ለፍቅር ቃል
‎ኢመንት ነው መተያየት
‎መቀራረብ ብዙ ያዘልቃል
‎
‎ከጎኔ እንዳለች ሰው
‎ሳይሰማኝ ሩቅ ያለሽ
‎አጠገቤ እንዳለሽ
‎ተቃርበሺው ይህን ቀልቤን
‎Waggaan tokko akka qossaatti darbe
‎
‎ሳይታወቀኝ ሳይታወቅሽ
‎ቀናት ወርን እየተደገፈ
‎እንደ ቀልድ
‎እንደ ዋዛ አንድ አመት አለፈ።
‎
‎ እንኳን አደረሰን🍾 ለኔና ላንቺ ብቻ😁
‎
‎ ዮኒ
‎      ኣታን @yonatoz

@getem
@getem
@getem

ትዝታ ወልዴ✍


@Tizita21
@getem

ቅዳጅ ሃሳቦች
ለመድብል ያልጣፈው ቀርቶ ባጭር ጉዞ
አያለሁ ወረቀት ቅዳጅ ሃሳብ ይዞ፡፡
ለመድፋት ሲኳትን ጭራሽ ሲፈርስበት
ሃሳብ በምጥ ወልዶ በኖ ሲጠፋበት፤
ከግጥም ጥመኛው ከዛ ከአብሮ አደጌ
እልፍ ቅዳጅ አለ ከማረፊያው ግርጌ፡፡
የሀሳብ ቁርጥራጭ የወረቀት ቅዳጅ
ፍቅር የተራበ ያጣ ዘመድ ወዳጅ
የሚጮህ ዝምታ በእንባ የታጀበ
በጉንጭ ሸራ ላይ በዕድሜ የነተበ፤
እልፍ ሀሳብ ይዞ ጠጥቶ አዋራ
ሰሚ በሌለበት በጩኸት ሚጣራ
ከዛ ከሱሰኛው ከአብሮ አደጌ ጓዳ
ጉም መሳይ ህልሙ በራሱ የተቀዳ
አያለሁ ዘወትር ጭምድድ ወረቀቶች
በጅምር የቀሩ ቅንጥብጣብ ትንቢቶች፡፡
          
By @Abuugida

@getem
@getem
@getem

ቦግ.....እልም
.
.
ጭላንጭል ብርሃን በጽልመት ተከባ፤
ቦግ...እልም ስትል ስትወጣ ስትገባ፤
አለች እንዳይሏት በርታ ትጠፋለች፤
ከሰመችም ሲሏት ከሩቅ ትታያለች፤

ቦግ.......እልም፤
ጭልም......ጭልምልም፤
ብልጭ.....ድርግም፤

የኔም ህይወት እንዲሁ......

አይሆንላት ተሸነፈች፤
አይሳካም ተሰበረች፤

አበቃላት ወድቃ ቀረች፤
ብለዉ ሲናገሩኝ..........

የሩቋ ወጋገን ጎልታ 'ምትታየኝ፤
በተነሳሁ ቁጥር ወደኔ 'ምትቀርበኝ፤
ጠፍታ የማትጠፋዉ ያቺ ብርሃን ነኝ።
..............................
በዔደን ታደሰ
@topazionnn
@getem
@getem

አልጋዬ የምኞት በሀር ወዝሽ የፈሰሰበት
ማጀቴ የፈኖስ ብርሀን ሳቅሽ የደመቀበት
የጂጂ የመውደድ ዜማ
ተቃቅፈን የደነስንበት
ጎዳናው የተጓዝንበት
#አንቺን_ያስታውሰኛል!
¹
የታክሲው ጥግ ላይ ወንበር
ከፍተሽ የምተገቢው በር
የቡና የዕጣን አውዱ
የቤተስክያን አጸዱ
የጧፏ ደቂቅ ብልጭታ
ያስቀደስንበት ቦታ
#አንቺን_ያስታውሰኛል!
²
የትኩስ መቃብር ሽታ የተቆፈረ አፈር
ድንኳን የተጣለበት ሰፈር
የአበባ እቅፎች መቃብር ግርጌ የረገፉ
የዕድር ጥሩንባዋች ሞት የሚለፍፉ
#አንቺን_ያስታውሰኛል!

#የአብስራ_ሳሙኤል
@YabisraSamuel

@getem
@getem
@getem

ሁሉም ይለወጣል

በአበባ ይተካል
ሸክሙም ቀንበሩም፤
ዘንበል ይሉልኛል
ድንግዝግዝ ቀናቶች፡
ችክ እንዳሉ አይቀሩም።

አምናለሁኝ እኮ፡
በኔ ላይ ይሆናል
ፍፁም የማይሆነው! ፤
እኔን የጨነቀኝ፡
እንዴት አድርጌ ነው
የማመሰግነው ?።

By @mikiyas_feyisa

@getem
@getem
@paappii

------- ቀን --------

ቀን ቀንን አርግዞ
ቀን እየወለደ፣
አንድ ቀን ሌላን ቀን
አልፎት እየሄደ፤

በቀናት መካከል
ቀናት ተደራርቦ፣
የቀናት ክምችት
የቀናት ርብራቦ፤

ቀናቶች ስንቆጥር
ቀናት ስንመነዝር፣
ቀናት ስንዘራዝር
ቀናቶች ስንገብር፤

ቀኖች እያሰብን
ዝክር ስናዋጣ፣
ቀንን ሳንጠቀም
ምፅአት ቀን መጣ።

@getem
@getem
@paappii

ጥርሷ ሰዋሪ
ሳቋ ነዳፊ ፤
ከንፈሯ ገዳይ
ዐይኗ ገራፊ ፤

ፀጉሯ ሐመልማል
ልብሷ ደመና ፤
ገላዋ አበባ
ቃናዋ ናና ፤

ልክ እንደ ሰንደል
ልክ እንደ ብርጉድ ፤
የቀመሷት ለት የምታስብል ጉድ !

ከሰማይ በቀር
የምድር አፈር የማይመጥናት ፤
ከመለዓክ በቀር
በሳር በቅጠል የማይመስሏት ፤

ልጅማ ልጅ ናት !

ጨረቃ ኮኮብ የሚሰግዱላት
አበቦች ከዱር የሚያረግዱላት ፤

የሚገድሉላት
የሚሞቱላት
ከአንቺ ጋ አድሬ ሲነጋ ልሙት የሚዘፍኑላት ፤

ልጅማ ልጅ ናት !

ሲሻት በምድር
ሲሻት በሰማይ የምታበራ ፤
ነፍስ የምታስት ስትስቅ ስትኮራ ፤

እንኳን ለአዘቦት
ለክት ለዓመት ባል የሚሸሽጓት ፤
እንኳን በፀሐይ
ሌት በጨረቃ በሩቅ የሚያውቋት ፤

ልጅማ ልጅ ናት !

እንኳን ቁሞ ሃጅ
ሙቶ የተኛን ታሳብዳለች ፤
እንኳን የሰው ዘር
ባህሩን ወንዙን ታስረግዳለች ፤

ከፍቅር በቀር
ሌላ አይችላትም ፤
ከራሷ በቀር
የቱም አበባ አይመጥናትም ፤

የምድር ዕንቁ ናት
የምድር አበባ ፤
እንዲሁ ታይታ ዐይን የምትገባ ፤

እንዲሁ ታይታ ቀን ታፈካለች ፤
በዐይኖቿ ብቻ
ውኃን ወደ ወይን ትቀይራለች ፤

ለባህር ዛጎል
ለሰማይ ኮኮብ
ለምድር አደይ ናት ፤

እንኳንስ ቁሜ
ስሞት ከጎኔ ትብቀል የሚሏት ፤

ልጅማ ልጅ ናት
ከአንድ እኔ በቀር
ሌላ የሰው ዘር የማይመጥናት ።

by Tewodros Kassa

@getem
@getem
@paappii

ሰላም ወዳጆች ዛሬ 9:30 አራት ኪሎ በዋልያ ቡክስ አዳራሽ የወዳጄ የኪሩቤልን መፅሐፍ እናስመርቃለን።

የምትችሉ እዛው እንገናኝ።

ማስታወሻ የኔን ምስል እዚ ውስጥ ፈልጎ ላገኘ የመጀመሪያው ሰው መፅሐፉን እሸልማለሁ...😅🙏

      "ይጠፋል"
---------------------------

ፀጉሬን ሽበት ወሮት
ፊቴም ቢጨማደድ፣
የወጣትነቴ ወዛናው ቢጠፋ
ምን ቢመስል አመድ፣

ክንዴም አቅመ ቢስ
ወኔዬም የከዳኝ፣
ያለኝ ጥቂት እድሜ
ያለኩኝ አለም በቃኝ፣

እርጅና እንደ ከንፈር
ቢመጣ አሞጥሙጦ፣

እንዴት ብወድሽ ነዉ

አንቺን ባሰብኩ ቁጥር፣
ሚጠፋው ደንግጦ።

@getem
@getem
@paappii

የኔ ሳቅ
.
.
ሁሉም ለየብቻዉ
             እንደተለያየ
የኔ ሳቅ ለብቻው
              ከኔ ጋራ ቆየ

አየሁት ሰማሁት
          ሁሉን ተረዳሁት
ሳቄን ለማርከሻ
             ቢቸግር ጠጣሁት
             ቢቸግር በላሁት
             እንደ ጎሽ ጠላ
             እንደ 'ባር ማሽላ

ሳቄን ለማርከሻ
              ከነገዉ መድረሻ

              መረጥኩት ጠላሁት
               ይስቃል እንዲሉኝ
              ጥርሴን ተነቀስኩት

@topazionnn
@getem
@getem

------------------------
የለት ተቀን ስራ
ድግግሞሽ ብዛት፣
ጥሩም ቢሆን መጥፎ
ያሳለፍነዉ ግዚያት፣

አንድ አንዴ በፌሽታ
በደስተ መፍለቅለቅ፣
ደግሞ ሌላ ግዜ
በእንባ መንሰቅሰቅ፣

ለዚ ዉጣ ውረድ
ባናገኝ ተማጽኖ፣
ምንም እንኳን እድል
ቢኖረዉም ተጽኖ፣

ከሁሉም ሚሻለዉ
ከሚመጣዉ ክስረት፣
ከሴጣንም በላይ
ልማድን ነዉ መፍራት።

@getem
@getem
@paappii

[ #ለእሷ! ]

የመዋደዳችን አበቃ ምዕራፉ
የመገናኛችን ተዘጋ በራፉ
ለምለም ምኞታችን እንደ ጉም በነነ
ዘላለም ነው ያልነው ቅጽበታችን ሆነ።

━━━━━━━━━━━━━━━━━━

ያኔ
በመስታወት ጡቦች በታሰረ ብርሀን 
ጎጆ'ችንን መልተን
ከገበታችን ላይ ፍቅርን ዘርግተን
መውደድ በትኩሱ የተቋደስንበት
ነፍሳችን ጥለን ህጻን የሆንበት

ዛሬ እንደ ትዝታ በምኞት ይገርፋል
አየሩ ንፋሱ "የለሽም" ብሎ ያልፋል ።

━・・・━ ★ ━・・・━

የለሽም የለሽም

የመስታወት ጡቡ ወድቆ ተሰበረ 
ብርሀን ጸዳሉ ወዳንቺ በረረ 
በስብርባሪ ውስጥ ጸጸት ብቻ ቀረ
በጊዜ ጠብታ ትዝታን ያዘለ.  .  .

✿

ይኀው እዛች'ጋ 
የገጽሽ ሀመልማል ጽልመቱን ይቀዳል 
ከሳቅ ከጭዋታሽ ብርሀን ይወለዳል
እንደ ጀንበር ውበት በማለዳው ይሄዳል።

ይኀው እዛች'ጋ
የዳናሽ ማህሌ' ሀዘኔን ሳያስረሳኝ 
ኮልታፋ አንድበትሽ በፍቅር ሲያነሳኝ
ህይወት እንደ ምንጣፍ እየጠቀለለው 
ከትዝታ መቅረዝ ሰብስቦ ሲጥለው ።

✿

ይኀው ወደ አንቺ ጋር 
ዛሬም እንደ ትናንት ልቤ ይሰደዳል 
ተስፋውን ሰንቆ ለምኞቱ ይሄዳል

ከንፋስ ከአየሩ ♡ 
ከዛፍ ከቅጠሉ ♡

የለሽም የለሽም
የሚል ኦና ቃላት በምጥ ይወለዳል!።

━━━━━━━━━━━━━━━━━━

#የአብስራ_ሳሙኤል
@YabisraSamuel

@getem
@getem
@getem

አካልን ቢያስጠብቁት
  በድካም ቢወቁት

ልብ የጠበቀ ለታ
ህመምና ዋይታ።

ዮኒ
     ኣታን @yonatoz

@getem
@getem
@getem

ሥትገቢ ሥትወጪ-
ዐይኔ ተደሥቶ ልቤን የሚያሞቀው፣
ዝቅ በል ሥትይኝ፣
መውረዴ ተክቦ - ክብሬን የሚንቀው።

በመናኛ ቀልድሽ-
እንድያ የምሥቀው - ድዴ እሥኪሠበር፣
አሁን የማይገባኝ፣
ያን ሠሞን ግን ካንቺ - ምን ፈልጌ ነበር?

(የሞገሤ ልጅ)
By @eyadermoges

@getem
@getem
@getem

ህይወት ግን ምንድ ነው?

ህይወት ግን ምንድ ነው
ከዉስብስቡ አለም ግንኙነት ያለው

እንደፈለገ የሚያስደስት የሚያሳዝነው
ህይወት ግን ምንድን ነው

ለብዙ ነገሮች ጥያቄ የሆነው
ከጥልቁ ባህር አጥልቆ ሚያስቀረው
ግን ህይወት ምንድን ነው???????

አልቅሶ አለመሳቅ አቶ አለማግኘት
አዝኖ አለመደሰት ነው አይደል? ህይወት 😊😊😊
Kal..... @pilopater
@getem
@getem
@getem