አካሄድ

የስንፍናን ጡዘት
ካንሸዋረሩበት
ከአካሄዱ ጀርባ
ሀፍረትን ቢመርጡም
ወደው ለሄዱበት
ነፃነት አይቀሙም
...
ግና................
ተዘክረው ቢመጡም
እንደአካሄዳቸው
ምህረትን ፍለጋ
ዳር ዳር ቅኝታቸው...
ልዝቡን ሹክሹክታ
ሽቅብ ቢያደምጡም
ባልኖሩት ንሰሃ
ፍቅርን አያቀልሙም።

           By ኢያሱ ከበደ
           መስከረም 12 ቀን 2017 ዓ.ም
            @josheyasuu

@getem
@getem
@getem

የኔ ዓለም!
(ሚካኤል አስጨናቂ)

እንዳንቺ 'ሚጣፍጥ - አንጀት የሚያረካ
ጣፋጭ የለም ለካ!
ጥዑም ናቸው ያሉኝ ማርና ቸኮሌት
ካንቺ ሲነፃፀር ፣ መረሩኝ እንደ ሬት።
.
ማርያምን !
.
ከድምፀትሽ ልቆ - 'ሚሰማ ሙዚቃ
ከአንባሰል ከባቲ ከብሉዝ ትዝታ
ወድያም ከብሉዙ ፡ ደግሞም ከአፍሪቃ
አንድም የለም በቃ!
.
ማርያምን!
.
እንደውም ፣ እንደውም
ካንቺ ጋራ ስሆን ሀዘን ጭንቄን ሽሮ
የደስታ ወሰኔን ፣ አለቅጥ አንሮ
የሚገርመኝ የለም ከዓለሟ ተፈጥሮ።
.
እውነት አይገርመኝም !!
ይኸው ለምሳሌ...
ያቺ የሰማይ ሳህን
ምንድናት ጨረቃ?
እንዲያ ስትሞገስ
ተስላ ፣ ተፅፋ
በሁሉ ተደንቃ...
አንቺን ያየሁ ጊዜ
ዓይኔ ውስጥ ከሰመች
ተዋርዳ ፣ ተንቃ።
.
ማርያምን...
የቱ ኮሜዲ ነው የትኛው ቀልደኛ
እኔን የሚያደርገኝ የወሬው ምርኮኛ?
ደግሞ ካንቺ በላይ
እኔን ለማሳሳቅ ማነው የሚደፍረው ?
ባንቺ ጨዋታ ነው
የተደበቀውን.. . ጥርሴን የምገልጠው።
.
ማርያምን !
እንደውም ባጭሩ.. .
አሁን ይሄ ግጥም
የቃላት ጥርቅም
እጅግ መሳጭ ሆኖ አንባቢው ቢያደንቅም
ካንቺ ግን አይበልጥም።
.
ማርያምን።

@getem
@getem
@getem

የመዳፌን መሃል
ነክቶኝ መሃል ጣቷ
አሰፈረችብኝ~'ማይነቀል ቆሌ
ከአያት ቅድም አያቷ
(ክ...ፋ...ቷ!)
አልል ጥፍሯ ወጋኝ
ተቆርጧል ባጭሩ
ምን ብትቋጥርበት
ጣቷ መናዘሩ
ሀጥያት ማስዘርዘሩ...
ነፍስ ማስገበሩ...
የእንጨት አፍሮ አይገቤ
የመቅደስ ስር እጣን
ጩህ ጩህ እንደሚለው
ትዕቢተኛ ሰይጣን
እሪ ልል ስነሳ
ለአፍታ በነካችኝ
ጉሮሮ እንዲከዳኝ
ከንፈር ደገመችኝ

(ጉድ እሷ!)

መቼስ በሀገር ታሪክ
እኛ በምናውቀው
እንጂ ነጭ ሲወር
ምድሩን ሲያስጨንቀው
መዳፉን ተስሞ
እስኪጠፋው አለም
ለጠላቱም ቢሆን
እጅ ያልሰጠ የለም

(እንኪ እጅ ጀብኣ በይ!)

ዘማርቆስ
@wogegnit

@getem
@getem
@paappii

የወራት ዘመኑ ቀኑ ተቆረጠ
የማህፀኗን እቅፍ በጊዜ አሳቦ
ሆዷን ረገጠ

በ 18 ምሽት
ለ 19 አጥቢያ ቀኑ ከረፈደ
ማርያም
ማርያም..... ሲባል ዮኒ ተወለደ
🎂🎂🎂🎂🎂🎂🎂🎂🎂
🥳🥳🥳🥳🥳🥳🥳🥳🥳🥳
🥳@getem
🥳@getem
🥳@getem
🥳🥳🥳🥳🥳🥳🥳🥳🥳🥳

12:35 PM

🎂@yonatoz🎂
ዮኒ
ኣታን

ገጣሚው
ማንም ያላየውን
ማንም ያልፃፈውን
በፊት ያልነበረ …
ስንኝ ለማዋቀር
መወጠን ጀመረ ።
ሆኖም ግን አንድ አጣ
ያልተፃፈ በሰው
ሁሉን ቢያሰላስል
ቢያወጣ ፣ ቢያወርደው
አንድም አልነበረ
ሌላው ያልጀመረው ።
አሰበ ገጣሚው
አወረደ ፣ አወጣ
አዲስ ነገር ልፃፍ
ብሎ የጀመረ
ገጣሚ ግን አጣ።
እናም ይሄን ጊዜ
የሱን ክታብ ሲቃኝ
ቀለሙን ሲያዋድድ
ከዝርጉ ወረቀት
'አዲስ ነገር ልፃፍ'
የሚል ነበረበት ።
ስንኙ አበቃ
ብዕር ተሰለበች
ታጠፈች ወረቀት
ግጥም ቀን ወጣላት ፤
አዲስ ነገር ፃፈ
አዲስ ነገር ልፃፍ
ብሎ በመነሳት ።

(ሚካኤል አ )

@getem
@getem
@getem

የቢላልን ታናሽ
ተከትላው ሄዳ
እሱም  እሷን ወዶ
እሷም እሱን ወዳ
"ወላሂ" እንደሚላት
ስትለው "ማርያምን"
ተቻችለን ሲሉኝ
ሰምቼ እንዳላምን
ለነሱ እኔ ጨንቆኝ
መሃል ስብሰለሰል
ዘገየች ልጅቱ
ሊያስቀራት ሊያስቀራት
ሊያስቀራት ነው መሰል

ዘማርቆስ
@wogegnit

@getem
@getem
@paappii

የቀናልህ
የሞላልህ
ባለ ካባ
ባለ ሞገስ
ስምህ ዘመን አልፎ
ምዕተ ዓመት የሚዳረስ
አዋቂ
ታዋቂ
ያደረጀህ ነዋይ
በራሪ በሰማይ
ደስታህ የሚተመን ፣ ሆኖልህ አለቀጥ
በከፍታ እርካብ ፣ ክብርህ የሚያስቀምጥ ፤
ውብ እና ሸበላ
ዓይነ ውብ ከብላላ
ዘርህን ያበዛህ ፣ በብዙ መሰጠት
መናዋን የበላህ ፣ የምድርን በረከት ፤
ሁሉህ ሙሉ
እጅህ ያለ ፣ የዓለም ውሉ …
መሆንህን አይቼ
የማልገረመው
“ከዛስ ?” ብዬ ሳስብ
ትርጉም ቢያጣብኝ ነው ።
እሺ ከዛስ ?
አንተ አላፊ !🤔

(ሚካኤል አ)

@getem
@getem
@getem

ኧረ በቃኝ ይሄስ ዓለም
ቀኔ ጎድሏል ሙሉ አይደለም።
ልሂድ ልግዛ ፣ አንዲት ገመድ
ልጓዝ ልብረር ፣ በሙት መንገድ።
ያስከፋኛል አገዛዙ ፣
ዙሪያው ገባው አያያዙ
የሰው ክፋት ጉድ ፣ መዘዙ
አላፈራም … ከምዘራው
እንባዬን ነው የማዘራው።
:
ልሂድ በቃ ልሰናበት…
ዘመኔ ላይ ልፍረድበት …
አንዲት ገመድ ላንዲት አንገት
በሽንቁሯ ልለፍበት ፤
ብዬ ጀመርኩ የሙት ጉዞ
ልቤ ቀልቤ ተመርዞ … ።
:
ግና ከንቱ…
ምን ዋጋ አለው?
:
አገኘኋት ስረማመድ
ያቺን ሸጋ ልጃገረድ
ገለጠችው ያንን ከንፈር
ይኸው ሳቀች ለክፋቱ
ልኑር በቃ ምናባቱ!

(ሚካኤል አ)

@getem
@getem
@getem

‘ጥፍራም ነህ ‘ ስላለኝ
ተቆረጥኩት ጥፍሬን
‘አርጅቶ ነው ‘ ሲለኝ
ጣልኳት ከዘራዬን ።
ያኔ ተናነቀኝ …
ጥፍሮቹን ሞርዶ ፣
በትር ይዞ ዱላ…
ምኔን ይዤ ልትረፍ?
ከታለልሁኝ ኋላ!

(ሚካኤል አ)

@getem
@getem
@getem

አንዳንዱ በመሀል ገብቶ ይሄስ ነዉር ይለኛል
ተምራ ብለዉ ያሙኛል
እኔ ምን ይጨንቀኛል?

ብቻ………………..

ያገባ ባል ፈልጉልኝ🤗

በነገር ሲጠበስ ኖሮ ትዕግስት የተሸለመ
የት ገባህ የት ወጣህ መሮት ከሶፋ የተሰየመ

ያገባ ባል ፈልጉልኝ😒

አማቱ በአሽሙር ቄንጧ መፈጠር ያስረገመችዉ
የአከራዪ ልጅ በግልምጫ የጨረሰችዉ።

ያገባ ባል ፈልጉልኝ😌

ጏረቤት ዉለድ እያሉት በምክር የጠነከረ
በኑሮ ብዙ የተማረ
ያለእድሜዉ የተሰበረ

ከኔ በአምስት የፙበልጥ
ባይኖረዉ በኔ የሚያጌጥ

በጭራሽ ግን ከምሽቱም ያልፈታ
የሚያከብረኝ አዳማጩን ይስጠኝ ጌታ።

በኔ ቢካስ
ይሁን ብሎ…………..


ላግባዉ
ላኑረዉ
ላቆየዉ ከቢሮዬ
ማማከር ነዉ ስራዬ😇

ትምጣ እሷም
ላግባት
ላቆያት በቢሮዬ
ማስማማት ነዉ አላማዬ😇

በትዝታ ወልዴ ✍🏽


@Tizita21
@getem
@getem

ወይኑ ጐምርቶ ባናይ
ምን በለሷ ባታፈራ
የዘራነዉ ጭንጫ ቢቀር
ህልማችን ቢወርድ መቃብር
ምድር ፍሬ ከልክላ
ብናጣም ጥጋት ከለላ

ተመስገን!
::::::::::::::::::::::::::::::::::::::::::::

💕ትዝታ ወልዴ(@Tizita21)

@getem
@getem

መጣለሁ
  በናፍቆት አክናፍ ስከንፍ
ያስለመድሽኝን .. , ውብ አይንሽን
ዳግም ላተኩር  ልተክዝበት
ህይወት ውጥንቅጡን
ዳግም ላዘግም ልዘብትበት

መጣለሁ

ከሳቅ  ነው ? 'ሳሳቅሽ ?
ገላሽ ነው ጠረንሽ  ?

ይህነው በማልልሽ
ይሄ ነው በምልሽ
በሂ አፈጣጠርሽ



መጣሁ
መጣሁማ

ሀሴት ላደርግበት

ቅኔ  ልቀኝበት

አኮኬት
አኮቴት አኮቴት ልልበት ።




መሳት ሳያስትሽ
መጠርጠር  ሳያይሽ
መርሳት ትዝ ሳይል
መልመድ ሳይሰውርሽ
ጥቂት ጥቂት
ብቻ





ግን ግን
እንድያው የድንገት
እኔን ስጠብቂ
ቢመስልሽ  የምቀር
ይህንን አስቢ

ሌት ለሺህ ሰከንዶች
ታብዮ ቢጨልም
ምድር አይኗን መግለጧ
ፀሀይ መፍለቅለቋ
መንጋቱ እንደው
አይቀርም።


ስትሰጊ  ቢከፋሽ
መጠበቅ ቢደብት
ተስፋ ቢያሳጣሽም
ጥበቃ መቆርፈድ
እድሜን ማንደድ
መክሰም
ሆኖ ቢታይሽም


ደሞም
ደሞም

ልትተይኝ ብትይ,
ብትረሽኝም ደሞ
ሌላ ልትለምጅ።

ቃሌን 'ዳትዘነጊ
መጣለሁ
መጣለሁ
እምነትሽን አትጭ ።

By ሚክያስ አለምሰገድ

@getem
@getem
@paappii

ያ ስንት  ያልንበት
ስንት  ያልነት
ጊዜም
ለጥቆ ነጎደ


ወዳጅም ባይሰምርለት
ላንድኛው
በሞት መራቁን ወደደ

ልብም ማስታመም ባይችል
መዘንጋት
መርሳትን ለመደ ።

አቤቱ


ጊዜ ስልቱ
ተዘነጋኝ
ያለፈው ካለው
ተማታኝ
ወደ ፊት አልመስልህ
አለኝ ጨነቀኝ
ወደ አንተ ቀና ከማለት
አስጨከነኝ ።

ዛሬን ማረኝ አልልህም
ትናንት ያልሆነልኝን ?
ስታውቀኝ ?

ይልቅ


እስኪ እባክህ
ተለመነኝ
አንድ ጊዜ ለማለፍ
አስር አትፈትነኝ
ዛሬን ተዋትና
ሌላ ነገ ስጠኝ።


....................

ሚክያስ አለም ሰገድ

@getem
@getem
@paappii

እናንተ የምወድዳችኹ ፤
ስነ-ፅሁፍን የምትወድዱ ፤
የግጥም ነፍስ ያላችኹ ፤
ወንድሞቼ ፤ እህቶቼ ፤ ወዳጆቼ ፤ ታላላቆቼ እና በደስታዬ ደስ የሚላችኹ የዘመን ተጋሪዎቼ ኹሉ ፤ ይቺን የመጀመሪያ ስራዬን ቅድሚያ ገዝታችሁ ፤ ከጓዳ ወደ አደባባይ እንድትሸኙልኝ ስል ፤ የተወደደ የወዳጅነት ግብዣዬን እጋብዛችዃለሁ ።

ከወዲኹ ...
እጅግ እጅግ አመሰግናችዃለሁኝ
ኑሩልኝ !
ቴዎድሮስ ካሳ

____

የመፅሐፍ ቅድመ ሽያጭ ማስታወቂያ
Reserve yours now—it's on pre-order!

ርዕስ /Title - የዱር አበባ / Wild Flower
ዘርፍ / Genres - ስነ-ግጥም /Poetry
ዋጋ/ price - 300 ብር/ birr

የባንክ ቁጥር / Bank Accounts :
ቴዎድሮስ ካሳው አስረሴ
Tewodros Kassaw Asresse
ንግድ ባንክ / CBE - 1000360039847 ወይም 1000292025185 (ናትናኤል እሸቱ)
አዋሽ ባንክ /Awash Bank - 01320885596200
ሲቢኢ ብር / CBE Birr - 0972338625
ቴሌብር/ Tellebirr - 0972338625

[ ማሳሰብያ : ዃላ ለማስታወሻ ይረዳኝ ዘንድ Screenshot አንስታችሁ በውስጥ በሜሴንጀሬ አልያም በቴሌግራም አድራሻዬ @Poet_tedi መላኩን እንዳትረሱት ይሁን ።]

# ይድረስ ለጨረቃ #
እንዴት ነሽ ጨረቃ
እንዴትነሽ በሰማይ
ምን ይታይሻል
ምን አለ ምድር ላይ… ?
በየጉራንጉሩ ሰው ነውሩን ደብቆ
የሚሰራው ስራ ህሌናውን ሰርቆ
ይታይሽ ከሆነ ሴራ ሲጎነጎን
የመከራ ጎጆ ሲሰራ ሲጠግን
የክፋት እንጀራ ሲቦካ ሲጋገር
የልቦና ቁስል ሲማገር ሲታጠር
ንገሪኝ በሞቴ ይገለጥ ጉዱ
የሰውልጅ ዶሴ የበደል ሰነዱ
እኔም ልናገር ልመስክር ለፍርዱ ።

@topazionnn
@getem
@getem

እኔ ያንቺ አለም
ደብዘዝ የምል ደማቅ ቀለም
የምተጋ ነገን ማልም
ለኔም ላንቺም የምሆን ህልም
ተዛምደናል ኪዳን መተን
መሃላችን ለቃል ሰተን
ነበርሽ የኔ ብርቱ ወገን
ጥንካሬሽ አንድ ያረገን

ያሳዝናል ጊዜሽ እቱ
ተዛምደሻል ከማዕቱ
የሄድሽበት ከኔ ይርቃል
ረስተሻል መሃላ ቃል
የኔ ገላ ያልታደለ
አንቺን ልኮ ባዶ አደረ
ደህና አድሯል ወይ ያንቺ ገላ
ባሉን ትቶ የተዳራ
ሽሎሽ ነው ወይ ከኔ እሱን
ቃል ማሃላን ማፋረሱን
ያሳዝናል ጊዜሽ እቱ
ተዛምደሻል ከማዕቱ
አንድን ይዞ ሳይራቡ
ምን ይሉታል መደረቡ

ዮኒ
     ኣታን @yonatoz

@getem
@getem
@getem

እልፍ ስትል እልፍ አበሳ ሄድ ስትል ጉድ ጭካኔ በመንገድህ ለሚነጉደው
ምን ለማትረፍ ምን ለማግኘት እርምጃህን 'ምትቀጥለው
ወዴት ይሆን ህይወቴ ሆይ የምትሄደው
የብቻነት የስቃይ ቤት ምን ይሆን ‘ምትፈልገው
እዚህ የእንባ ጎርፍ ውስጥ አለምን ከሰራት
ብትሰምጥ ብትሞት እርሷን እንደው ይቸግራት?
ደስታ ፍለጋ ‘ምትባዝን ህይወቴ ሆይ
ከንቱነት ነው አንተን ‘ሚቆይ
አንተ አበባው በሜዳህ ላይ የምትስቀው
አንቺም ወፏ ከዛፍሽ ስር ተደብቀሽ 'ምታለቅሺው
ፍፃሜያቹ ለካ አንድ ነው
ለማይዘገን ጥቂት ደስታ ዞሮ እንደ ጉም ለሚበነው
በስለቱ በጫፉ ላይ አየዘለልክ 'ምትጨፍረው
.....አንተ እኮ ነህ የምትደንቀው


Translated from "hymen of death " the movie

By yodan

@getem
@getem
@getem

ተራራ የሆነብንን የዳህንበትን አቀበት
እየናጠጡ እየፈረጠጡ ተንደረደሩበት

መስከኛ  ያለውን    ለም መሬት
ፎሮሹ   ፈጩበት
ወቁ ሰለቁበት


አደራ  አማን ብለን ሳለ
አልተዘገረ
አልተመተረ
ከተባለ
አኑር ጠብቀን   ብለን ሳለ
ከሆነ የሞት ሹም
አይሳሉ ስለት   ለሞታችን የተሳለ

ተመርቆለትም ከኪሎው ካለየ
ወደ ተመዛኙ ካላዘነበለ 

አይጠረጥርም ወይ
ምንም ያልጠየቀ   ?

ክሳት ገፅ የለውም 
አጥንት ካልገለጠ ?


ነገር  ነገሩን ቢለይም
ምኑን ከምኑ
ውል ያልያዘ ሰው
ቢመሽበትም  አይነጋለትም

ዘንድሮም ዘንድሮ ተባለ
ሹም ሽረቱ ፍርዱም ተሻረ
ውሸቱ ሲፍም  እውነት ከሰመ

ጊዜ ለሁሉ መልስ ቢያኖርም    
ምኑን ከምኑ
ውል የተሳተው
ቢመሽበትም   አይነጋለትም

By mik

@getem
@getem
@paappii

ስምን መሄድ ጥሎ
ከታሪክ ተካፍሎ
አሸብርቆ መኖር
በወርቅ ተጠቅልሎ ፤
ዘርን በመተካት …
ወዳጅን በማፍራት
የምድር መናዋን
ብዙውን በመብላት
ሸጋውን በመልበስ
ፋሽን በመጫማት
ማርሴዲስ መኺና
ሸምቶ በመንዳት
ነው እያልን ስንኖር
መለኪያ ፣ ሚዛኑ
ሁሌ በየቀኑ…
ከልብ መሳቅ ኖሯል
የስኬት ተመኑ !

(ሚካኤል አ)

@getem
@getem
@getem

ጭጋጉ ሲያከትም በክረምቱ ማብቂያ፤
ፀሐይ ስትፈነጥቅ በመሬት መድረቂያ፤
የፀደይ አበባ ማበብ ስትጀምር ፤
አደይዋ ለሰዎች ተስፋን ስታበስር፤
በወርሐ ጥቅምት በመጀመሪያው ቀን፤
ዛሬን ነዉ የወጣሁ ከእናቴ ማኅፀን።

ያቺ እናቴ በጭንቋ ቀን ምጧ ደርሶ፤
እያነባች ላብ አጥምቋት ፊቷ ርሶ፤
ማርያም ማርያም እያለች፤
ምጧ ቀለለላት ስሟን እየጠራች።

በልደቷ ቀን መታሰቢያ.........
ሰምታ ጸሎት ስዕለቷን፤
ማርያም ማረቻት እናቴን።
በዚያች ሴኮንድ በዚያች ቅፅበት........
ከልቤ ታትሞ ማርያም የሚለው ስም፤
ለዛሬ ደረስኩኝ በፍቅሯ ስሸለም።

የእቅፏን መዓዛ እየመገበችኝ፤
የትህትናን ዋጋ እያስተማረችኝ፤
የልጇን ጌትነት በልቤ ሰሌዳ፤
የእርሷን ትሁትነት በፍቅር አዋድዳ፤
የንስሐ እድሜን ፈጥና አሰጠችኝ፤
አዲስ ቀንን እንዳይ ድንግል ባረከችኝ።
🎉🎉🎉🎉🎉🎉🎊🎊🎊🎊
ዔደን_ታደሰ @ediwub
ጥቅምት ፩/፳፻፲፯
መልካም ልደት ለእኔ🎂🎂🎊🎊🎊
@getem
@getem
@getem