#Izoh_sizdan

🌏 Yer kecha va bugun 🌎

👨‍💻 Yaxshi tayyorlashibdi.

👉 @geografiya_JDPI 👈

#izoh_sizdan
Hayotda mazmunli va maqsad bilan yashang.

👉 @geografiya_JDPI 👈

#Izoh
Atlantizm (“dengiz”, “talassokratiya” atamalari unga ma’nodoshdir) – Liberal-demokratik qadriyatlarga asoslangan g’arb geosiyosiy nazariyasi. Harbiy-siyosiy tomondan – AQSh va G’arbiy yevropa davlatlarini o’z ichiga oluvchi NATO a’zosi bo’lgan mamlakatlar. Atlantizm tarafdorlarining fikricha, jahonda dengiz davlatlari asosiy rol o’ynaydi, qit’alar ichiga ayni shu davlatlardan madaniy turtki borib turadi.

👉 @geografiya_JDPI 👈

#Izoh
Monitoring deb, tabiiy resurslardan oqilona foydalanish, atrof-muhitni muhofaza qilish maqsadida ma’lum bir hudud tabiiy sharoitining holatini kuzatish, nazorat qilish va boshqarish tizimiga aytiladi.

👉 @geografiya_JDPI 👈

#Izoh
KARANTIN - [fr. quarantaine – qirq < ital. quaranta giornI - –qirq kun] Yuqumli kasalliklar va qishloq xo'jalik zararkunandalari tarqalishining oldini olish uchun davlat tomonidan o'tkaziladigan sanitariya tadbirlari.

👉 @geografiya_JDPI 👈

#Izoh
BRIFING – [ingl. briefing – yo'lyo'riq < brief – qisqa; qisqacha xulosa] Rasmiy shaxslarning ommaviy axborot vositalari vakillari bilan rasmiy nuqtai nazar bildirish yoki rasmiy xulosalarni qisqacha bayon etish maqsadidagi uchrashuvi.

👉 @geografiya_JDPI 👈

#Izoh
CHARTER - [ingl. charter – shartnoma < yun. chartion – varaqcha, bir parcha qog'oz] Dengiz yoki havo orqali yo'lovchi yoki yuk tashish uchun kema, samolyot egasi bilan uni yollovchi shaxs o'rtasida tegishli transport vositasini yoki uning bir qismini ma'lum reys yoki vaqtga ijaraga olish haqida tuzilgan shartnoma. Charter reys Shunday shartnoma asosida amalga oshiriladigan reys.

👉 @geografiya_JDPI 👈

#Izoh
PANDEMIYA - [yun. pandemia – butun xalq < pan – butun, barcha + demos – xalq] tib. Epidemik kasallikning bir mamlakat, bir necha mamlakat yoki qit'ada yoppasiga tarqalishi.

👉 @geografiya_JDPI 👈

#Izoh

UNIFIKATSIYA - [lot. uni, unus – bir + facere – qilmoq] unifikatsiya qilmoq Yagona tizimga, shaklga, bir xillikka keltirmoq; uyg'unlashtirmoq.


👉 @geografiya_JDPI 👈

#izoh

APOSTIL NIMA?

Apostil (frantsuzcha Apostille) - bu legallashtirishning ushbu shaklini tan olgan mamlakatlar hududida taqdim etish uchun hujjatning qonuniyligi to'g'risidagi ma'lumotlarni to'ldirish uchun xalqaro standartlashtirilgan shakl. "Apostil" shtampi faqat davlat standartidagi hujjatlarga joylashtiriladi.

Apostil boshqa hujjatni tasdiqlashni yoki qonuniylashtirishni talab qilmaydi va Konventsiyaga a'zo barcha davlatlarning rasmiy organlari tomonidan tan olinadi. Hujjatni legallashtirishni bekor qiladigan yoki soddalashtiradigan huquqiy asoslar mavjud bo'lsa, apostil qo'yish mumkin emas.


👉 @geografiya_JDPI 👈

#Izoh

INNOVATSIYA NIMA?

«Ehtiyoj - kashfiyotning onasi», - degan edi qadimgi yunon faylasufi Aflotun. Farovon hayot doimo ilg'or fikrlarni olg'a surishni talab qilgan. Insoniyat hayotini yaxshi tomonga ilg'or g'oyalar o'zgartirgan. Ilg'or g'oya va tashabbuslar, ixtirolar - innovatsiyalar bois bugun biz hozirgi manzildamiz.

Innovatsiya, bu kreativlik - ijodiy yondashuv darajasini namoyon etuvchi ko'nikma bilan bog'liq hodisa. Innovatsiya - yangilik degani. Misol uchun, g'ildirakning kashf qilinishi o'z davrida ulkan innovatsiya bo'lgan. Bugun g'ildirakni ishlab chiqarish yangilik emas, ammo «aqlli g'ildirak» yaratilsa, bu - innovatsiya bo'la oladi.


👉 t.me/geografiya_JDPI

#Izoh

FLOT - [goll. vloot, fr. flotte] Muayyan bir vazifa bajaradigan yoki ma'lum bir sohaga, hududga mansub kemalar majmui. M: Harbiy-dengiz floti. Baliq ovlash floti. Dengiz floti. Daryo floti


👉 t.me/geografiya_JDPI

#Izoh

FLORA VA FAUNA

FLORA - [lot. Flora – Rim mifologiyasida: gullar, bahor va yoshlik ma'budasi < flos, floris – gul] yer kurrasining biror qismida yoki biror geologik davrda mavjud bo'lgan barcha o'simliklar majmui; o'simliklar dunyosi.

FAUNA - [nem. Fauna – hayvonot dunyosi < Rim mifologiyasida dala va o'rmonlar ma'budasi] Biror hudud, mamlakat yoki geologik davrning hayvonot dunyosi, ularda yashagan yoki yashayotgan hayvonlar majmui.


👉 @geografiya_test_video_slayd

#Izoh

MAGISTR - [lot. - boshliq, ustoz] ayrim mamlakatlarda bakalavr va fan doktori o'rtasidagi ilmiy daraja. Tayanch oliy ta'lim kursidan so'ng qo'shimcha dastur bajargan, maxsus imtihonlarni topshirgan va muayyan ilmiy ishni himoya qilgan shaxslarga beriladi.


👉 t.me/geografiya_JDPI

#Izoh

AGRAR - INDUSTRIAL MAMLAKAT - asosiy boyligini qishloq xoʻjalik mahsulotlari tashkil qiladigan, sanoati qishloq xoʻjalik mahsulotlari va tabiiy boyliklarni qayta ishlashga yo'naltirilgan mamlakat.


👉 t.me/geografiya_JDPI

#Izoh

Ekstraditsiya (lot. — dan va — berish) — xalqaro huquqda jinoyat sodir qilgan shaxsni jinoiy javobgarlikka tortish yoki unga nisbatan chiqarilgan sud hukmini ijro etish uchun bir davlatdan ikkinchi davlatga berish. Jinoyatchini berish shartlari va tartibi xalqaro shartnoma va milliy qonunchilik bilan belgilanadi.


👉 t.me/geografiya_JDPI

#Izoh

Paradoks nima?

Ushbu tushuncha qadimgi Yunonistonda paydo bo'lgan va sog'lom fikrga zid bo'lgan fikrni anglatadi. Keng ma'noda paradoks so'zi ajabtovur ko'rinadigan hodisa, vaziyatdir va g'ayrioddiyligi tufayli odamlarning haqiqat haqidagi odatiy g'oyalariga mos kelmaydi.‌‌


👉 t.me/geografiya_JDPI

#izoh

❗️IZOH

🔰 oliy ta’limdan keyingi ta’lim — doktorlik dissertatsiyasini tayyorlash va himoya qilish maqsadida mutaxassislikni chuqur oʻrganishni va ilmiy izlanishlar olib borishni nazarda tutadigan tayanch doktorantura, doktorantura va mustaqil izlanuvchanlik asosida ilmiy darajaga ega ilmiy va ilmiy-pedagogik kadrlar tayyorlashni ta’minlaydigan ta’lim turi;

🔰 oliy ta’limdan keyingi ta’lim instituti — ilmiy tashkilot yoki ta’lim muassasalarida tayanch doktorantura, doktorantura yoki mustaqil izlanuvchilik shakllaridagi oliy ta’limdan keyingi ta’limni amalga oshirish tizimi;

🔰 stajyor-tadqiqotchilik — ishlab chiqarishdan ajralgan holda tegishli ixtisoslik boʻyicha ilmiy va ilmiy-ijodiy izlanishlarni olib borish va falsafa doktori (PhD) ilmiy darajasini olish uchun izlanuvchini tayyorlash shakli;

🔰 tayanch doktorantura — falsafa doktori (Doctor of Philosophy (PhD) ilmiy darajasiga da’vogar izlanuvchilar uchun ishlab chiqarishdan ajralgan holda tashkil etiladigan oliy malakali ilmiy va ilmiy-pedagog kadrlar ixtisosligi boʻyicha oliy ta’limdan keyingi ta’lim shakli;

🔰 doktorantura — fan doktori (Doctor of Science (DSc) ilmiy darajasiga da’vogar izlanuvchilar uchun ishlab chiqarishdan ajralgan holda tashkil etiladigan oliy malakali ilmiy va ilmiy-pedagog kadrlar ixtisosligi boʻyicha oliy ta’limdan keyingi ta’lim shakli;

🔰 mustaqil izlanuvchilik — falsafa doktori (Doctor of Philosophy (PhD) yoki fan doktori (Doctor of Science (DSc) ilmiy darajalariga da’vogar izlanuvchilar uchun ishlab chiqarishdan ajralmagan holda tashkil etiladigan oliy malakali ilmiy va ilmiy-pedagog kadrlar ixtisosligi boʻyicha oliy ta’limdan keyingi ta’lim shakli;

🔰 stajyor-tadqiqotchi — ilmiy tashkilot yoki ta’lim muassasalariga stajyor-tadqiqotchilikka belgilangan tartibda qabul qilingan shaxs;

🔰 doktorant — ilmiy tashkilot yoki ta’lim muassasalariga tayanch doktorantura yoki doktoranturaga belgilangan tartibda qabul qilingan shaxs;

🔰 mustaqil izlanuvchi — ilmiy tashkilot yoki ta’lim muassasalariga mustaqil izlanuvchilikka belgilangan tartibda qabul qilingan shaxs;

🔰 izlanuvchi — falsafa doktori (PhD) yoki fan doktori (DSc) ilmiy darajasini olish uchun doktorlik dissertatsiyasini tayyorlayotgan shaxs.

🔰 oliy ta’limdan keyingi ta’limni muvofiqlashtirishning yagona elektron tizimi (keyingi oʻrinlarda — Yagona elektron tizim) — oliy ta’limdan keyingi ta’lim institutlariga qabul qilish, stajyor-tadqiqotchi va izlanuvchilarning yakka tartibdagi rejalari bajarilishi boʻyicha hisobotlarni shakllantirish boʻyicha hujjatlarning elektron almashinuvini tashkil etishga moʻljallangan axborot tizimi.


👉 http://t.me/geografiya_JDPI