Ўзбекистон Республикаси Президентининг 02.04.2026 йил даги ПҚ–122-сон қарорида белгиланган вазифалар ижроси доирасида 25 сентябрь куни Термиз шаҳрида Сурхондарё вилояти ҳокимлиги ҳамда «ТИҚХММИ» Миллий тадқиқот университети ҳамкорлигида илм-фан ва инновацион ишланмаларни ишлаб чиқаришга трансфер қилишга бағишланган дала семинари ўтказилди.

Семинарда вилоят ҳокимлиги, қишлоқ ва сув хўжалиги соҳаси мутахассислари, олимлар, профессор-ўқитувчилар, фермерлар, кластер ва ер эгалари ходимлари ҳамда хусусий сектор вакиллари иштирок этди.

Тадбирда сув ва ер ресурсларидан самарали фойдаланиш, инновацион технологияларни кенг жорий этиш, илмий ишланмаларни ишлаб чиқаришга татбиқ этиш ҳамда илм-фан ва ишлаб чиқариш интеграциясини кучайтириш масалалари муҳокама қилинди.

Семинар доирасида университет олимларининг қишлоқ ва сув хўжалигида инновацион технологиялар бўйича тақдимотлари ҳамда замонавий технологиялар, илмий ишланмалар ва инновацион ечимлар кўргазмаси намойиш этилди.

—
Tiiame.uz | Facebook | Instagram | Telegram | Youtube