ლიკვიდურობა - მარტივად

ბანალური თეზისია: „ბაზარი მოძრაობს იმ მიმართულებით, სადაც ფულია". ეს მხოლოდ თეზისი არ არის — ეს, საფინანსო ბაზრებზე, საყოფაცხოვრებო ბაზრებზე და ზოგადად ცხოვრებაში ფასის მოძრაობის ფუნდამენტური პრინციპია. სადაც ფულია იმ მიმართულებით მიემართება კეთილდღეობაც, ჯანმრთელობაც, ლამაზი ქალიც და ა.შ.

საფინანსო ბაზრებზე ლიკვიდურობა არის ფული, რომელიც "დამალულია" მონაწილეთა სტოპებსა და ლიმიტურ/გადადებულ ორდერებში.

ბაზრის მსხვილ მოთამაშეებს ყოველთვის სჭირდებათ დიდი რაოდენობით კონტრაქტები პოზიციის გასახსნელად ან დასახურად.

ამისათვის საჭიროა ლიკვიდურობა, ანუ ფული და ამ ფულის ანუ ლიკვიდურობის მიღების უმარტივესი გზაა სტოპების „ჩამოყრა“ და ბაზრის შეადრებით მცირე მონაწილეების ლიმიტური ორდერების „აკრეფა“.

ეს ვითარება გრაფიკზე გამოიყურება შემდეგნაირად:

✅ ლიკვიდურობის დონეები არის:

დონეები, სადაც მდებარეობს ტრეიდერების სტოპები, რომელიც ადვილად ჩანს აშკარა მაქსიმუმებით და მინიმუმებით, დაგროვების ზონებით და მხარდაჭერის/წინააღმდეგობის დონეებით;

✅ ფასის რეაქციას ამ ზონებში:

ბაზარი ხშირად განზრახ არღვევს ასეთ ზონებს მკვეთრი!!! მოძრაობით (სტოპების "ჩამოყრა"), რის შემდეგაც ფასი საპირისპირო მიმართულებით ბრუნდება (გადადებული ორდერების აკრეფა);

✅ ამოცანა: ამ ხაფანგში არ მოხვედრა

ნაცვლად იმისა, რომ პოზიციები გავხსნათ თითქოსდა აშკარა, „უტყუარ“ (ჩვენთან რომ უყვართ ხოლმე სიტყვა „უეჭველი“) სავაჭრო წერტილებში, უნდა დავფიქრდეთ, სად შეიძლება იყოს განთავსებული სხვა ტრეიდერების სტოპები ან/და გადადებული ორდერები და როგორ შეუძლიათ ბაზრის დიდ მოთამაშეებს მათი (ამ) ლიკვიდურობის გამოყენება.

ვაჭრობის ალგორითმი

🟢 მოვერიდოთ პოზიციების გახსნას იმ წერტილებში, სადაც აშკარად მდებარეობს უმრავლესობის სტოპები ან/და სავარაუდოდ გადადებული ორდერები;

🟢 გამოვიყენოთ ყალბი გარღვევები საპირისპირო მიმართულებით შესასვლელად;

🟢 ვიყოთ ფრთხილად იმ ზონებში, სადაც ლიკვიდურობა ჯერ კიდევ გროვდება, რადგან ბაზრის მსხვილ მოთამაშეებს ჯერ არ მიუღიათ საჭირო ფულადი მოცულობა პოზიციების გასახსნელად.

#ლიკვიდურობა
#AUDUSD
#Education

ლიკვიდურობის მოხსნის კლასიკური მაგალითი 2025 წლის 9 აპრილის აღმავალი სანთელი, დღიური გრაფიკი.

ზედა პოსტის და სურათის განმარტება, სავაჭრო ალგორითმი

რა თქმა უნდა, როდესაც ურემი გადაბრუნდება მაშინ ყველას შეუძლია ამ გადაბრუნების მიზეზების ჩამოთვლა.
ამიტომაც ვერ ვიტან საფინანსო ბაზრების წარსული პროცესების მიმოხილვების წაკითხვა-მოსმენას. და ის ხალხიც ნერვებს მიტოკებს ვინც ამას აკეთებენ. პოსტ-ფაქტუმ ყველა ბრძენია.

სურათზე ნაჩვენებია ლიკვიდურობის აკრეფის კლასიკური მოდელი. AUD/USD დღიური გრაფიკი.

როგორი უნდა ყოფილიყო და როგორი იყო ანალიზი და როგორი იყო ვაჭრობის ალგორითმი ლიკვიდურობის მოხსნის კლასიკურ მაგალითზე:

✅ 2024 წლის 12 დეკემბრიდან ავსტრალიის ბანკმა გადაწყვიტა, რომ ქვეყნის ეკონომიკისთვის ვალუტის ოპტიმალური დიაპაზონია 0.6400 – 0.6150. ნუ, მაშინ ეს ჯერ არ ჩანდა, მაგრამ დროთა განმავლობაში ხომ გამოჩნდა.

მაშასადამე ეს დიაპაზონი არის ნულოვანი ფასები, ხოლო ნულოვანი ფასები კი ტექანალიზის ერთ-ერთი ქვაკუთხედია;

✅ იგივე ავსტრალიის ბანკის პოლიტიკის მიხედვით, ვალუტის შეწონილი ფასი ამ დიაპაზონში არის 0.6260. ტექანალიზი ამ ადგილას გვიჩვენებს მსხვილი წითელი ფიბონაჩის 76%-ს, ხოლო საკრალური ინსტრუმენტის, ანუ ფიბონაჩის 76 პროცენტი უმნიშვნელოვანესი დონეა ავსტრალიური დოლარისათვის - ესეც, ანუ ფიბონაჩი ტექანალიზის ერთ-ერთი ქვაკუთხედია;

✅ ზედაპირული თვალსაზრისით: Moving Average 42 ზემოდან ქვემოთ კვეთს Moving Average 200 და Moving Average 100 ესეც, ანუ მუვინგები ტექანალიზის ერთ-ერთი ქვაკუთხედია.

ბოდიში იმ „პრადვინუტებთან“ ვინც ინდიკატორებს აღარ იყენებენ მათი მოდიდან გამოსვლის გამო და ორდერბლოკების და იმბალანსების დიეტაზე არიან გადასულები;

✅ მოკლედ 2024 წლის 12 დეკემბრით რომ დაიწყო საქანელა ზემოთ აღნიშნულ დიაპაზონში, მეც და ალბათ მილიონობით ტრეიდერი ამ საქანელას ავყევით „ზემოთ=ქვემოთ, „ზემოთ-ქვემოთ“. ზოგი დაბალ თაიმფრეიმებზე შესვლით ამ დღიური თაიმფრეიმების გლობალური სიგნალებით, ზოგი უშუალოდ დღიური გრაფიკების სიგნალებით.

✅ ეს საქანელა გაირღვა 2025 წლის 4 აპრილს პარასკევს. გარღვევას ვერ მივუსწარი, თუმცა, არ ვიტყვი ვიცოდი მეთქი, რომ ნამდვილად ცრუ გარღვევასთან გვქონდა საქმე, ისევე, როგორც ეს არ იცოდნენ მილიონობით ტრეიდერებმა.

✅ რა თქმა უნდა ასეთი მოძრაობის გავლენით, 7 აპრილს შევედი ბაზარზე, ოღონდ დიაპაზონის გამრღვევი სანთლის ექსტრემუმ წერტილებზე ზემოდან ქვემოთ გავლებული ფიბონჩის 23 %-იდან გადადებული sell პოზიციით იმ ანგარიშით, რომ ფასი უნდა დაბრუნებულიყო (რეტესტი) ამჯერად უკვე მსხვილი ნარინჯისფერი ფიბონაჩის 76%-თან. მისგან ქვემოთ ასხლეტის შემდეგ პოზიცია გადავიყვანე უზარალობაში.

8 აპრილს პოზიცია დაიხურა უზარალობით + ცოტაოდენი მოგებით.

9 აპრილს 4 საათიანზე გამოჩნდა ორდერბლოკი და სხვა თანმდევი სიგნალები. დღე დაიხურა იმპულსური აღმავალი მოძრაობით და წინა სანთლის გადაფარვით და უკვე 10 აპრილს შევედი ბაზარზე ყიდვის პოზიციით.

არც 4 აპრილის იმპულსური დაღმავალი სანთელი და არც 9 აპრილის იმპულსური აღმავალი სანთელი არ წარმოადგენდა დაგროვების შედეგად მიღებულ მოძრაობებს.

4 აპრილი იყო მანიპულაცია, 9 აპრილი იყო ლიკვიდურობის მოხსნა სტოპების ჩამოყრისა და გადადებული პოზიციების აკრეფის გზით.

ტრეიდინგში არაფერია რთული. მთავარია:

✅ გლობალურ ჭრილში ვუყუროთ სურათს/გრაფიკს;

✅ სპეციალურად არაფერი გამოვიგონოთ;

✅ სიტყვა „უეჭველი“ ამოვიღოთ ხმარებიდან;

✅ დავიცვათ რისკ მენეჯმენტი;

✅ უმრავლეს შემთხვევებში ვივაჭროთ მცირე მოცულობებით, ისე რომ დეპოზიტი არ „გაიფხრიწოს“ ხოლმე ყოველი ახალი პოზიციის გამო და გაუძლოს ნებისმიერ დროებით მინუსს;

✅ როგორც კი ამის საშუალება მოგვეცემა, პოზიცია გონივრულად გადავიყვანოთ უზარალობაში. 1 პუნქტის მოგება გვერჩივნოს 100 პუნქტის წაგებას;

✅ მთავარი: ვიფიქროთ ისე, როგორც ფიქრობს მოწინააღმდეგე, ვისაც ჩვენთვის ფულის "ახევა" სურს. ამ შემთხვევაში მოწინააღმდეგები არიან ბანკები, მარკეტმეიკერები, ფონდები.

ექსკავატორი და მსგავსი ტექნიკა არ იქნება, დარჩება მამა-პაპური წერაქვი და ნიჩაბი და ოქროს მოპოვება მაინც გაგრძელდება;

სახელმწიფო, ტყე და ცელულოზა სანამ იქნება ფულიც ქაღალდზე დაიბეჭდება;

ყველაფერი კარგი და გადასარევი, მაგრამ:

წკაპ და ვიღაცამ “რუბილნიკი”, რომ ჩამოწიოს და დენი გათიშოს მე-9 ბლოკივით - ამ კრიპტოვალუტას რა ეშველება ნეტა.

არადა ყველაფერი ხდება ამ ცოდვილ დედამიწაზე, მაგნიტური ველებიო, მზეზე აფეთქებებიო, რაღაც ყურით მოტანილი ქარის და მზის ენერგიაო, ომებიო და ა.შ.

ავად თუ კარგად, "ბუქსაობის" შემდეგ იმბალანსმა მაინც იმუშავა.

ესეც პატიოსანი გოგო აღმოჩნდა, არ მიღალატა

#BTCUSD სცენარი

✅ თუ არ დავკარგეთ მხარდაჭერა 106600.00 - 107000.00 დიაპაზონში, მაშინ მინიმალური მიზანია წინა მაქსიმუმი 112000.00.

✅ სასურველია დღევანდელმა სანთელმა შეინარჩუნოს Double Low პატერნის ფორმა წინა სანთლის გადაფარვით

შენიშვნა:

* სცენარი არ არის ვინმესთვის სავაჭრო რეკომენდაცია/სავაჭრო სიგნალი. არის სავაჭრო გეგმა მხოლოდ ჩემთვის, რისთვისაც რისკს ვწევ საკუთარი ფულადი სახსრებით. ხოლო ვაქვეყნებ იმიტომ, რომ შესაძლოა ვინმეს დასჭირდეს/გამოიყენოს საკუთარი სავაჭრო პერსპექტივის ანალიზისთვის.

#BTCUSD
#სცენარი

🟢 ახალი ტერმინი საფინანსო ბაზრებზე:

უოლ სტრიტზე აქტიურად მუსირებს აზრი, რომ ტრამპი არასოდეს საბოლოოდ არ აპირებს ხოლმე თავისი მუქარების განხორციელებას.

ამ მოვლენას უოლ სტრიტზე დაარქვეს - "TACO" გარიგება.

გარიგება "TACO"-ს ფარგლებში უოლ სტრიტის ტრეიდერები და ინვესტორები ყიდულობენ აქტივებს ბაზრის დაცემის პერიოდში მას შემდეგ, რაც ტრამპი რაიმე მუქარებს გამოთქვამს და ელოდებიან მომენტს, როდესაც ტრამპი გადათქვამს ან შეარბილებს თავის რიტორიკას, რის გამოც საფინანსო ბაზარი კვლავ აღდგენისკენ მიემართება.

"TACO", ქართულად „ტაკო“ (სხვა არაფერი იფიქროთ), იშიფრება, როგორც:

Trump Always Chickens Out – „ტრამპი ყოველთვის ბოლო მომენტში უკან იხევს“.

მაშასადამე, სავაჭრო პოზიციების დაგეგმვისას „ტაკო“-ც აუცილებლად უნდა გავითვალისწინოთ ხოლმე,

პრინციპში აქ ახალი არაფერია, ფინანსურის ოპერაციების ჩატარების პროცესში ყოველთვის უნდა იცოდე რის "ტაკო" გაქვს ადამიანს.

#TACO
#Trump
#ტერმინი

#AUDUSD საშუალო ვადიანი სცენარი

აქტუალურია დაღმავალი პოზიციებისათვის:

✅ სამუშაო დიაპაზონი: 0.65500 – 0.64800;

✅ მიზანი: 0.62800;

#AUDUSD
#სცენარი

#GBPUSD საშუალო ვადიანი სცენარი

აქტუალურია დაღმავალი პოზიციებისათვის:

✅ სამუშაო დიაპაზონი: 1.36500 – 1.35300;

✅ მიზანი: 1.32150;

#GBPUSD
#სცენარი

#DXY (დოლარის ინდექსი) საშუალო ვადიანი სცენარი

აქტუალურია აღმავალი პოზიციებისათვის:

✅ სამუშაო დიაპაზონი: 98.000 - 97.250;

✅ მინიმალური მიზანი: 100.00 + 101.00:

✅ მიზანი 101.00 განხორციელებისა და მისი რეტესტის პირობებში გააქტიურდება პატერნი „ორმაგი ფსკერი“ მინიმალური მიზნით 104.00. აქ გასათვალისწინებელია პატერნი "TACO";

#DXY
#სცენარი

📉 ყოველგვარი შეთქმულების თეორიების გარეშე:

ძალიან ბევრი პარამეტრი, ინფორმაცია და ასე ვთქვათ ფინანსური „მგლების“ ქცევები აჩვენებს, რომ მსხვილი ინსტიტუციონალური ინვესტორები ტოვებენ აშშ-ს საფინანსო ბაზრებს.

📉 ძირითადი მიზეზები:

✅ ტრამპის სავაჭრო ომი და ჩინეთის საპასუხო ქმედებები;

✅ აშშ-ს სახელმწიფო ვალის სწრაფი ზრდა. $34 ტრილიონი +;

✅ აშშ-ს ეკონომიკის არასტაბილურობა, ეკონომიკის შენელება;

✅ ტრამპის ამდენი იქით-აქით როყიო განცხადებების გამო, ამერიკული აქტივებისადმი ნდობის დაკარგვა;

✅ ფედერალური რეზერვის მიერ განაკვეთის სიდიდე და მონეტარული პოლიტიკის გამკაცრება ამცირებს დოლარის აქტივების მიმზიდველობას.

აქედან გამომდინარე მსხვილი კაპიტალი სხვა რეგიონებში მიემართება.

📉 მსხვილი ინვესტორებისთვის ალტერნატიული ბაზრებია:

✅ აზიური ბაზრები (ჩინეთი, ინდოეთი);

✅ სანედლეულო ბაზრები (ოქრო, ვერცხლი, ნავთობი);

✅ კრიპტოვალუტა, როგორც ინფლაციისგან დამცავი, ბოლო ათწლეულში მოდური აქტივი;

📉 რა გველის წინ:

✅ თუ კაპიტალის გადინება გაგრძელდება, და ის გაგრძელდება, ამან შეიძლება აშშ-ის საფონდო ბაზარი პერმანენტულად ჩამოშალოს ხოლმე + დოლარი დაასუსტოს;

✅ ევროზონა დამოუკიდებლად ვერ გაუძლებს ამერიკული ბაზრის დაცემას და აზიური ბაზრის გაძლიერებას;

📉 ჩვენ რა ხეირი:

✅ ლარის გამყარება, რაც ჩვენი მთავრობის დამსახურება არ იქნება, ისევე როგორც მისი გაუფასურებაც ბოლო 25 წელია მთავრობის ბრალი არ არის;

✅ მიუხედავად ლარის გამყარებისა ინფლაციური პროცესების აჩქარება, მსყიდველობითი უნარის შემცირება, არა მარტო ჩვენთან არამედ მთელს მსოფლიოში;

📉 ჩვენთვის, „ლიფსიტა“ ტრეიდერებისთვის ყველაფერი ზემოთთქმული სამართლიანი იქნება თუ:

✅ #DXY დოლარის ინდექსი გაარღვევს ქვემოთ 98.00 – 97.00 დიაპაზონს;

📉 გრძელვადიანი ეკონომიკური შედეგი:

✅ ტრამპი, როგორც გენიალური ავანტიურისტი, ბრწყინვალე სპეკულანტი და კარგი მსახიობი ცდილობს საფინანსო ბაზრები დასცეს ფსკერზე. ფსკერს ყოველთვის მოსდევს აღმასვლა და ასეთი აღმასვლა უფრო ეფექტურია. და შემდეგ აღდგენის პროცესი ჩაითვალოს საკუთარ დამსახურებად.

რას გადავეკიდე ამ ტრამპს, მაგრამ ეკონომიკის თეორია ამაზე მიუთითებს.

ასე, რომ გავუფრთხილდეთ საკუთარ აქტივებს.

#DXY

თბილისის დროით 16:30 საათზე გამოქვეყნდება ლეგენდარული ფუნდამენტალური მონაცემები - „აშშ-ს არასასოფლო სამეურნეო სექტორში დასაქმებულთა რაოდენობა“ ანუ „Non Farm Payrolls (NFP)“:

წინა მაჩვენებელი: 177K პროგნოზი: 126K

✅ გასული სუსტი ფუნდამენტალური ინდიკატორების (ADP, ISM, განაცხადები უმუშევრობის შემწეობის მიღებაზე) და „TRUMP IDIOT“ პატერნის გამო აშშ დოლარი ზეწოლის ქვეშ იმყოფება. მათზე ფასის რეაქციას გრაფიკზე ვხედავთ.

✅ მიმაჩნია, რომ ამჯერად ლეგენდარული Non Farm Payrolls (NFP)-ზე მთავარი ინტრიგა არის არა თავად ციფრები, არამედ ფასის რეაქცია მასზე:

✅ თუ NFP მონაცემები იქნება ცუდი და ფასის რეაქციას არ მოახდენს, მაშინ ამჟამინდელ ფასში უკვე ჩადებული ყოფილა ყველა უარყოფითი გავლენები და აშშ დოლარზე შემდგომი ზეწოლის რესურსი ამოიწურა.

✅ ხოლო, მოულოდნელად კარგმა NFP მონაცემებმა შესაძლებელია გამოიწვიოს ერთგვარი „გადატრიალება“ და სამართლიანი გახდეს GeoForex -ის ტექნიკური ანალიზი რომელიც გამოვაქვეყნე წინა პარასკევს.

Non Farm Payrolls (NFP) -ს შესახებ შეგიძლიათ წაიკითხოთ საიტის ამ >>> https://www.geoforex.info/fundamental-analysis/nonfarm-payrolls-2/ ან სხვა სტატიებში.

# Non_Farm_Payrolls
#სცენარი

ილონ მასკი საჯაროდ განუდგა ტრამპს, გამოაცხადა კოსმოსური პროექტის შეჩერება, დაკარგა 34 მილიარდი დოლარი Tesla-ს აქციების ვარდნის გამო - და ორ დღეში უეცრად "გადაიფიქრა".

საფინანსო ბაზრების ტერმინოლოგიაში არსებობს ცნება: „მართვადი (იძულებითი) კრახი“, რომელიც საფინანსო ბაზრების ისტორიაში არაერთხელ გამოუყენებიათ.

სინამდვილეში ის რაც ხდება ხდება ამ ორ პოლიტიკურ და ფინანსურ ავანტიურისტსა და გენიალური პიროვნებებს შორის, არის სწორედ მართვადი კრახი.

ფინანსური და პოლიტიკური ბაზრის შოკური ვოლატილურობა არის ამ ორ პოლიტიკურ და ფინანსურ „მგელს“ შორის ფრთხილად და ჭკვიანურად დაგეგმილი საჭადრაკო პარტია.

ეს არის რთული უმთავრესად პოლიტიკური და შემდეგ ფინანსური ოპერაციის გადატვირთვის წერტილი, რომელშიც კონფლიქტი არის ღრმა ტრანსფორმაციების გამომწვევი მექანიზმი და სამომავლოდ, სულ რაღაც 3 წელიწადში უკმაყოფილო ელექტორალური ბირთვის მოპოვების ოპერაციის ნაწილი, რომელიც აღარ სჯერა არც დემოკრატების და არც რესპუბლიკელების.

მასკი ქმნის სივრცეს მესამე ძალისთვის, რომელიც დემოკრატებს კონგრესში უმრავლესობის მოპოვებაში ხელს შეუშლის - მათი ელექტორალური ბაზის დაშლის გამო.

34 მილიარდი "ზარალი" მხოლოდ კვამლის ფარდაა. მასკმა, როგორც სპეცრეჟიმის ფიგურამ, გამოიყენა პოლიტიკურად და ფინანსურად კომბინირებული ხელოვნური, ანუ იძულებითი კრახის სტრატეგია.

ეს არ არის მარცხი - ეს არის მსხვერპლი კონტროლის სანაცვლოდ. აქციების ვარდნის მეშვეობით მან გაააქტიურა მის ალიანსთან ახლოს მყოფი სტრუქტურების მიერ აქტივების შესყიდვების პროცესი.

ეს სპეცფინანსური არქიტექტურის ტიპური პრაქტიკაა:

✅ კრახი → შოკი → კორექცია → აქტივების და ლოიალურობის გადანაწილება.

ამ პროცესში მნიშვნელოვანი არ არის Tesla ან Dragon, ან სხვა აქტივები. ეს მხოლოდ ყურადღების გადატანის ობიექტებია.

მთავარი მიზანია სამომავლოდ ამომრჩევლის მოპოვება, რომელიც გამოყვანილი უნდა იქნას ამერიკაში არსებული ორპოლუსიანი მატრიციდან.

მასკი ფრთხილად აშენებს მესამე გზას: ტექნო-პოპულისტურ, ანტისისტემურ, მაგრამ ამავე დროს ციფრულ ინფრასტრუქტურაში ღრმად ინტეგრირებულ გზას.

ის არა მხოლოდ "საკუთარ პარტიას" ქმნის, არამედ ის ქმნის ციფრულ ფრაქციას, რომელსაც შეეძლება რესპუბლიკური და დემოკრატიული პარტიების, როგორც ინსტიტუციების, გვერდის ავლა.

კონფლიქტი ტრამპთან, თითქმის კრახი, შემდეგ ე.წ. "სამშვიდობო ჟესტი" - ეს ყველაფერი ერთი გეგმის სცენარული კვანძებია:

✅ შექმნან არაკონტროლირებადი კონფლიქტის სიმულაცია, მიიზიდონ ყურადღება და კაპიტალი, და ამ ხმაურის ფონზე შემოიყვანონ ახალი ფიგურა თამაშში - რომელიც იქნება პარტიებისა და იდეოლოგიების მიღმა, მაგრამ მასების, ანუ ბრბოს მართვის კოდის ეპიცენტრში.

მასკი მოქმედებს, როგორც მოთამაშე, რომელიც ცვლის თამაშის წესებს. მისი პროექტი არ არის პოლიტიკური, არამედ ონტოლოგიურია. (მარტივად, ონტოლოგიური ნიშნავს ყოფიერებასთან - მის ფუნდამენტური პრინციპებთან, სუბსტანციებთან და კატეგორიების შესწავლასთან დაკავშირებულს.)

უნდა გადაიწეროს არა კანონი, არამედ თავიდან უნდა გადაიწეროს ის რეალობა, რომელშიც პოლიტიკა და ფინანსები აღიქმება.

და თუ ტრამპი ძალის და ძლევამოსილების ძველი სკოლაა, მასკი წარმოადგენს ფილიგრანული მანიპულირების ახალ სკოლას.

კონკრეტული დაინტერესებული ჯგუფისთვის გავაკეთე. ეს მოკლე ამონარიდი არ ვიცი აქაც თუ ვინმეს დასჭირდება ეს ანალიზი გრძელვადიან პერიოდში ფინანსური ჰორიზონტის ხედვისთის, მაგრამ მაინც იდოს აქ, ამ ჯგუფში, რა იცი რა ხდება.

Tesla, Dragon და სხვა ციფრული აქტივები Forever…

#forecast

მსოფლიო სიმდიდრის განაწილება

მსოფლიოში აქტივების მთლიანი მოცულობა — დაახლოებით $900 ტრილიონია.

ძირითადი კატეგორიები:

✅ უძრავი ქონება — $330 ტრილიონი;

✅ ობლიგაციები — $300 ტრილიონი;

✅ ნაღდი ფული — $120 ტრილიონი;

✅ აქციები — $115 ტრილიონი;

✅ ხელოვნება — $18 ტრილიონი;

✅ ოქრო — $16 ტრილიონი;

✅ ავტომობილები და კოლექციები — $6 ტრილიონი;

✅ BTC — $2 ტრილიონი

BTC ამჟამად გლობალური სიმდიდრის უმნიშვნელო წილს შეადგენს, თუმცა რა იცი რა ხდება...

BTC-მ შეიძლება 2021 წლის სცენარი გაიმეოროს

გრაფიკული ვიზუალიდან გამომდინარე ვრცელდება მოსაზრება, რომ ბაზრის მიმდინარე სიტუაცია 2021 წლის სიტუაციას ჰგავს, როდესაც BTC ისტორიული მაქსიმუმიდან (ATH) აისხლიტა და 77%-ით ვარდნა განიცადა.

შენიშვნა:

** GeoFerex შესაძლებელია არ ეთანხმებოდეს საინფორმაციო ან/და ექსპერტულ წრეებში გავრცელებულ მოსაზრებებს, თუმცა ვალდებულებად თვლის, განსაკუთრებულ შემთხვევებში, მნიშვნელოვნად საინტერესო ინფორმაციები გამოაქვეყნოს საკუთარ სოციალურ არხებში.

#ინფორმაცია

BTC-სა და საფონდო ბაზრის კორელაცია

საფონდო ბაზარი — ფართო ცნებაა, რომელიც ასობით ინდექსს, ათასობით აქციას და ეკონომიკის მთელ სექტორებს მოიცავს.

ამიტომ, დეტალებში ჩაუღრმავებლად, ეს თემა უფრო მარტივად განვიხილოთ — BTC-სა და S&P 500 ინდექსის ურთიერთკავშირის მაგალითზე.

✅ S&P 500 ინდექსი ერთ-ერთი ძირითადი ბენჩმარკია (ეტალონური შეფასება, ეტალონი, ორიენტირი), რომელსაც მსოფლიოს მასშტაბით ყურადღებით აკვირდებიან ინვესტორები და რომელიც მთლიანად საფინანსო ბაზრის ზოგად განწყობას კარგად ასახავს.


✅ S&P 500 — არის საფონდო ინდექსი, რომელშიც შედის აშშ-ის კაპიტალიზაციით 500 უმსხვილესი საჯარო კომპანია. არსებითად, ეს ამერიკული ეკონომიკის მდგომარეობის ერთგვარი "თერმომეტრია".

✅ თუ ინდექსი იზრდება — ეს ნიშნავს, რომ წამყვანი კომპანიების აქციები იზრდება და ბაზარზე ზოგადი განწყობა პოზიტიურია.

✅ თუ ინდექსი ეცემა — ველოდებით კორექციას ან გაყიდვების ტალღას.

ცოტა ხნის წინს ბიტკოინი ამ ინდექსთან თითქმის სინქრონულად და თანხვედრილად კორელირებული იყო. თუმცა, რაღაც მომენტში საპირისპირო კორელაცია დაიწყო:

✅ როცა ინდექსი იზრდება — ბიტკოინი ხშირად გვერდზე რჩება, არ რეაგირებს.

✅ როცა ინდექსი კორექციას იწყებს — BTC ხშირად მასთან ერთად მოძრაობს, ზოგჯერ კი წინ უსწრებს კიდეც.

ამიტომ S&P 500 ინდექსი დღემდე შეიძლება გამოვიყენოთ როგორც ბიტკოინზე ვაჭრობის დამატებითი ორიენტირი.

თუ ინდექსის გრაფიკზე ჩანს, რომ აღმავალი მოძრაობის კორექცია მწიფდება — ღირს ფიქრის დაწყება ბიტკოინზე ყიდვის პოზიციის დახურვისათვის და გაყიდვების მზადებისათვის.

ასე რომ, როცა ბიტკოინზე და კაპიტალიზაციით ტოპ ათეულში შემავალ ალტებზეა საუბარი, სიტუაცია ყოველთვის კომპლექსურად უნდა შევაფასოთ — მაკროეკონომიკის, საფონდო ბაზრის მოძრაობისა და ინსტიტუციონალების ქცევის გათვალისწინებით.

და მაშინ, როცა შაბათს გაურკვეველი ან სუსტად არგუმენტირებული "სპეკულაცია" ჩანს, ორშაბათს — საფონდო ბაზრის გახსნისას — ნათელ სავაჭრო სეტაპად შეიძლება გადაიქცეს.

#education

BTC (D1) მიმდინარე ფასური მნიშვნელობებიდან გამომდინარე ზოგადი მიდრეკილება — დაღმავალი ტენდენციაა.

ისტორიული მაქსიმუმის დიაპაზონში და მის ზომოთ (ATH) დამატებითი მანიპულაცია მაღალი ალბათობით გამოიწვევს ტრენდის შებრუნებას და აქტივის აგრესიულ დევალვაციას.

ასეთი სცენარის შემთხვევაში ძირითადი სამიზნე დონეები იქნება:

✅ $100 370;

✅ $97 730;

✅ $95 780;

✅ $92 800;

შენიშვნა:

* სცენარი არ არის ვინმესთვის სავაჭრო რეკომენდაცია/სავაჭრო სიგნალი. არის სავაჭრო გეგმა მხოლოდ ჩემთვის, რისთვისაც რისკს ვწევ საკუთარი ფულადი სახსრებით. ხოლო ვაქვეყნებ იმიტომ, რომ შესაძლოა ვინმეს დასჭირდეს/გამოიყენოს საკუთარი სავაჭრო პერსპექტივის ანალიზისთვის.

#BTC

შეკითხვა:

გაქვს თუ არა ფასიანი სიგნალები?

პასუხი:

არა, არ მაქვს.

იმიტომ არ მაქვს, რომ არხზე გამოქვეყნებული უფასო სავაჭრო სცენარებიც მაღალი სიზუსტით მუშაობენ, ვინაიდან მათ მიხედვით ვვაჭრობ თავად.

ამ სცენარების დადებით შესრულებას აღარ ვაქვეყნებ ხოლმე და არ ვაწერ ტექსტს:

„აი ხომ ხედავთ რა მაგარი ტიპი ვარ, მე ხომ გეუბნებოდით უნდა გაგეხსნათ ორდერი და რამე...“ (როგორც ზოგიერთები წერენ ხოლმე).

ფასიანი სიგნალებით მუშაობას აქვს უამრავი ნეგატივი და ერთადერთი პოზიტივი.

ნეგატიური მხარე:

✅ ძალიან დიდი დატვირთვაა და ამიტომ მიმაჩნია, რომ სიგნალებზე უნდა მუშაობდეს პროფესიონალების მინიმუმ 2-3 კაციანი ჯგუფი;

✅ სიგნალების გენერატორი უნდა იყოს ზედმიწევნით პასუხისმგებლიანი ადამიანების ჯგუფი;

✅ სიგნალების გენერატორი თვითონ უნდა აგენერირებდეს ამ სიგნალებს და არ უნდა იპარავდეს/აკოპირებდეს მათ სხვა უცხოური არხებიდან. ეს ხდება „პაგალოვნად“ ყველგან და მათ შორის ჩვენთანაც დაიწყეს უკვე. ხალხს ფულს ახდევინებენ, აქვეყნებენ და მერე თავს და ბოლოს ვერ პოულობენ;

✅ სიგნალების გენერატორი თავადაც უნდა ვაჭრობდეს ამ სიგნალებით.;

✅ სიგნალების გენერატორი ზედმიწევნით უნდა ფლობდეს ორდერების შემობრუნების ან/და ორდერების ჩაკეტვის ტექნიკას;

✅ სიგნალების გენერატორი თითქმის მუდმივ კავშირზე უნდა იყოს მომხმარებელთან;

✅ სავაჭრო პოზიციის დაუფიქსირებელ ზარალში გადასვლის შემდეგ სიგნალების გენერატორმა უნდა შესთავაზოს მომხმარებელს ოპერატიულად კონტრ პოზიციაში გადასვლის გეგმა მინიმუმ წამგებიანი პოზიციის უზარალობაში გამოსვლისთვის;

✅ სიგნალების გენერატორს სხვა საქმე არ უნდა ჰქონდეს გარდა საფინანსო ბაზრებზე ვაჭრობისა. ეგრე არაა რააა გაყიდო სიგნალები ჩაიდო ჯიბეში ფული და შემდეგ ლუდის დასალევად წახვიდე;

✅ არც ეგრეა გაარყამს სიგნალი - ჰო კაი და არ გაარტყამს და რაღაც უაზრობა იბოდიალო მომხმარებელთან;

✅ სიგნალების გენერატორს უნდა ახსოვდეს: 100 სიგნალიდან 99-მა სიგნალმა რომ გაამართლოს და 1 ზარალი განიცადოს, მომხმარებელს სწორედ ის ერთი ზარალი ახსოვს მწარედ;

✅ სიგნალების გენერატორს და მომხმარებელს შორის ისე უნდა იყოს დარეგულირებული ურთიერთობა, რომ მომხმარებელი ზუსტად იმ რაოდენობით და იმ მოცულობებით უნდა ვაჭრობდეს გენერირებულ სიგნალებზე, როგორც ამას მოითხოვს სიგნალების მომწოდებელი. ეგრე არაა - მომხმარებელი როცა გაიზმორება და როცა.... დაამთქნარებს მაშინ გახსნას პოზიცია. ამით ირღვევა მთლიანი ვაჭრობის მანი მენეჯმენტი;

პოზიტიური მხარე:

✅ სიგნალების გენერატორი ფულს იღებს მომხმარებლისგან;

თუ ოდესმე მექნება მსგავსი სერვისი, ეგ იქნება მხოლოდ ე.წ. სოციალური ტრეიდინგის ფარგლებში, სავაჭრო ტერმინალიდან სავაჭრო ტერმინალში სიგნალების კოპირების ტექნოლოგიით, შესაბამისი ავტორიტეტული ბროკერის ზედამხედველობითა და პროვაიდინგით, სადაც იქნება ოფიციალურად ნაჩვენები ჩემი სავაჭრო ყოველდღიური, ყოველკვირეული და ა.შ. რეიტინგი და ფულადი სახსრების მოძრაობა.

შეიძლება ვინმეს ეს ტექსტი ტვინის ბურღად მოეჩვენოს - მაგრამ ესეა და სხვაგვარად არა!

BTCUSD - D1გრაფიკზე არის წინაპირობა ჩამოყალიბდეს გრაფიკული პატერნი „დროშა ABC”.

პატერნის შესახებ ინფორმაცია შეგიძლიათ წაიკითხოთ სტატიაში >>> https://www.geoforex.info/modelebi-paternebi/drosha-abc/

#BTC
#პატერნი