Sirdaryoda haydovchi Damas’da 28 nafar bog‘cha bolasini olib ketayotgani aniqlandi

Haydovchiga ma’muriy bayonnoma rasmiylashtirilib, 750 ming so‘m jarima belgilandi.

@generalissimo_marshal

2005-yilgi Andijon voqealarida Andijon shahar prokurori Gʻanijon Abdurahimov mardlarcha halok boʻlgan edi. U terrorchilar tomonidan qiynoqqa solinib, vaxshiylarcha oʻldirilgan.

Qo‘lga olinganlar shunchaki garovda ushlab turilgani yo‘q. Aksincha, ularning boshiga terrorchilar ko‘z ko‘rib, quloq eshitmagan azoblarni solgan. Garovdagilarning ko‘plari vahshiyliklar qurboniga aylangan. Ba’zilarini esa shunchaki otib tashlashgan. Andijon shahar prokurori G‘anijon Abdurahimov ham ana shunday qiynoqlar qurboni bo‘ladi.

Terrorchilar tomonidan shunga o‘xshash qator vahshiyliklar amalga oshirilayotgan bo‘lsa-da Islom Karimov rahbarligidagi shtab a’zolari masalani imkon qadar tinch yo‘l bilan hal etish, behuda qon to‘kilishi va ortiqcha vayronkorliklarning oldini olish maqsadida tinch muzokaralarga kirishdi.

“Bo‘lar ish bo‘ldi, qilganingizni qildingiz. Niyatingizga yetdingiz, lekin sizlarga qattiq aytadigan bir gapimiz, shartimiz, kerak bo‘lsa taklifimiz shu: boshingizdan bir tola sochingiz tushmaydi, hech kim sizlarga zarar bermaydi. Xohlasangiz qurolni topshiringlar, xohlamasangiz qurolni topshirmasdan mana uch-to‘rtta avtobus, shu avtobuslarga joylashib, xohlagan joyingizga boringlar. Takror aytaman, sizlarga hech kim tegmaydi. Bu Prezidentning va’dasi”, degan edi Islom Karimov.

@generalissimo_marshal

Бугун парламентда 93 депутат бирлашиб, “Тараққиёт блоки”ни тузди. Бу — Қонунчилик палатасидаги энг катта сиёсий куч. Яъни улар кўпчилик. Демак, энди қонун қабул қилиш, ташаббус кўрсатиш, ижтимоий муаммоларни ҳал этиш — кўпроқ айнан уларнинг зиммасида бўлади.

Лекин кўпчилик бўлишни катта масъулиятиям бўлади. Агар бу 93 депутат фақат битта овоз билан “розиман” деб овоз берсаю, халқ ҳаётида ўзгариш бўлмаса — бу кўпчиликнинг аҳамияти йўқ.

Президентимиз бошчилигидаги ислоҳотлар, “Ўзбекистон – 2030” стратегияси, ҳукумат дастурида белгиланган мақсадлар амалда қай даражада намоён бўлади — мана бу ҳақиқий ўлчов.

Халқам қараб турибди: нима ўзгарди? Нима қонун чиқди? Тиббий ёрдам осонлашдими? Таълим сифати ошдими? Ижара муаммоси ҳал бўлдими? Буларни бирортаси ҳал бўлмаса, 93 депутат бўлса ҳам, натижа нол бўлиб қолади.

Ҳар бир депутат бир кунда битта яхши иш қилса, 93 кунда 93 та яхши иш бўлади. Бу эса парламент фаолиятига ишончни тиклайди. Шунинг учун, энди гап рақамда эмас, ишда.

@generalissimo_marshal

Ўзбекистон фуқароларининг шахсий маълумотларини сақлаш масаласи мамлакатимиз ахборот хавфсизлиги учун жуда муҳим ҳисобланади. Соҳа мутахассислари “Шахсий маълумотлар тўғрисида”ги қонунни қайта кўриб чиқиш ва фуқаролар маълумотларини чет элда сақлашга рухсат беришга қатъий қарши чиқмоқда. Улар бу ҳолат юртимиз хавфсизлигига салбий таъсир кўрсатиши мумкинлигини таъкидламоқда. Аввалроқ Ўзбекистон Президенти Шавкат Мирзиёев бу масала бўйича “ҳар томонлама ўйланган, ягона тўғри қарорни” қабул қилиш топшириғини берган эди. Давлат раҳбари бу — хато қилишга ҳаққи йўқ бўлган, жуда жиддий масала эканини алоҳида қайд этган.

Масъуллар энг оқилона қарорга келишларига ишонаман.

@generalissimo_marshal

“Mustaqillik-25” konidagi 202-quduqda yuz bergan holat toʻgʻrisida

2025-yil 5-may kuni soat tonggi 6:10 da “Mustaqillik-25” konidagi 202-quduqda tarkibida vodorod sulfidi yuqori boʻlgan gazning katta bosim bilan otilishi va natijada fontanlanish holatining qaytalanishi kuzatildi.

Tarkibida vodorod sulfidi yuqori boʻlgan gazning tarqalishini oldini olish maqsadida gaz oqimi nazorat ostida yoqib yuborildi. Ayni paytda barcha zarur tadbirlar xavfsizlik choralariga toʻliq rioya qilingan holda amalga oshirilmoqda. Hodisa sodir boʻlgan hudud tegishli xizmatlar tomonidan oʻrab qoʻyilgan va hozirgi vaqtda ushbu hudud Oʻzbekiston Respublikasi Favqulodda vaziyatlar vazirligi, “Sanoatkontexnazorat” davlat inspeksiyasi hamda Ochiq neft va gaz favvoralarining oldini olish hamda ularni bartaraf etish boʻyicha Oʻzbekiston harbiylashtirilgan qismi mutaxassislari tomonidan doimiy nazorat qilinmoqda.

Yuzaga kelgan hodisa yaqin atrofdagi aholi punktlari uchun xavf tugʻdirmaydi.

Eslatib oʻtamiz, 2025-yil 27-mart kuni mazkur quduqda tarkibida vodorod sulfidi yuqori boʻlgan gazning chiqishi qayd etilgandi. Ekologik xavfsizlikni taʼminlash maqsadida quduq nazorat ostida yoqib qoʻyilgan. 22-aprel kuni quduq oʻqining gʻovlanib tushgani va kolonna chiqib ketishi natijasida fontanlanish toʻxtagan, hodisa joyida gazning sust oqimi (grifon) kuzatilgan edi.

Avariyani bartaraf etish maqsadida hodisa joyida xorijdan jalb etilgan mutaxassislar ham faoliyat olib bormoqda.

Har bir holat boʻyicha qoʻshimcha maʼlumotlar berib boriladi.

Energetika vazirligi

@generalissimo_marshal

O‘zbekiston sport vaziri Adham Ikromov (#)

@generalissimo_marshal