KPI (FMS) pullarini belgilash bir kishining xohishiga qolib ketmasligi kerak❗️

KPI pullari adolatli taqsimlanishi uchun quyidagi choralarni ko‘rish kerak:

1. Aniq va shaffof mezonlar belgilash: KPI’lar oldindan belgilab qo‘yilishi, hamma xodimlar uchun tushunarli va ochiq bo‘lishi kerak. Har bir ko‘rsatkich nimani anglatadi, qanday o‘lchanadi, nega muhim – bular aniq ko‘rsatilishi zarur.
2. O‘lchov mezonlari ob’yektiv bo‘lishi kerak: KPI’lar shaxsiy fikrga emas, real va o‘lchanadigan natijalarga asoslanishi lozim (masalan, savdo hajmi, mijozlar soni, bajarilgan topshiriqlar soni va h.k.).
3. Xodimlarga oldindan ma’lumot berish: KPI tizimi joriy etilishidan oldin xodimlarga qanday baholanadi, qanday bonus oladi – bu haqida to‘liq tushuntirilishi kerak.
4. Davriy tahlil va monitoring: KPI bajarilish jarayoni muntazam kuzatib borilishi kerak. Oraliq natijalar xodimlarga yetkazilishi, zarur bo‘lsa, tuzatishlar kiritilishi kerak.
5. Ob’yektiv baholovchilar ishtiroki: KPI natijalarini baholovchi shaxslar manfaatdor bo‘lmasligi, ya’ni xolis bo‘lishi lozim.
6. Xodimlarning fikrini eshitish: KPI pullari taqsimotidan so‘ng xodimlardan fikr so‘rash, e’tiroz va takliflarini inobatga olish tizimga ishonchni oshiradi.
7. Mukofotlashda adolatli proporsiya: KPI natijalari asosida mukofotlar real hissa va natijaga mos ravishda taqsimlanishi kerak. Bu xodimlar motivatsiyasini oshiradi.

Biroq, amaliyotda KPI foizi rahbarning shaxsiy xohishlari bilan belgilanishi noroziliklarga sabab boʻlmoqda.

@generalissimo_marshal

✅Муқаддам 2 бор фирибгарлик бўйича судланиб, қамалиб чиққан Учтепа тумани ҳокимининг ёрдамчиси 3-бор судланди.

У 5 кишининг номига 33 млн сўмлик кредит олиб, ўзлаштириб юборганликда айбли деб топилиб, 3 йил 6 ойга озодлиги чекланди.

@generalissimo_marshal

✅33 млнлик кредитни ўзи ҳоким ёрдамчилари олганми дейманда?

Чиноз тумани ҳокимининг ёрдамчиси ҳам ўзгалар номига олинган имтиёзли кредит маблағларини нақдлаштириб ўзлаштиргани учун 3 йил 6 ойга озодлиги чекланди.

@generalissimo_marshal

💜Учқўрғон тумани солиқ инспекцияси давлат солиқ бош инспектори 22 кишидан солиқ қарздорлиги учун деб нақд пул олиб кирим қилмасдан ўзлаштирган.

Унга суд 2 йил 6 ой муддатга ахлоқ тузатиш ишлари жазосини тайинлади.

@generalissimo_marshal

Doktorant stipendiyasini qaytarish kerak emish?!

So‘nggi kunlarda ijtimoiy tarmoqlarda bo‘lgan bir gap: “O‘z vaqtida dissertatsiya himoya qilmagan doktorantlar stipendiyasini davlatga qaytarsin” degan taklif.

Bu gap – na mantiqqa, na qonunga to‘g‘ri keladi.

Avvalo eslatib qo‘yaylik:
Doktorant stipendiyasi — bu o‘quv to‘lovi emas, balki davlat tomonidan taqdim etiladigan ijtimoiy rag‘bat. O‘zbekiston Respublikasining “Taʼlim toʻgʻrisida”gi qonunida ochiq-oydin yozilgan: ta’lim olayotganlar stipendiya olish huquqiga ega.

Endi esa amaliyotga qaraylik:
1. Doktorantlar 3 yil davomida ilmiy izlanish olib boradi. Lekin o‘qish tugadi degani — himoya shu zahoti bo‘ladi degani emas. Himoya uchun hali muhokama, ruxsatlar, maqolalar, to‘plamlar kerak. Bu esa vaqt talab qiladi.

2. O'qishga qabul qilinganlar hammasi dissertatsiya ishini himoya qilib, diplom olish maqsadida o'qishga kiradi. Vaqtida himoya qila olmayotganlar ular shunchaki kechikmoqda (sabablari bor) — umuman himoya qilmaslik niyati yo‘q.

3. Bundan ham muhimi — xalqaro amaliyotda doktorantura 5-7 yilgacha davom etadi. Chunki ilm-fan bu marafon, nafasni to‘g‘ri taqsimlay olganlargina marraga yetadi.

Shunday paytda “ha, endi stipendiyani qaytaring” deyish – yosh tadqiqotchining belini sindirish bilan barobar.

Bu talab faqatgina islohotlarga zid emas, balki ilm-fanga qiziqqan yoshlarga “borma bu yoqqa” yoki rahmatli Hojiboy Tojiboyev aytgandek "Borma kuyasan ..." degandek bo‘ladi.

Ilmga yordam beraylik, to‘siq emas.

✅ @generalissimo_marshal

38 milliondan ortiq aholisi bor davlatda bironta ham taklif yo‘q❗️

regulation.adliya.uz platformasida muhokamaga qo‘yilgan normativ-huquqiy hujjatlarga deyarli hech kim taklif bermaydi. Bu juda achinarli holat.

Aksariyat fuqarolarimiz “Taklifni faqat qonunchilikni yaxshi tushunadiganlar berishi mumkin”, deb o‘ylashadi. Bu noto‘g‘ri! Muhokamaga qo‘yilayotgan loyihalar haqida eng yaxshi fikrni aynan shu soha vakillari bera oladi.

Masalan, qishloq xo‘jaligiga oid loyihaga  agronom, fermer yoki soha mutaxassisi, sog‘liqni saqlashga oid hujjatlarga shifokor yoki tibbiyot xodimi, ta’limga oid qonunga  o‘qituvchi yoki ota-ona. Chunki aynan ular bu tizimdagi muammolarni ichidan ko‘radi!

Aholining huquqi bor  qonun loyihasini o‘qish, tushunish va unga o‘z fikrini bildirish! Biroq biz bu imkoniyatga befarq qarayapmiz. Befarqlikdan chiqishimiz kerak, qabul qilinayotgan qonunlarning taqdiri hammamizga taalluqli.

Muhokamalarda faolroq ishtirok eting!

@generalissimo_marshal

👍Текширувчи келиб, хатоларингизни топишини кутишдан чарчадингизми?

Унда ўз фаолиятингизни назорат қилиш орқали хотиржам ва ишончли бизнес юритиш имкониятини қўлдан бой берманг.

Ҳар бир тадбиркор кўплаб талабларга риоя қилиши кераклигини билади. Аммо уларнинг барчасини ёдда сақлаш қийин. Текширувчи «Нега бу талабга риоя қилмагансиз?» деб сўраганида кеч бўлмаслиги учун ўз фаолиятингизни мунтазам текшириб туринг.

👍 Бунинг йўли осон. Ушбу видеоролик орқали govcontrol.uz платформасидан фойдаланишни билиб оласиз.

@generalissimo_marshal