أحبك من قصى عبره وأحبك والضلوع ايباس
‏شعوراً لو بغيت أعْرف وشو ؟ ماعرفت أسمه

‏أنا كلي فداك مْن الوله ، لأخر حدود الياس
‏فداك الانتظار اللي ، خذا من صدتك قسمه

‏على أول موعد اللقيا يمر أشباهك مْن الناس
‏وأنا في أرضي أدموعٍ وفي وجهي طرف بسمه

صباح الخير
"تطمن القلب طيرٍ في يدك مايطير
ان خذاه الموت ولاماحدٍ بـ ماخذه".

‏يا من توزع بجسمي حبه الصافي
‏حبه جرى في مجاري الدم ، وعروقه

‏لا اوحيت طاريه ضيعت التّصرافي
‏حتى اللسان الفصيح يضيع منطوقه

‏أنا مهما جفيتك ردني لك يا حبيبي الشوق
‏وأجي كني مسولف لك قبل ليله عن أحلامي

‏مكانك ؟ هو مكانك ما وصله بغيبتك مخلوق
‏يا أول من فتح باب الكلام و صدق أوهامي

‏( أحبك ) والله إني ما قدرت أقولها .. مخنوق
‏وخايف أخسرك لو أخسرك وش قيمة أيامي

‏تعال قبل الورد يذبل والسهر عينه تنام
‏قبل تجف الـ مرحبا وتموت بلساني هلا

‏ترى عزيز النفس لامن عاف عاف بلا كلام
‏والله لو إنه وطن ، ما عاد له حب وولا

‏ما ينتهي "كثر الغلا" إلا "بقلّ الإهتمام"
‏وإن جيتني بعدين مالك لا حضور ولا غلا

مابقى من ليلي المظلم سوا الثلث الاخير
‏أرقده ؟ ولا أسهره ؟ وأسامر طيوفك عبث

‏أنت لو بتزورني فالحلم ، ما أسمع شوير
‏نمت نوم اللي بعد ماقام ضيع كم لبث .

أشوفك حظ، يرسم لي نهار بْـ غيمة وشمسين
‏وأشوف الناس عمرٍ من ظلام، وقربهم حوبة

‏من يحبّك؟ يحبّ الناس، والأيام، والروتين
‏ومن يكره وْجودك؟ ربي مْنجّيه بـ إعجوبة

‏خفيفة جيّتك، مثل إبتسامة عابرة وإثنين
‏تمادوا بالصدف، حتى تمادوا بالنظر نوبة

حبيبي، وجهك الغايب حضوره ماهو بْـ مسكين
‏كأنْه اللحظة اللي تفصل "المذنب" عن ذْنوبه

‏تمرّ "شْعوره" ويبرد، براد الصبح في تشرين
‏ويسرح في رجى وجهك، ويكره وجه محبوبه

‏تعال، وخطوتي دونك مثل شعرَة على سكّين
‏وعمري راح من عمره سنين لْـ من تسلّوا به .

‏منقاد لك قلب ، وعقل منقاد
‏يا قايد الأَثنين .. ومُرادي

‏لك الكلام اللي ماهو معتاد
‏ولك الشعور اللي ماهو بعادي

‏فيك أنت تِرجم هرجة النقّاد
‏وشلون أكون الراكد الهادي ؟

‏وفيك أتغنّى وأقهر الحسّاد
‏وأهيم بك من وادي لـ وادي

‏لمحتك تفرحني سنة وش عاد ؟
‏" لو كان بين يديك مقعادي "

تطمن تراك الي بقى لي من الغالين
‏يامنصاي عن كل البشر لابغيت أنصى

‏والله ما أتحرر من غرامك ليوم الدين
‏لو يحررون القدس والمسجد الاقصى .

يا قبلة قصيد الشاعر العاشق الميلاف
‏ترا طيفك اليا مر ما مر خفافي

‏غدا قلبي امن الشوق بين الضلوع انصاف
‏لا تبخل علي ان كان تقدر على انصافي

‏بطون القصايد من حروفك ماهي بـ عجاف
‏انا كل يوم اقلط اسمك على قافي

‏ليا غبت عن عيني لحقني تعب و اخلاف
‏و اذا جيت خليت التعب كله اخلافي :)

‏رد قلبي للدفا للصبح واحلامي القديمة
‏لليقين .. إن اجـمل ايام العمر فيما تبقّا
‏ٰ
‏للكلام اللي عثت به شر خيبات الهزيمة
‏لين ماخيّم عليه الصمت وحروفه تتقّا !
‏ٰ
‏ردني للفجر الأزرق يوم للضحكات قيمة
‏تنتشي فيني قصايد حب لو قلبي مشقّا

ناديتك .. وأنا عيني تغورق و الكلام يهلّ
‏وكلام عيوني اللي فالغياب أصدق من لساني

‏يا كثرك داخلي وأخاف لو طال الغياب تقلّ
‏وأخاف القى بعَدكْ اللي يبيني ويتمنّاني

‏ياليتك جيتني قبل الشعور من الشعور يملّ
‏ومعك باقي العمر كل العمر يمديك تنساني

تعبت أهرب من الذكرى ومثلك ذكرياته ظلّ
‏لو إن الأرض تركض تحت رجلي ما تعدّاني

‏غريب أكثر من إني عايش بـ غربة وفاقد خِلّ
‏وحيد أكثر من إني في زحام الناس وحداني

‏أشوف إن المفارق مشكلة وأنته تشوفه حلّ
‏مثل ما الحب اشوفه إنه غِنى وتشوفه أغاني

تمر أحلى مواعيدي معك مثل العمر وتزِلّ
‏واخاف إنك تجي في موعد وماعاد تلقاني

‏بكيت بـ يوم توديعك ما زاد من الدموع ودلّ
‏ياليته ما يجيك اللي بـ يوم افراقنا جاني

على البال ياللي دفو صوتك يرد الروح
‏متى ما لحقها من صقيع الدهر لفحه

‏لا زلت اتزن في شفّ وصلك و اجي و اروح
‏لو الحظ دحرج خطوتي من على سفحه

‏يا بو ضحكةٍ تبرى بها علة المجروح
‏و تطوي من احزان العمر بالرضى صفحة

"يارب الناس وهّاب الخلايق مهربي ملجاي
‏عظيمٍ كل ما جيت أرتجيك أجيك ملهوفه

‏أجيك ومغفرتك السرمديه مطلبي ورجاي
‏وألـوذ برحمةٍ فيها البنادم ينجلي خوفه

‏مادام إنك وكيل أمري ماخاف من الزمان الجاي
‏لو إني ما أعرف وش شايلٍ لي داخل كفوفه"

"أحسب إنْ الغلا يمحى بكثر الشدّ والترحال
‏وأثر لك في وسط صدري حنينٍ يلغي دروبي

‏قطعت بشقّ الأنفس من مفارق يديْك أميال
‏ولا أدري كيف رجعني حنيني لأول دروبي!

‏اقول إنّي نسيتك وأدري إنْ وجهك خشير البال
‏يمرر ضحكتك وأضحك ولو ضايق علي ثوبي"