ТУГЪДОН ЛÆГ БÆГЪАТÆРДЗИЙНАДÆЙ УÆЛДАЙ МА ДЗУРДАРÆХСТ ДÆР КУ УА…

Петр I хъæбæр лæмбунæг æ цæстæ дардта, æфсадæн дарæс ци хъумацæй худтонцæ, уой хуæрзгъæдæдзийнадæмæ. Мæскуй фиццаг æсгæлладон кустуæттæй еу адтæй Серикови фабрикæ, кæцимæн паддзах балхæдта еугур гъæугæ машинттæ дæр æма ин бардзурд равардта, цæмæй нисангонд рæстæгмæ бавдеса æ исконд хъумац.
Еци-еу рæстæг паддзахи уосæ, æ лæги зæрдæ балхæнуни фæндæй, ауодудта хъæбæр æндæр фабрикантбæл – Дубровскийбæл. Æма ин бардзурд равардта, цæмæй е дæр бавдеса æ исконд дзаумауи нæуæг хузæгтæ.
Уотæ рауадæй, æма дууæ фабрикантти дæр галауанмæ еци-еу рæстæг еумæ æрбацудæнцæ сæ хузæгти хæццæ. Сериков, Дубровскийи фæлварæнтæмæ ку æркастæй, уæд æй балæдæрдтæй, етæ уой уæнттæй зингæ-зингæ хуæздæр ке ’нцæ, æма хуарзау нæбал фæцæй. Паддзах æ уоси хæццæ рацудæнцæ, фабриканттæ сæмæ ци зали æнгъæлмæ кастæнцæ, уордæмæ. Петр бацудæй Серикови хузæгтæмæ æма сæ æ къохæй расгарæ-басгарæ кæнун байдæдта. Уæд имæ императрицæ дзоруй:
– Фæууинай, мæнæ мæн фабриканти хъумац ба дæмæ куд фæккæсдзæнæй?
Петр бацудæй æма гъе уотæ лæмбунæгæй кæсун байдæдта Дубровскийи хузæгтæмæ дæр.
– Дубровский, циуавæр цъоппæй кодтай дæ фесбун?
– Барæуадзæ цъоппæй, уæ бæрзонддзийнадæ, – растудта æхе Дубровский.
– Кæд барæуадзæ ’й, уæд фæстеуæг ба лæгъуз рауадæй. Ду ба Сериков, циуавæр цъоппæй?
– Хумæтæги æлвист цъоппæй, – резгæ гъæлæсæй ин е дзуапп равардта.
– Уинис, – загъта Петр, барæуадзæ цъоппæй гъæла дæр дзæбæхгомау хъумац искæндзæнæй, ду ба, Сериков, сæрæн дæ, хумæтæги æлвистæй хуæрзгъæдæ уæфтаг искæнунмæ ке исарæхстæ, уомæй. Амæй фæстæмæ мин дæтдзæнæ фесбун æфсадæн.
* * *
Кавказаг зуст бæгъатæр А.П. Ермоловæй еуæй-еухатт исхауидæ хъæбæр циргъ зæгъдтитæ. Зæгъæн, циуавæрдæр артиллерион хаййи командир ма ку адтæй, уæд уотæ рауадæй, æма æркасти бахаудтæй игъустгонд А.А. Аракчеевмæ. Е, бæхтæ бустæги лæгъуз уавæри ке ’нцæ, уой фæууингæй гурумухъ хузи бауайдзæф кодта Ермоловæн, гъома, дæ бæрни ци бæхтæ ’нцæ, уони уавæрæй аразгæ ’й дæ репутаци æнæгъæнæй дæр.
– Зонун æй, еци тарæрфугæй дзуапп равардта Ермолов, – адæймаги репутаци ахид фонсæй аразгæ ке æй, уой.
* * *
Инæлар Сидоренко райста Уорс цæргæси орден. Уой фæсте æй паддзах æ галауани фæууингæй, ниттергади кодта, еци хуæрзеуæг ибæл ке нæ адтæй, уой. Æма еци хуæрзеуæг ин уой хуæдразмæ ке исаккаг кодта, уомæ гæсгæ ибæл хуæрзауодæни хабар нæма исæмбалдæй, зæгъгæ, уотæ бангъæлгæй æй рафарста:
– Ке дин равардтон, еци Уорс цæргæс райстай?
– Райстон æй, дæ бæрзонддзийнадæ, – дзуапп равардта Сидоренко е ’нæскунæггæнгæ украинаг æвзагихатти хæццæ. – Фал еци цæргæсæн хуæрун ба ци кæнун кæндзæнæн?
Паддзах ниххудтæй æма ин иснисан кодта арендæ, гъома, феддуйнаг.

* * *

ФИДИБÆСТИ ЕВГЪУДАДÆ НИН ÆЙ ЗУНДАМОНÆГ ÆМА НИФСДÆТТÆГ

… Еу лæхъуæн, дан, кæддæр исфæндæ кодта æндæр рауæнтæмæ балций фæццæун. Æма æ мади бафарста:
– Мæ хæццæ фæндаггагæн ци райсон?
– Дæ фиди ном, дæ фиди фарнæ, – адтæй мади дзуапп.
Æма лæхъуæн æ фиди ном, æ фиди фарни хæццæ ранæхæстæр æй балци. Кумæ, цит, бафтуйидæ, уоми æй зæрдиагæй исиуазæг кæниуонцæ – æ фиди цитгиндзийнадæмæ гæсгæ ***
Аци хабар, ка ’й зонуй, фегъустаййайтæ, фал уин æй уæддæр еума хатт дæр ма æримистан – алкæмæн дæр æ фиди ном æма фарнæ куд агъазгæнæг æнцæ, уотæ æнæгъæнæ адæмæн дæр æ фидтæлти намус цардгъонгæнæг æй. Уомæ гæсгæ ба, нæ фидтæлтæ цæмæй адтæнцæ тухгин æма уæлахезон, уой æнхæстæй гъæуама зонæн, бæрзонд цæстиварди нæмæ уа æма ’й гъомусæй-гъомусгиндæр кæнæн. Уой фæдбæл нуртæккæ не ’хсæнади медæгæ ци архайд цæуй, уомæн æвдесæн иссæй Дзæуæгигъæуи æрæги арæзт ке ’рцудæнцæ Æхсæндуйнеуон историон скъолай ахуртæ. Изолдӕр ӕрмӕг кӕсетӕ газети сайти gazeta-digora.ru

Газет "Дигорæ"-йи номер Къостай райгурæн бонмæ.

С 18 по 20 октября 2024 года в ГБУ ДО «Республиканская конноспортивная школа» пройдут Всероссийские соревнования по конному троеборью.
Расписание мероприятий:
- 18 октября: старт в 10:00
- 19 октября: старт в 09:00
- 20 октября: старт в 11:00
Вход свободный.

КЪОСТАЙ ЦАРДӔЙ ХАБÆРТТÆ
Хетæгкати Къоста еудадзуг адæми ’хсæн ке уидæ, уомæ гæсгæ æ царди берæ аллихузон цаутæ дæр æрцæуидæ. Кæцидæртæ – раходуни аккаг, кæцидæртæ ба – расагъæс кæнунæн æма бафæнзунæн равгити хузæн…
***
«ÆЗ КЪОСТА ДÆН»
Еууæхæни Къоста рандæй Курттати коммæ æма еу хеппæлагæ фиййаубæл исæмбалдæй.
– Дæ фонс берæ уа, хуарз фиййау! – салам ин равардта Къоста.
– Арфæгонд уо, æма дæ над раст уæд! – дзуапп равардта курттатаг фиййау.
Дууæ лæги кæрæдзей рафæрститæ кодтонцæ, уæдта Къоста уотæ:
– Бахатир кæнæ, хуарз лæг, фал кæмæй дæ?
Фиййау æ сæрбæл уæлдæр исхуæстæй æма хъалхузæй загъта:
– Кæмæй дæн, ку зæгъай, уæд æз дæн Хетæгкати Къоста.
«Уæууа! – æхенимæри бадес кодта Къоста. – Цума нæ муггаги цал Къостай ес? Уæдта ’й æз куд нæ зонун?»
Æма бабæй нæуæгæй рафарста фиййауи:
– Барæнай, æма Хетæгкатæй ке фурт дæ?
– Ке фурт ку зæгъай, уæд Леуани фурт. Мæнæ финсæг Къоста дæн. Ду ’й цæмæй зондзæнæ…
– Хуарз, хуарз, – загъта бæлццон, къæдзæхдорæй исистадæй, æ цохъа радзæбæхтæ кодта æма фæццæуй.
Уæд имæ фиййау дзоруй:
– Ду ба ка дæ, хуарз лæг?
– Нæ зонун, хуарз фиййау… Нури уæнгæ æз дæр Хетæгкати Леуани фурт Къоста бæргæ адтæн, фал нур нæбал зонун, ка дæн, уой: Леуанæн еу Къостайæй æндæр нæ адтæй, – Къоста æ медбилти зинна-нæзинна худт бакодта æма комкоммæ бакастæй фиййауи цæститæмæ.
Фиййауи цæсгон расурх æй, æ гъæлæс хæлеуæй райзадæй, уæдта бунмæ кæсгæй исдзурдта:
– Бахатир кæнæ… Уотæ… мæ фуруарзондзийнадæй…
Къоста бацудæй фиййаумæ æма ’й нихъхъури кодта.
***
ФÆСТАГ ФОНДЗ СОМИ
Тæрегъæдгæнагæ зæрдæ адтæй Къостайæн. Еу хатт Нарæй сахармæ Дзанайти Садулли хæццæ рацудæй. Еуминкъий ку рауадæнцæ, уæд сæбæл рамбалдæй еу уосæ бузур дарæси, æскъудтæ дзабурти. Æ рагъи – фогитæй идзаг устур дзæкъолæ. Къоста ’й ку рауидта, уæд æ игъæлдзæгдзийнадæ æрбайсавдæй, фенкъард æй æма исдзурдта:
– Цума кæд фæййервæздзæнæнцæ нæ хуæнхаг адæм аци гъезæмарæ цардæй?
Уоси ку баййафтонцæ, уæд Къоста бауорæдта бæх, исæвардта ин æ уаргъ, уæдта æ дзиппити райагурдта æма имæ ци фæстаг фондз соми адтæй, уони ин балæвар кодта, дæхецæн си дарæс балхæнæ, зæгъгæ.

📍Встреча с генеральным директором телеканала «Russia Today» Алексеем Львовичем Николовым прошла сегодня в «Точке кипения» СОГУ.

«Честные принципы и современные технологии работы редакций в условиях глобальных вызовов» - тема разговора А.Л. Николова с сотрудниками, журналистами СМИ РСО-Алания.