Ta'minot va logistika xizmati Davlat unitar korxonasi 18-aprel kuni umumiy hisobda 50 milliard so'mlik 5 ta tenderning 4 tasini o'tkazdi.

Tender musiqiy asboblar bo'yicha o'tkazildi.

Umumiy rejaga ko'ra 10 104 tadan Dutor, Do'mbira, Doira, Tanbur, Rubob, G'ijjak va Nay sotib olinadi. Bu 70 728 ta cholg'u asbobi degani.

Keyin bu cholg'u asboblari Respublika maktab va bog'chalariga tarqatilar ekan.

🙃Endi manetga keb, mani hayron qoldirgan vaziyat haqida eshitishsez.

Lotni 3 tasini "Actava" MChJ yutib olgan. Bu degani, u 4 oy ichida Qoraqolpog'iston R., Xorazm viloyati, Farg'ona vodiysi, Toshkent, Jizzax, Sirdaryo viloyatlari va Toshkent shahriga umumiy hisobda har bir cholg'u asbobidan 5785 ta yetkazishi kerak. 7 ta cholg'u asbobi qo'yilgan bo'lsa, tashkilot 4 oy ichida 40495 ta maxsulot ishlab chiqarishi kerak.

Agar bu firmani egasi bo'gan brat to'rtinchi lotniyam yutmasa))

Ulgurisharmikan?😁

@gazna1

Tender o'tkazilishidagi ehtimoliy o'yinlar haqida ikki uchta vaziyatga duch keldim. Video qilmoqchiman, uzun tekst nazarimda ko'pchilikka qiziqmas.

Lekin video qiziq bo'larmikan deb o'ylab qoldim endi🥲

@gazna1

O'zbekistonlik 3

Konsta'ning yaqinda e'lon qilingan O'zbekistonlik klipidan keyin deyarli uch oy oldin yozgan mavzuyimga yana qaytishni istab qoldim.

Avvalroq bu loyihaning ikkita soni haqida yozgandim.

To'g'risi bu sauntrekni Konsta kuylashi proyektga qanchaga tushganini ko'rmoqchi edim.

Bu klipni olinishiga Pepsi hamkor bo'lgan, deyilishiga qaramay bir qiziqib ko'rdim. Turli davralarda "O'zbekistonlik"ning keyingi sonlari to'liq xususiy hamkor bilan birgalikda qilinishi haqida eshitgandim, lekin manimcha unday emas.

Fevral oyida Yoshlar agentligi O'zbekistonlik loyihasi bo'yicha 3-shartnomani imzoladi, uning narxi 1,6 milliard so'm, birinchi sonda 2,7 milliard sarflangandi. Xizmat safari uchun 261 million ajratilibdi. Bu safar ijodkorlarimiz yo AQShda 35 kun o'tkazib kelishmagan, yo qolgan qismini xususiy hamkor qoplagan🙃

Bu hujjatda ma'lumot avvalgilaridan kamroq, lekin smeta bor. Sauntrek bilan bog'liq bo'limni topolmadim, bastakor uchun 50 million ajratilgan ekan faqat. Balki davlat pulidan filmga ajratilib, sauntrek rostan ham xususiy hamkor bilan qilingandir.

Smetada yozilishicha, "O'zbekistonlik"ning navbatdagi soni 3 million prosmotr bo'lishi rejalashtirilgan. Bu ko'rsatgichga erishish uchun 400 million ajratilgan. Xo'sh do'stlar, soliqlarimizdan yig'ilgan 1,6 milliard so'mga olingan (xususiy hamkor pul qo'shgan bo'lsa ko'proq) filmni 3 million marta ko'rib bermasak uyat bo'lar😊

Reklama qilganim uchun 400 milliondan mangayam tushib qolar😂

@gazna1

UPD: 1-songa 2,7 milliard so'm emas, 1,8 milliard ajratilgandi. Ikkita sonni narxini qo'shib yozvoribman.

"O'zbekistonlik" filmining 3-soni Parijda premyera qilinyapdi. Parijliklar intiqlik bilan kutgan bo'lsa kerak. Bir mazza qilishsin.

Nonni narxi qanchadan bo'lyapdikan akala?

@gazna1

Bugun bir tanishim nimaga faqat negativ ko'raverasan har joydan dedi. Lekin aslida pozitiv narsalar ham chiqarib turamanku.

Lekin ba'zida pozitiv xarid ko'rib, zo'rku deb hujjatlarga qarasam nimadir g'alati narsa chiqib turadi, mana buni zo'r qilishibdi deyishga uyalib qolaman.

Shu tanishim "bir tarafdan auditoriyang shu negativni o'qish uchun kiradi kanalga" dedi. Bu gapi esa rostan o'ylantirdi. Man faqat yomon tarafni ko'radigan emas, holis bo'lib, yaxshi holatlarni ham yozish tarafdoriman.

Lekin uni gapida jon bor yoki yo'qligini bilmoqchiman. Videoformat tayyorlash oldi fikrlaring qiziq manga, kichik so'rovnoma qilamiz.

@gazna1

Parijda o'tgan premyera bo'yicha

Parijga o'zbek mediasferasidagi bloger va jurnalistlar budjet mablag'lari hisobiga yuborilgani haqida ko'p yozishyapdi.

Forum o'tkazilishiga aloqador bo'lishi mumkin bo'lgan tashkilotlarni qarab chiqdim Tashqi ishlar vazirligi, konsulliklardan tortib Yoshlar agentligi va boshqa tashkilotlargacha.

Rostdan ham Parijda bo'lib o'tgan forum bo'yicha hech qanday xarid yo'q. Forum tahminimcha rostan ham ko'rsatilgan hamkorlar ko'magida o'tkazilgan, safarga borganlar ham davlat mablag'lari hisobiga borishmagan. Tushunishimcha, premyera forum doirasida bo'lib o'tkan.

Okey. Lekin bu filmning maqsadli auditoriyasi o'zbekistonliklar, aynan ularning motivatsiyasi uchun qilingan bu. Shu sabab film premyerasi avval O'zbekistonda o'tkazilishi kerak edi deb o'ylayman. Lekin bu detal, ko'p narsani o'zgartirmaydi, shunchaki hayolimga birinchi shu fikr keldi.

Premyera aslida Youtubeda bo'larkan. Parijda shunchaki forum doirasida ko'rsatilgan.

@gazna1

Referendum byulletenlari, qo'l soati va kitob haqida

Markaziy saylov komissiyasiga referendum byulletenlari nech pulga tushgani va shunga o'xshash ma'lumotlarni topolmayapman

Oxirgi xaridlari ichida tashish va qo'riqlash xizmati bo'yicha qilingan yirik xaridlar bor, qolgani mayda xaridlar.

Nashriyot bilan bog'liq hozircha ikkita yirik xarid ko'rdim. Biri referendum qonunchiligi bo'yicha o'quv amaliyoti qo'llanmasi, o'tkan yili avgustda qilingan xarid, umumiy narxi 850 mln so'm.

Ikkinchisi 2022-yilning 10 - oktyabrida qilingan. Unda "Yangi O'zbekiston yangi imkoniyatlar" kitobidan 500 ta chiqarish belgilangan, xarid summasi 405 million so'm. Lekin, tushunishimcha, bu kitob 2021-yilda chiqarilgan.

Hujjatga ko'ra, 2021-yilgi saylovlarda faol ishtirok etgan xodimlarga qo'l soatlari topshirilgan, shu bilan birga kitoblar ham chiqarilgan, lekin yetkazib beruvchilar oldida 1 milliard so'm atrofida qarzdorlik vujudga kelgan.

2021-yil tugashi arafasida Moliya vazirligi saylovdan ortgan pulni byudjetga qaytarib bo'lgan, shu sabab 2022-yilda soatlarni yetkazib bergan korxona oldida qarzdorlikni uzish uchun pul ajratishni so'ragan.

Qo'l soatlarini bilmadimu, lekin bu xarid kitob bo'yicha qarzdorlikni uzish uchun amalga oshirilgan tushinishimcha.

Xullas bu xarid 2021-yilga tegishli. Referendum bilan bog'liq byulletenlarni yoki Markaziy saylov komissiyasimas boshqa tashkilot sotib olgan, yoki ma'lumot keyinroq chiqadi.

@gazna1

Kanal haqida

Bir ikki joyda mani Kompromat uzb izidan ketayotganim haqida hazillar eshitdim, bu hazl tariqasida aytilgan bo'lsada qandaydir ehtimollar sezildi. Hozirdan aytaman: yo'q! Kanal pul ishlash uchun ochilmagan.

Kanalni ochishdan maqsadimni ochiqcha aytishga tayyorman. Agar yashirin niyyatlarim bo'lganida o'zimni ism familiyamni kanalga ochiqcha yozmagan bo'lardim.

Ismim Nodir, familiyam Norto'rayev, jurnalistman, jurnalistika sohasida ta'lim olishni davom etyapman, 2019-2022 yillarda turli mahalliy OAVlarda faoliyatimni olib bordim, o'zim bilan bog'liq turli sabablar sabab ketma ket ish joyimni almashtirdim va oxiri sohadan oziroq dam olishga qaror qildim.

Hozir reklama va piar sohasida faoliyat olib boraman, asosan ssenariy yozish bilan shug'ullanaman. Lekin oldingi kichik tajribamni ham unutvormaslik uchun G'aznada o'rganishlarni olib borishga qaror qilganman.

Yo'nalishim data-jurnalistika, raqamlar, hujjatlarni o'rganishni yaxshi ko'raman. Bu kanal hobbi uchun ochilgan. Reklamaga tayyorman, buni yomon jihati yo'q, lekin haqiqiy reklamaga, reklama ko'rinishidagi jimlik haqqiga emas.

G'azna faoliyati davomida postni o'chirishim uchun pul taklif qilishdi, postni o'chirmayman, buni sud qarori yoki AOKAning qonuniy talabi asosida qilishim mumkin.

OAV ko'rinishida rasmiy ro'yxatdan o'tmagan bo'lsamda, jurnalist sifatida OAV to'g'risidagi qonunga amal qilaman va ikkinchi tomonni izohini hech qanday o'zgartirishlarsiz kanalda e'lon qilish majburiyatini bo'ynimga olaman, buni kanalda e'lon qilinayotgan ikkinchi taraf izohlaridan ham bilib borish mumkin.

Prinsipial jurnalistika tarafdoriman, hozircha hech qanday bosimga uchramadim, har bir yozgan narsam hujjatlarga asoslangan.

Shunday ekan, iltimos, man bilan hamkorlik qilmoqchi bo'lsangiz qandaydir postni o'chirishim, yoki sizni tilga olmasligim uchun emas, kanalim rostan faoliyatingizda ko'maklashishi mumkinligi uchun hamkorlik qiling.

Kimdir haqida yozishim uni yomon ko'rishim yoki undan nimanidir kutayotganimni emas, Konstitutsiyaga asoslangan fuqarolik huquqimdan foydalanayotganimni anglatadi.

Rahmat.

@gazna1

Uni buni qo'yib jona jon Yoshlar agentligiga qaytsak

Man yoki bu agentlik faoliyatiga tushunmayman, yoki rostan ichi qora jirkanch odamman yaxshi qilinayotgan ishlarni ko'rolmaydigan.

Ibrat farzandlari bilan bog'liq xarid va voqealar juda g'alati ko'rinyapdi manga.

Xo'sh, Ibrat farzandlari loyihasi Yoshlar agentligi tomonidan tashkil etilgan.

Endi Ibrat farzandlari saytiga kiramizda, eng pastda loyiha Ibrat Academy'ga tegishliliga va barcha huquqlar himoyalanganini ko'ramiz, Ibrat Academy MChJ shu yilning 27 aprel kuni, ya'ni 4 kun oldin tashkil etildi, ta'sischi va rahbari Ibrohim To'xtamurodov.

Shu kuni, ya'ni 27 aprelda agentlik xorijiy tillarni o'rgatadigan videoroliklar tayyorlash bo'yicha tender o'tkazdi, 28-aprelda natijalar e'lon qilindi, unda shu yilning 18-yanvar kuni tashkil etilgan Lenguage media g'olib bo'ldi. Uni rahbari va ta'sischisi Ibrat farzandlari loyihasining rahbar o'rinbosari Sanjar Muxitdinov, uning tanlovdagi raqibi Lenguache Camp bo'ldi, uchinchi raqibi diskvalifikatsiya qilingan.

Biz bilamizki Ibrat farzandlarinig Ibrat Lenguage Camp degan loyihasiyam bor, nu mayli bu yog'i uje shunchqki tahmin.

Shunda, Yoshlar ittifoqi o'zi, ya'ni davlat puliga tashkil etgan loyihada, shu loyiha faollari o'rtasida tender o'tkazib, loyihani Ibrat Academy degan hususiy korxonaga bervordimi?

Chalkashib ketdi.

Qarang, davlat tashkiloti davlat puliga loyiha ochyapdi, unga bo'lgan huquq lekin davlat organiga emas, xususiy korxonaga berib yuborilyapdi, undan oldinroq yanvarda loyihaning rahbarlaridan biri firma ochib, davlat to'g'ridan to'g'ri ajratgan pulini tender orqali olyapdi.

Tushunmadim, brendni sotib oldimi shunda Ibrat Acadimy? Chek bormi?

Pul yuvishning bazaviy ko'rinishlaridan biri - bu davlat ajratgan pullarga xususiy firmadan turli narxda xizmat sotib olib, pulni olib chiqish. Xususiy korxonani pulini hech kim tekshirmaydi. Bu bilan Yoshlar ittifoqi pul yuvyapdi demoqchimasman, tashqaridan shunaqa tahmin yaratyapdi, lekin bu darajada qo'pol va ochiqcha qilishmasa kerak bu ishni deb o'ylayman, bu uchun javobgarlik borligini bilishadiku.

O'zimcha nimalarnidir tasavvur qilib yuborib juda adashyapman degan umiddaman, mani sevimli agentligim unday qilmaydi🥲

@gazna1

Ekraningizda Yoshlar agentligi rahbari Alisher Sa'dullayev va yaqindagina shu agentlik o'tkazgan 1,6 milliard so'mlik tenderda g'olib bo'lgan Sanjar Muxitdinov.

Xursandchiligingizga sherikman, tahminlarim xato deb umid qilaman

@gazna1

Videoformatda tayyorlamasam qiynalyapman tushuntirishga😰

@gazna1

Расмий муносабат

Бугун G'azna телеграм каналида “Ибрат фарзандлари” лойиҳаси билан боғлиқ саволлар берилган пост эълон қилинди. Мазкур маълумотлар билан тўлиқ танишиб чиққан ҳолда қуйидагиларни маълум қиламиз:

1. “Ибрат Фарзандлари” лойиҳаси 15 нафар малакали устозлар ва кўнгиллилар лойиҳаси бўлиб, унинг доирасида бепулга ёшларнинг хорижий тилларни бепул ва осон ўрганиши учун 10 дан ортиқ хорижий тил бўйича жами 700 дан ортиқ видеороликлар яратилган. Агентлик эса лойиҳанинг тарғиботига ҳисса қўшди ва ташкилий ишларда ёрдам кўрсатиб келмоқда.

2. Постда таъкидланган жорий йил 27 апрел куни рўйҳатдан ўтган “Ibrat Acadimy” МЧЖ ва унинг таъсисчиси Иброҳим Тўхтамуродовни лойиҳага умуман алоқаси йўқ ва агентлик бу шахс ҳақида маълумотга эга эмас. Аниқлашича, Иброҳим Тўхтамуродов "IBRAA-ACADEMY" МЧЖ раҳбари. “Ibrat Acadimy” МЧЖ мавжуд эмас.

3.Лойиҳа Ёшлар ишлари агентлиги томонидан қўллаб қувватланди ва тарғиб қилиниши ортидан ёшларни қизиқишига сабаб бўлди. Лекин, ҳар бир лойиҳанинг ривожланиши ва яна миллионлаб ёшларга бепул тил ўргатишда давом этиши учун очиқ танлов эълон қилинди.

4. Танлов очиқ асосда ўтказилган бўлиб, унда 3 та мустақил ва бир-биридан фарқли МЧЖлар қатнашган ва эълон қилинган талаблар асосида танлаб олинган. Танлов иштирокчилари барча керакли хужжатларни топширдилар ва кўрсатилган барча талаблар бўйича лойиқ деб топилган ташкилот танлов ғолибига айланди. Танловда ғолиб бўлган "LANGUAGE-MEDIA" МЧЖ ва унинг раҳбари Санжар Мухиддиновни агентликка алоқаси йўқ ва ташкилотда фаолият олиб борувчи масъулларни қариндоши ҳисобланмайди. Санжар Мухиддиновни лойиҳа доирасидаги видеоларда кўриниш берганлиги уни ўтказилган танловдаги иштирокида ҳеч қандай устунлик бермаганлигини алоҳида таъкидлаймиз.

5.Эслатиб ўтамиз, келажакда Ёшлар ишлари агентлиги томонидан амалга оширилаётган лойиҳаларда иштирок этиш истагини билдирган ҳар қандай тадбиркор бемалол Агентлик томонидан эълон қилинган очиқ танлов лойиҳаларда иштирок этиши мумкин.

6.Биз фаолиятимизга бефарқ бўлмаган барча ОАВ вакиллари ва мустақил блогерларга ўз миннатдорчилигимизни билдирамиз ва келажакда ҳамкорликка чорлаб қоламиз.

Ёшлар ишлари агентлиги
Ахборот хизмати

Ibraa deb yozilgan rostan ham, lekin manda oldin ham shunday holatlar bo'lgan, ba'zida harflar ataylab o'zgartirib qo'yiladi.

Agentlik matbuot kotibi bu firmani loyihaga hech qanday aloqasi yo'q dedi, unday emas deyishga faktim yo'q. Ibraa Academy Ibrat Academy degan gumon oz moz bor manda bari bir, lekin bu gumon. Rahbari bilan aloqaga chiqib so'rab ko'raman.

Agentlikka izoh uchun rahmat. Uyog'ini tekshirish Monopoliyaga qarshi kurashish qo'mitasining ishi, man ko'rgan narsamni yoritdim.

@gazna1

Bugun juda uzun tekst chiqadi, iloji boricha qisqartirdim, lekin tushunarsiz bo'lib qolishidan qo'rqdim, kechiringlar🥲

Manimcha qiziq va e'tibor berish kerak bo'lgan holat, sabr bilan o'qib chiqishlaringa umid qilaman😁

Hozir qayta fakt cheking qilib chiqyapman ma'lumotlarni.

@gazna1

🤫Hokimning yashirin qarori va bir biriga begona bo'lmagan pudratchilar haqida

Toshkent shahar hokimining yashirin qarori asosida Olmazor tumani hokimiyati bir biri bilan bog'liq bo'lgan firmalarga 17,6 milliardlik loyihalarni tendersiz berib yubordi🤑

Toshkent hokimining yashirin qarorlari haqida eshitgandim, lekin bu man uchun odatiy hol. Ya'ni qarorni yashirinligi bu 100 foiz yomon maqsadlar uchun qilinganini anglatmaydi.

😐Ammo bu vaziyatda - tushunarsiz.

❗️Boshidan boshlasam. Prezidentning PQ-50 sonli qaroriga asosan xavoning keskin sovib ketishi oqibatida jabrlangan obyektlarni rekonstruksiya qilish va rivojlantirish uchun Toshkent shahriga 584 milliard so'm foizsiz kredit ajratilgan.

Qarorga asosan, ishlar tezda amalga oshirilishi kerak, shu sababli ichki tanlov o'tkazib, pudratchilarni aniqlab olish mumkin, bunga asos bor🫡

Asos masalasida hammasi joyida, bu dunyoviy praktika, favqulotda vaziyatda tender pender deb o'tirishmaydi, pudratchini tashkotning o'zi ichki tanlov o'tkazib tezlikda aniqlab oladi va ishlarni boshlab yuborishadi.

🫠Lekin Olmazor tuman hokimiyatining bu ichki tanlovlarida g'alati holatlar sezildi

❗️17-aprel kuni Olmazor tumani Obodonlashtirish boshqarmasi 22-tanlov bayonnomasini imzolagan. Unga ko'ra, 16 ta mahalla bo'yicha ishlar "Sfatli Qurilish 077" MChJga topshirilgan, uning har bir mahalla uchun o'tgan tanlovdagi raqiblarining ikkisi ham o'ziga begona bo'lmagan firmalar.

❓Qiziq, qolgan pudratchini aniqlashdagi bayonnomalarda nima gap ekan?

⁉️18-aprel kuni Olmazor tumani hokimiyatida yig'ilish bo'lib o'tadi, unda hokim bir kun oldin, 17-aprel kuni qabul qilingan Vazirlar mahkamasining qaroriga asoslanib ma'lumotlarni portalga joylamay g'olibni aniqlashga ruxsat berilganini aytadi. Lekin u keltirgan sanada u aytgan raqamdagi va mazmundagi Vazirlar mahkamasi qarori haqida Lex.uzda hech qanday ma'lumot topolmadim.

🤓Mayli, chalg'imaymiz, shu kuni 64 ta mahallada qilinishi kerak bo'ladigan 118 ta ish pudratchilarga bo'lib beriladi.

*118 ta ish degani, deylik bitta mahallaga ham yo'l quriladi, ham muhandislik ishlari olib boriladi - bu ikkita ishga o'tadi. Tushunarliroq bo'lishi uchun shunaqa deb yozdim*

💵Xullas, shu 118 ta ishdan 16 tasini "Sfatli Qurilish 077", 12 tasini "Galaba Nihollari", 7 tasini "Olmazor Holding Grand" MChJga berildi - umumiy summa 17,6 milliard so'm, uchchala firma ham bir biri bilan bog'liq.

Vaziyatning g'alatiligi shundaki, avval ham bu uchta bir biri bilan bog'liq korxonalar tenderda bir biriga raqobatchi bo'lib, davlat xaridida g'olib chiqishgan. Hozir ham qanaqadir ichki tanlovlarda qatnashib, olib ketishyapdi🗿🗿🗿

Endi, keyingi masala.

❗️Avvalroq, 2023-yilning 21-fevral kuni Xalq deputatlari Olmazor tuman kengashi qaysi mahallalarda nima ishlar qilinishi bo'yicha dastur qabul qilgan. 18-aprel kuni 2023-yilning 14-mart kuni ochilgan "Big dasti Group"ga 13 ta ish topshirib yuborildi.

🤔Hm.., tuman hokimi yig'ilishga pudratchi sifatida yillar davomida ishlab kelgan, aylanma kassaga ega, tajribasi borlar chaqirildi degandi. 1 oyni ichida tajriba orttirishga ulgirdimikan bu tashkilot?

⁉️Umuman bajarilishi kerak bo'lgan ishlar yaxshi, lekin ba'zi tushunmovchiliklar bor:

1. Toshkent hokimi qarorining sirliligi nimada?

2. Olmozor tumani obodonlashtirish boshqarmasining 22-sonli tanlov bayonnomasiga ko'ra, "Sfatli Qurilish 077" MChJ 16 ta mahallalardagi qurilish, rekonstruksiya ishlarini yutib oldi, uning bu bayonnomadagi barcha raqobatchilari bir biri bilan bog'liq, affillangan. Qolgan bayonnomalarda nima gaplar? Ular o'zaro kelishilgan holda tuzilganmi?

3. Tajribalilar orasiga bir oy oldin ochilgan "Big Dasti Group" qanday qo'shilib qoldi?

⚖Bu holatlarni nazarimda Antimonopoliya va Antikorrupsiya qo'mitalari o'rganib chiqishi kerak.

@gazna1

☝️Tepada sanagan firmalarimni hozirda mana bu korxona birlashtirib turadi.

Ko'p ma'lumotlarga to'g'ridan to'g'ri link berishni iloji yo'q, vakolatli organlarga birma bir hujjatlarni ko'rsatishim mumkin, hammasi ochiq rasmiy manbalardan olingan:

Xarid.uzex.uz, e-qaror.gov.uz, registr.stat.uz

@gazna1

Plossla bilan navbatdagi podcastni chiqardik. Bu safar mehmon bloger Feruzxon Yoqubxo'jayev.

Sochimni uzun qilvolib, kastim shimda ko'cha bola bo'p o'tiribman. Qiziq bo'sa ko'rvorarsizlar😁😁

https://youtu.be/CUViodMvMfY

@gazna1

Aytgancha, mana bu film chiqibdi, xo'sh ko'rganlar bormi?

14 milliardga arzirmikan?

@gazna1