Ўзбекистонда ҳам дастурчилар орасида хотин-қизлар улуши йилдан-йилга ошмоқда. «Газета.uz» АКТ соҳасидаги қизлар куни муносабати билан IT’даги ўқувчи қизлар билан суҳбатлашди. Улар ҳозирги лойиҳалари, келажак режалари, муаммо ва тўсиқлар ва жамиятдаги стереотиплар ҳақида гапирди.

https://www.gazeta.uz/uz/2024/04/25/girls-in-ict/

Telegram | Instagram | YouTube

АҚШнинг етакчи университетларида Фаластинни қўллаб-қувватлаш намойишлари давом этмоқда, талабалар кампусда чодирлар лагерлари қурмоқда. Бир қатор университетлар маъмуриятлари полицияга мурожаат қилди, ўнлаб намойишчилар қамоққа олинди.

https://www.gazeta.uz/uz/2024/04/25/student-protests/

Telegram | Instagram | YouTube

Иқтисодиёт ва молия вазирлиги ҳокимликлар учун янги автомобиллар «Меҳр дафтари» жамғармасидан харид қилинмаганини тасдиқлади. Жамғарма номининг давлат харидлари лотларида кўрсатилиши СТИРни нотўғри киритиш билан боғлиқ бўлиб чиқди.

https://www.gazeta.uz/uz/2024/04/25/cars/

Telegram | Instagram | YouTube

МБ раиси Мамаризо Нурмуратов ўзбек сўмининг 2023 йил биринчи чорагига нисбатан девальвацияси юқори бўлганини изоҳлади. Асосий сабаб — валютага бўлган талабнинг ортиши ва қарз тўловларининг кўпайиши. У 25 апрелда сўм долларга нисбатан кескин (50 сўмга) мустаҳкамланганининг сабабини ҳам тушунтирди.

https://www.gazeta.uz/uz/2024/04/25/currency/

Telegram | Instagram | YouTube

25 апрель куни эълон қилинган энг муҳим янгиликлар дайжести

🇦🇫 Ўзбекистон Афғонистонга 169 тоннадан ортиқ инсонпарварлик ёрдамини юборди.

🏦 Марказий банк асосий ставкани 14 фоиз даражасида ўзгаришсиз қолдирди.

🚄 «Афросиёб» электропоездлари учун чипталар нархи яна ошади.

🌳 «Боғлар халқники бўлиши керак». «Адолат» партияси — Қодирий ва Бобур боғларини ижарага бериш ҳақида.

📵 Ангрендаги «Телефонсиз мактаб»га 300 млн сўм берилди.

«Газета.uz»да эълон қилинган мақола:

👩‍💻 «Муваффақият жинсга эмас, билим ва қобилиятларга боғлиқ». Мактабда ўқийдиган дастурчи қизлар — лойиҳалари, орзулари ва стереотиплар ҳақида.

Батафсил: www.gazeta.uz/uz/2024/04/25/dayjest/

Telegram | Instagram | YouTube

Ҳукумат давлат компаниялари учун валюта операцияларини амалга ошириш тартибини қаттиқлаштирди. Апрель ойидан бошлаб улар хорижий валютадаги операцияларни фақат асосий ҳисобрақам очилган банклар орқали амалга ошириши мумкин.

https://www.gazeta.uz/uz/2024/04/25/currency-operations/

Telegram | Instagram | YouTube

OpenCard ютуқ Dyson мультистайлери бўлган акцияни ишга туширди. 10 май куни Open Instagram саҳифасида ғолиб эълон қилинади (реклама ҳуқуқлари асосида).

https://www.gazeta.uz/uz/2024/04/26/open/

Европа парламенти ҳаво сифатининг ЖССТ тавсияларига яқинроқ бўлган янги стандартларини қабул қилди. Расмийлар бу чора Европада бевақт ўлимлар сонини сезиларли даражада камайтиришга ёрдам беради, деб умид қилмоқда.

https://www.gazeta.uz/uz/2024/04/25/air-quality/

Telegram | Instagram | YouTube

Бухоро аэропорти орқали Россиянинг Внуково туманига кетаётган икки фуқаро ёнидан 1751 йилда Екатеринбургда ясалган 4 та қадимий танга топилди. Нумизматик ашёлар доимий сақлаш учун Бухоро давлат музей-қўриқхонасига топширилди.

https://www.gazeta.uz/uz/2024/04/25/coins/

Telegram | Instagram | YouTube

Франциянинг Axens компанияси Бухоро нефтни қайта ишлаш заводини модернизация қилиш доирасида қатор қурилмаларни лойиҳалаштиради. Лойиҳа «Ўзбекнефтгаз»га Аи-80 бензин ишлаб чиқаришдан воз кечиб, 1 млн тоннадан ортиқ Евро-5 синфидаги Аи-92 ва Аи-95 бензинларини ишлаб чиқаришга ўтиш имконини беради.

https://www.gazeta.uz/uz/2024/04/26/axens-bnpz/

Telegram | Instagram | YouTube

Yandex ўқувчилар учун ижтимоий муаммоларни ҳал этишда технологиялардан фойдаланиш бўйича ўзбек ва рус тилларида маърузалар тинглаш имконини тақдим этди. Компания ходимлари иловадан ногиронлиги бўлганлар қандай фойдаланиши, AI ижтимоий ва экологик лойиҳаларда қандай ёрдам беришини сўзлаб беради.

https://www.gazeta.uz/uz/2024/04/26/yandex-lectures/

Telegram | Instagram | YouTube

Ўзбекистон 2000 йилдан бери илк марта интеллектуал мулкнинг ҳуқуқий муҳофазаси бўйича АҚШ Савдо вакиллигининг (USTR) қора рўйхатига киритилмади. Бунга муаллифлик ҳуқуқлари масаласига «юқори даражада сиёсий» эътибор қаратилгани, Божхона кодексига киритилган ўзгартиришлар ва бошқалар келтирилган.

https://www.gazeta.uz/uz/2024/04/26/intellectual-property/

Telegram | Instagram | YouTube

Умумий фойдаланишдаги автомобиль йўлларини эксплуатациясига аутсорсинг асосида хусусий сектор жалб қилинади. Унга кўра, 1 майдан бошлаб узунлиги 20 километргача бўлган йўлларни эксплуатацияси учун эълонлар давлат харидларининг махсус ахборот порталига жойлаштирилади.

https://www.gazeta.uz/uz/2024/04/26/roads/

Telegram | Instagram | YouTube

Қашқадарёда йигит вояга етмаган қизни ечинишга мажбурлаб, жинсий тегажоғлик қилгани ва калтаклагани видеоси тарқалди. Ҳолат болалар омбудсмани назоратига олиниб, йигит ва жараённи видеога олган шахсга нисбатан жиноий иш очилди.

https://www.gazeta.uz/uz/2024/04/26/nomusga-tegish/

Telegram | Instagram | YouTube

Ўзбекистон ва Тожикистон ҳукуматлари юк машиналари транзитини соддалаштириш ва рухсатнома бланкаларини бекор қилишга келишиб олди. Бу етказиб бериш муддатини қисқартириши ва юк хавфсизлигини ошириши кутилмоқда.

https://www.gazeta.uz/uz/2024/04/26/uzb-taj/

Telegram | Instagram | YouTube

Chernobilni eslaymiz

1986-yilning 26-apreliga oʻtar kechasi Chernobil AESdagi portlash minglab taqdirlarga taʼsir qildi. Pripyat va Chernobil hech kim yashamaydigan arvoh shaharlarga aylandi, Ukraina, Belarus va Rossiyaning ming-minglab kvadrat kilometr hududi radiatsiyadan zararlandi, Yevropaning oʻnlab mamlakatlari osmonida radiatsiya buluti paydo boʻldi.

Qurilib, foydalanishga topshirilgan vaqti “eng xavfsiz va innovatsion” deya taʼriflangan AESning falokati ehtimoliy qurbonlari soni (kamida 4 ming kishi) va yetkazgan iqtisodiy zarari boʻyicha atom energetikasi tarixidagi antirekordchiga aylangan.

Oʻzbekistondan uzoqda boʻlishiga qaramay, ushbu fojia oʻzbekistonliklar taqdiriga ham daxldor. Oʻzbekiston chernobilchilari uyushmasi raisi Yuriy Nikonov bergan maʼlumotga koʻra, 1986−1989-yillari Chernobil AES falokati taʼsir qilgan hududlarda tozalash va qurilish ishlarini olib borishda 10 mingdan ortiq oʻzbekistonlik qatnashgan.

Bir yil avval “Gazeta.uz” Chernobil falokati oqibatlarini bartaraf etish ishlarida qatnashgan oʻzbekistonliklar bilan suhbatlashgan edi.

U bilan quyidagi havola orqali tanishishingiz mumkin:

https://www.gazeta.uz/oz/2023/04/26/chernobil/

Mudhish avariya haqida qisqacha tafsilotlar esa bu yerda:

https://www.gazeta.uz/oz/2021/04/26/chernobyl/

@gazetauzmaxsus

Тошкент халқаро аэропортида олтинчи марта расмий споттинг-тур ўтказилди. Унда Ўзбекистоннинг турли шаҳарларидан, шунингдек, Россия, Қозоғистон ва Беларусдан 30 дан ортиқ споттер қатнашди. Фото.

https://www.gazeta.uz/uz/2024/04/26/spotting/

Telegram | Instagram | YouTube

Президент давлат объектларини хусусийлаштиришни жадаллаштириш тўғрисидаги қарорни имзолади. 247 та корхонанинг давлат улушлари, 1000 дан ортиқ кўчмас мулк объекти ва 12 та йирик корхона акциялари савдога чиқарилади. Сотилмай қолган ер участкалари нархи босқичма-босқич пасаяди.

https://www.gazeta.uz/uz/2024/04/26/privatization/

Telegram | Instagram | YouTube

Интернетда Туркияда бош прокурор Ниғматилла Йўлдошев ва қидирувда бўлган тадбиркор Шерали Собиржанов ўртасидаги суҳбат видеоси тарқалди. БП видео январь ойида бош прокурор ўз маблағи ҳисобидан даволанаётган турк клиникасида ёзиб олингани ва амалдор бу тадбиркор билан таниш бўлмаганини маълум қилди.

https://www.gazeta.uz/uz/2024/04/26/nigmatilla-yuldashev/

Telegram | Instagram | YouTube

Дам олиш кунлари республиканинг катта қисмида ёғингарчиликсиз об-ҳаво бўлиши кутилмоқда, тоғли ҳудудларда ёмғир ёғади. Ҳарорат кундузи +18…+25 даража бўлади, кечаси +8…+13 даражагача пасаяди. Жойларда шамол тезлиги кучайиб, айрим жойларда чанг-тўзонлар кузатилади.

https://www.gazeta.uz/uz/2024/04/26/weather/

Telegram | Instagram | YouTube

Тармоқларда Тошкент шаҳрида ёш болалар орасида иситма ва томоқ оғриғи ортиб, шифохоналарга мурожаатлар кўпайгани ҳақида видео тарқалди. ССББ бу хабарлар асоссиз экани, беморлар сони тунда бирмунча кўп бўлиши ва улар бошқа касалликлар бўйича ҳам мурожаат қилаётганини маълум қилди.

https://www.gazeta.uz/uz/2024/04/26/tashkent/

Telegram | Instagram | YouTube