لطميات للوداع

لطمية للوداع

الوداع الوداع زينب تصيح الوداع
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
باجر فراك وقهر يتبع قهر
باجر يلوح الحرم سوط الشمر
باجر يكطعون من عندي النحر
باجر العباس راسة ينطبر
باجر يخلصون حلوين الطباع
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
باجر يخلصون زلم المرجلة
باجر يشوفون ضيم بكربلة
باجر يصوب رضيعي حرملة
باجر تذلين وانتي مدللة
باجر تشوفين ياخوية الضياع
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
باجر تضيعين مابين العدة
باجر تشوفين ضيم الماسدة
باجر اخيامج تصير مفرهدة
باجر اخوانج تضل ممددة
باجر ينامون بالحومة السباع
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
باجر ينامون بالحومة اخوتج
باجر العدوان تحرك خيمتج
باجر وباجر جبيرة مصيبتج
باجر علة حسين تثكل ونتج
باجر شو حكج بسرعة ضاع
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
باجر تعيشين اكبر فاجعة
باجر تشوفين روس مكطعة
باجر تصيرين حرمة ملوعة
باجر يطيح البطل علة المشرعة
يسيل دم راسة علة اعيونة الوساع
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
بس سواد الليل وياها الزلم
وبكلب زينب تشب جمرة الم
كال ابو السجاد. عينج علة الحرم
باجر العدوان تهجم علخيم
باجر افراك وبعد. ماكو اجتماع
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
تمت كتابتها بقلم الشاعرة ام هجران العمارچية

لطمية لليلة الوداع بقفل الهوسة

علة المظلوم تمطر دمعت اعيوني
باجر كال يازينب يذبحوني
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
علة المظلوم عيني اليوم مطارة
بالميدان واكف يندة انصارة
محد كام منهم يحرس ديارة
((تعوفوني ويكلهم ليش تعوفوني))
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
عفتوني وحيد بين عدواني
نادة ياحبيب وصاح ياهاني
باجر توصل العدوان صيواني
((وشلون بزينب حاجوني))
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
وحاجوني علة زينب من يحاميهة
باجر بس اطيح الكوم تسبيهة
ياعباس وتريدك توديهة
((عباس اكعد هاك امتوني))
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
هاك متوني اخذهة وكوم يعضيدي
ومن صد. علة جسام صاح يوليدي
اليوم اخلافكم ضليت للوحيدي
((تدروني مهضوم وحاير))
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
مهضوم وغريب وحيرتي حيرة
يلكلكم حمية ومرجلة وغيرة
توجة للحرم فاكد تدابيرة
((حاجوني وشلون بزينب))
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
بالحومة طلع وانة انكطع ضني
ريت اليذبح المظلوم يذبحني
ادري من يموت الكوم توصلي
((ومن يوكع بيش يهابوني))
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
بيش انهاب والعدوان توليني
تمطر للصبح ماغمضت عيني
يبن امي صحت ريض وتانيني
((بس تغفة اعيونك يسبوني))
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
تمت كتابتها بقلم الشاعرة ام هجران العمارچية

فزاعية لليلة الوداع حماسية
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
كومن كابلن زينب علة حسين
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
الطمن حيل وياها
عازنهة هاة ولياها
محد. لطمت وياها
وضل مطبر بوسط الميادين
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
شكالت بت علي الحرة
يوم الضل علة الغبرة
يوم الكطعو نحرة
ضل علة الثرة من غير تجفين
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
اليوم تلوك لطمتنة
وي زينب عزيزتنة
خل ننصب عزيتنة
ضل مطبر ويهجر بالونين
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
وين اليلطم ويانة
يسوة الطم مولانة
بيوم الحشر يحمانة
ابو السجاد يحضر لا تخافين
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
الدمعة لايكة وحلوة
وي زينب علة الخوة
تلوك علة اهل المروة
علة بلا غسل وبدون تجفين
♡♡♡♡♡♡♡♡♡♡♡♡♡♡♡♡♡♡♡♡♡♡♡♡

لطمية لليلة الوداع
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
اليلة محاصر حسين
والعدوان يردونة
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
طب لخيمتة. حسين
الدمعة بوجنتة حسين
احا بمصبيتة حسين
ولتمو علية اطفالة يبجون ويودعونة
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
وحدة بالخيم حسين
والحيل انهدم حسين
وبكلبي الالم. حسين
شاف اعيالة ملتمة وكامت تهل اعيونة
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
ولتمو علية حسين
ويقبلون ادية حسين
ويودعون بية. حسين
يكلولة يبوية حسين عكبك مايرحمونة
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
موعد من وعد حسين
من رب الصمد. حسين
مايرجع بعد. حسين
راسي ينكطع بالسبف وابدمي يسفكونة
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
ابكة علة الترب حسين
هدمي ينسلب. حسين
تسحكني الغرب. حسين
تكلة ادخل يبو السجاد للديران ردونة
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
ماحمل عذاب. حسين
كلبي مني شاب. حسين
اشوفك علة التراب. حسين
وخافن من عكب عيناك يبن امي يذلونة
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
حاجنة وبجن حسين
ردنة للوطن. حسين
نبقة للمحن. حسين
مانحمل يبو السجاد هاي الكوم يولونة
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
مانرجع بعد. حسين
من جدي الوعد. حسين
نبقة للابد. حسين
نبقة علة الترب كوتة وصيواني يحركونة
♡♡♡♡♡♡♡♡♡♡♡♡♡♡♡♡♡♡♡♡♡♡♡♡

لطمية للوداع
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
هاي ليلة شلون ليلة زينب واليهة
زينب تودع بخوهة والهضم عاليهة
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
هاي ليلة شلون ليلة زينب والياهة
بيهة حتة النجم يبجي وام طهر واساهة
شلون ليلة علعقيلة وعلة الهضم مكواهة
ريت باجر لالفاهة ينذبح واليهة
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
اة ياصبر العقيلة من تودع اخوانهة
اليل كلة ينوح يمهة ضل كمر عدنانهة
ماتريد الفجر ينطر بي تضل احزانهة
باجر تصول الاعادي والحرم تسبيهة
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
باجر تصير العقيلة بين نيران وخيم
تبجي وتعاين لخوهة شلون من شال العلم
يكلهة زينب امني بية دونج تموت الزلم
يكلهة زينب انة دونج ركبتي لفديهة
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
اليلة صعبة علة العقيلة من تودع الوالي
تكلة خوية شلون بية من اضل لحالي
باجر انة عزيز كلبي يذبحونة اكبالي
والمثل صبري يشيعة دموعهة تهل بيهة
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
طول ياليل الهضيمة لا تخلص علينة
خل نضل للصبح كلنة نودع بوالينة
ريت لا يطلع فجرهة ولا يهل علينة
من يطر فجر الهضيمة ينذبح حاميهة
♡♡♡♡♡♡♡♡♡♡♡♡♡♡♡♡♡♡♡♡♡♡♡♡
تبقى ممنونة الملة لزينب المهضومة
الليلة صعبة علقيلة ادموعهة مجسومة
اريد اننخيهة العقيلة الكلب كثر اهمومة
انة بس يم العقيلة اهموم كلبي اشيهة
♡♡♡♡♡♡♡♡♡♡♡♡♡♡♡♡♡♡♡♡♡♡♡♡

فزاعية للوداع
@@@@@@@@@@@@@@@#
ودع عيلتة المظلوم
والمذبح تعنالة

ودع عيلة الليلة
وزينب بجت تشكلة
نوح وهضم هل اليلة
والدمعات همالة

ودع عيلتة المضلوم
زينب حيلة مهدوم
اخوة حسين بس اليوم
باجر علة الثرة دوسة الخيالة
والمذبح تعنالة

باجر علة الثرة مطروح
يلتلطم علة المذبوح
زيد الطم زيد النوح
اليلة ودع اعيالة
والمذبح تعنالة

عيالة اليوم ودعهة
وزينب حيل فاجعة
باجر من يضيعهة
كلبهة تضيع امالة
والمنذبح تعنالة

كلبهة تنكطع ضنتة
واختة اليوم رايتة
باجر تنسمع ونتة
يطر السهم دلالة
والمذبح تعنالة

دلالة يصوبوهة
الطمو يلتحبونة
وام حسين ممنونة
من حسين وفعالة
والمنذبح تعنالة

من حسين والينة
اليوم بصوت نادينة
يومك موش ناسينة
دارت دنيتك يحسين ميالة
والمذبح تعنالة

الهوسة
وحسين باسمك نادينة
وياك احاة هل ونينة
ياغالي وبالدم شارينة
غالي انتة وغلة من اهالينة
ووداعك ها ماناسينة
وعضيدك طاح مطبرينة
يازفة جاسم تاضينة
علي من طاح مطشرينة
عبد اللة شلون مصوبينة
((اليلة وداعك واختك ضلت حيرانة ))

فزاعية للوداع

طول ياسواد اليل
وارحم حالتي شوية

وارحم حالتي اليلة
روحي كاضية انحيلة
يودعونة مداليلة
ويبجون بمهضمية
وارحم حالتي شوية

ادموعي سايلة اسفوح
يحلالي الليلة النوح
حزنان الكلب مجروح
من يوم الوداعية
وارحم حالتي شوية

من اوداع ابو اليمة
كثران الكلب همة
باجر يغرك بدمة
وعداة تزمخ علية
وارحم حالتي اشوية

وعدوانة يشتموني
باجر من يعوفوني
والشمات يولوني
وخل ابدي العتابية
وارحم حالتي شوية

وابدي العتب وياكم
باجر اضل بجفاكم
سوية اليلة محلاكم
باجراضل مسبية
وارحم حالتي اشوية

باجر اضل حزنانة
احاة يحسين مولانة
اليلة ودع اخوانة
وروحي اصبحت محنية
وارحم حالتي شوية

الطمو وهلو الدمعات
زينب صاحت بونات
لطمن حيل يحبيبات
وعدليهة الطمية
وارحم حالتي شوية

((وكفة المضلوم تهوسيلة ))
((باجر بالحفرة تندبيلة ))

فزاعية للوداع

الطمن للغريب حسين
ودع عيلتة الليلة

الطمن للغريب اليوم
ونن وبكلب مالوم
زينب تندب المضلوم
تكلة شلون بالعيلة
ودع عيلة اليلة

تكلة شلون بعيالك
سبية تروح اطفالك
ورافك انة جتالك
يعيل وتثكل العيلة
ودع عيلتة اليلة

تكلة شلون يلوالي
اضل ااشمر يبرالي
موذر بالحرب تالي
وحملي ياهو يشيلة
ودع عيلتة اليلة

حملي يضل بلاية ازلام
ريتة يطول الاضلام
باجر ابقة وي ضلام
وروحي تبقة انحيلة
ودع عيلتة الليلة

روحي اليوم نحلانة
واضل لصبح سهرانة
اليلة الوالي ويانة
وكاعد وي مداليلة
ودع عيلتة الليلة

كاعد للصبح سهران
باجر يضل بالميدان
وحيد دوسة العدوان
وانة علة التل انخيلة
ودع عيلتة اليلة

علة التل ابقة انخالة
وكلهة تروح اوصالة
ويعذبني جتالة
وعباس الولي اشكيلة
ودع عيلة الليلة

لطمية للودع

ميتة ولا اضل لليوم ريت العمر خلصان
نحيلة وكاضية الليلة وحيل الكلب حيران

نحيلة وكاضية اليلة وادموعي تهل اليوم
وصوتي يندب ونادة خوية حسين يلمضلوم
باجر علة التراب شلون ومغسل من الادموم
واناديكم يولياني حركوة العدة الصيوان

وناديكم يولياني حركوة العدة اخيامي
ومن نار الخيم يحسين يبقة اثر بجدامي
للهضمات اشدنة اليلة حسين احزامي
مانام الكلب هل اليوم وياكم يضل سهران

مانام الكلب هل اليوم وياكم يضل كاعد
وحيلي من الوداع حسين هل ليلة ترة بايد
باجر لو صحت يحسين ما واحد يجي يعايد
كلكم علة الوطية شلون وانة بين عدوان

كلكم علة الوطية شلون وانة بين كفار
اودعكم يولياني اليلة والفكر محتار
باجر يخوتي العدوان اول ماتجيب النار
يحركون الخيم باجر ويضل علي الوجعان

يحركون الخيم باجر وعليلك يضل بالخيمة
وانة محزمة بالضيم واندة اهل الشيمة
وصيحنكم يخوية اليوم علية هجمت الجيمة
واديرن والكلب محتار انادي ياكمر عدنان

انادي والكلب محتار وين الكافل اضعوني
ماصدك يولياني الليلة انتم تودعوني
علة اطفال وحرم يخوان نيتكم توصوني
وحملهة وصاياكم وباريهة ترة النسوان

عزاز علة الكلب يحسين وحملة وصاياكم
يامحلة الحجي اليلة وانة كاعدة وياكم
باجر دنيتي ضلمة ياولياني بجفاكم
باجر علة التراب شلون انضركم يخوان

مربعة للوداع

خلصان الكلب من الوداعية
يودعني الولي وانة شيضل بية

يودعني الولي والروح خلصانة
سهران الولي باب صيوانة
تنطر للولي اليلة عدوانة
ودموعي تهل والروح مكضية
خلصان الكلب من الوداعية

وادموعي تهل والروح مهدومة
وخوي حسين باجر تنطرة الحومة
يطيح علة الوجية وتنزف ادمومة
وصير اخلاف عين حسين مسبية
خلصان الكلب من الوداعية

وصير اخلاف عين حسين بين الكوم
نحيلة وكاضية وكلبي يوم مهدوم
بين حسين اخي الليلة والجيدوم
ريت وية الولي تاخذني المنية
خلصان الكلب من الوداعية

ريت واية الولي الموت ياخذني
ولا ضل بين عدوانة ويضيعني
باجر الدهر عنهم يبعدني
وضل بين الشمر ويزمخ علية
خلصان الكلب من الوداعية

واضل بين الشمر والشمر يوليني
انحب للولي والضيم كاضيني
سهرانة اون ماغمضت عيني
وياي الولي بس هاي المسية
خلصان الكلب من الوداعية

وياي الولي خطار هل اليلة
ضل سهران ودعهة مدالية
وصاني ويكلي حامي العيلة
وصيتة بالكلب ضلت الوصية
خلصان الكلب من الوداعية

وصاني ويكلي الحرم حاميهة
رقية وياج يختي يكول باريهة
شوفي حسين لمن من تشوفيهة
عزيزة علة الكلب ياختي رقية
خلصان الكلب من الوداعية

تمت بقلمي مع الملة والقارية بنت اخي

فزاعية للوداع

خطار الولي وياي
ودعني ويوصيني

خطار الولي اليلة
ودعهة مدالية
زينب حيل تبجيلة
وضلت ساهرة عيني
ودعني ويوصيني

ضلت ساهرة عيوني
وهلي هل يودعوني
باجر من يعوفوني
العدوان توليني
ودعني ويوصيني

والعدوان تولينة
النوح الليلة كاضينة
ودعنة ابو اسكينة
يزينب كال شوفيني
ودعني ويوصيني

يزينب كال اشبعي وداع
باجر تمشي الاسباع
تضل نومة علة الكاع
ويازينب اعذريني
ودعني ويوصيني

ويازينب اعذرينة
باجر من تشوفينة
وينصاب الولي بعينة
تعتبينة وتفجعيني
ودعني ويوصيني

بعتابج يحزنانة
علة الصوبو ذرعانة
تكلة حسين ويانة
نوح الضيم ماذيني
ودعني ويوصيني

تكلة حسين ابو الغيرة
باجر اضل بحيرة
وضعني ياهو اليديرة
وانتة ماتحاجيني
ودعني ويوصيني

ارحم ياسواد الليل حالت زينب اليلة
كعدت والكلب كاضي والمضلوم تشجيلة

فزاعية للوداع

والليل وياكم كضة
وبساع فاركتوني

وبساع ياولياني
اليل كاضي وعاني
وكثرت ييمة ا٠زاني
الليلة اخوتي يودعوني
وبساع فاركتوني

ودعوني اخوتي الليلة
وروحي تون انحيلة
باجر تضيع العيلة
والعدة يضربوني
وبساع فاركتوني

باجر يضربوني العدة
باجر اشوف الماسدة
وانضر ضحاية ممددة
وتبقة تصب عيوني
وبساع فاركتوني

وعيوني تهمل هاملة
باجر تضيع العايلة
وانة حزينة وناحلة
انادي اخوتي يلحكوني
وبساع فاركتوني

لحكوني انادي يخوتي
باجر جبيرة مصيبتي
العدوان تحرك خيمتني
وبالحبل يجتفوني
وبساع فاركتوني

بحبال خشنة انجف
للموت جاسم من يزف
وعباس يوكع منة جف
بعبدالله يهضموني
وبساع فاركتوني

عباس اجة يمهة البطل
يختي عليمن من سئل
افنيهم وانة الكفل
ونعم منك انتة حامي اضعوني
وبساغ فاركتوني


((هوسيلة عباس الكافل ))
((باجر علراس يضربونة ))
((وحسين وحيد يخلونة))
((جاسم للموت يزفونة ))
((اليشبة جدة يطبرونة ))
((وبعبد الله بنبلة يفطمونة ))
((وحسين يضل ويلي بكونة ))
((والحرة تنادي لحكونة ))

((واخيامك نادت زينب خوية خيامك حركوهة ))

#من_ديوان_الدموع_الزينبيه_الجزء_الخامس_والعشرون_


🏴مربعه للوداع🏴


ولك يالليل طول وارحم ابحالي
لو صار الصباح ايعوفني الوالي
***********
اصيحن بلخيام ولوعتي لوعه
ولك ياليل درحم حال مفجوعه
وگلبي من المصيبه ترجف اضلوعه
لاعيني الغفت لاهجع دلالي
***********
لااني الهودت لاغمضت عيني
كل ساعه وصحت يحسين حاجيني
باجر وين من تمشي تخليني
توصيني وتگلي اوصيج بعيالي
***********
توصيني اوصيتك هدمت حيلي
تگلي لو طحت باري مداليلي
شو دكعد يخويه حسين واحجيلي
ماضل راي عندي وانشده بالي
***********
ماضل راي عندي الراي ضيعته
جاوبني يخويه واترك السكته
مثلك ياحنين العاف حمل اخته
تكلفني بحرم والهضم بذيالي
***********
تكلفني بحرم وايتام مرعوبه
عساهة كربله انهجمت ومگلوبه
نار لونتك بچلاي منشوبه
تسعر ماطفت من مدمعي الهالي
***********
تشب نار الوداع وحركت افادي
لاناصر ينصرك واگف اتنادي
عليك امجمعين احشود بلوادي
من هسة الكدر بان وتهيالي
***********
من هسة الكدر بانت علاماته
گضت ليل الوداع ابساع ساعاته
عله المضلوم يتباجن عزيزاته
جابلهن شمر راسه ابرمح عالي
***********
*تـــمت والـــــفضـــ🤲ـــل لله تعالى*
*بقلم✍الشاعره الملا ام ريام دخيل الركابي*
*صاحبه ديوان📚الدموع الزينبيه*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://telegram.me/haneen_Ali_Faris

تردون اضيفنكم بقناتي الثانية

اذ تردون تفاعلو 👍 واذا لا تفاعلو 😔