‏يارب تجعلني من النار معتوق
‏واجعل ختامي طيبٍ يوم ألاقيك

‏القصايد ما ترد الغايبين ولا تسلّي
‏ولا لها حيلة على رد الرضا والمقدرية
‏
بس تبقى في ثنايا الذكريات وفي سجلي
‏مثل غصات الملوّح فالديار العامرية

‏بين صدفة جابها العمر و وداعٍ باختياري
‏ما عرف قلبي يطيع الواقع أو يرضي ضميره

‏كنت أظن إن مرت الأيام بيجف انتظاري
‏ما هقيت إن الأمل يستمطر إليا جف بيره

‏كيف صارت وحشة الغربة تغنّي في دياري
‏ذبلت أنوار الشوارع وانطفت شبه الجزيرة

‏ودي أقسى، ودي أنسى، ودي أرسى في مساري
‏وأمسك يدين اليقين اللي تخافه كل حيرة

عايش على الذكرى القديمة و لا زلت
‏أستعذب أحداث الليال القديمة

‏ما زال لك في شريط الذاكرة ذكريات
‏صور ما تنمسح .. و أيام ماتنسى

لا تنكر المعروف لو انه شوي
من قدّم المعروف ردّ معروفه

بالضلوع اسرح وبالخاطر تفيَّا
لا غلا عمري عليك ولا سنيني

قد نهيت القلب من يمّك وعيّا
الهوى ماهو بشيٍ في يديني

إن بقى للشوق وصلٍ ما تهيا
مرني .. يا أعز وأغلى من يجيني

أبي ذيك الدروب اللي تودّيني ولا أدري وين
أنا محتاج دربٍ كل ما جيته يضيعني

يالله بصبحٍ تستحي منه الأحزان
ويالله بيومٍ يطرد الضيق عنا

ورزقٍ مقدّر منك من دون حسبان
ومن دون لا قوة ولا حول منا

وبشرى يهلّ لكبرها دمع الأعيان
ونسجد لها سجدة شكر ونتهنى

‏"يارب ، لاتترك حياتي لذاتي
‏أنا مسيّر منك ، ماني مخيّر

‏أحتاج توفيقك يغيّر حياتي
‏وأخاف بذنوبي ، حياتي تغيّر"

حتى الجروح اللي تجي منك بالذات
عييت أداويها وعيت تشالا

الوقت عاده مدي والعمر توّه شباب
"يالله بـ حظٍ مقادير الزمن تنصفه"

‏طراة الرفيق اللي لا سولفت معه ارتحت
‏ تسولف معه كنّك تسولف على نفسك

يالله إنك تغفر لمن هو نسى يستغفر
‏وترحم اللي ما ترَك ذريّةٍ تدعي له

‏يغرك التفكير في بعض الأوهام
‏وتشوفنا مخطين وتصد عنا

‏ازعل وترضيك الليالي والأيام
‏ماجاك منا شي يزعلك منا

‏فقدتك و الضياع اللي بعد فقدك ما هو بـ يديِّ
‏أنا في غبَّة وداعك و ضايع في مراثيها

‏راسي اليا طرّف الليل واجتاح العتيم
‏شال الأرض وشال أهلها وشال حمولها

الظروف اللي تحدّك من الأربع جهات
‏ حلّها عند الله اللي جدير بـ حلها

الله لطيف بـ عبده المذنب اللي
إذا سجد يرتاح .. وإذا عصى ذل