انت العلمتني
شلون افك ذرعان للملگة
الموادع ما تعلمته!


علي رشم

عــايش المن
لا حضـن يتـلگه تعبـي
ولا اذن تسـمع غنـاي
البـايـع الـدنيا لاجلهـم بـايعيـني


مرتضى الحمد

اخاف اشتاگلك والگاك ماعايز
واخاف من البصدري البعده ماجايز

واخاف گبال عينك نظره مني تصير
تشبة نظرة الخسران للفايز

ودعتك باللحظه امنيتي اچلب بيك
اودّع وابچي مثل وداع الجنايز

مهند العزاوي

وسولفتلي علة الحرب

والموت

والدم

والضحاية

وكلمة المحتاجها ما سمعتني

وكلشي گتلي وكلمة الميت عليه

عاندت روحك عليها وعاندتني

جبار رشید

شجاك تگدّر اجروفي بزعل وهواس ؟

تزعلني ويظل بالي عليك ....

وتخدر الصفنات ،

واگول انسى ،......

واطیح امن ایدي واتبدّه ،

ورفيف الشوك ساعه امعلّگه بگلبي ،

تدك :لا لا .

تگلي هنا يهاالعاشك ولك لا لا


عبدالکریم القصاب

فهمني يمته ترد مو طالت الفرگة
خطوة جدم فرگتك
كلش تعذب الگلب وتغيضه وتحرگه
هدّت علي غيبتك
وانا بطرگ صفنتي
وبريتي اذا دورت نفسين ماتلگه


محمد ابوالعز

ليش  طالبت بجفاهم
وليش  من راحو ، بچيت
وليش  من طمو سچچهم ، مارضيت

وليش  من عشگو سمارك ضيعتهم
وليش  من رادو دفو اضلوعك وطنهم ، تيهتهم

وليش  من غيرك خذاهم ، دورتهم
وليش  من جهرو محبتك ، ما ردتهم
صارحت ساعي البريد  وگتله كلشي

گتله احبهم
وقربت ساعي البريد  ، وبعدتهم

وانته تدري الرايدكً مو بالرسايل

ليش تعتز بغلطتك ليش تزعل وانتَ عايل؟؟؟


طارق الکریماوی

ليش ضيعت التريده؟
اشبيك تايه مدري وين
اشبيك شارد من قصيده وترجع اتطيح بقصيده

ويابعيد
ياذنب وجهك ذنب كلش چبير
مكفر عيون اليحبك ماطحت يوم عل علتي
مسهر الكاس عل شفتي
أشرب وماگلت صحتك ضال أكاسر طرگ صحتي
ضال أعت وبالرسن بانت رخاوة
خاف أفز ولنهه مبيوگه مهرتي
وأه ياچلمة أجيك
شكثر گايلهه وتاني
أي أتاني
مثل سچه بنص بحر محد لفاني
حنه وندافيت يم ديرة شگر محد حواني...


مبدر ال لامي

يـ عنگود المحنة المال بالشوف
عتكَ ملحي وحويتك سالفة وماي


عباس الغالبی

كلّش رايدك بس مستحي من الليل
ما تسهر ولكن تعرف اتسهّر

دوّرتك مثل أول أيام الجيش
من كلمن على ابن ولايته يدوّر


احمد الفیاض

اندلني گبل ماادورك ولمني
الضياع البيه مدري
لوين ماخذني

دورني وارد لونك ..
نخل وعثوگ
افك بحضرتك حزني



وسام السعیدی

گاعد عله اطراف الصبر
واتشابگ انه وصورتك
والعين چن نافوره

وتدريني ما احب انتظر
گمت وكسرت الصوره

ومن عدها طلعت الدمع
خايف چنت تتبلل

خاب انه عد اهلي چنت
اكثر انسان مدلل

کرار الموسوی

گلبك ما رهملي وگوه رهمته

سرگي من اضم راسي استر الجوا البيت
مو خوف  الوجه بالملگة لثمتة

وشنهي انت فشك من تمشي  الا تصيح
جافيني بدمع موش بحچي ونهته


زیاد البصراوی

ونسيت الناس وبس انت الگيتك ناس
ولگيت الماي ...بس مايك حنان وخوف...
وگمت من العطش صليت .....فرضين وقبلتي الياس
لگيتك...تلعن الجمار چي مات اعله رغبه فاس

لگيتك شجرة متاناة ماشالت حلم بلبل 
لكيتك سنبلة بصحراء وحدك للمطر تانيت
تكره رفگة السنبل

حسن وصفی

يا دلالك دفو لليرجف محنة
انه وانت‌ شعدنة باقين ابعد
بالفرگة شلنة.؟

طرز اشفافك على اذني وگلي جيت
گلي غربتهم غشيمة وانة بيت


محمد الخزاعی

وشوفك مو اليه ابكلشي مو وياي

ونته اهناك واگف،واگف مخصر

والمعبر قريب اعليك مو يمي

اتمنه الفاسه بيدي وهدم المعبر

مثل جامه وطحت من الجبل للگاع

التدوسه الحادله مو مثل المكسر


خضیر هادی

بطلت ماعاد أحبك...


مظفر النواب