بـ طـف تـجمعت مـوزين ضـد الـزين
هـنا سـبعين ألـف و هـناك بـس سـبعين
و هـي الـمشكله الـيردون چـتل حـسين
خـالـگـهـم ربـك لـ عـيـونـه
عـيت و الـحرب چـانت فـجر مـو لـيل
و طـبلهم فـحل أشـبچ جـيوش و خـيل
شـد بـ كـل فـرس راس بـ نـهايه ذيـل
و مـن كـمـل مـنـهـم هـز أيـده

لاتحسبن رقصي بينكم طربا

فالطير يرقص مذبوحا من الالم

واني حسين ذابحني والوج اعليه

ومثل الطير اذا سچينه مرت بيه

اكمز جمرتي جوه الضلع تچويه

ماتعرفني يالبطران

وسولف كلها عدها اللسان

الجارحني ولا مر بيك

جرحي المنذبح عطشان

من الكفه امثلث يطر گلبه

ضامي وسليب ومحد ايشربه

والحافر إِيروح إويِجي ايكلبه

///////////////////////

ابقى اهل دمعي جمرةً لهبا

فالنوح يكثر مرحوما على الخيمِ

الخيمه وبيها زينب توج بالنيران

عله هاي المصيبه كون اموت الآن

عندي منذبح و مسلب وعريان

احس راسه ينكط دم

وبذني صوت المخَيَّم

وبالخيمه عله الدخان

وريتي بالحرگ تشتم

وجمر العقيله ابضلعي يچويني

طلعت تِدَوِر خنصر حسيني

اتگله لون خويه عمت عيني

///////////////////

هذا حسينُ ضامي قطعَ اربا

والعين تجري دموعا من الدم

والعباس عينه طاحت ابچفه

هو اشراد راد منل نهر غرفه

اكو شچم نار بيه وابد ماتطفه

زينب شارده من النار

تركض لو تطفي ازغار

ولا ماي الاكو اترشه

احتركوا والدليل احتار

إلمن تطفي وياهو الي اتطلعه

جوه الحوافر منكسر ضلعه

ابهيده يحرك شفافه متسمعه

///////////////////////////

لاتحسبن قولي انكم عربا

والجيش يهجم فرحانا على الحرم

بالخيمه اشبقه بس هندس اوحشه

زينب دورت شي رادت اتفرشه

لخد حسين حار الرمل ويهرشه

شلون اعلَ الترابه اينام

وزينب رايحه للشام

ومامش وصله من خيمه

بس ارماد موش اخيام

متروسه چانت من بني هاشم

وبيها الحسين وخيرة الوادم

وانطفت بيها شمعت القاسم

////////////////////

لايخرجن نسوه بيكم عجبا

للالَ تخرج ارباباً من القيم

وطلعت زينب ومستحيه مهظومه

وتمشي امچتفه ابمشيتها ملچومه

ومخليَّه اخو متسَلِبَه اهدومه

وخلت كافل امكطع

كالت خويه ماتسمع

دكوا طبل والهوسات

وانه منل خيم اطلع

خويه الخجل عباس كاتلني

هذا يصدني وذاك يشتمني

وازرك تراهو منل ظرب متني

/////////////////////

يا الحسن جزيتها حدود الحدود
شحاط بصحنك وما واحد جزاه

العابر
الجوعان
ابو جيب الثجيل
يازه وحده وماكو كلمن مستواه

الرايح يحج يلكه زادك بالطريج
غير رايح لله شو يمك لكاه

اهاا اهاا

من خيم بالطف حسين
انته العزبت بجاسم

____

شلونك يلغفيت وعيني سهرانه
رجعنه من اليسر گوم وتلگانه
............................................
خلصت ألطريق أمكالب وتفكير
عسى يطلع حلم وحسين بعده بخير
ليش المامحسبه تصير اله تصير
يتارس كل مكان عيوني وين أدير
مدري بياكتر روحي.................بكبرك مدري بجروحي



وحك ضيمك ألگدرته وطلع زايد
يواحد وبمجانك ما رهم واحد
يشهگاتي وينفسي النازل وصاعد
متت ميّل شعندك بلجبد گاعد

ها شتكول يمدلل............. انه اندفن وانته اعدل

يازينب يازينب يازينب

°•°•°•°•°•°•°•°•°•°•°•°•°•°•°•°•°•°•°•°•°•°•°•°

أسولف ويه روحي شلون وشبيه
أكول اليوم اموتن گمت يوميه
موهيجي الكرم لوتبخل اشويه
كريم وحتى حزنك زايد أعليه

يضيمي ويلمضحكني.........يشيبي وكلشي يوجعني

يازينب يازينب يازينب

عرفنه بموتتك كل لغز مامعروف
عرفنه العين بس للدمع مو للشوف
اثاري اليفكد اهله لو هوى مجتوف
مومن موت من فركاك ثاري الخوف

كلشي يجيسني ابهجرك.......... يشلع گلبي البكبرك

يازينب يازينب يازينب

°•°•°•°•°•°•°•°•°•°•°•°•°•°•°•°•°•°•°•°•°•°•°•°

أذا ماتكعد وتحجي ويَ خياتك
دلينه بدوه ينسينه ضحكاتك
موش الخاطري الخاطر أبنياتك
خذت من عندي كلشي وعفت حسراتك

شنهي الماخذاه هجرك........ الهوى الأتنفسه بگبرك

ياحسين عبدك أنا وابن عبدك وابن أمتك

‏
‏يا حسين
‏انت يابخت المدينه
‏انت يا اوسع سفينه
‏انت يا چفيت ابوي البيها من كل صفحه شگ وعدنه احلى من الحرير
‏انت اكبر من شكو واحد چبير
‏انت يا تنور امي الگبل بيام الحصار
‏بوكت اغلى من الذهب صم الشعير
‏انت يا ريحت مطر بيام عوز
‏بليله بيها من البرد فارغ الشارع
‏والهوه ايطلع صفير . .
‏انت بسمك نستجير
‏ويا حسين
‏انت يا مغرب هلي البي صفنت امي
‏الحايره شتطبخ عشه
‏عامرة بأسمك عربنه ودون اسمك لااا نحسها مفلشه
‏يا حسين
‏انت يا خطار الله السيرتله بوكت موت
‏انت صوت . . الشكو واحد ماله صوت
‏شيل نحرك خل يشوفنك ربيبات الخيام
‏ودير فوگ النهر جف عباس اخوك
‏خل ينسم . .
‏خل يناغيلك عطش
‏خل يبدل ماي وجها بچف سراب
‏وهوه يدري . . . !
‏من وگع علگاع دمك . گام ينباع التراب
‏يا حسين
‏يا مسيح يضاهي أسمك ؟
‏ياصليب اليگدر يقاوم جمالك؟
‏مايسد ذرعانه ويشبگك عشگ
‏انت تنشال بصلاة اعلى محمد
‏ليش جسمك ينسحگ
ياحسين الناس غَبره وخلتك علغبره نايم
‏وانت طايح زادوت كل شخص گايم
‏بدي نحرك خل يشربون الشماته
‏وخلهم يگولون شربنه وركض عطش خواته
‏ياحسين
‏يعينك الله وانت تسمع
‏الصليل البسيوف وحافر المهره الجعل جسمك هشاش
‏وصوت كافر . . . جان يصدح
‏گوم لحگ شتم الله واخذ دينار ابلاش
‏ياحسين الصعدن عللنوگ عنوان الستر
‏وهذا جان الامر من المقتدر
‏انت تعطش واهلك يعطشون كلهم
‏وينحصر جاري النهر بيد الشمر . . .
‏

‏

اها
انته الخليت العسكر
لا للسبعه ولا للكاع

حضرت..... اباالفضل ؏

اها
ابن البدويه وسيفك باشط
يا فكر اهله اليوصل ليك

اهاا
الدنيا ادور وما نتغير
يومك ماننسا يحسين

" سيدي العباس "

والله خبصونه عله حاتم والله حاتم
ذبح فرسه للضيوف الگاصدينه
انته اجاك السهم ضيف اطيته عينك
حتى ما ينگال عنك ضيجه عينه

هوسات لمولد وشجاعة مولاي علي الأكبر

أبتشر ونسر كمال وكزبر الهزبر
بسلف هاشم فرح وهل الفرح تنسر
وأبو الأكبر كشخ من خلف الأكبر
متگمط وطگ عرچه غيره بذنه من كبر

ها ـ اتبشر ذبني عليهن
بزر الحر ماكضه أگماط

بسلف هاشم فرح والسادة مبتشرة
علي الأكبر لمع در من ضوه الگمرة
وبيوم التغير الخيل كلمن يكشخ أبزرة
أهلاً ببني صاح حسين هلا يالحيدر بزغرة

ها ـ أهلاً بزماط الوالد
بيك أنلوح الماينلاح

الحر من يمر بيه غيض عن الصيد شيكضه
وذه خنصره بيه فضه تموع بخنصره الفضه
دخيل الله أذا لاكبر أبغيض وشاربه كضه
زلمة هاشمي ومغتاض أبغير الحرب مايرضه

ها ـ أنته الفقار المايتگابل
دوم يزامط بيك حسين

عجيد المالهن شراي ولهن دوم غالي السوم
محد ساومه عليهن فحل متريس الحد دوم
بزغرة وشاعت اعلومة وبد ماعلت فوگه أعلوم
العمه گمر هاشم أكيد يصير راس الگوم

ها ـ أزماط السادة أيشيم
طولت شارب بالميدان

أذا دگ صدره ببنه أحسين جبل والجبل شيهزة
اليريده ويشتهية سيفة من الخارطة يچزة
علي الأكبر أمخلي أسمه بگلوب الزلم نزة
وبكل حومة لابد هاي يعيده راشدي الحمزة

ها ـ أسبوگ العز أيصهلن
من أحسين يسولف بيه
0000000000 000000

ها
الشام البيه ستر الله گليل **حطو مرقد زينب بيه

........ وينه الي يكول جايينك الكربلاء..........

الرايــــــــد كربله يـــــــــوصلها كولوله
وعلي مــــــــو بالتــــــفك كتلك بلنعوله

يبن النزع هدمه وركض ركضت خوف
شجابك تندك ويــــــــــــه اولاد الفحوله

ولك عدنه الحشد مايعرف ايطخ راس
وهمه راس الهرم لا مـــــــــوش الذيوله

وعلي انـــــــت وهلك والجاي هم وياك
شرف بصــــــــطالهم مــــــاتكدر اتنوله

كضو حدنه جــــــن كضت علي للسيف
الماتنحل بجف الحــــــــــــشد محلوله

كونك زلمه زين وكـــــــــد كلمتك هاي
تعال ســـــــيوفنه للــــــــــعرك مسلوله

انه سطرت الحمزه التـــــرن بذنك دوم
وانت جفوفك بكـــــــــل عركه مشلوله

انة جــــــــــدي الفحل يشهد له التاريخ
وعله جــــــــــــدك جبان اشكثر مكيوله

اهاا السيد ما يتعوض.... كل الشيعه تون عليه

انا لله وإنا اليه راجعون

اهاا
ياحيدر لا مو هامك
هام المصحف هل مطبور

دروب الشام جرحي ... يدي بيها
وحبل عكب ابو فاضل... يدي بيها
الدنيا الجان مرسل ... يدي بيها
انكرت جدي وخذت زينب سبيه
..
عكب وجه الكمر عيني ... ترحبال
شتضن الفكدت اخوتها ... ترحبال؟
التهظمك خويه من أمشي.. ترا احبال
بديه وناكه هزله اتميل بيه
..
شام أبطوله واكف ... يرحبلنه
بطبل والحادي يمهم ... يرحبلنه
تعثرنه و لچمنه .... يرح أبنه
العليل من الهظم طاح ع اديه
..
مشه ودارالي ضهره ... ماتهده
العدها حسين مثلي ... ماتهده
ع صدره وكتله اخيي.. مات هده
شجاكم هذا ابن خير البريه

ياحسين
العافيه كلها ابوجودك
يالمطشر بالصحاري
بس تلم العمره ضايع .
واليعوفك ما تعوفه تأشر تگله تعال
بجفك البي باقيات اربع أصابع .
فياي وجهك والشمس صفنت عليك
وخدك اعله الرمل طابع .
تبادر ابذهني سؤال منيتي اعرفه
مو ضنه يحسين سهمك
ليش من الضهر طالع .
ياحسين السيف من گلك اريدك
گتله هاك وشلت راسك
هاذه ما اعرف تكبر لو تواضع .
ياحسين الموت يخجل من حيائك
حاله حال الماي خاضع .
اخذ منك ولدك وماخذ اخوتك
واخذ عبدالله واجاك
وگتلك ابشر ماكو مانع .
يل عليت بلايه ماواحد يصعدك
ايدك القبله ابعضمها
وخيط ردنك يسوه جامع .
يالخدمتك تسوه جنة عدن كلها
اشگد بصيطه
وخرجت هاگد مراجع .
يالخدمتك جابت اليعصون الله
وياهو يحصيها المواكب
خدمه متروسه الشوارع .
ياحسين المارضه يخدمك غشيم
وراح يخلص عمرة ضايع

صكر ماتاكل المصيود تلكط بالتريده الكاط
وتشگ روح البحر لو صار بيها ازماط
عليك امفصله الشيخه مثل لبس القاط
ها تفصال عليك انت الشيخه

يزمزير السوالف بالحجي تعور
يبيرغ باليذمك لازم تشور
يراس الماكدرلك راس
وانت بطكها متحضر
ها الشافك يركض شارد جنك فاله من العشرين

السيده زينب عليها السلام تكول.....
نهر من ماي زمزم .. حافره لهم
وچم حفره ابدليلي.. حافر الهم
ابضلع حسين چلب .. حافر الهم
تعته الخيل وانه الطم بديه