وَ أُخْرى‏ تُحِبُّونَها نَصْرٌ مِنَ اللَّـهِ وَ فَتْحٌ قَرِيبٌ وَ بَشِّرِ الْمُؤْمِنِينَ

حضوركم نصرة لمولانا صاحب الزمان ولمذهب جده امير المؤمنين لان سكوتنا يعني ان لن يكون هناك مذهب شيعي

ماتبقى بعد  واحنه الهوه نشتم
وهو شظل بعد خاطر عليه نهتم
الطايح مرجع و مو زلمه عادي الطاح
والدم مايسده وعلي غير الدم

ثاره نجيبه الدم بالدم


ماتنكف بعد لانبرد ونرجع
الماسامع كلامي اليوم خل يسمع
تظل مالك علاقه الدور جاي اعليك
كعدتك ماتفيد تحزم واطلع
جان كون تثور اعله أمريكا




ما ترجف كلوب ولا نطخ الهم
بيا ثار الإمام هنا نزلزلهم
لكل كطرة دمه من امريكا ناخذ ثار
من أرض الحسين ايكون نقلعهم
شيبرد كلب العياله


افا تظل السفاره وبينه دم يفور
واحنه ازلام كلفه من زلم عاشور
زلم حسين دكت رجل للموت
ودم ترامب عد الشيعه مهدور
مهدور الدم عد الشيعه

عبدٌ من عباد الله.. إلتحق بالله
علي لاريجاني شهيدًا

الصلاة بامامة الولي الاطهر والانقى الشجاع الشهيد الصائم💔

اللهم الحقنا بهم وارزقنا الشهادة في سبيلك يا مولاي
اللهم عجل لوليك المنتقم الفرج

🔻الله اكبر والنصر للاسلام ولمذهب أمير المؤمنين صلوات الله عليه

نزلَ المُصابُ بآلِ بيتِ محمدٍ    
 فَجوادُ طـه ظامئٌ ومُـعذَّبُ

من غَيلَةِ السُـمِّ الزُّعافِ وجَمرِهِ    
يغلي حميمـاً والحَشا يتلَّهبُ

فاضَتْ بــهِ رُوحُ الإمامِ وعُينُهُ  
تَرنُو الى ربٍّ جلـيلٍ يرقُبُ

عظّم الله أجوركم بذكرى شهادة الإمام محمد الجواد (عليه السلام).

#الامام_الجواد
#العتبة_الحسينية_المقدسة

عَنِ الرَّيَّانِ بْنِ شَبِيبٍ، عَنِ الرِّضا( عليه السَّلام ) ـ فِي حَدِيثٍ ـ أَنَّهُ قَالَ لَهُ:
"يَا ابْنَ شَبِيبٍ: إِنْ كُنْتَ بَاكِياً لِشَيْ‏ءٍ فَابْكِ لِلْحُسَيْنِ بْنِ عَلِيٍّ ( عليه السَّلام )، فَإِنَّهُ ذُبِحَ كَمَا يُذْبَحُ الْكَبْشُ، وَ قُتِلَ مَعَهُ مِنْ أَهْلِ بَيْتِهِ ثَمَانِيَةَ عَشَرَ رَجُلًا مَا لَهُمْ فِي الْأَرْضِ شَبِيهُونَ، وَ لَقَدْ بَكَتِ السَّمَاوَاتُ السَّبْعُ وَ الْأَرَضُونَ لِقَتْلِهِ.
يَا ابْنَ شَبِيبٍ: إِنْ بَكَيْتَ عَلَى الْحُسَيْنِ ( عليه السَّلام ) حَتَّى تَصِيرَ دُمُوعُكَ عَلَى خَدَّيْكَ غَفَرَ اللَّهُ لَكَ كُلَّ ذَنْبٍ أَذْنَبْتَهُ، صَغِيراً كَانَ أَوْ كَبِيراً، قَلِيلًا كَانَ أَوْ كَثِيراً.


(ياأباعبدلله ياعبرة كل مؤمن)
بفضل الله وعناية مولانا بقية الله(عج) في ارضه ولطف مولاتنا ام السادات صلوات الله عليها

"سيتم نشر قصائد شهر محرم الحرام "

لاتنسوا مولانا صاحب الزمان من الدعاء
ولاتنسوا شيعة مولانا أمير المؤمنين بالدعاء
بالنصر والغلبه
ولا تنسوا والدّي بالدعاء

#محرم 1448



يهل الضعن راح الضعن
ونسوانكم ضيم اشبعن
لا ايد ظلت للشكف
وذيج الامتون تورمن
———————————————
كل مايهيدلهن جرح
يشمرون راس من الرمح
لاليل عدهن لاصبح

واخيامكم تفرهدن
وذيج الامتون تورمن
—————————————————-

طلعن ركض بس ياركض
بالهيمه بالطول وعرض
ولا زلمه الهن ينتفض

وغير الذي يتعثرن
وذيج الامتون تورمن
—————————————

معروفه ماتنطك مره
وبكربله صارت تره
الطكوها حرمه مخدره

عيون الغرب يتباوعن
وذيج الامتون تورمن
——————————————-

غير السياط الي تطك
بالطف التعثر تنسحك
يالساده صارت من صدك

كوه اعله هزلهن مشن
وذيج الامتون تورمن
———————————————

والممشه كله بالظهر
وطبوهن السوك العصر
والتمو اعله ام الخدر

والنوك بيهن نوخن
وذيج الامتون تورمن
———————————————-

لديوان جابوهن واجوا
وحده وحده تباعوا
"زينب سبيه" تضاحكوا

ومن الفشل يتلفتن
وذيج الامتون تورمن

————————————————

منظر ولا مثله شفت
سامع ابو يكتله بت
ماتت رقيه اعله الطشت

وعماتها يتصايحن
وذيج الامتون تورمن

————————————————-

مرتضى فيصل الشمري


https://t.me/ftya313

#محرم 1448


مابينك وبين الجرح
ركضة مره وعثرة رمح
لا كافل الظل لا اخو
وهزل عكب ذيج الوضح

البينه وبينك دمع مايخلص سنين ___ خرجت زينب
بالحومه ظل إمدد احسين ___ خرجت زينب
ماصايره عدكم مره إطب للدواوين ___ خرجت زينب

القتل عاده والسبي مو عاده
لا والتلجمك ادري حيل زياده
هاي ما الها دوه ولاظن تطيب
طبت الديوان عمة السادة

——————————————————-
تعرض صور ذاك الظهر
خالي رجع وحده المهر
زينب تباوع من اجه
طاح الاخو وضاع الخدر

شلون الجبيره تريدها تسابك بالاخيول _خرجت زينب
محد بقى من اخوانها وعباس مكتول __ خرجت زينب
هي المضيعه حيود بين الخيل شتكول _خرجت زينب

يحنان كوموا الزينب وتجوها
مدللتكم هاي لا يسبوها
بين نار وخيل اجتكم هي
اجت تركض بالرمح عثروها

———————————————————-
يالكاتلك ذاك العطش
والظل ثلاثه بلا نعش
وضيعة حرمكم بالفلا
وتل زينبي وليل اهدعش

ان كنتَ حياً خويه لمن صاحت بصوت_خرجت زينب
بعدك عدل يبن امي لو ادركك الموت__خرجت زينب
ليش الحوافر تسحك اعله الصدر وتفوت_خرجت زينب

موش عدله وحدي تخلوني
من الخيمه للتل خويه كبرتوني
غير واحد واحد يصير الوداع
بساعه كلكم ليش فاركتوني

_______________________________
ماتستقر مثل الحجه
فرن الى البيده وبجه
حضرت عشايرها النسه
وبس هاشم المحد اجه

عالدنيا هاي العفا عمتك طبت السوك _خرجت زينب
لا والمصيبه بنصه لمن ناخت النوك __ خرجت زينب
جيب اليسكت عنهن البلشام الاحلوك__خرجت زينب

ثار عدك وياشام النايبه
الخله عماتك تصبح شايبه
سكت احلوك الحجت عن الخدور
كص لسنها الطاري عنكم جايبه


مرتضى فيصل الشمري



https://t.me/ftya313

ليلة أنصار مولانا الحسين


الك كلمة شرف باجر
مايعبرنا كل حافر

فوت والهوه بظهرك
فوت محد يعبرك

——————————————————
هذا الليلُ قد أقبل جمل مانتخذ احنه
وعلي الماينذبح وياك لاصاحب ولامنه
ارد اعرف شنو مسوين لله وصرت صاحبنا
هو العنده مثل حسين هم يفكر بجنه

هذا الليلُ قد أقبل
روحوا وكلنا مانرحل

اوياك نبقى ونصرك
فوت والهوه بظهرك

——————————————————
يالمغزر لحد ياشوف لحد مانخلص طشر
الشمر باجر يذبحك ليش ويسلب منك الخنصر
وانت الشمس والاكوان دايرها اعله كد اظفر
وكلشي البعته "حب" لله بعبدالله اشتريت الحر


منو المثلك يحب الله
ونطيت چماله عبدالله

ونطيت الكمر ظهرك
فوت والهوه بظهرك



————————————————————

اني لم ارى صحباً كلتها وراح تتفهم
خلكنا اطول من السيف يذبح واحنه نتبسم
اكو شي ارخص من الماي اي بالطف رخيص الدم
افا وعدنا نفس يحسين وبخيامك حرك نشتم

رخيص الدم الك وهواي
ولو هسه استعز الماي

إرخيص وانت الاشكبرك
فوت والهوه بظهرك

————————————————————-

خليهم يذرونه ويطشونه بهوه وصحره
فايز ينعد وربحان اليصعد عالرمح نحره
يابس كلشي ظل ينشاف بس خيامكم خضره
عابس عدنا مو مجنون الينجن ينسحك صدره

افا وينعز عليك الدم
انت ومو هوه نشتم


حُسين الهوه عطرك
فوت والهوه بظهرك

————————————————————-

صدك سبعين الف بس لا من يوصل لَسبعينك
الوادم من شجر شتى واحنه من عرك طينك
غربلنا الوكت وياك بس ماطحنا من عينك
بوكت كلشي الصبح مو زين بس انت وعلي شزينك


غربلنا الوكت واحنه
من الغربيل ماطحنا

نطيح افا ونغدرك
فوت والهوه بظهرك


مرتضى فيصل الشمري



https://t.me/ftya313

#محرم 1448

عيني عليك لا أهل لا ناسي لا
عيني عليك واحتويني بكربلاء
عيني عليك إرزقني خدمة والبكاء
وارزقني ادخل عزاء

رايد ابجيلك وانهضم بدمعي واللطم
بغيرك مااهم

غيرك شعندي واهمله وكلبي المن يهواه
والبجي المو علمصابك هذا ضايع معناه
الماتدركه انت رحمتك هذا خاسر والله
—————————————————-

مالي سواك انت دنيا وانت دين
مالي سواك والعمر كله حُسين
مالي سواك مو فقط تارسلي عين
يااحن كل حنين


انت اخذ بيدي والكلب رايد القرب خايف انحجب

الدنيا عرضتلي واريداً انه اظلاً وياك
كلبي هذا وروحي هايه ورايد ادخل بحماك
الدنيا يصغر بيها كلشي وانت تكبر محلاك
————————————————————-

اول واخير يابداية كل جمال
اول واخير ويانهاية كل وصال
اول واخير انت ياحب الحلال
وتكلي دومك تعال

ياهوه سنيني والعمر ناذر لك نذر صغري وللكبر


انت ياعشك الحلال وانت يارفعة راس
بيدك تسويني رايد عبدك وكلي احساس
ولو ملك قارون بيدي اختارك انت وعباس
—————————————————————

ها يحُسين لااضيعاً بالدروب
هايحُسين ولاتبعدني الذنوب
هايحُسين اني حرك جاي اتوب
وبيدك أنت الكلوب

من قبح ذنبي اعتذر جايك مُفتقر لصحنك واني حر


انت يا قابل الحرّ وتقضي دوم الحاجات
فطرس استنجد اجاك والله ردله إجناحات
مفتقر خايف اجيتك وانت حل الصعبات

مرتضى فيصل الشمري


https://t.me/ftya313

#محرم 1448

جايك من الضياع
بس دموعي المتاع
من الذنب ارد اتوب
خذني بضعنكم صواع

وياك ارد امشي اعله نيتك موسى ويماشي الخضر
(إنكَ لن تستطيعَ) ان شاءلله عندي صبر
القابض اعله الخدمه هسه شلون قابض عالجمر

رايدني واجيتك
بدموعي اعتنيتك
خيمة حب لكيتك

يااباعبدلله سلام يااباعبدالله سلام

____________________________
من المتاهه اعتنيت
مسدوده كلها لكيت
بقمة ضياعي وهواي
مدالي ايد واجيت

الدنيا ذبتني ولكاني وكلي كلشي هنا سهل
كتله كلبي هواي شائب كلي كلبك ينعدل
خذني للعباس بيده هنانه ينزاح الحمل

كض ايدي بدينه
وللكافل مشينه
سولفلي وبجينه

ياأباعبدالله سلام ياأباعبدلله سلام

———————————————————-
الدمعه تنزل هيام
تبني بيه الحطام
تفتح بكلبي باب
اسمه باب الخيام

الدمعه تمسح كل ذنوبك دمعه بس كون بصدك
كون من تسمع مصيبه شلون خيمه تحترك
وثبت وياه قدم صدقاً وياه بالك تفترك

ادعو ياالهي
الخدمه اتجاهي
وغيري بغيره لاهي

ياأباعبدلله سلام ياأباعبدلله سلام

———————————————————-
كلمن يريد الوصال
خله يزور الجمال
الينظر عليه الحُسين
يبلغ معاني الكمال

الدنيا لا موخوش دنيا ولاتظل بيها وحيد
إتمسك بباب الحُسين الصنع من الحر شهيد
إنما الدنيا متاعٌ بيها لا تمشي بعيد

الكلمة الاخيرة
الدنيا كصيرة
والخدمة جبيره


مرتضى فيصل الشمري

#محرم 1448 ليلة قمر العشيرة وحامل لواء الحسين


خويه صاح ادركني واجيته
خويه وعالنهر نايم لكيته

كتله ياعباس كوم وكال ماكوم
يحسين اخيّك رايح اليوم
وتظل وحيد تلاكي هالكوم

طاح عامود الخيم
طاح كفال الحرم
طاح شيال العلم
حامل الواي

طاح بعيونه السهم
جمد فوك عيونه دم
من العذب ليش نحرم
ماشرب ماي

ياأبوفاضل ياخويه

———————————————-
كتله للمخيم خل اشيلك
كتله زينب تهدها برحيلك

شفت شفته تحركت يهمسلي صوت
الذمه خل تبريني زينب من اموت
هنا حضنته وصارت الدنيا سكوت

المن هنانه اصير
والنفس هذا الاخير
بس شهيق بلا زفير
شيب الراس

جسمه بارد كله صار
وانه تاكل بيه نار
بالله شيقنع الصغار
مات عباس

ياأبوفاضل ياخويه

—————————————————-

هنانه غُمض عينه بين اديه
هنانه انكلبت الدنيا عليه

ظهري حدب فوك اخوي ومادريت
بجي الثكلى على ابو فاضل بجيت
انشدهه بالي ودرب الامخيم نسيت

وداعة الخوه طحت
وكوه الاخيامي رحت
الخيمه لمن طيّحت
طاح كلشي

وين ملج الموت وين
رايد يموت الحسين
خوتي كلهم طايحين
وماظلي شي

ياابوفاضل ياخويه
—————————————————
ويلي من اجن نسواني سئلن
ويلي حيل كتلهن الطمن

مات ابوفاضل ينسوان الخيم
وهذا وجهي انصبغ كله منه دم
جفوف ماعنده وطفى عيونه السهم

هنانه زينب حدبت
وعلى ابو فاضل نعت
اعليها اباوع شيبت
وكبرت ام عون

هاي اول مره هاي
بيك مااحس بوراي
اطلع وخالي كفاي
ماادري شلون

ياابوفاضل ياخويه


مرتضى فيصل الشمري

https://youtu.be/5MzVgPZRi9I?si=ZLimEiasqoafaLVQ

"اخت الغريب"

الرادود حمزة الرميثي
الشاعر مرتضى فيصل الشمري

https://youtu.be/Ekd7SzRL-Zs?si=FOdVCz9E6ik0pGom


"عريس الحرب"

الرادود حمزة الرميثي
الشاعر مرتضى فيصل الشمري

https://youtu.be/9HzVDBa5fpI?si=v035amVI2zds-ChR

نصر الشيعة

الرادود حيدر الفريجي
الشاعر مرتضى فيصل الشمري

مشايه___ جينه بدموع العين
مشايه_____ قبلتنا كبر حسين

مشايه مشايه
——————————————
من كلِ فجٍ جاءت المشايه
قرآن جنهم ايه تتبع ايه
والهوه يوكف لو ترف الرايه
العباس اهلاً صاح بالوفايه

حياهم___ الكافل بلا جفين
مشايه_____ قبلتنا كبر حسين

————————————————-

كلهم شهامه وغيره ذوله انصاره
تكحل الشوارع من تمر زواره
مو كيفي وبكيفك تجيه بزياره
بالسجل اسمك هو من يختاره

ان شاءلله ____ من العنده مقبولين
مشايه_____ قبلتنا كبر حسين
————————————————

نمشيلك بحر وبرد ماهمنا
تفرقنا دنيانه وضريحه يلمنا
يجمعنا هو مثل ابونه وامنا
بمر وحلو جفه يظل لازمنا

شمحلانه____ إبصحنه مجموعين
مشايه_______ قبلتنا كبر حسين
————————————————

مسلب وساتر وادمه ومنطيها
شان الجبير المحد يعاليها
الما تدنك راسها مخليها
وهنيالكم كلمن يكول اعليها


والشيعه___عالخدمه محسودين
مشايه___ قبلتنا كبر حسين
———————————————————-

يسوه التعب يلكلشي هو انطانه
من الماكو اصلاً جابنا وسوانه
وتفضل اعلينا خدم خلانه
والعافت الخدمه صدك خسرانه

خسرانه___ بالدنيا وي الدين
مشايه ___ قبلتنا كبر حسين

مرتضى فيصل الشمري

اَلْحَمْدُ للهِ الَّذِي اسْتَنْقَذَنَا بِكَ مِنَ الْهَلَكَةِ ، وَهَدَانَا بِكَ مِنَ الضَّلالَةِ ، وَنوَّرَنَا بِكَ مِنَ الظُّلْمَةِ ، فَجَزَاكَ اللهُ يَا رَسُولَ اللهِ مِن مَّبْعُوثٍ أَفْضَلَ مَا جَازَى نَبِيًَا عَنْ أُمَّتِهِ ، وَرَسُولاً عَمَّنْ أُرْسِلَ إِلَيْهِ ، بَأَبِي أَنْتَ وَأُمِّي يَا رَسُولَ اللهِ.

- زيارة النبيّ الأعظم