يا تـاج راس الـكون كله لك يمـنــا بـصــّمـت
بالعشر ما تـهـجع وغزة واهلـهـا بين الـهـمـوم!!

و وجهك ابيض والجحافل تحت أمرك سلّمت
ونفوسنا وارواحنا تفـديـك يا سيف الحسوم

وعيوننـا لـك ذي يـلـبـّي دمـعهـا لا سلهمــت
ولو يلـبي دعــوتـك كـمن جبـل ماهـو ملوم

بجيشك المليوني ابشر لا النوايـب زرجـمـت
احنـا الصواريخ البعيدة والمسيّر والــرجـوم!!

كلين جاهز يرتـمـي فوق الأعـادي ذي رمــت
(وينفـجـر أقوى من الــذري والـيــورانـيـوم)

الدولة اللي رغّمت انف الدول واتحـكـمــت
جت بحرنا اهتانت وعانت ذل ترغيم الخشوم

تحالـفـت لحمـاية اسرائيـل لكن ما حـمــت
ولا احتمت منا وبحر الموت عمره ما يصوم

تصنيفها دسناه تحت اقـدامنـا واتلــطـمـّت
ما تمسح الملطام الاول غير والثاني يحـوم!!

ولا لقت مخرج من الـورطـة ولا زد هنجمـت
وكلما تشتي تـبرّد حوم زاد الحوم حــوم

نفيـرنا انساني واذا اشباه العروبـة ساومت
بشعب غـزة ما نفــرّط لو ندوم الأرض دوم

والدم واحد والقضـية عـُمـرهـا ما اتقـسـّمت
لبيك يا أقصى ولو نضـطر لا فتحك نـعـوم

"فسوف يأتي الله" للمسـرى بنا وان ختـّمت
نقول "سبحان الذي أسـرى" بالانصار القروم.

#الحمزة_المغربي
#وريث_الهدى