Abbaan:
“Isa dhaga’aa!”
jedhe.
Kanaaf jireenyi Kiristaanaa barsiisa Yesuus dhaggeeffachuu fi hojii irra oolchuu qaba.
👨‍👩‍👧 4. Ijoollee Waaqayyoo ta’anii jiraachuu
Yohaannis 1:12 akka nu barsiisutti, warri Kiristoosin amanan ijoollee Waaqayyoo ta’uuf mirga argatu.
📌 Cuunfaa
Barnoonni “Ilma Waaqayyoo” jedhu gara eenyummaa Yesuus, Waaqummaa Isaa, hariiroo Isaa Abbaa wajjin qabu fi hojii Isaa fi Fayyinatti nu geessa. Yesuus uumama jalqabaa miti; Inni bara baraan Ilma Waaqayyoo dha. Inni Abbaa wajjin Waaqummaa tokko qaba. Kanaaf cubbuu dhiisuu, jireenya bara baraa kennuu, murtii kennuu fi waaqeffannaa fudhachuu danda’a. Amantoonni garuu Ilma Waaqayyoo kan ayyaanaa fi amantiidhaan Kiristoos keessatti.
📝 Deebii Homework
Gaaffii 1: “Ilma Waaqayyoo” jechuun maal jechuudha? Yesuus Ilma Waaqayyoo ta’uun isaa akkamitti amantoonni ijoollee Waaqayyoo ta’an irraa adda?
Kan jechuun ilmummaa amantoota fi kan yesuus maalin addadha?
Gaaffii 2: Maatewos 3:16–17 fi Maatewos 17:1–8 maal nu barsiisu?

Gaaffii 3: Yohaannis 5:17–23 fi 10:30–38 irratti hundaa’uun, maaliif hoggantoonni Yihuudaa Yesuusin arrabsa Waaqaa jechuun himatan?

Gaaffii 4: Arianism, Adoptionism fi Ebionism wal bira qabii ibsi. Waldaan Kiristaanaa jalqabaa deebii akkamii kenne?


━━━━━━━━━━━━━━━━━━━━
🎯 WE ARE FOCUSED
📖 WE PREACH THE GOSPEL
🌍 WE REACH THE NATION
━━━━━━━━━━━━━━━━━━━━

📲 Follow Us:
Website | YouTube | TikTok | Instagram | Facebook

💜❤️💜 YOURS FOCUS 💜❤️💜

🔊Christology Continuous Teaching #Part12

🔻THE SON OF GOD

Audion barumsa #Christology #part12 akka kanatti qophaa'ee jira.
📌Barumsi kuni barnoota kana booda barannuuf hundee waan ta'eef, sirriitti akka hordoftan isin yaadachiifna.

🔸Akkasumallee HIRIYYOOTA keessan kamillee hirmaachisuu akka hin daganne.

━━━━━━━━━━━━━━━━━━━━
🎯 WE ARE FOCUSED
📖 WE PREACH THE GOSPEL
🌍 WE REACH THE NATION
━━━━━━━━━━━━━━━━━━━━

📲 Follow Us:
Website | YouTube | TikTok | Instagram | Facebook

💜❤️💜 YOURS FOCUS 💜❤️💜

Nagaa fi Ayyaanni Waaqayyoo hunduma keessaniif haa baayyatu. Akkam jirtu maatii FOCUS Kittoo? Egaa akkuma beekamu hojiin FOCUS kittoo keessatti hojjetamu hojii bal'aadha. Kanumaan wal qabatee documentary gabaabaa kana akka daawwattan kabajaan isin affeerra.

#AYYAANA_DANUU!
━━━━━━━━━━━━━━━━━━━━
🎯 WE ARE FOCUSED
📖 WE PREACH THE GOSPEL
🌍 WE REACH THE NATION
━━━━━━━━━━━━━━━━━━━━

📲 Follow Us:
Website | YouTube | TikTok | Instagram | Facebook


💜❤️💜 YOURS FOCUS 💜❤️💜

📢CHRISTOLOGY CONTINUES TEACHING #PART13

🔻KYRIOS (ΚΥΡΙΟΣ)

“Ana duwwaatu Waaqayyoo dha, ana malee fayyisaan kan biraa hin jiru*”
Isaayaas 43:11

🤝Nagaan fi ayyaanni Waaqayyoo hunda keessaniif haa baayyatu. Akkam nagaa jirtuu, maatii FOCUS?

🔹Barnoonni waliittii fufaan mataduree "CHRISTOLOGY" jedhu ammas yeroo isaa eeggatee itti fufee jira.
🔹Maarree kutaa 13ffaan guyyaa boruu galagala mata duree xiqqaa "#KIRISTOOS_GOOFTAA" jedhuun itti fufa.
🔸Kanaaf hundumti keenya yeroo keenya mijeffannee irraa haa barannu.
📌Hubachiisa: Barumsi kuni audio fi barreeffaman qophaa'ee jira.
✨Hiriyyoota keenyaafis haa qoodnu.

📆Guyyaa:ROOBII(12-8-2026)
⏰ Sa’aatii: 1:00LT galgala
📍 Channel: @Focus_jit Telegram


━━━━━━━━━━━━━━━━━━━━
🎯 WE ARE FOCUSED
📖 WE PREACH THE GOSPEL
🌍 WE REACH THE NATION
━━━━━━━━━━━━━━━━━━━━

📲 Follow Us:
Website | YouTube | TikTok | Instagram | Facebook


💜❤️💜 YOURS FOCUS 💜❤️💜

📢SUMMER VIRTUAL PROGRAM 2026

“Ilaa, obboloonni walii wajjin jiraachuun, attam gaarii dha, attam namatti tolas!”--Far.133:1

🤝Nagaa fi ayyyaanni Waaqayyoo hunduma keessaniif haa baayyatu. Akkam nagaa jirtuu, maatii Gooftaa?

🔹️ Yeroo kanaa biqoonnaaf maatii keenya bira jiraachuun keenya beekamaadha. Eegaa maarree Yeroo boqonnaa keenya kanaattis sagantaa tokkummaa keenya waliin qabaannuu qopheessinee waan jirruuf namni kamuu akka irratti hirmaatu jaalala Gooftaan isin yaadachiifna.

🔸️Saganataan kun karaa "Online" gaafa 13-12-2018EC telegram channel keenya irratti waan darbuuf hiriyyoota keessan yaadachiisuun eebba kana irraa haa hirmaannuu.

Qabiyyeewwaan sagantaa keenyaa:
🛐Yeroo kadhannaa
🎶Waaqeffannaa
📖Sagalee Waaqayyoo

📆Guyyaa:13-12-2018EC(Roobii)
⏰ Sa’aatii: 12:00LT galgala
📍 Karaa: @Focus_jit

━━━━━━━━━━━━━━━━━━━━
🎯 WE ARE FOCUSED
📖 WE PREACH THE GOSPEL
🌍 WE REACH THE NATION
━━━━━━━━━━━━━━━━━━━━

📲 Follow Us:
Website | YouTube | TikTok | Instagram | Facebook

💜❤️💜 YOURS FOCUS 💜❤️💜

.....📖 Christology Continuous Teaching  #Part13:

🔻KIRISTOOS GOOFTAA — KYRIOS (ΚΥΡΙΟΣ)

Caqasa Ijoo
«Yesus gooftaa akka ta'e afaan keetiin yoo beeksifte, Waaqayyo du'aa akka isa kaase immoo garaa keetti yoo amante fayyina bara baraa in argatta*.
Roomaa 10:9»

SEENSA

Kiristaanummaa keessatti gaaffiin, “Yesuus eenyu?” jedhu gaaffii bu’uuraa fi murteessaa dha. Yesuusiin nama gaarii, barsiisaa ogummaa qabu, raajii, ykn nama seenaa keessatti beekamaa qofa gochuun eenyummaa Isaa guutuu hin ibsu.

Macaafni Qulqulluun Yesuus:

- Kiristoos,
- Ilma Waaqayyoo,
- Fayyisaa,
- Ilma Nama,
- Mootii, fi
- Gooftaa (Kyrios)

jedhee nu barsiisa.

Mata-duree kana keessatti xiyyeeffannoon keenya addatti “Gooftaa” — Kyrios (Κύριος) jedhu irratti ta’a.

“Yesuus Gooftaa dha” jechuun jecha amantii afaaniin dubbatamu qofa miti. Addatti waa’ee eenyummaa Yesuus, aangoo Isaa, mootummaa Isaa, Waaqummaa Isaa, waaqeffannaa fudhachuu Isaa fi ajajamuu Isaaf qabnu ibsa.

Kanaaf, yeroo Kiristaanonni, “Yesuus Gooftaa koo dha” jedhan, hiikni isaa:

1. Yesuus aangoo olaanaa qabaachuu isaa amanuu;
2. Inni Mootii uumama hundaa ta’uu fudhachuu;
3. Inni Fayyisaa keenya ta’uu amanuu;
4. Isaaf waaqeffannaa kennuu;
5. Ajaja Isaa jala jiraachuu;
6. Jireenya keenya Isaaf kennuu;
7. Rakkoo keessatti Isa amanachuu;
8. Mootummaa Isaa labsuu; fi
9. Guyyaa dhumaa fuula Isaa dura itti gaafatamummaa qabaachuu dha.

1. JECHI “KYRIOS” MAAL JECHUUDHA?

Jechi Afaan Giriikii Kyrios (Κύριος) jedhu hiika bal’aa qaba. Haala itti fayyadaman irratti hundaa’uun:

- Gooftaa,
- abbaa aangoo,
- abbaa qabeenyaa,
- bulchaa,
- nama aangoo qabu,
- mootii ykn abbaa mootummaa

jechuu danda’a.

Jireenya hawaasummaa durii keessatti namni tokko nama isa ol’aanaa ta’eef “Kyrios” jechuu danda’a ture. Garuu yeroo jechi kun Waaqayyoo fi Yesuus Kiristoos ilaalchisee itti fayyadamu, hiikni isaa caalaatti gadi fagoo dha.

Kakuu Haaraa keessatti “Kyrios” yeroo baay’ee Yesuusiif maqaa ulfinaa fi aangoo olaanaa ibsuuf itti fayyadama.

Gaaffii

“Yesuus Gooftaa dha” jechuun Yesuus nama aangoo qabu qofa jechuu moo waa’ee eenyummaa Isaa waan guddaa dubbachuu dha?

Deebiin isaa: waa’ee eenyummaa fi aangoo Isaa waan guddaa dubbata.

2. KYRIOS FI SEPTUAGINT (LXX)

Hubannoo sirrii argachuuf walitti dhufeenya Kyrios fi Kakuu Moofaa ilaaluun barbaachisaa dha.

Kakuu Moofaan baay’inaan Afaan Ibrootiin barreeffame. Maqaan Waaqayyoo inni kakuu keessatti addatti beekamu:

YHWH — יהוה dha.

Maqaan kun maqaa Waaqayyoo isa qulqulluu fi addaa dha.

Yeroo Kakuu Moofaan gara Afaan Giriikiitti hiikamu, hiikni sun Septuagint (LXX) jedhame. Hiika LXX keessatti maqaan YHWH yeroo baay’ee Kyrios jedhamee hiikame.

Kanaaf, dubbistoonni Afaan Giriikii Kakuu Haaraa yeroo “Kyrios” jedhu dhaga’an, keessumaa yeroo caqasni Kakuu Moofaa Waaqayyoo irratti dubbatame Yesuus irratti hojii irra oolu, walitti dhufeenya Yesuus fi Waaqayyo Kakuu Moofaa gidduu jiru hubachuu danda’u.

Fakkeenya

Isaayaas 45:23 keessatti Waaqayyo akkana jedha:

«“jilbi hundinuu anaaf akka jilbeenfatu, arrabni hundinuu anaan akka kakatu, wanti qajeelaan afaan koo keessaa ba'es akka hin deebine, ani maqaa ofii kootiin kakadheera*.
Macaafa Isaayaas Raajichaa 45:23.”»

Garuu Filiphisiyuus 2:10–11 keessatti Phaawulos jecha kana Yesuus Kiristoos irratti hojii irra oolcha:

«“Kanaanis warri bantii waaqaa keessa jiran, warri lafa irraa, warri lafa jala jiranis hundinuu ulfina maqaa Yesusiif jilbeenfatanii akka sagadan godhe*. Arrabni hundinuus, ulfina Waaqayyoo abbaatiif, Yesus Kristos gooftaa akka ta'e beeksisuuf jiru*. ”»

Kun walitti dhufeenya baay’ee cimaa qaba.

Kun Yesuus maqaa “Gooftaa” qofa akka qabu osoo hin taane, ulfina, aangoo fi waaqeffannaa Waaqayyoo waliin walqabatu akka qabu nu hubachiisa.

Kana jechuun:

Kyrios Yesuus = Gooftummaa Yesuus + aangoo Isaa + ulfina Isaa + eenyummaa Isaa ilaalchisee ragaa Kakuu Haaraa.

3. KAKUU MOOFAA KEESSATTI GOOFTUMMAA WAAQAYYOO

Yesuus Gooftaa ta’uu Isaa sirriitti hubachuuf, dura Kakuu Moofaa keessatti Waaqayyo maal akka hojjete ilaaluun gaarii dha.

A. Waaqayyo Uumaa waan hundaa dha
Isaayaas 44:24 keessatti Waaqayyo Uumaa ta’uu Isaa ibsa.
Kakuu Haaraan garuu uumama hundaa Yesuus Kiristoos waliin walqabsiisa.

Yohannis 1:3

«“Wanti hundinuus isumaan ta'e; waan ta'e keessaas isa malee kan ta'e tokko illee hin jiru*.”»

Qolosaayis 1:16

«“Wanti hundinuu karaa isaa uumame; wantoonni samii keessa jiran, wantoonni lafa irra jiran... hundinuu karaa isaa, isaafis uumaman.”»

Kana irraa:
Waaqayyo Uumaa dha → Yesuusis uumama hundaa keessatti hojii Uumaa qaba.

Kun eenyummaa Isaa hubachuuf ragaa guddaa dha.

4. WAAQAYYO FAYYISAA DHA — YESUUSIS FAYYISAA DHA
Isaayaas 43:11:
«“Ana duwwaatu Waaqayyoo dha, ana malee fayyisaan kan biraa hin jiru*.”»
Kakuu Haaraan Yesuusiin Fayyisaa jedhee waama.
Luqaas 2:11
«“Har’a magaalaa Daawit keessatti Fayyisaan isiniif dhalateera; inni Kiristoos Gooftaa dha.”»

Titoos 2:13

Phaawulosis Yesuus Kiristoosiin" Achumaanis abdii keenya isa eebbifamaa fi ulfina isa deebi'ee mul'atu sanaa in eegganna. Inni mul'achuuf jiru sunis Yesus Kristos; inni Waaqayyo keenya isa guddicha, fayyisaa keenyas*.” waliin walqabsiisa.

Kanaaf Yesuus hojii fayyinaa keessatti nama alagaa ykn ergamaa qofa miti; Inni Fayyisaa dha.

5. WAAQEFFANNAA FI GOOFTUMMAA

Kakuu Moofaan waaqeffannaan guutuun Waaqayyoof akka kennamu barsiisa.

Keessa Deebii 6:13
«“Ati Waaqayyoon gooftaa kee sodaadhu, isaafis hojjedhu, maqaa isaatiinis kakadhu*!”»

Kakuu Haaraa keessatti Yesuus ni waaqeffatama.
Maatewos 14:33

Barttoonni Isaa erga bishaan irra deemuu Isaa arganii booda:
«"Kana irratti warri bidiricha keessaa Yesusiif sagadanii, “Ati dhuguma ilma Waaqayyoo ti!” jedhaniin*."»

Maatewos 28:9
Du’aa ka’uu Isaa booda dubartoonni Isatti dhiyaatanii miilla Isaa qabanii Isaaf sagadan.

Ibroota 1:6
"Waaqayyo ilma isaa isa angafa waan hundumaa, gara biyya lafaatti yommuu erge immoo, “Ergamoonni Waaqayyoo hundinuu isaaf haa sagadan!” jedhe*."

Ergamoonni Waaqayyoo akka Ilmaaf sagadan ajajamu.

Kun Yesuus waaqeffannaa argachuun Isaa dhimma tasumaa salphaa akka hin taane agarsiisa.

YESUUS “GOOFTAA” JEDHAMEE WAAMAMA

A. Dhaloota Isaa Irratti
Luqaas 2:11
«“Har'a mandara Daawititti fayyisaan isiniif dhalateera; inni immoo Kristos goofticha*.
Wangeela Luqaas 2:11.”»

Yesuus yeroo dhalate irraa kaasee “Gooftaa” jedhamee labsame.

Kunis Gooftummaan Isaa hojii Isaa booda qofa kan argame osoo hin taane, eenyummaa Isaa keessatti bu’uura qabaachuu isaa agarsiisa.

TOOMAAS: “GOOFTAA KOO FI WAAQA KOO”

Caqasoota Yesuus eenyu akka ta’e ifatti agarsiisan keessaa tokko:

Yohannis 20:28 Toomaas Yesuusiin:

«“Toomaasis, “Gooftaa ko, Waaqayyo ko!” jedhee deebiseef*.”»jedhe.

Kun dubbii nama tokko qofa osoo hin taane, Yesuus du’aa ka’uu Isaa booda dubbame.

Wanti hubatamuu qabu:

- Yesuus Toomaasiin hin qeeqne;
- “Ati dogoggorte” hin jenne;
- waaqeffannaa ykn beeksisa kana hin didne.

Kanaaf caqasni kun Yesuusii fi Waaqummaa Isaa ilaalchisee ragaa cimaa Kakuu Haaraa keessaa tokko dha.

PHEEXIROOS: “gooftaadhaa fi Masiihii”

Hojii Ergamootaa 2:36

«“Egaa Waaqayyo, Yesus isa isin muka irratti fanniftan kana gooftaadhaa fi Masiihii akka godhe, Israa'elonni hundinuu utuu hin mamin haa beekan!” jedhe*.”»

Pheexiroos lallaba isaa keessatti Yesuus:

- fannifame, du'e,du'aa ka'e, ol kaafame,Gooftaa fi Kiristoos ta'uu Isaa labsaa jira.
Kanaaf, du'aa ka'uun Yesuus Gooftummaa Isaa ifatti mul’ise.

9. AANGOO GOOFTUMMAA YESUUS

Gooftummaan Yesuus jecha qofa miti. Inni hojii fi aangoo Isaa keessatti mul’ata.

A. Uumama Irratti Aangoo

Maarqos 4:35–41

Yesuus bubbee fi galaana ajaje.

Barattoonni Isaa dinqisiifatanii:
«“Isaan immoo guddaa sodaatanii, “Namni kun eenyu? Qilleensaa fi bishaan in abbooma, isaanis isaaf in abboomamu” waliin jedhan. ”

Uumamni Isaaf ajajamuun aangoo Isaa agarsiisa.
Maatewos 14:22–33
Yesuus bishaan irra deeme.
Kunis uumama irratti aangoo addaa Isaa agarsiisa.

DHUKKUBA IRRATTI GOOFTUMMAA

Yesuus dhukkuba garaagaraa irratti aangoo qaba.
Inni:
- jaamaa fayyise;
- warra naafa ta’an fayyise;
- warra lamxaa’an fayyise;
- warra dhukkuba adda addaa qaban fayyise.

Yesuus yeroo tokko tokko:

«“Cubbuun kee siif dhiifameera”»jedhee illee dubbate.

Kunis dhimma guddaa dha, sababni isaas dhiifama cubbuu kennuun aangoo Waaqayyoo waliin walqabata.

Maarqos 2:5–12
Yesuus nama paralaysiisii qabuun cubbuu isaa dhiise.
Kana booda:
«“Garuu ilmi namaa lafa irratti dhiifamuu cubbuu kennuudhaaf aboo akka qabu beekaa!” isaaniin jedhe. Isa dhagni isaa gar tokko du'een immoo,”» jedhe.

Kana keessatti Yesuus aangoo Isaa cubbuu irratti mul’ise.

HAFUURA HAMAARRATTI GOOFTUMMAA QABA
Maarqos 1:23–27

Hafuuroonni xuraa’oon Yesuusiin barani.
Isaan aangoo Isaa sodaachuun Isaaf abboomaman.
Yesuus immoo hafuura xuraa’aa ajaje.
Kun:
Yesuus hafuurota hamaa irratti aangoo qaba jechuu dha.
Gooftummaan Yesuus mootummaa hafuuraa irrattis mul’ata.

DU’A IRRATTI GOOFTUMMAA QABA

Yesuus namoota du’an kaase.
Intala Yaayiroos
Maarqos 5:35–43
Ilma haadha abbaan manaa irraa du’e
Luqaas 7:11–17
Alaazaar
Yohannis 11:1–44
Garuu caalaatti kan nama ajaa’ibu:
Yesuus Ofii Isaa Du'aa Ka'uu
Yesuus du’a keessatti hin hafne.

Hojii Ergamootaa 2:24:

«“Waaqayyo garuu hidhaa du'aattii hiike; inni harka du'aa jalatti qabamee turuu waan hin dandeenyeef, du'aa isa kaase*.”»

Kanaaf, Gooftummaan Yesuus du’a irratti injifannoo Isaa keessatti ifa ta’a.

YESUUS GOOFTAA SANBATAA DHA

Maarqos 2:27–28
Yesuus:

«“Yesus itti dabalee, “Sanbatatu namaaf uumame malee, namni Sanbataaf hin uumamne*. Egaa ilmi namaa Sanbata irratti iyyuu gooftaa dha” isaaniin jedhe.”» jedhe.

Kun dubbii baay’ee ulfaataa dha.

Sanbata irratti aangoo qabaachuu jechuun seera Waaqayyoo fi kaayyoo isaa irratti aangoo hubachuu fi ibsuu Yesuus mul’isa.

Yesuus ofii Isaa: “Gooftaa Sanbataa” jedhe.

YESUUS GOOFTAA TA’UU ISAA DU’AA KA’UUN MIRKANEESSE

Fannoo irratti Yesuus du’e.

Garuu seenaa Kiristaanummaa keessatti fannoo dhuma miti.
Yesuus:
1. du’e;
2. awwaalame;
3. guyyaa sadaffaatti du'aa ka'e;
4. barttootaaf mul'ate;
5. ol ba'e;
6. mootummaa keessatti ulfina argate.

Du'aa ka'uun:

- Fannoo Isaa mirkaneessa;
- Fayyina Isaa mirkaneessa;
- Ilma Waaqayyoo ta'uu Isaa mirkaneessa;
- Gooftummaa Isaa mul'isa;
- abdii du'aa ka'uu amantootaaf kenna.

FILIPHISIYUS 2:5–11 — GOOFTUMMAA YESUUS

Caqasni kun barnoota Gooftummaa Yesuus keessatti bakka guddaa qaba.

Phaawulos Yesuus:

- bifa Waaqayyoo keessa ture;
- of gadi qabe;
- nama ta'e;
- abboomamee du'a, du'a fannoo illee ga'e;
- kana booda Waaqayyo ol isa qabe

jedhee barsiisa.

Filiphisiyuus 2:9–11

Waaqayyo maqaa maqaa hundumaa caalu Yesuusiif kenne.

Kaayyoon isaa:

«“Kanaanis warri bantii waaqaa keessa jiran, warri lafa irraa, warri lafa jala jiranis hundinuu ulfina maqaa Yesusiif jilbeenfatanii akka sagadan godhe*.”»

Kun Isaayaas 45 waliin wal qabata

Phaawulos immoo jecha kana Yesuus Kiristoos irratti hojiirra oolcha.

Kanaaf:
Isaayaas 45 → Waaqayyo
Filiphisiyuus 2 → Yesuus Kiristoos

Walitti dhufeenyi isaanii Yesuus Gooftaa ta'uu Isaa hubachuuf ragaa guddaa dha.

GOOFTUMMAA YESUUS FI WAAQAYYOO ABBAA
Kiristaanummaan Waaqayyo tokko qofa akka jiru barsiisa.
Garuu Abbaa, Ilmaa fi Hafuura Qulqulluu eenyummaan tokko qaaman sadii akka ta'e barsiisaa.

Kanaaf, yeroo Yesuus Gooftaa jedhamee waamamu, Kiristaanummaan Waaqayyoon lama ykn sadii jechaa miti.

Waaqayyo Tokko — Abbaa, Ilmaa fi Hafuura Qulqulluu.
Yesuus Ilma Waaqayyoo fi Gooftaa dha.

“YESUUS GOOFTAA DHA” JECHUUN MAAL GAAFATA?

Gooftummaa Yesuus amanuun jireenya namaa keessatti jijjiirama fida.

A. OF JALA GALCHUU — SUBMISSION
Luqaas 6:46
«“Yesus itti dabalee, “Maaliif waanan isinitti himu utuu hin godhin, yaa gooftaa, yaa gooftaa naan jettu*?Wangeela Luqaas 6:46”» Kun gaaffii cimaa dha.

Namani tokko:

“Yesuus Gooftaa koo dha” jedhee dubbachuun qofti gahaa miti.
Gooftaa jechuun:

“Inni ana irratti aangoo qaba; anis Isaaf nan abboomama.”
jechuudha.

GOOFTUMMAA FI JIREENYA GUYYAA GUYYAA
Yoo Yesuus Gooftaa keenya ta'e:
Yeroo hojii Amanamummaa qabaachuu qabna.
Yeroo maatii: Jaalalaa fi kabajaan jiraachuu qabna.
Yeroo qormaataa: Isa amanachuu qabna.
Yeroo qabeenya :Qabeenya keenya akka kan Isaa ta'e beekuu qabna.
Yeroo murtee: “Gooftaan koo maal jedha?” jennee gaafachuu qabna.
Yeroo cubbuu dhufu Ajaja Isaa filachuu qabna.
Kanaaf Gooftummaan Yesuus mana sagadaa keessatti qofa osoo hin taane jireenya guutuu keessatti mul’achuu qaba.
GOOFTUMMAA FI WAAQEFFANNAA
Kiristaanonni Yesuusiin waaqeffatu.

Waaqeffannaan:
faarfannaa,kadhannaa,galata, ulfina, kabaja, ajajamuu, jireenya qulqulluu of keessatti qaba.

Waaqeffannaan dhugaan afaaniin:«“Gooftaa, Gooftaa”»
jechuu qofa miti.
Jireenyi keenya:«“Yesuus Gooftaa koo dha”»
jedhee dhugaa ba’uu qaba.

GOOFTUMMAA FI AMANAMUMMAA

Yoo Yesuus Gooftaa ta'e, yeroo rakkoo Isa amanachuu dandeenya.

Sababni isaa:
- Inni aangoo qaba, Inni nu beeka, Inni nu jaallata, Inni du'a mo'e, Inni mootummaa qaba,Inni nu hin dhiisu.

Kanaaf amantiin Kiristaanaa rakkoo dhabuu qofa miti.
Amantiin:
“Rakkoon jiraatus Yesuus Gooftaa ta'uu Isaa nan amana.”
jechuu dha.
GOOFTUMMAA FI ERGAMA
Maatewos 28:18–20
Yesuus:
«“Yesus immoo gara isaaniitti dhi'aatee, “Gooftummaan hundinuu waaqa irratti lafa irrattis anaaf kennameera*. Egaa dhaqaa, maqaa abbaatii fi ilmaatti, kan hafuura qulqulluuttis isaan cuuphuudhaan, saba hundumaa bartoota koo godhaa*! Waanan isin abboome hundumaa eeguu isaan barsiisaa! Kunoo, ani immoo hamma dhuma baraatti guyyaa hundumaa isinii wajjin nan jira” isaaniin jedhe*.”» jedhe.
Ergasii barattoota isaa:
«“Egaa dhaqaa, maqaa abbaatii fi ilmaatti, kan hafuura qulqulluuttis isaan cuuphuudhaan, saba hundumaa bartoota koo godhaa*!Wangeela Maatewos 28:19”»jedhee ajaje.
Walitti dhufeenyi isaa ifa dha:
Aangoo → Ajaja →fi Ergama

Yesuus aangoo hundumaa waan qabuuf, waldoonni Kiristaanaa mootummaa Isaa addunyaatti labsu.

Ergaan Kiristaanaa:
«“Yesuus Gooftaa dha!”»jedhuu qofa osoo hin taane,
«“Namoonni hundi gara Isaatti deebi'anii Isa amanuu fi Isaaf bitamuu qabu.”,jedhuu dha.

GOOFTUMMAA FI FAYYINA — ROOMAA 10:9–13
Roomaa 10:9
«“ Egaa dhaqaa, maqaa abbaatii fi ilmaatti, kan hafuura qulqulluuttis isaan cuuphuudhaan, saba hundumaa bartoota koo godhaa*! .”»

Caqasni kun wantoota lama walitti qaba:
1. Garaa — Amantii
Nama tokko garaa isaatiin Waaqayyo Yesuus du'aa akka kaase amana.
2. Afaan — Beeksisa
Amantii isaa afaaniin Yesuus Gooftaa ta'uu isaa beeksisa.

Garuu kun jecha sirrii qofa irra deddeebi'uu jechuu miti.

“Yesuus Gooftaa dha” jechuun:
- Isa amanuu;
- eenyummaa Isaa fudhachuu;
- du'aa ka'uu Isaa amanuu;
- mootummaa Isaa fudhachuu;
- Isaaf of kennuu of keessatti qaba.

Roomaa 10:13
«“Caaffanni qulqullaa'aan, “Namni maqaa gooftaa waammatu hundinuu in oola” in jedha*.”»
Kanaaf fayyinni Yesuus Kiristoos waliin walitti hidhata cimaa qaba.
GOOFTUMMAA FI CUBBUU
Yesuus Gooftaa keenya taanaan cubbuu irratti aangoo qaba.

Fayyinni jechuun:
cubbuu ofif dhiifama argachuu + Kiristoositti araaramuu + jireenya haaraa jalqabuu.

Kanaaf namni:«“Yesuus na fayyiseera”» jedhee,
garuu: «“Ani Gooftummaa Isaa hin barbaadu”»
jedhuun walitti bu’iinsa qaba.
Fayyinni dhugaan Kiristoositti amanuu fi jireenya keenya keessatti Gooftummaa Isaa fudhachuu waliin walqabata.

GOOFTUMMAA FI QULQULLUMMAA
Yoo Yesuus Gooftaa keenya ta'e, jireenyi keenya qulqullina agarsiisuu qaba.

1 Pheexiroos 1:15–16
Waaqayyo qulqulluu waan ta'eef, saba Isaa qulqulluu akka ta'an waama.
Kanaaf Gooftummaa Yesuus:

- dubbii keenya,yaada keenya, amala keenya, hariiroo keenya,hojii keenya, qabeenya keenya,yeroo keenya irratti dhiibbaa qaba.

GOOFTUMMAA FI QABEENYA
Namni Yesuusiin Gooftaa godhatee yoo fudhate:
«“Wanti ani qabu hundi kan koo qofa miti; Waaqayyo naaf kenne.”»jedhee ilaala.

Kanaaf:
- qabeenya,qarshii yeroo, dandeettii, beekumsa, hojii
hundumaa Gooftaa tajaajiluuf itti fayyadama.

GOOFTUMMAA FI GIDIRAA

Kiristaanonni yeroo rakkoo:«“Gooftaan koo eessa jira?”»
jedhanii abdii kutachuu hin qaban.
Gooftummaan Yesuus rakkoo hundumaa dhabamsiisuu jechuu miti.
Garuu: rakkoo keessa illee Yesuus Gooftaa ta'uu Isaa amanuu jechuu dha.

Fannoo irratti illee Yesuus Gooftaa ture.
Du'a keessatti illee injifataa ture.
Du'aa ka'uu keessatti immoo injifannoo Isaa ifatti mul'ise.

GOOFTUMMAA FI ABDII DHUMAA
Macaafni Qulqulluun guyyaa tokko namoonni hundi Yesuus Kiristoosiin Gooftaa ta'uu Isaa beekanii fuula Isaa dura akka dhaabatan barsiisa.
Filiphisiyuus 2:10–11
«“Kanaanis warri bantii waaqaa keessa jiran, warri lafa irraa, warri lafa jala jiranis hundinuu ulfina maqaa Yesusiif jilbeenfatanii akka sagadan godhe*. Arrabni hundinuus, ulfina Waaqayyoo abbaatiif, Yesus Kristos gooftaa akka ta'e beeksisuuf jiru*. ”»
Kana jechuun Gooftummaan Yesuus yaada Kiristaanota muraasa qofa miti.Inni dhugaa uumama hundaa irratti aangoo qabu dha.

GOOFTUMMAA KIRISTOOS — BARNOOTA WAAQEFFANNAA
Gooftummaan Yesuus waa'ee wantoota armaan gadii nu barsiisa:
1. WAAQUMMAA ISAA Yesuus eenyummaa Waaqummaa qaba.
2. AANGOO ISAA Uumama hundarratti aangoo qaba.
3. MOOTUMMAA ISAA Inni Mootii moototaa fi Gooftaa gooftotaa dha.
4. FAYYINA ISAA Inni cubbuu fi du'a irraa fayyina fida.
5. WAAQEFFANNAA ISAA Inni waaqeffannaa fi ulfina fudhata.
6. AJAAJAMUU ISAATIIF Namni Isa Gooftaa godhatee fudhate Isaaf abboomama.
7. ERGAMA ISAATIIF Mootummaa Isaa addunyaatti labsina.
GOOFTUMMAA KIRISTOOS FI “ANI”
Gaaffiin guddaan barnoota kanaa:
“Yesuus eenyu?” qofa miti.
Garuu: “Yesuus eenyu akka ta'e erga beekte booda, Inni jireenya kee keessatti eenyu dha?”

Namni Yesuusiin:
- Fayyisaa qofa godhe yaadu danda'a;
- Barsiisaa qofa godhe yaadu danda'a;
- Nama dinqii hojjetu qofa godhe yaadu danda'a.
Garuu Macaafni Qulqulluun gara kaanatti nu waama:

«“Yesuus Gooftaa dha.”»

Kana jechuun Inni: Fayyisaa + Mootii + Gooftaa + Abbaa Aangoo + Kiristoos dha.

Barattoonni caqasoota armaan gadii dubbisanii xiinxaluu qabu:

1. Isaayaas 43:10–11, Isaayaas 44:24, Isaayaas 45:22–23,Faarfannaa 110:1,Maatewos 14:22–33,Maatewos 28:18–20,Maarqos 2:27–28,Maarqos 4:35–41,Luqaas 2:11,Yohannis 1:1–3,Yohannis 20:28,Hojii Ergamootaa 2:24, 36,Roomaa 10:9–13, Filiphisiyuus 2:5–11,Qolosaayis 1:15–20,Ibroota 1:1–14


HOJII MANA BARUMSAA
Gaaffii 1
Jechi “Kyrios” maal jechuu dha?
Hiika isaa Afaan Giriikii keessatti ibsi. Sana booda Septuagint (LXX) keessatti maqaan YHWH akkamitti Kyrios waliin walqabate akka ture ibsi.

- Kyrios hiiki;
- LXX maal akka ta'e ibsi;
- YHWH maal akka ta'e ibsi;
- maaliif Yesuusiif Kyrios jedhamee waamamuun barbaachisaa akka ta'e ibsi.
Gaaffii 2
Filiphisiyuus 2:9–11 fi Isaayaas 45:22–23 wal bira qabii ilaali.
Phaawulos akkamitti jecha Isaayaas keessatti Waaqayyoo irratti dubbatame Yesuus Kiristoos irratti hojii irra oolcha?
Deebii kee keessatti:
- jilbeenfachuu,
- beeksisa arrabaa,
- Gooftummaa Yesuus,
- Waaqummaa Yesuus
Gaaffii 3
Yesuus yeroo tajaajila Isaa lafa irra turetti aangoo Gooftummaa Isaa kan agarsiise damee afur barreessi.
Tokkoon tokkoon damee keessatti caqasa Macaafa Qulqulluu tokko kenni.
Fakkeenya:
1. Uumama irratti — Maarqos 4:35–41
2. Dhukkuba irratti — Maarqos 2:1–12
3. Hafuura hamaa irratti — Maarqos 1:23–27
4. Du'a irratti — Yohannis 11:1–44
Gaaffii 4
Roomaa 10:9–13 keessatti “Yesuus Gooftaa dha” jechuun afaaniin beeksisuu fi fayyinni walitti dhufeenya akkamii qabu
Deebii keessatti:
- amantii garaa, beeksisa afaanii, du'aa ka'uu Yesuus,Gooftummaa Yesuus, fayyina walitti hidhi.
Gaaffii 5
“Yesuus Gooftaa koo dha” jechuun jireenya guyyaa guyyaa keessatti maal jechuu dha?
Damee shan filadhu:
- maatii, hojii,qabeenya,hariiroo, murtee jireenyaa,
keessaa tokkoon tokkoon isaanii irratti fakkeenya qabatamaa kenni.
🔸🔸🔸🔸🔸🔸🔸🔸🔸🔸🔸🔸🔸🔸🔸🔸🔸🔸
Deebii Hojii manaa, akkasumas yaada barumsa kana irratti qabdan @MILKAN19 irratti nuuf qoodaa.
━━━━━━━━━━━━━━━━━━━━
🎯 WE ARE FOCUSED
📖 WE PREACH THE GOSPEL
🌍 WE REACH THE NATION
━━━━━━━━━━━━━━━━━━━━

📲 Follow Us:
Website | YouTube | TikTok | Instagram | Facebook

💜❤️💜 YOURS FOCUS 💜❤️💜

Nagaan Waaqayyoo siniif haa baayyatu. Audion barumsa kanaa yeroo muraasa booda waan gad-dhiifamuuf obsaan akka nu eegdan jaalala Waaqayyoon isin yaadachiifna.

🔊Christology Continuous Teaching #Part13

🔻KYRIOS (ΚΥΡΙΟΣ)

Audion barumsa #Christology #part13 akka kanatti qophaa'ee jira.
📌Barumsi kuni barnoota kana booda barannuuf hundee waan ta'eef, sirriitti akka hordoftan isin yaadachiifna.

🔸Akkasumallee HIRIYYOOTA keessan kamillee hirmaachisuu akka hin daganne.

━━━━━━━━━━━━━━━━━━━━
🎯 WE ARE FOCUSED
📖 WE PREACH THE GOSPEL
🌍 WE REACH THE NATION
━━━━━━━━━━━━━━━━━━━━

📲 Follow Us:
Website | YouTube | TikTok | Instagram | Facebook

💜❤️💜 YOURS FOCUS 💜❤️💜

📢CHRISTOLOGY CONTINUES TEACHING #PART14

🔻SŌTĒR

“Ana duwwaatu Waaqayyoo dha, ana malee fayyisaan kan biraa hin jiru*”
Isaayaas 43:11

🤝Nagaan fi ayyaanni Waaqayyoo hunda keessaniif haa baayyatu. Akkam nagaa jirtuu, maatii FOCUS?

🔹Barnoonni waliittii fufaan mataduree "CHRISTOLOGY" jedhu ammas yeroo isaa eeggatee itti fufee jira.
🔹Maarree kutaa 14ffaan guyyaa boruu galagala mata duree xiqqaa "#KIRISTOOS_FAYYISAA" jedhuun itti fufa.
🔸Kanaaf hundumti keenya yeroo keenya mijeffannee irraa haa barannu.
📌Hubachiisa: Barumsi kuni audio fi barreeffaman qophaa'ee jira.
✨Hiriyyoota keenyaafis haa qoodnu.

📆Guyyaa:DILBATA(15-8-2026)
⏰ Sa’aatii: 1:00LT galgala
📍 Channel: @Focus_jit Telegram


━━━━━━━━━━━━━━━━━━━━
🎯 WE ARE FOCUSED
📖 WE PREACH THE GOSPEL
🌍 WE REACH THE NATION
━━━━━━━━━━━━━━━━━━━━

📲 Follow Us:
Website | YouTube | TikTok | Instagram | Facebook


💜❤️💜 YOURS FOCUS 💜❤️💜

📢SUMMER VIRTUAL PROGRAM-3 DAYS LEFT

🔹️🔹️GUYYAA 3TU HAFEE🔸️🔸️

“Ilaa, obboloonni walii wajjin jiraachuun, attam gaarii dha, attam namatti tolas!”--Far.133:1

📆Guyyaa:13-12-2018EC(Roobii)
⏰ Sa’aatii: 12:00LT galgala
📍 Karaa: @Focus_jit (telegram channel)

━━━━━━━━━━━━━━━━━━━━
🎯 WE ARE FOCUSED
📖 WE PREACH THE GOSPEL
🌍 WE REACH THE NATION
━━━━━━━━━━━━━━━━━━━━

📲 Follow Us:
Website | YouTube | TikTok | Instagram | Facebook

💜❤️💜 YOURS FOCUS 💜❤️💜

.....📖 Christology Continuous Teaching  #Part14

🔻KIRISTOOS FAYYISAA (SŌTĒR)

Yesuus Kiristoos Fayyisaa addunyaa ti. Inni barsiisaa naamusaa qofa, raajii qofa, ykn hundeessaa amantii qofa miti. Inni Ilma Waaqayyoo, Masiihii, Gooftaa fi Fayyisaa dha. Hojii Fayyisuu Isaa keessatti inni cubbuu irraa nama fura, Waaqayyoo wajjin araara buuse, du'a mo'e, jireenya haaraa kenne, dhuma irrattis nama Isatti amane argama cubbuu fi du'aa irraa guutummaatti fura abdii kenne.
1. SŌTĒR: HIika “FAYYISAA” FI EENYUMMAA YESUUS
Isaayaas 43:11,Luqaas 2:11,Maatewos 1:21,Hojii Ergamootaa 4:12
A. Hiika jecha Sōtēr
Jechi Giriikii Sōtēr (σωτήρ) jedhu “Fayyisaa,” “baraaraa,” “bilisa baasaa,” ykn “nama balaa keessaa baasu” jechuu dha.
Garuu macaafa Qulqulluu keessatti hiikni isaa bal'aa qaamaa keessaa baasuu/fayyisu qofaan hin daangeffamu. Haala fayyinaa keessatti:
cubbuu → murtii → du'a → addaan fagaachuun argama Waaqayyoo keessaa nama baasuudha.
B. Kakuu Moofaa keessatti Fayyisaan eenyu?
Isaayaas 43:11:
“Ana duwwaatu Waaqayyoo dha, ana malee fayyisaan kan biraa hin jiru*..”
Context isaa keessatti Israa'el waaqota sobaa irratti hirkachaa turan. Waaqayyo garuu Inni qofti Fayyisaa ta'uu isaa beeksise.
Kanaaf yeroo Kakuu Haaraan Yesuusiin Sōtēr jedhee waamu, kun jecha salphaa miti.
Luqaas 2:11:
“Har'a mandara Daawititti fayyisaan isiniif dhalateera; inni immoo Kristos goofticha*. ”
As keessatti maqoonni sadii walitti dhufan:
Fayyisaa — Kiristoos — Gooftaa.
Kana jechuun Yesuus Fayyisaa ta'uu Isaa eenyummaa Isaa irraa adda baasuun hin danda'amu.
C. Maatewos 1:21
“Isheen ilma in deessi; atis maqaa isaa ‘Yesus’ jettee in moggaafta, inni ofii isaatii saba isaa cubbuu isaaniittii isaan in fayyisa” jedheen*.”
Asitti wanti Yesuus irraa eegamu ifa: cubbuu irraa fayyisuudha.
Kanaaf ergamni Isaa inni guddaan rakkoo namaa hundumaa keessaa rakkoo cubbuu furuudha.
Yesuus Fayyisaa ta'uu jechuun Inni nama balaa cubbuu fi du'aa keessaa baasuu danda'u isaa qofa osoo hin taane, Inni mataan Isaa Fayyina Waaqayyo qopheesse sana keessatti namaaf foon uffate dhufe jechuu dha.
2. RAKKOO ILMA NAMAATI: CUBBUU, DU’A FI WAAQAYYOO IRRAA ADDAAN FAGAACHUU
Caqasoota
Uumama 3:1–19,Roomaa 3:23,Roomaa 5:12,Efesoon 2:1–3,Roomaa 6:23
Yesuus Fayyisaa ta'uu hubachuuf dura maal irraa akka nu fayyisu beekuu qabna.
A. Cubbuu jechuun maal?
Roomaa 3:23:
“Hundinuu yakkaniiru, ulfinni Waaqayyoos isaanitti hir'ateera*.”
Roomaa 1–3 keessatti Phaawulos:
warra saba Waaqayyoo hin taane,warra seera qaban,namoota amantii qaban fakkaatan hunda qoratee, hundinuu cubbamoota akka ta'an agarsiisa.
Kanaaf cubbuun rakkoo garee tokkoo miti; rakkoo ilmaan namaa hundaa dha.
B. Cubbuu bu'aa maalii fide?
Roomaa 6:23:
“Beenyaan nama cubbuu hojjetuu du'a; ...”
“beenyaa” jechuun waan hojii irraa argamu jechuu dha. Cubbuu irraa kan argamu dhuma irratti du'a dha.
Efesoon 2:1 immoo nama cubbuu keessatti “du'ee” jedha.
Kun du'a qaamaa qofa miti; du'a hafuuraa, jechuun Waaqayyoo wajjin hariiroo irraa addaan fagaachuu dha.
C. Uumama 3 fi kufaatii namaa
Uumama 3 keessatti namni:
dubbii Waaqayyoo shakkee,ajaja Isaa didee,fedhii ofii filatee, cubbuu keessa seene.
Bu'aan isaa:
sodaa,dhokachuu,abaarsa,dhiphina,du'a,Waaqayyoo irraa addaan fagaachuu.
Rakkoon namaa inni guddaan “namni waan gaarii hin hojjenne” qofa miti.
Rakkoon isaa inni gadi fagaan:
Namni Waaqayyoo irraa addaan citeera; cubbuun immoo nama du'a fi murtii keessa galcheera.
Kanaaf namaaf Fayyisaan barbaachisa.
3. ABDII FAYYISAA KAKUU MOOFAA KEESSATTI
Uumama 3:15,Isaayaas 53,Isaayaas 61:1–3,Zakkaariyaas 9:9.
A. Uumama 3:15 — Abdii jalqabaa
Waaqayyo bofaa fi sanyii dubartii gidduu diinummaa kaa'a.
“Ani sii fi dubartittii gidduu, sanyii isheetii fi sanyii kee gidduus diinummaa nan buusa; inni mataa kee in buruqsa, atis koomee isaa in iddita” jedhe*.”
Kun yeroo baay'ee Protoevangelium, jechuun “wangeela jalqabaa” jedhama.

Kufaatiin namaa booda Waaqayyo battalumatti abdii fayyinaa kenna.
B. Isaayaas 53 — Tajaajilaa Dhiphatu
Kutaan kun hojii fannoo hubachuuf bu'uura guddaa dha.
Tajaajilaan:
dhiphatu,madaa'uu,cubbuu namootaa baatu,bakka isaanii bu'u.
Isaayaas 53:5 yaada guddaa qaba:
“Inni garuu balleessaa keenyaaf in waraaname, sababii yakka keenyaafis reebamee in caccabsame; nuyi nagaa akka argannuuf inni in adabame, madaa'uu isaatiinis fayyinni nuuf in argame*;”
Kana jechuun dhiphinni Isaa dhiphina ofii isaa ykn balleessaa ofii isaa osoo hin taane; bakka namaa bu'ee dhiphachuu dha.
C. Isaayaas 61
Masiihiin:
hiyyeeyyii fayyise,warra booji'amanii jiran bilisa baasa,
warra caccabanii jiran jajjabeessa.
Yesuus Luqaas 4:16–21 keessatti kutaa kana ofitti hojiirra oolcha.
Fayyisaa tokko qofa jira:
Inni cubbuu namaa baatu, bilisummaa fidu, mootummaa Waaqayyoo mul'isu.
Abdiin kun Yesuus keessatti fiixaan baafame.
4. YESUUS KAN BADE BARBAADUU FI FAYYISUUF DHUFE
Caqasoota
Luqaas 15 , Luqaas 19:1–10 , Maarqos 2:13–17 , Maatewos 9:10–13, Luqaas 19:10
“Ilmi Namaa Isa bade barbaaduu fi fayyisuuf dhufeera.”
Kun ergaa Luqaas keessatti baay'ee barbaachisaa dha.
Yesuus nama “bade” barbaada.
“Bade” jechuun:Waaqayyoo irraa kan fagaate;
cubbuu keessa kan gale;
karaa sirrii irraa kan maqee;
jireenya dhugaa kan dhabe dha.
Zaakiyoos akka fakkeenyaatti
Luqaas 19 keessatti Zaakiyoos:
gibira funaana;
hawaasa biratti maqaa gaarii hin qabu;
Yesuusiin arguu barbaada.Yesuus gara isaa dhufe
Kana keessatti ayyaana argina.
Maarqos 2:17
Yesuus:
“Yesus kana yommuu dhaga'e, “Namoonni fayyaan ogeessa qorichaa hin barbaadan, dhukkubsatootatu barbaada malee; ani warra jireenya qajeeltoo jiraatan waamuu hin dhufne, warra cubbamoota waamuufan dhufe malee” isaaniin jedhe*.”
Yesuus cubbamootaaf dhufe.
Fayyinni nama irraa hin jalqabu; Waaqayyoo irraa jalqaba.
Namni bade Fayyisaa barbaaduu dura, Fayyisaan nama bade barbaaduun ni dursa.
5. DU'U YESUUS: FURII, AARSAA FI BAKKA BU'UMMAA
Maarqos 10:45, Isaayaas 53 ,2 Qorontos 5:21 ,1 Phexros 2:24 , Roomaa 3:24–26
Kun wiirtuu fayyinaa ti.
Maarqos 10:45
“Ilmi namaa hojjechiifachuudhaaf hin dhufne, namootaaf hojjechuu fi lubbuu isaa furii namoota baay'eetiif kennuuf dhufe malee” jedhe*.”
Jechi “furii” jedhu kaffaltii bilisummaa wajjin walqabata.
Nama booji'ame tokko bilisa baasuuf gatii kaffalamudha.
Yesuus:
lubbuu Isaa furii godhee kenne.
A. Bakka keenya bu'e
1 Phexros 2:24:
“Nuyi cubbuu jalaa duunee qajeelinaaf akka jiraannuuf, inni ofii isaatii cubbuu keenya dhagna isaatiin baatee fannootti ol ba'e; madaa'uu isaatiin isin in fayyifamtan*. ”
Kana jechuun fannoo irratti Yesuus:
cubbuu Isaa hin baanne;
cubbuu keenya baate.
B. Aarsaa
Kakuu Moofaa keessatti aarsaan cubbuu wajjin walqabata. Yesuus garuu aarsaa dhumaa fi guutuu ta'edha
C. Araara
Roomaa 3:25–26 keessatti Waaqayyo karaa Kiristoos qajeelummaa fi araara Isaa mul'ise.
Kanaaf fannoo irratti: jaalalli Waaqayyoo fi qajeelummaan Waaqayyoo walitti dhufu.
Fannoon Yesuus du'a nama gaarii tokkoo qofa miti.
Fannoon hojii bakka bu'ummaa, furii, aarsaa fi araaraa ti.
6. DU'AA KA'UU YESUUS: INJIFANNOO DU'AA FI MALLATTOO FAYYINAA
Roomaa 4:25 , 1 Qorontos 15:3–4 , 1 Qorontos 15:20–22
Roomaa 6:4
Fayyinni fannoo irratti hin xumuramne.
Yesuus du'aa ka'e.
A. Du'aa ka'uun dhugaa wangeelaa dha
1 Qorontos 15:3–4 keessatti Phaawulos:
Kiristoos cubbuu keenyaaf akka du'e,
akka awwaalame,
guyyaa sadaffaatti akka ka'e
ibsa.
Kanaaf du'aa ka'uun wangeela keessaa waan filannoo miti; wiirtuu wangeelaa ti.
B. Du'aa ka'uun du'a mo'e
Duuti Yesuusiin qabachuu hin dandeenye.
Kun amantootaaf abdii guddaa dha.
1 Qorontos 15:20 Kiristoosiin “Amma garuu Kristos warra du'an keessaa kaafameera, warra obbaafatan keessaas isatu jalqaba ka'e*.” jedha.
Kana jechuun du'aa ka'uun Yesuus du'aa ka'uu amantootaaf abdii ta'a.

C. Jireenya haaraa

Roomaa 6:4 keessatti amantoonni du'aa ka'uu Kiristoos wajjin walqabatee jireenya haaraa keessa deddeebi'uuf waamaman.
Du'aa ka'uun Yesuus: fannoo mirkaneessa, du'a mo'e
Kiristoos Gooftaa ta'uu mul'isa.
amantootaaf jireenya haaraa fi du'aa ka'uu abdachiisa.
7. YESUUS FAYYISAA TOKKICHA: “MAQAA BIRAA HIN JIRU”
Yohannis 14:6 , Hojii Ergamootaa 4:10–12 , 1 Ximotewos 2:5 , Hojii Ergamootaa 4:12
“Fayyinnis Yesus Kristos duwwaadhaan malee, kan biraatiin tokko illee hin jiru; maqaan kan biraa, ittiin fayyuun kan nuuf ta'u, waaqa jalaa ilmaan namootaaf hin kennamne” jedhe. ”
Pheexiros Yesuus Kiristoos isa Naazireetichi, warri Yihudootaa fannoo irratti ajjeesan, Waaqayyo du'aa akka kaase lallaba.
Kanaaf “maqaa” jechuun maqaa afaaniin waamuu qofa miti.
“Maqaa Yesuus” jechuun:
eenyummaa Isaa, aangoo Isaa , hojii Isaa , mootummaa Isaa agarsiisa.
Yohannis 14:6
“Yesus deebisee, “Karichi, dhugaan, jireenyis, ana; anaan yoo ta'e malee, eenyu iyyuu gara abbaa hin dhufu*.”
Yesuus:
“Ani karaa keessaa tokko” hin jenne.
Inni:
“Ani karaa dha.”
jedhe.
Kanaaf fayyinni Kiristoos keessatti addaa fi murteessaa dha.
Kiristaanummaan “karaa hedduu keessaa Yesuus tokko” yaada jedhu irratti hin hundaa'u.
Wangeelli:
Kiristoos qofti Fayyisaa, araaraa fi karaa gara Abbaati geessu dha.jedha
8. FAYYINA ADABBII CUBBUU IRRAA — JUSTIFICATION
Roomaa 3:21–26, Roomaa 5:1 , Roomaa 8:1 ,Efesoon 2:8–9
Kun gama tokkoon “fayyineera” jedhamee ibsamu danda'a.
Roomaa 5:1
“Kanaafis amantiidhaan qajeelota erga taanee, gooftaa keenya Yesus Kristosiin Waaqayyo biratti nagaa qabna*.”
“Qajeelummaa” jechuun maal?
Namni cubbamaan Waaqayyoo duratti akkamitti qajeelaa ta'a?
Hojii isaatiin miti.
Kiristoositti amanuudhaan.
Justification jechuun Waaqayyo nama cubbamaa Kiristoositti amane qajeelaa jechuun fudhachuu dha.
Kun cubbuu akka hin jirre haalu miti.
Garuu:
cubbuu dhiisu,adabbii irraa bilisa baasu, qajeelummaa Kiristoos irratti hundaa'un
nama Isatti amane Waaqayyoo wajjin nagaa keessa galchudha.
Roomaa 8:1
“Egaa amma firdiin, warra Kristos Yesusitti qabamanii jiraatanitti faradamu tokko illee hin jiru*.”
Kun fayyina adabbii irraa ifatti mul'isa.
Fayyina adabbii irraa jechuun:
Kiristoos bakka keenya bu'ee adabbii cubbuu baate; kanaaf nama Isatti amaneef murtiin adabbii bara baraa hin jiru.
9. FAYYINA HUMNA CUBBUU IRRAA — SANCTIFICATION
Roomaa 6:1–14, Galaatiyaa 5:16–25 ,1 Phexros 1:15–16
Efesoon 4:22–24
Namni fayye cubbuu keessatti itti fufee jiraachuu hin qabu.
Roomaa 6:14
“Isin seera jalatti qabamtanii kan jiraattan utuu hin ta'in, ayyaana Waaqayyoo jala waan jiraattaniif cubbuun isin irratti gooftummaa hin qabaatu*. ”
Kun hiika guddaa qaba.
Phaawulos “cubbuu hin qabdan” jechuu isaa miti.
Garuu:
cubbuun mootummaa isaa dhabeera.
Namni ammaa cubbuu wajjin lola keessa jira.
Sanctification jechuun maal?
Jireenya keessatti: cubbuu irraa fagaachuu , amala Kiristoos fakkaachuu , Hafuura Qulqulluu wajjin deddeebi'uu , qalbii ofii haaromsuu;
qulqullummaa keessatti guddachuu.
Garaagarummaa
Justification: Waaqayyo duratti akkamitti fudhatama arganna?
Sanctification: Erga fudhatamnee booda akkamitti jiraanna?
Fakkeenya
Namni hidhaa keessaa baafame haa ilaallu.
Bilisa ta'uun isaa bilisummaa argachuu dha.
Garuu jireenya isaa guutuu akka nama bilisaa jiraachuu barachuu qaba.
Akkasuma Kiristoos nu cubbuu jalaa baasee:
“Amma akka nama bilisaatti jiraadhu.”
Exegetical Point
Fayyinni dhugaan nama cubbuu irraa dhiifama qofa hin argamsiisu; cubbuu irratti jireenya haaraa illee kenna.
10. FAYYINA ARGAMA CUBBUU IRRAA — GLORIFICATION FI HOJII IRRA OOLMAA FAYYINAA
Roomaa 8:18–25, Filiphisiyus 3:20–21, Mul'ata 21:1–5
Efesoon 2:8–10 , Tiitoo 2:11–14
Kun sadarkaa dhumaa fayyinaa ti.
Amma: cubbuu keenyaf dhiifama arganeera.
Amma: cubbuu waliin wallaanso wal qabna/ lolla irra jirra.
Gara fuulduraatti: argama cubbuu irraa guutummaatti bilisa taana.

A. Mul'ata 21:4
“Inni imimmaan hundumaa ija isaaniittii in haqa; wanti duraa waan darbeef, egaa duuni deebi'ee hin argamu, gadduun, iyyuun, waraansis si'achi hin jiru!” jedhe*.”
Kun uumama haaraa keessatti haala fayyinaa guutuu ibsa.
Cubbuu:hin jiraatu;
duuni hin jiraatu;
dhiphinni hin jiraatu;
boo'ichi hin jiraatu.
Kana jechuun Fayyinni Kiristoos dhuma irratti guutuu ta'a.
B. Fayyinni sadarkaa sadii
1. Adabbii cubbuu irraa — Amma
Kiristoositti amanuun qajeelummaa fi dhiifama arganne.
“Fayyineerra.”
2. Humna cubbuu irraa — Adeemsa keessa
Hafuura Qulqulluu keessatti guddachaa, cubbuu mo'achaa deemna.
“Fayyina keessatti guddachaa jirra.”
3. Argama cubbuu irraa — Gara fuulduraatti
Kiristoos yeroo dhufu ykn yeroo Waaqayyo waan hundumaa haaromsu, cubbuu fi du'a irraa guutummaatti bilisa taana.
“Guutummaatti ni fayyina.”
CUUNFAA
1. Sōtēr: Yesuus Fayyisaa dhugaa dha.
2. Rakkoo namaa: Namni hundi cubbuu keessa jira; cubbuun du'a fi Waaqayyoo irraa addaan fagaachuu fida.
3. Abdii Kakuu Moofaa: Waaqayyo Fayyisaa waadaa gale; raajiiwwan Masiihii gara Kiristoositti qajeelchan.
4. Ergama Yesuus: Inni kan bade barbaaduu fi fayyisuuf dhufe.
5. Fannoo: Inni bakka keenya bu'ee du'e; lubbuu Isaa furii godhe.
6. Du'aa ka'uu: Inni du'a mo'ee ka'e; kanaanis fayyina fi jireenya bara baraa mirkaneesse.
7. Fayyisaa tokkicha: Fayyinni maqaa Yesuus Kiristoos keessatti qofa jira.
8. Adabbii cubbuu irraa: Kiristoositti amanuun qajeelummaa fi dhiifama arganna.
9. Humna cubbuu irraa: Hafuura Qulqulluu keessatti cubbuu irratti mo'icha argannee jireenya qulqulluu jiraanna.
10. Argama cubbuu irraa: Uumama haaraa keessatti cubbuu, du'a, boo'icha fi dhiphina irraa guutummaatti bilisa taana.
Hojii Manaa
1.Jechi Sōtēr (Fayyisaa) hiika Maqaa Qulqulluu keessatti maal jechuudha? Kakuu Moofaan akkamitti Yesuus akka Fayyisaatti hubachuuf nu gargaara?
2.Roomaa 3:23, Roomaa 6:23, fi Efesoon 2:1–10 irratti hundaa'uun, maaliif namni hundi Fayyisaa barbaada?
3.Maatewos 1:21, Maarqos 10:45, fi Hojii Ergamootaa 4:12 dubbisi. Caqasoonni kun ergama Yesuusii fi addummaan fayyina Isaa maal akka ta'e akkamitti ibsu?
4.Ibsi
jechooni Kun maal jechuu akka ta'an:Fayyina adabbii cubbuu irraa.Fayyina humna cubbuu irraa.Fayyina argama cubbuu irraa.

🔸🔸🔸🔸🔸🔸🔸🔸🔸🔸🔸🔸🔸
Deebii Hojii manaa, akkasumas yaada barumsa kana irratti qabdan @MILKAN19 irratti nuuf qoodaa.
━━━━━━━━━━━━━━━━━━━━
🎯 WE ARE FOCUSED
📖 WE PREACH THE GOSPEL
🌍 WE REACH THE NATION
━━━━━━━━━━━━━━━━━━━━

📲 Follow Us:
Website | YouTube | TikTok | Instagram | Facebook

💜❤️💜 YOURS FOCUS 💜❤️💜

🔊Christology Continuous Teaching #Part14

🔻SŌTĒR

Audion barumsa #Christology #part14 akka kanatti qophaa'ee jira.
📌Barumsi kuni barnoota kana booda barannuuf hundee waan ta'eef, sirriitti akka hordoftan isin yaadachiifna.

🔸Akkasumallee HIRIYYOOTA keessan kamillee hirmaachisuu akka hin daganne.

━━━━━━━━━━━━━━━━━━━━
🎯 WE ARE FOCUSED
📖 WE PREACH THE GOSPEL
🌍 WE REACH THE NATION
━━━━━━━━━━━━━━━━━━━━

📲 Follow Us:
Website | YouTube | TikTok | Instagram | Facebook

💜❤️💜 YOURS FOCUS 💜❤️💜