يصل الشخص الى مرحلة مع من يحب
‏لدرجة انه يستلذ ويستعذب ويهوا ان يراضي
‏من يحب ويفعل

‏كما قال مدغم ابو شيبه:

‏وش يزعلك وأنتي وانا روحين يحملها نفر
‏وقلوبنا فيها حنان أمٍ تضم صغيرررهاااا.

‏وقال ايضاً:

‏لاتزعل الدنيا ولاتزعلك يالضبي العفر
‏ان كان م جازت لك الدنيا ندور غيرها.

‏"طراة الرفيق اللي لا سولفت معْه ارتحت
‏تسولف معه.. كنّك تسولف على نفسك "

‏«همومي بحر وأشوف قربك فريق انقاذ
‏أربك مع الايام .. بتحاول انقاذي»
‏— صالح النشيرا

من حبها كن ماخلق غيري على الدنيا شجاع
‏ لو دربها جمرة وطتها الرجل ماحسيتها

‏- حمد المري

"مايفرّط فيك غير اللي معه قلّة صحايه
‏مستحيل إنه يفرّط فيك مستبصر وصاحي"

«خذيني من إزعاج المدينة وضوضا الناس
‏لدارٍ هواها ما يجي غير .. أنا وأنتي»
‏— عناد القثامي

لما محمد الشويّب يعيد تشكيل الخوف بصوره جميلة :

‏« متعمّد أستبعد لقاك وعايف
‏ ولي كم ليلة بالقسى متسلّح

‏ أنتي كسرتي قلبي وأنا خايف
‏خايف يكون اللي انكسر يتصلح »

"أنا إذا ما شافني قاصر الشوف
‏والله ما أقول لقاصر الشوف شفني"
‏مبدأ ثابت.

كل ما غنّيتها خلف الاسم المُستعار
‏أغمزت لي عينها .. تدري أني ميدها

‏_ منيف الجراش

"انتي سوات اللي معنّقها دقيق
‏فنجالها الاول لـ راعي الاوّله"
‏- جابر النشيرا

جادلٍ ربي عطاها الزين كله
‏الجمال اللي عليها ماحصرها

‏كبر عين وحلو ثغر وزين طله
‏وكن نور البرق ، في لبة نحرها

‏والشعر قصه لحاله دون زله
‏والله أن الليل ، كنه من شعرها

‏فيه حاجه منصدم منها من الله
‏يقدر المسباح يدخل في خصرها ".

-😮‍💨❣️!

يا وجه الصباح اللي شروقه بداية خير
‏تحلّاه عينٍ مالها صدّةٍ عنّه

‏حبيبٍ حضوره غير عادي وحبّه غير
‏احاتيه وابرّه واداريه واحنّه

‏_جابر النشيرا و 😮‍💨❣️.

‏والله اني من سلايل طويلين الشبور
‏في عروقي كلها ما جرى دم رخمه

‏قد فتح لي باب فخرٍ ليا يوم النشور
‏شايبٍ يا جعل ربي بعفوه يكرمه

‏فارسٍ يوم الليالي دبورٍ في دبور
‏أشجع الفرسان ما حاف ذوده واغنمه

‏غير ما أحب الكبر والتغطرس والغرور
‏من صغر سني وانا فـ التواضع مغرمه❣️.

‏كل شيء يهون إلا إني أجي مندفع وأرجع
‏ شايل الحساااااااايف وأنا أردد
‏" الشرهه علي "

‏"أنا على ما تشتهي نفسي و وين ألقى هواي
‏محدٍ يحرك وجهة شراعي على السبع البحور

‏إليا رضيت أطيّر الحاجة و أوصلها سماي
‏و إليا زعلت — أخلي الحاجة دبورٍ في دبور"

‏بخصتك ! وشفتك شي مايستحق الجهد
‏وصديت عنك صدت القانع الراضي !!

‏ابعتبرك من اغراضي اللي تركت بزهد !
‏وصارت لغيري بعد ماكانت اغراضي .

‏"مرّةٍ أسلى .. ومرّه يعاودني بلاي"
‏سعد بن جدلان لم يكن يعلم إن هذا الشطر يوصف أكثر حالة مزرية يمر فيها الإنسان .. هذا الأضطراب لا يوجد له وصفة طبية.

كان يقول :
سلامي على اللي حبها ساقني للجال
‏قامت تليّن في طبوعي وأنا قاسي🌷.

"مثل ماتجيك الكربه الي بدون اشعار
‏يجيك الفرج من خالقك وانت ماتدري"
‏— سهالات يا إنسان

‏ماحزنت الا على هقواتي وطيبي وظني
‏يوم كنت اظنه اطيب من على الدنيا لقيته

‏كنت اشوفه قطعه من قلبي وروحي ومني
‏وكنت اشوفه كل حلم وكل شي قد بغيته

‏ماهقيت انه بيحزني وعاده بيغبني
‏في وفاي اللي وفيت وفي غلاي اللي عطيته

‏ابتعد عني وهو ناذر نذر مايغيب عني
‏يلعن الله كل عهد وكل طيب قد هقيته