‏كل ما جيت أتخلص من علامات اضطرابي
‏ما قدرت ازيّف الواقع ، واصد مْن الحقيقة

‏القلب يكسره اللسان ولا تجبّره اليدين
‏ماهوب عظمً كل يوم تكسّره وتجبره

- صالح النشيرا

بعد ماطالت مشاوير الحياة و سجوّ السالين
نويت أعيش ف الدنيا وأسايرها ولا أمداني

ترجعني لـ خيبات الظنون وزلة الغالين
و أطوّفها على شان الهوى ماهو على شاني

وأنا ماني غشيمٍ ف التعامل وأعرف الغاوين
أجامل و اتشيم و الخطأ ما هو ب يخفاني

‏لو تساعدني خطاوي رجلي بـ حزّة مراحي
‏من يساعدني على روحٍ يدبّ الشوق فيها ‏

عبدالله السراهيد

‏و لا زال الأمل موجود و الدنيا مدار أفلاك
‏هذا نجمٍ تسرحه النجوم وذاك تضوّي به

‏من عذاب الذكريات ؟ أحتاج لي صبر و عزيمه
‏ليت دون « الذكريات القاسيه » عازل حراري

‏ما عرّضنا مغاليق الضماير بيعة أول سوم
‏لها الله لا أستضاقت من غثا الوقت و غرابيله

‏لو إن أحيان تصعب وقفة الخاطر على الحلقوم
‏عسى ما فات من عمرٍ مضى فدوة مقابيله

‏و عسانا لا عطينا السر أحد ينساه ثاني يوم
‏ما هو ينساه لا من حبنا و إن عاف يطري له

‏سقاك الفقد و أشجاك الرحيل و قسوة الغيِّاب
‏يا قلبي ما لك إلا الشوق و مكابد تناهيده

‏تجرّعت التجارب وأعتبرت ولا خذلّت الروح
‏أنا الباني وأنا الهادم وأنا الداله وأنا الشاقي

تمرّه ذكرياتٍ ماخذتها نعمة النسيان
‏ويزعجه الحنين اللي أمتلا به صدره وكنّه

⁣*

شيمة الانسان ميزان .. اعتداله وانحرافه
‏تنذره ، لا شافت الاوضاع ما هي مستتبه

‏إن عجزت إنّك ترد النفس عن شيٍ تعافه
‏ماقدرت تحطّ نفسك فالمكان اللي تحبه

كل ليله ، من ليال العمر ماهيب أجوديّه
‏جعلها تفدا طواريقي ، وحزني ، وإبتسامي‏

- مشاري محمد

‏مره زعـول أدناة حاجه تبكّيه
‏ومـره تقول إنه علىٰ طـول راضي

‏— سيرة ذاتيّة