የአዲስ አበባ ዩኒቨርስቲ ሙስሊም ተማሪዎች ሕብረት ለዩኒቨርሲቲው የUAT ፈተና፣ መመዝገቢያ እና ትራንስፖርት ወጪ መሸፈን የማይችሉ ልጆችን ለመደገፍ በለቀቀው ፎርም ተመዝግባችሁ እስካሁን ያልተደወለላችሁ ወንድም እና እህቶች፤ ስልካችሁን ማግኘት ስላልቻለን በ @Aaumuslimstudentsunion1 እንድታናግሩን እንጠይቃለን።

@aaumsu

በአባጂፋሯ ጅማ የተገፈፈ ክብር፤ የተከለከለ ሒጃብ ... በአባጂፋር ልጆች የተደረገ ትግል፤ የተከፈለ መስዋዕትነት፤ የተረጋገጠ ክብር --- በጅማ ዩኒቨርስቲ !

ሕያው ምስክር - 2

አባጂፋር (ረህመቱላሂ ዐለይሂ) ከጅማ መምለካ ተሻግረው፤ ሐበሻንም አቋርጠው ስለሙስሊሞች መብት የሚብሰለሰሉ፤ የሚታገሉ፤ መስዋዕትነት የከፈሉ ታላቅ እና ፍትሐዊ ንጉስ ነበሩ። ሆኖም ግን ከአመታት ቡሃላ፤ በጅማ ከተማ፤ በጅማ ዩኒቨርስቲ ቅጥር ግቢ ውስጥ ሙስሊም ተማሪዎች ባይተዋር ሆኑ። ሙስሊም ስለሆኑ ሊለብሱት ግዴታ የሆነውን ሒጃብ (ኒቃብ) ከመልበስ ተከለከሉ። ለተከታታይ አስር አመታት ያክል በተለያየ ጊዜ፤ በተለያዩ ሰዎች ክብራቸው ተደፈረ።

ይህ እየሆነ ባለበት በ2017 ዓ.ል የአባጂፋር ልጆች መብታቸውን ያስከብሩ ዘንድ የአላህ ፍቃድ ሆነ። በወርሐ ረመዷን ከተራዊህ መልስ ኒቃቢስት ተማሪዎች ወደ ግቢ ካልገቡ እኛም አንገባም በማለት ለተከታታይ አራት ቀናት ታገሉ። መሪዎቻቸው ቢታሰሩም ፀንተው ቆሙ። በአላህ ፈቃድም በፍትሐዊው ንጉስ ሐገር የተነፈገው ነፃነት ተከብሮ ፍትሕ ፀና።

የነበረውን ሂደት፤ የተፈጠሩትን ክስተቶች፤ የመጣውን ውጤት በሕያው ምስክር - 2 የምንዳስስ ይሆናል።

መስከረም - 1
ጁምዓ ከምሽቱ 3:00 ጀምሮ !

በአዲስ አበባ ዩኒቨርስቲ ሙስሊም ተማሪዎች ሕብረት ይፋዊ የቴሌግራም ገፅ (@aaumsu) እንገናኝ። መልዕክቱ ለሁሉም ይደርስ ዘንድ share ያድርጉ።

@aaumsu

ለግፍ ያላጐነበሰው ንጉሥ 👑

ክፍል 4

ነጃሺ ኢስላምን መቀበሉን ግልጽ አድርጎ ለነቢዩ (ሶ.ዐ.ወ) ዳብዳቤ ጻፈ::
ደብዳቤው የሚከተለው ነበር ፡-

በአላህ ስም እጅግ በጣም ሩኅሩኅ በጣም አዛኝ በሆነው፤ይድረስ ለሙሐመድ-የአላህ መልዕክተኛ-ከነጃሺ አስሐማ፡፡

“ከአላህ የሆነ ሰላምታ በእርስዎ ላይ ይሁን-የአላህ ነቢይ፤እዝነቱና በረከቱም ይሁንብዎ፤ ወደ ኢስላም ከመራኝ አላህ በቀር ሌላ ሊገዙት የሚገባ አምላክ እንደሌለ እመሰክራለሁ::
ከዚህም በመቀጠል የአላህ መልዕክተኛ ደብዳቤዎ ደርሶኛል። በሰማይና በምድር ጌታ እምላለሁ፡፡ ስለማርያም ልጅ ዒሳ (ኢየሱስ) የጠቀሱልኝን በተመለከተ ራሱ ዒሳም ቢሆን እርስዎ ካሉት የጨመረው ነገር የለም:: ወደኛ የተላኩበትን ምክንያት አውቀናል፡፡ እርስዎም የአላህ መልዕክተኛ መሆንዎን፣ እውነተኛ እና በሐቅ መስካሪ (ሊተማመኑብዎት የሚገባዎ) መሆንዎን ተገንዝበናል፡፡ ለዚህም ቃል ኪዳን ገብቻለሁ:: የአጎትዎን ልጅ ቃል ኪዳን ፈጽሜለታለሁ:: የዓለማት ጌታ ለሆነው ለአላህም እጅ ሰጥቻለሁ።”

ነቢዩ (ሶ.ዐ.ወ) ኡሙ ሐቢባን (ረምላ ቢንት አቢ ሱፍያንን) ለማግባት በሁለተኛው ደብዳቤያቸው ነጃሺን ጠየቁ፡፡ ነጃሺም ነቢዩን (ሰ.ዐ.ወ)ወክሎ ኒካሁን አስፈጽሟል፡፡
ለኢስላም ስትል ወደ ሐበሻ ከነባሏ የተሰደደችው ኡሙ ሐቢባ ቢንት አቢ ሱፍያን ባሏ እምነቱን በመቀየሩና በመሞቱ ነቢዩ እጅግ አዘኑ፡፡
ልቧ ክፉኛ የተሰበረውን ኡሙ ሐቢባን ራሳቸው ለማግባት ወሰኑ፡፡ ለዚህም ነበር በዐምር ኢብኑ ዑመያ አል-ደሚሪይ አማካኝነት መልዕክት ወደ ነጃሺ የላኩት:: ነጃሺም መልዕክቱ ሲደርሰው ለኡሙ ሐቢባ ቢንት አቢ ሱፍያን በቤተ መንግሥቱ አገልጋይ በነበረችው አብረኸት መልዕክት ላከባት:: ልቧ ተሰብሮ የነበረው ኡሙ ሐቢባ ዜናው በአብረኸት አማካኝነት ሲደርሳት እጅግ ተደሰተች፡፡ ጋብቻው ይፈጸም ዘንድ ኻሊድ ቢን ሰዒድን ወከለች:: እጅግ ከመደሰቷ የተነሳም የምሥራቹን ለነገረቻት አብረኸት የተለያዩ የብር ጌጣጌጦችን ሰጠቻት::
ይህ ውቡ ታሪካችን ነው ከራስ አልፎ ለሌላው አለም መትረፍን የምንማርበት ፤ንጉስ ነጃሺም ከራሳቸው አልፈው ሌሎች በሃቅ ጎዳና ላይ እንዲገኙ ሚናቸውን በሚገባ ተወጥተዋል።

ነገር ግን የነጃሺ መስለም ዛሬም ድረስ ሲተረክ ለመቀበል የማይፈልጉ አካላት አሉ::
በእርግጥ እነኚህ ወገኖች አንድ የክርስቲያን ንጉሥ ሊሰልም የማይችልበትን ሁኔታ ማሳየት አልቻሉም።

ያለ መረጃ እንዲሁ ማጣጣልን መርጠዋል::
ነጃሺ ኢስላምን መቀበሉ ብቻ ሳይሆን ዳዕዋ በማድረግ ያስለማቸው ግለሰቦችም ነበሩ።

ከነዚህ መካከል ዐምር ኢብኑል ዓስ ይገኝበታል። ዐምር ሶሓቦችን
ወደ መካ ለማስመለስ ተልኮ ሳይሳካለት ከተመለሰው የቁረይሽ ልዑክ አንዱ እንደነበር ይታወሳል።
በበርካታ ጥንታዊ ኢስላማዊ መዛግብት ላይ እንደተዘገበው ዐምር ኢብኑል ዓስ ኢስላምን የተቀበለው በንጉሥ ነጃሺ እጅ ነበር።
ይህ ሊሆን የቻለው ዳግም ወደ አክሱም በተመለሰበት ጊዜ ነበር፡፡ ዐምር ኢብኑል ዓስ እንዲህ ይተርክልናል፡-
ከኸንደቅ ጦርነት በኋላ ከቁረይሽ ጎሳ መካከል ንግግሬን የሚሰሙኝንና የሚያከብሩኝን ሰዎች ሰበሰብኩ፡፡
“እንደምታዩት የሙሐመድ ነገር (ለኛ) ከቀን ወደ ቀን በሚያስጠላ ሁኔታ እያየለና እየበረታ ሄደ። እኔ አንድ ሐሳብ አለኝ::
በርሱ ላይ ምን ትላላችሁ? ስል ጠየቅኳቸው:: ‹‹ምን አሰብክ?›› አሉኝ፡፡
‹‹ወደ ነጃሺ እንሂድና ከእርሱ ዘንድ እንሁን፡፡ ሕዝባችንን ሙሐመድ ካሸነፈ በነጃሺ ግዛት ስር ሆንን ማለት ነው፡፡ ከርሱ ዘንድ መሆናችን በሙሐመድ ሥር ከመሆን ይልቅ ለኛ የተወደደ ነው:: ሕዝቦቻችን ካሸነፉ ደግሞ በእርግጥ በነርሱ ዘንድ ስለምንታወቅ መልካም ሁኔታ እንጂ አይገጥመንም›› አልኳቸው::
‹‹መልካም ነው› በማለት ከኔ ሐሳብ ጋር ተስማሙ:: ለነጃሺ የሚሰጡትን ስጦታዎች እንዲያሰባስቡ ነግሬያቸው ወደርሱ አገር ተጓዝን::

የነቢዩ መልዕክተኛ ዐምር ኢብኑ ዑመያ አል ደሚሪይ በነ ጃዕፈርና በሶሓባዎች ጉዳይ ከነጃሺ ዘንድ ገብቶ ሲወጣ አየነው::

ለወዳጆቼ “ይህ ዐምር ኢብኑ ዑመያ አል-ደሚሪይ ነው:: ከነጃሺ ዘንድ ገብቼ ስጦታዎችን ሰጥቼው የዚህን ሰው አንገት እንድቆርጥ (እንድገድለው) ጠይቄ ቢፈቅድልኝና ይህን ባደርግ የሙሐመድን መልዕክተኛ በመግደሌ ቁረይሾች ትልቅ ውለታ እንደዋልኩላቸው (ምንዳ እንደከፈልኳቸው) ይቆጥሩ ነበር›› አልኳቸው:: ነጃሺ ዘንድ ገባሁ:: ከዚህ በፊት እንደማደርገው ለርሱ (ለሰላምታ) አጎነበስኩ፡፡

ነጃሺም ‹እንኳን ደህና መጣህ ወዳጄ›› አለኝ:: በርካታ ስጦታም ሰጠሁት:: (በኋላ ላይም) ዐምር ‹‹የጠላታችን ሙሐመድ መልዕክተኛ ከአንተ ዘንድ ገብቶ ሲወጣ አየሁት:: (ከቁረይሽ) ታላላቆቹና ምርጦቹ ተገደሉ፡፡
ስጠኝና ይህን ሰው ልግደለው›› ስል ጠየቅሁት::
ነጃሺ በጥያቄው ክፉኛ ተናደደ።
ዐምርም በነጃሺ አኳኋን ተደናገጠ፡፡
‹‹ምናለ መሬት ተቀዳ በዋጠችኝ!›› እስኪል ድረስ የቁጭት ስሜት ተሰማው፡፡

‹‹ንጉሥ ሆይ! ይህ ጉዳይ እንዲህ የሚያናድድዎ መሆኑን ባውቅ አልጠይቆትም ነበር›› ሲል ተናገረ፡፡

ነጃሺም ‹‹ለሙሴ ይመጣ የነበረው መልአኩ ገብርኤል (ጂብሪል) የሚመጣለትን ሰው መልዕክተኛ ልትገድል ትጠይቀኛለህን?›› ሲል በቁጣ ተናገረ፤ገሰጸው፡፡
ዐምርም ‹‹ንጉሥ ሆይ! እንደዚያ ነው እንዴ?›› ሲል ጠየቀ።
ነጃሺም ‹‹ወየውልህ ዐምር! እኔን ታዘዘኝና እርሳቸውን (ነቢዩ ሙሐመድን) ተከተላቸው፡፡ በአላህ እምላለሁ! ሙሴ በፊርዓውንና ሠራዊቱ ላይ ድል እንዳደረገ ሁሉ
ሙሐመድም በእውነት በተቃዋሚዎቹ ላይ ድል ማድረጉ የማይቀር ነው› አለ፡፡

ዐምር ‹‹በኢስላም ላይ ቃል ኪዳን ተጋባኝ›› ሲል ነጃሺን ጠየቀ። ነጃሺም “መልካም›› በማለት እጁን ዘርግቶ ከዐምር ኢብኑል ዓስ ጋር በኢስላም ላይ ቃል ኪዳን ተጋባ። በነጃሺ ግሳጼና ዳዕዋ የተማረከው ዐምርም ኢስላምን በነጃሺ እጅ ተቀበለ።

ዐምር ትረካውን ይቀጥላል፡- “እጄን ዘርግቼ በኢስላም ላይ ቃል ኪዳን ተጋባሁ:: ከርሱ ዘንድ ስወጣ መስለሜን ከወዳጆቼ ደበቅሁ:: ወደ ነቢዩ (ሶ.ዐ.ወ) ተጓዝኩ:: ጊዜው ከፈትህ (hመካ በድል መከፈት) በፊት ነበር፤ወደ መዲና ስሄድ በመንገድ ላይ ኻሊድ ኢብኑ ወሊድን አገኘሁት::

የሱለይማን አባት ወዴት ነው?› ስል ጠየቅኩት:: ሊሰልም እንደሚሄድ ነገረኝ። «በአላህ ይሁንብኝ! እኔም ለእስልምና ስል ነው የመጣሁት› ስል ገለጽኩለት::
መንገድ ላይም ዑስማን ቢን ጠልሀን አግኝተው ተያይዘው ሄዱ፡፡
ዐምርም ሙስሊምነቱን ይፋ አድርጎ ከነቢዩ ጋር ቃል ተጋባ፡፡
ነቢዩን (ሶ.ዐ.ወ) አገኛቸውና ‹‹የአላህ መልዕክተኛ ሆይ! እኔ ያለፈው ወንጀሌ እንዲማርልኝ  መስፈርት በማድረግ ከርስዎ ጋር ቃል ኪዳን ልጋባ›› አላቸው፡፡ ነቢዩም (ሶ.ዐ.ወ) ‹‹ዐምር ሆይ! ቃል ኪዳን ተጋባኝ! ኢስላም ከርሱ በፊት የነበረውን ኃጢአት ያብሳል:: ስደትም ከርሱ በፊት የነበረውን ያብሳልና›› አሉ::

በነጃሺ እጅ የሰለመው ዐምር ኢብኑል ዓስ ያለፈው ወንጀሉና ጥፋቱ እንዲማርለት ከነቢዩ (ሶ.ዐ.ወ) ጋር ቃል ኪዳን ተጋባ፡፡
በዚህም ሐበሻዊው ሙስሊም ንጉሥ ነጃሺ ዐምርን ማስለም ቻለ፤
ዐምርም በ640 ግብጽን በመክፈት ከእስላማዊው የኸሊፋ ግዛት ጋር የቀላቀለ ታላቅ ሳሃባ ነበር።
በእርግጥም ኋላችን ትግል ያዋዛው፣ መማሪያ፣ መገሰጫ እና መንቂያ ደዉል መሆን በሚችል መልኩ ሰፍሯል።
እኛስ?ለወደፊቱ ትውልድ መቅረቡ ግድ የሆነውን ታሪካችንን በምን መልኩ እየጻፍነው ይሁን?

የመጨረሻው ክፍል ይቀጥላል…

@aaumsu

በአባጅፋሯ ጅማ የተገፈፈ ክብር፤ የተከለከለ ሒጃብ ... በአባጅፋር ልጆች የተደረገ ትግል፤ የተከፈለ መስዋዕትነት፤ የተረጋገጠ ክብር --- በጅማ ዩኒቨርስቲ !

ሕያው ምስክር - 2

አባጅፋር (ረህመቱላሂ ዐለይሂ) ከጅማ መምለካ ተሻግረው፤ ሐበሻንም አቋርጠው ስለሙስሊሞች መብት የሚብሰለሰሉ፤ የሚታገሉ፤ መስዋዕትነት የከፈሉ ታላቅ እና ፍትሐዊ ንጉስ ነበሩ። ሆኖም ግን ከአመታት ቡሃላ፤ በጅማ ከተማ፤ በጅማ ዩኒቨርስቲ ቅጥር ግቢ ውስጥ ሙስሊም ተማሪዎች ባይተዋር ሆኑ። ሙስሊም ስለሆኑ ሊለብሱት ግዴታ የሆነውን ሒጃብ (ኒቃብ) ከመልበስ ተከለከሉ። ለተከታታይ አስር አመታት ያክል በተለያየ ጊዜ፤ በተለያዩ ሰዎች ክብራቸው ተደፈረ።

ይህ እየሆነ ባለበት በ2017 ዓ.ል የአባጅፋር ልጆች መብታቸውን ያስከብሩ ዘንድ የአላህ ፍቃድ ሆነ። በወርሐ ረመዷን ከተራዊህ መልስ ኒቃቢስት ተማሪዎች ወደ ግቢ ካልገቡ እኛም አንገባም በማለት ለተከታታይ አራት ቀናት ታገሉ። መሪዎቻቸው ቢታሰሩም ፀንተው ቆሙ። በአላህ ፈቃድም በፍትሐዊው ንጉስ ሐገር የተነፈገው ነፃነት ተከብሮ ፍትሕ ፀና።

የነበረውን ሂደት፤ የተፈጠሩትን ክስተቶች፤ የመጣውን ውጤት በሕያው ምስክር - 2 የምንዳስስ ይሆናል።

መስከረም - 1
ጁምዓ ከምሽቱ 3:00 ጀምሮ !

በአዲስ አበባ ዩኒቨርስቲ ሙስሊም ተማሪዎች ሕብረት ይፋዊ የቴሌግራም ገፅ (@aaumsu) እንገናኝ። መልዕክቱ ለሁሉም ይደርስ ዘንድ share ያድርጉ።

@aaumsu

የሀገራዊ ምክክሩ አንደምታ

ሀገራዊ ምክክር ምንድን ነው? ሂደቱ እንዴት ነበር? ከውጤቱስ ምን እንጠብቅ? ከእኛስ ምን ይጠበቃል?

የኢትዮጵያ ከፍተኛ ትምህርት ተቋማት ሙስሊም ተማሪዎች ሕብረት ፕሬዚዳንት ከሆነው ሙሐመድአሚን ካሳው ጋር ጥልቅ ውይይት ተደርጓል።

ያዳምጡ፤ ለሌሎችም share አድርጉ።

@aaumsu

እውነትም፣ እስልምና ሰላምን የሚያስተምር፣ በጽናት ለእውነትና ለፍትሕ መቆምን የሚያስተምር እምነት ነው!!

ጂማ ዩኒቨርሲቲ ብዙ የመስዋትነትን ታሪኮችን ከጀርባው ያዘለውን ውዱን የሙስሊም ሴት ሂጃብ ለተማሪዎቹ አጀንዳ ካደረገ ረጅም ጊዜን አስቆጥሯል። በነዚህ ሁሉ ጊዜያት ሰላምን መንገዳቸው ጽናትን መለያቸው ያደረጉ የግቢው ሙስሊም ተማሪዎች እስልምና የሰላም እምነት መሆኑ በ ተግባር ከኖሩት ውስጥ ተጠቃሾቹ ናቸው••

የአባጂፋር ሀገር ጂማ ስትጠራ፣ ሙስሊሙ ማህበረሰብ በስፋት የሚኖርባት አካባቢ መሆኗ ከሚገልጿት ቀዳሚ መገለጫዎቿ አንዱ ነው። ታዲያ ሂጃብን አንዱ የ ሂወቱ ክፍል አድርጎ ሚኖር ማህበረሰብ ውስጥ
🎯ሂጃብ ለ ትምርት ስኬታማነት እንቅፋት
🎯ሂጃብ ለ ግቢውና ለማህበረሰቡ የ ደህንነት ስጋት ሆኖ ሊቀርብ የቻለው በምን አግባብ ነው ?!

እንዴትስ ሂጃብን የ ሕይወት መርህ ብሎ ልጁን ያስያዘ ማህበረሰብ ውስጥ በሂጃብ ጥያቄ ምክንያት ተማሪዎችን ማግለል፣ ማንከራተት፣ ማሰር አልፎም ከግቢው ማባረር ጋር መድረስ ተቻለ ?!

✨ሕያው ምስክር ~2~ የጂማ ዩኒቨርሲቲ የ ነጻነት ጉዞ!

ተጋባዥ እንግዶች
አብዲ ኮርማ ~ በጊዜው የጂማ ዩኒቨርስቲ ሙስሊም ተማሪዎች ጀመዓ አግሪ ካምፓስ አሚር
ሱደይሲ አብዱረሕማን~ የጂማ ዩኒቨርስቲ ሙስሊም ተማሪዎች ጀመዓ አሚር

🗓መስከረም-1 የፊታችን ጁምዐ!
🕞ከምሽቱ 3:00 ጀምሮ!

@aaumsu

ምስሉን ፕሮፋይል እናድርግ
በስቶሪዎቻችን ላይ እናጋራ
ቻናል እና ግሩፕ ያላችሁ መልዕክቱን በዚያ በኩል አድርሱ
ኢንቦክስ በመግባትም ለምናውቃቸው ሁሉ እንላክ!

ጁምዓ (መስከረም 1) ከምሽቱ 3 ሰዓት ጀምሮ እንገናኝ !

የአባ ጅፋር ልጆች የሰሩትን ትግል፤ የከፈሉትን መስዕዋትነትን ሕያው ምስክር ሆኖ እንቃኛለን። በደልን አንቀበልም ብለው እስር ቤት እስከማደር ስለደረሱት የጁማ ዩኒቨርሲቲ ሙስሊም ተማሪዎች ትግል እንቃኛለን።

ቻለንጁን እንቀላቀል !

@aaumsu

ጥቂት ሰዓታት ብቻ ይቀሩታል!

ምስሉን ፕሮፋይል እናድርግ
በስቶሪዎቻችን ላይ እናጋራ
ቻናል እና ግሩፕ ያላችሁ መልዕክቱን በዚያ በኩል አድርሱ
ኢንቦክስ በመግባትም ለምናውቃቸው ሁሉ እንላክ!

ዛሬ ከምሽቱ 3 ሰዓት ጀምሮ እንገናኝ !

@aaumsu