"የሀይማኖታዊ መብቶቻችንን የመጠበቅ ግዴታ አለብን!!"

"ዩንቨርሲቲዎች የጋራ ሀብቶቻችን ናቸው!"

ወንድም ሙሐመድ አሚን ካሳ ~ የEHEMSU ፕሬዚደንት!

@aaumsu

" ዛሬ ለተደረጉ ነገሮች ወደፊት ለሚደረጉ ነገሮች በጥልቀት መወያየት አለብን !! መንቃት አለብን!! "

"የአዲስ አበባ ሙስሊም ተማሪዎች ህብረት ሊበረታታ ይገባል በርቱ በዚሁ ቀጥሉ"

ሙሃመድ አሚን ካሳው ~ የኢትዮጵያ ከፍተኛ ትምህርት ተቋማት ሙስሊም ተማሪዎች ህብረት ፕሬዚደንት
@aaumsu

የቀድመው የጅግጂጋ ዩኒቨርስቲ ፕሬዚዳንት፤ በአሁኑ ወቅት ደግሞ በአዲስ አበባ ዩኒቨርስቲ ሳይኮሎጂ ዲፕርትመንት ሌክቸር ድጋፋችንን ይሻሉ !

ዶክተር አብዱናሲር አሕመድ በአንድ ወቅት ጂግጂጋ ዩኒቨርስቲን በፕሬዚዳንትነት ያገለገሉ አንጋፋ ምሁር ናቸው። በአሁኑ ወቅት በአዲስ አበባ ዩኒቨርስቲ ሳይኮሎጂ ዲፓርትመንት መምህር ሲሆን ባደረበት ፅኑ ሕመም ምክንያት በውጭ ሀገር እንዲታከም ስለተወሰነና ከሕክምና እና ከአንዳንድ ወጪዎች ጋር ተያይዞ የገንዘብ እጥረት ስላጋጠመው እርዳታ ይደረግለት ዘንድ በአዲስ አበባ ዩኒቨርስቲ የትምህርት እና ቋንቋዎች ጥናት ኮሌጅ ጠይቋል።

ነብያችን ሙሐመድ (ሰለላሁ ዐለይሂ ወሰለም) አንድ ሙስሊም ከሌላኛው ሙስሊም ልክ እንደ አንድ አካል ነው ብለዋልና የዶክተርን ችግር ችግራችን አድርገን እንተባበራቸው ዘንድ ጥሪያችን ነው። የአንድን ሙዕሚን ጭንቀት በዱንያ ላይ ያቃለለ አላህ ከአኼራ ጭንቀቱ ያቃልልለታልና በቻልነው አቅም ከዶክተር ጎን በመቆም ጭንቀታቸውን እናቃል። መልዕክቱን ለሌሎችም በማዳረስ በኸይር ስራው ላይ ተሳታፊ እንሁን።

የንግድ ባንክ አካውንት፦ 1000003646096 (Abdenasir Ahmed Ibrahim). የላካችሁበትን screenshot በማድረግ @Niqab_issueBot ላኩልን።

አላህ ሙሉ አፊያቸውን ይመልስ፤ የመጨረሻም ያድርገው።

@aaumsu

ለግፍ ያላጐነበሰው ንጉሥ 👑

ክፍል 3

“በእርግጥም አላህ የንጉስ ነጃሺን ቀልብ ለሂዳያ መርጧታል”

ይህንን ንግግር ነጃሺ በጥሞና ካዳመጡ በኋላ እውነታው ውልል ብሎ ታያቸው፤ ስደተኞችንም ለልኡካኑ ላለመስጠት ወሰኑ።

እንዲህ ነው እንግዲህ በቅንነት የተሞላው የንጉስ ነጃሺ ማንነት ቀስ በቀስ ወደ እውነት የተመራው።

ዛሬ ላይ የሚፈጠረው ግን የዚህ ተቃራኒ ነው ፣ አንዳንድ ሰዎች እውነትን ፍራቻ፤
አይድረስብኝ፣ አልወቀው ይቅርብኝ፣ ያወቀውም አይቅረበኝ፣ ማንም አይደርስበት ዘንድም ውሸት መስሎ ይቅረብ በማለት አልፎ ተርፎም እኚህ ሰዎች ከዚህ እውነታ ራስን ለማግለል በሚል በአስቀያሚ ጠላትነት ይታወራሉ።

አስተሳሰብ፣ እይታ፣ ልብ እና አእምሮ ደግሞ ሁሉም ቀስ በቀስ አብረው ሲታወሩ ሰብአዊነትም ይጠፋና በድሮ ጊዜ ……….
እየተባለ ይተረክለታል።አለምም ግፍ ሰጪዎችን፣ ተቀባዮችን እና አንቀበልም ያሉ ታጋዮችን አፍርታ ትቀጥላለች።

ወደ ታሪኩ ስንመለስ እውነቱ የተገለጸላቸው ንጉስ ነጃሺ ስደተኞችን አሳልፎ ላለመስጠት በመወሰን
“ይህ እና ኢሳ(እየሱስ )ይዞት የመጣው መልእክት ከአንድ ምንጭ የተቀዱ ናቸው “አሉ።

ቀጥለውም ለቁረይሽ ልዑካን

‹‹ሂዱ! ለናንተ አሳልፌ አልሰጣቸውም:: ማንም በመጥፎ እንዳይቀርባቸው:: በአምላክ ስም እምላለሁ፡- ይህ ሰው ያነበበው በወንጌል ከተጻፈው የዚህችን ስንጥርያህል እንኳ የተለየ አይደለም›› ሲሉ ተናገሩ::

በአገራቸው ግዛት ያለምንም ችግር በነጻነት እንዲቆዩም ፈቀዱላቸው:: የቁረይሹ ልዑክም ዓላማው ሳይሳካለት ተመለሰ፡፡

የነጃሺን ሁኔታ ያስተዋሉ ክርስቲያኖች ተሰባስበው መጥተው ነጃሺን ‹‹ሃይማኖታችንን ትተሃል›› በማለት ወቀሱት። አመጽ ተቀሰቀስ፡፡ ነጃሺም ወደ ሶሓቦች በመላክ በሁለት ጀልባ ለጉዞ እንዲዘጋጁ አዘዘ:: ይህን ያደረገው ድንገት ከተሸነፈ ወደ አገራቸው መሸሽ እንዲችሉ ነበር፡፡

ነጃሺ አመጹን ለማኮላሸት ወደ አባይ ወንዝ አቅጣጫ ዘመተ:: ነጃሺ ተሸንፎ የሃይማኖት ነጻነታቸውን የማይጠብቅ ንጉሥ እንዳይመጣ ሶሓቦች ሰጉ፡፡

‹‹ማን ወደ ስፍራው ተጉዞ የጦርነቱን ዜና ያምጣልን?›› ሲሉም ተወያዩ። በእድሜ ትንሹ ዙበይር ኢብኑል ዓዋም ተንቀሳቀሰ፤ነጃሺ ዘመቻውን በድል እንዲወጣ ሶሓቦች ዱዓ ማድረግ ቀጠሉ፤ነጃሺ በጠላቱ ላይ ድል አደረገ። 💫

ዜናውን ዙበይር ለሶሓቦች አደረሰ፤እጅግ ተደሰቱ፡፡ የደስታቸውን ወሰን ሲገልጹ ‹‹እንደዚያ ያለ ደስታ አላየንም›› ሲሉ ነበር የተናገሩት::

ሶሓቦች በነጻነት ሃይማኖታቸውን እየተገበሩ በሐበሻ(አክሱም) ሕይወታቸውን ቀጠሉ፣የነቢዩን (ሶ.ዐ.ወ) ወደ መዲና መሰደድ ሲሰሙ 33 ወንዶችና 8 ሴቶች ሆነው ከሐበሻ ወደ መዲና ተመለሱ::

ወደ አክሱም በስደት የመጡትና የኋላ ኋላ የነቢዩ ሙሐመድ (ሶ.ዐ.ወ) ባልተቤቶች ለመሆን የታደሉት ኡሙ ሰለማና ኡሙ ሐቢባ (ረ.ዐ.) የአክሱም ማርያም (ጽዮን) ቤተ ክርስቲያንን ጎብኝተዋል።

በሶሂህ አል-ቡኻሪ የሐዲስ ጥራዝ ላይ በተዘገበው መሠረት በጉብኝታቸው ወቅት በቤተ ክርስቲያኒቱ የተመለከቱትን ‹‹የጻድቃን›› ምስሎች ወደ አገራቸው ከተመለሱ በኋላ ለነቢዩ ሙሐመድ (ሶ.ዐ.ወ) ነግረው ነበር።

ነቢዩም (ሶ.ዐ.ወ) ‹‹ከመካከላቸው ጻድቅ ሰው ሲሞት በመቃብሩ ስፍራ ላይ የአምልኮ ቤት ይገነባሉ:: እነዚያንም ምስሎች ከውስጡ ያደርጋሉ፡፡ እነርሱ (ይህን የሚያደርጉት) በአላህ ዘንድ ይበልጥ መጥፎ ፍጥረታት ናቸው›› ሲሉ መልሰውላቸዋል::

ንጉሥ ነጃሺ ቀደም ብሎ ከነጃዕፈር ጋር ባደረገው ውይይት ሙሐመድ (ሶ.ዐ.ወ) ነብይ እንደሆኑ ተረድቶ ነበር።
ነቢዩ (ሶ.ዐ.ወ) ለነጃሺ ከላኩት ሁለት ደብዳቤዎች የመጀመሪያው እንዲህ ይላል፡-


በአላህ ስም እጅግ በጣም አዛኝ፣ በጣም ሩኅሩኅ በሆነው

“ይድረስ ከሙሐመድ (የአላህ መልዕክተኛ) ወደ ነጃሺ አስሐማ የሐበሻ ንጉሥ። ከዚህ በመቀጠል በቅድሚያ አላህን አመሰግናለሁ::

አላህ ከርሱ በቀር ሌላ አምላክ የሌለ (ጌታ) ነው፡፡ ንጉሥ ነው፡፡ ፍጹም ነው፡፡ ሰላምና የሚታመንበት፣ አሸናፊ ነው::

ዒሳ የማርያም ልጅ ራሷን የጠበቀችና ጻድቅ በሆነችው ማርያም ላይ የተጣለ የአላህ መንፈስና ቃል መሆኑን እመስክራለሁ፡፡ እርሷም በአላህ መንፈስና እስትንፋስ ዒሳን አረገዘች:: አላህ አደምን በእጁና በእስትንፋሱ እንደፈጠረ ሁሉ፡፡

እኔ ወደ አላህ እጠራሃለሁ፡፡ አንድ ነው:: አጋር የለውም:: በእርሱ ትእዛዝም ሥር እንድትውል አሳስብሃለሁ።
እኔንም እንድትከተለኝ፣ እንድታምንብኝና ወደኔም የወረደውን (ቁርኣን) እንድታምንበት እጠይቅሃለሁ፡፡ እኔም የአላህ መልዕክተኛ ነኝ፤ አንተንም ሆነ ሠራዊትህን ወደ አላህ እጠራችኋለሁ፤
መልዕክቴን አድርሻለሁ። ተቀበሉኝ: ሰላም ቀናውን ጎዳና በተከተለ ሁሉ ላይ ይሁን።”

ደብዳቤውን ለነጃሺ ሲሰጥ ዐምር ኢብን ዑመያ እንዲህ ሲል ተናገረ፡-

“ንጉሥ ሆይ! እኔ የምነግርህ ጉዳይ አለ:: በጽሞና ታደምጠኝ ዘንድ እጠይቅኃለሁ:: አንተ ለኛ አዛኝ ሰው በመሆንህ የኛው አካል ነህ::

እኛም ባንተ የጠበቅነውን በጎ ነገር ሁሉ አግኝተናል፡፡ እንዳይደርስብን የሠጋነው መጥፎ ነገርም በኛ ላይ አልተፈጸመም። ከዚህ በፊትም ያንተን ማንነት አረጋግጠናል፡፡

በኛና ባንተ መካከል ወንጌል የማይሻር ምስክር ነው:: የማያዳላ ዳኛም ነው። አይሁድ ዒሳን (ኢየሱስን) እንደካዱ ሁሉ ይህን ነቢይ አንተም እንዳታስተባብል::

ነቢዩ አንተንና ሕዝብህን ሌሎችን ላላጩበት ተግባር ሊያጩህ ይፈልጋሉ:: ይህም ካንተ ባየነው መልካም መስተንግዶ ሳቢያ ነው፤የላቀ ምንዳ እንድታገኝ እንመኛለን።”

ንጉስ ነጃሺም በነቢዩ (ሶ.ዐ.ወ) ማመኑን ግልጽ አደረገ፡፡እንዲህም ሲል ተናገረ:-

“በአምላክ ስም እመሰክራለሁ:: እርሱ የመጽሐፍት ባለቤቶች (አህለል ኪታብ) የሚጠባበቁት ነቢይ ነው::
ሙሴ —አህያ ላይ ተቀምጦ ይመጣል ሲል የኢየሱስን መከሰት እንዳበሰረ ሁሉ ዒሳም (ኢየሱስም) በግመል ላይ ተቀማጭ የሆነ ነቢይ እንደሚመጣ አብስሯል::

የመልዕክት ልውውጥ እንደማየት አይደለምና (መልዕክተኛውን) ካሉበት ቦታ ድረስ ሄጄ ላያቸው ብችል እወድ ነበር፡፡ ነገር ግን የሐበሻ ረዳቶቼ ጥቂት ናቸው:: ስለዚህ የሰዎችን ልብ እስካለዝብና ረዳቶቼን እስከማበረክት ድረስ ጊዜ ስጡኝ።”

ነጃሺ ኢስላምን መቀበሉን ግልጽ አድርጎ ለነቢዩ (ሶ.ዐ.ወ) ዳብዳቤ ጻፈ::

ደብዳቤው የሚከተለው ነበር ፡-

……….ይቀጥላል

@aaumsu

የአዲስ አበባ ዩኒቨርስቲ ሙስሊም ተማሪዎች ሕብረት ለዩኒቨርሲቲው የUAT ፈተና፣ መመዝገቢያ እና ትራንስፖርት ወጪ ሽፋን በለቀቀው ፎርም መሰረት በቂ አመልካቾችን አጊኝተናል።

በአሁኑ ሰዓት የተላኩልንን መረጃዎች የማጣራት እና የማረጋገጥ ስራ እየሰራን የምንገኝ ሲሆን፤ መረጃቸውን አጣርተን ላፀደቅናቸው ተማሪዎች ነገ ኢንሻአላህ የምናሳውቅ ይሆናል።

በተጨማሪም የሌሎች ተማሪዎችን ወጪ ለመሸፈን የሚያስችል ተጨማሪ ቦታ ካገኘን በቀጣይ ማስታወቂያ የምናሳውቅ መሆኑን እንገልፃለን።

አላህ ኡማውን የምትጠቅሙ ያድርጋችሁ!

@aaumsu

AASTU / ASTU መግባት ለምትፈልጉ፦
ነገ ሐሙስ ከምሽቱ 2:50 ጀምሮ

የመግቢያ ፈተናው ምን ይመስላል፤ አጠቃላይ ማድረግ ያለብኝ ዝግጅት ምንድን ነው፤ የዩኒቨርስቲዎቹ ሁኔታ እንዴት ነው፤ ምን ምን ዲፓርትመንቶች አሉ፤ ምንስ ይጠብቀኛል በሚሉት ነጥቦች ዙሪያ ሰፊ ውይይት ለማድረግ ቀጠሮ ይዘናል።

ተጋባዥ እንግዶች፦

፨ ኢብራሒም ኸዲር፦ የአዳማ ሳይንስ እና ቴክኖሎጂ ዩኒቨርስቲ ሙስሊም ተማሪዎች ጀመዓ አካዳሚክ ሴክተር አሚር

፨ መስዑድ ሙስጠፋ፦ በአዲስ አበባ ሳይንስ እና ቴክኖሎጂ ዩኒቨርስቲ የሶፍትዌር ኢንጅነሪንግ ተማሪ

ፕሮግራሙ በአዲስ አበባ ዩኒቨርስቲ BAIS ተማሪ በሆነው ሚፍታሕ ኢብራሒም የሚመራ ይሆናል። እንዲነሳ የምትፈልጓቸውን ጥያቄዎች ከአሁኑ ሰዓት ጀምራችሁ @MOHAMMADAMMINM ላኩ።

ፕሮግራሙ ነገ ሐሙስ ነሐሴ 28 / 2018 ዓ.ል ከምሽቱ 2:50 ጀምሮ @MohammadamminKassaw Live ይካሄዳል። ለሁሉም ይደርስ ዘንድ share አድርጉት።

@MohammadamminKassaw

የአዲስ አበባ ዩኒቨርስቲ ሙስሊም ተማሪዎች ሕብረት ለዩኒቨርሲቲው የUAT ፈተና፣ መመዝገቢያ እና ትራንስፖርት ወጪ መሸፈን የማይችሉ ልጆችን ለመደገፍ በለቀቀው ፎርም ተመዝግባችሁ እስካሁን ያልተደወለላችሁ ወንድም እና እህቶች፤ ስልካችሁን ማግኘት ስላልቻለን በ @Aaumuslimstudentsunion1 እንድታናግሩን እንጠይቃለን።

@aaumsu

የአዲስ አበባ ዩኒቨርስቲ ሙስሊም ተማሪዎች ሕብረት ለዩኒቨርሲቲው የUAT ፈተና፣ መመዝገቢያ እና ትራንስፖርት ወጪ መሸፈን የማይችሉ ልጆችን ለመደገፍ በለቀቀው ፎርም ተመዝግባችሁ እስካሁን ያልተደወለላችሁ ወንድም እና እህቶች፤ ስልካችሁን ማግኘት ስላልቻለን በ @Aaumuslimstudentsunion1 እንድታናግሩን እንጠይቃለን።

@aaumsu

በአባጂፋሯ ጅማ የተገፈፈ ክብር፤ የተከለከለ ሒጃብ ... በአባጂፋር ልጆች የተደረገ ትግል፤ የተከፈለ መስዋዕትነት፤ የተረጋገጠ ክብር --- በጅማ ዩኒቨርስቲ !

ሕያው ምስክር - 2

አባጂፋር (ረህመቱላሂ ዐለይሂ) ከጅማ መምለካ ተሻግረው፤ ሐበሻንም አቋርጠው ስለሙስሊሞች መብት የሚብሰለሰሉ፤ የሚታገሉ፤ መስዋዕትነት የከፈሉ ታላቅ እና ፍትሐዊ ንጉስ ነበሩ። ሆኖም ግን ከአመታት ቡሃላ፤ በጅማ ከተማ፤ በጅማ ዩኒቨርስቲ ቅጥር ግቢ ውስጥ ሙስሊም ተማሪዎች ባይተዋር ሆኑ። ሙስሊም ስለሆኑ ሊለብሱት ግዴታ የሆነውን ሒጃብ (ኒቃብ) ከመልበስ ተከለከሉ። ለተከታታይ አስር አመታት ያክል በተለያየ ጊዜ፤ በተለያዩ ሰዎች ክብራቸው ተደፈረ።

ይህ እየሆነ ባለበት በ2017 ዓ.ል የአባጂፋር ልጆች መብታቸውን ያስከብሩ ዘንድ የአላህ ፍቃድ ሆነ። በወርሐ ረመዷን ከተራዊህ መልስ ኒቃቢስት ተማሪዎች ወደ ግቢ ካልገቡ እኛም አንገባም በማለት ለተከታታይ አራት ቀናት ታገሉ። መሪዎቻቸው ቢታሰሩም ፀንተው ቆሙ። በአላህ ፈቃድም በፍትሐዊው ንጉስ ሐገር የተነፈገው ነፃነት ተከብሮ ፍትሕ ፀና።

የነበረውን ሂደት፤ የተፈጠሩትን ክስተቶች፤ የመጣውን ውጤት በሕያው ምስክር - 2 የምንዳስስ ይሆናል።

መስከረም - 1
ጁምዓ ከምሽቱ 3:00 ጀምሮ !

በአዲስ አበባ ዩኒቨርስቲ ሙስሊም ተማሪዎች ሕብረት ይፋዊ የቴሌግራም ገፅ (@aaumsu) እንገናኝ። መልዕክቱ ለሁሉም ይደርስ ዘንድ share ያድርጉ።

@aaumsu

ለግፍ ያላጐነበሰው ንጉሥ 👑

ክፍል 4

ነጃሺ ኢስላምን መቀበሉን ግልጽ አድርጎ ለነቢዩ (ሶ.ዐ.ወ) ዳብዳቤ ጻፈ::
ደብዳቤው የሚከተለው ነበር ፡-

በአላህ ስም እጅግ በጣም ሩኅሩኅ በጣም አዛኝ በሆነው፤ይድረስ ለሙሐመድ-የአላህ መልዕክተኛ-ከነጃሺ አስሐማ፡፡

“ከአላህ የሆነ ሰላምታ በእርስዎ ላይ ይሁን-የአላህ ነቢይ፤እዝነቱና በረከቱም ይሁንብዎ፤ ወደ ኢስላም ከመራኝ አላህ በቀር ሌላ ሊገዙት የሚገባ አምላክ እንደሌለ እመሰክራለሁ::
ከዚህም በመቀጠል የአላህ መልዕክተኛ ደብዳቤዎ ደርሶኛል። በሰማይና በምድር ጌታ እምላለሁ፡፡ ስለማርያም ልጅ ዒሳ (ኢየሱስ) የጠቀሱልኝን በተመለከተ ራሱ ዒሳም ቢሆን እርስዎ ካሉት የጨመረው ነገር የለም:: ወደኛ የተላኩበትን ምክንያት አውቀናል፡፡ እርስዎም የአላህ መልዕክተኛ መሆንዎን፣ እውነተኛ እና በሐቅ መስካሪ (ሊተማመኑብዎት የሚገባዎ) መሆንዎን ተገንዝበናል፡፡ ለዚህም ቃል ኪዳን ገብቻለሁ:: የአጎትዎን ልጅ ቃል ኪዳን ፈጽሜለታለሁ:: የዓለማት ጌታ ለሆነው ለአላህም እጅ ሰጥቻለሁ።”

ነቢዩ (ሶ.ዐ.ወ) ኡሙ ሐቢባን (ረምላ ቢንት አቢ ሱፍያንን) ለማግባት በሁለተኛው ደብዳቤያቸው ነጃሺን ጠየቁ፡፡ ነጃሺም ነቢዩን (ሰ.ዐ.ወ)ወክሎ ኒካሁን አስፈጽሟል፡፡
ለኢስላም ስትል ወደ ሐበሻ ከነባሏ የተሰደደችው ኡሙ ሐቢባ ቢንት አቢ ሱፍያን ባሏ እምነቱን በመቀየሩና በመሞቱ ነቢዩ እጅግ አዘኑ፡፡
ልቧ ክፉኛ የተሰበረውን ኡሙ ሐቢባን ራሳቸው ለማግባት ወሰኑ፡፡ ለዚህም ነበር በዐምር ኢብኑ ዑመያ አል-ደሚሪይ አማካኝነት መልዕክት ወደ ነጃሺ የላኩት:: ነጃሺም መልዕክቱ ሲደርሰው ለኡሙ ሐቢባ ቢንት አቢ ሱፍያን በቤተ መንግሥቱ አገልጋይ በነበረችው አብረኸት መልዕክት ላከባት:: ልቧ ተሰብሮ የነበረው ኡሙ ሐቢባ ዜናው በአብረኸት አማካኝነት ሲደርሳት እጅግ ተደሰተች፡፡ ጋብቻው ይፈጸም ዘንድ ኻሊድ ቢን ሰዒድን ወከለች:: እጅግ ከመደሰቷ የተነሳም የምሥራቹን ለነገረቻት አብረኸት የተለያዩ የብር ጌጣጌጦችን ሰጠቻት::
ይህ ውቡ ታሪካችን ነው ከራስ አልፎ ለሌላው አለም መትረፍን የምንማርበት ፤ንጉስ ነጃሺም ከራሳቸው አልፈው ሌሎች በሃቅ ጎዳና ላይ እንዲገኙ ሚናቸውን በሚገባ ተወጥተዋል።

ነገር ግን የነጃሺ መስለም ዛሬም ድረስ ሲተረክ ለመቀበል የማይፈልጉ አካላት አሉ::
በእርግጥ እነኚህ ወገኖች አንድ የክርስቲያን ንጉሥ ሊሰልም የማይችልበትን ሁኔታ ማሳየት አልቻሉም።

ያለ መረጃ እንዲሁ ማጣጣልን መርጠዋል::
ነጃሺ ኢስላምን መቀበሉ ብቻ ሳይሆን ዳዕዋ በማድረግ ያስለማቸው ግለሰቦችም ነበሩ።

ከነዚህ መካከል ዐምር ኢብኑል ዓስ ይገኝበታል። ዐምር ሶሓቦችን
ወደ መካ ለማስመለስ ተልኮ ሳይሳካለት ከተመለሰው የቁረይሽ ልዑክ አንዱ እንደነበር ይታወሳል።
በበርካታ ጥንታዊ ኢስላማዊ መዛግብት ላይ እንደተዘገበው ዐምር ኢብኑል ዓስ ኢስላምን የተቀበለው በንጉሥ ነጃሺ እጅ ነበር።
ይህ ሊሆን የቻለው ዳግም ወደ አክሱም በተመለሰበት ጊዜ ነበር፡፡ ዐምር ኢብኑል ዓስ እንዲህ ይተርክልናል፡-
ከኸንደቅ ጦርነት በኋላ ከቁረይሽ ጎሳ መካከል ንግግሬን የሚሰሙኝንና የሚያከብሩኝን ሰዎች ሰበሰብኩ፡፡
“እንደምታዩት የሙሐመድ ነገር (ለኛ) ከቀን ወደ ቀን በሚያስጠላ ሁኔታ እያየለና እየበረታ ሄደ። እኔ አንድ ሐሳብ አለኝ::
በርሱ ላይ ምን ትላላችሁ? ስል ጠየቅኳቸው:: ‹‹ምን አሰብክ?›› አሉኝ፡፡
‹‹ወደ ነጃሺ እንሂድና ከእርሱ ዘንድ እንሁን፡፡ ሕዝባችንን ሙሐመድ ካሸነፈ በነጃሺ ግዛት ስር ሆንን ማለት ነው፡፡ ከርሱ ዘንድ መሆናችን በሙሐመድ ሥር ከመሆን ይልቅ ለኛ የተወደደ ነው:: ሕዝቦቻችን ካሸነፉ ደግሞ በእርግጥ በነርሱ ዘንድ ስለምንታወቅ መልካም ሁኔታ እንጂ አይገጥመንም›› አልኳቸው::
‹‹መልካም ነው› በማለት ከኔ ሐሳብ ጋር ተስማሙ:: ለነጃሺ የሚሰጡትን ስጦታዎች እንዲያሰባስቡ ነግሬያቸው ወደርሱ አገር ተጓዝን::

የነቢዩ መልዕክተኛ ዐምር ኢብኑ ዑመያ አል ደሚሪይ በነ ጃዕፈርና በሶሓባዎች ጉዳይ ከነጃሺ ዘንድ ገብቶ ሲወጣ አየነው::

ለወዳጆቼ “ይህ ዐምር ኢብኑ ዑመያ አል-ደሚሪይ ነው:: ከነጃሺ ዘንድ ገብቼ ስጦታዎችን ሰጥቼው የዚህን ሰው አንገት እንድቆርጥ (እንድገድለው) ጠይቄ ቢፈቅድልኝና ይህን ባደርግ የሙሐመድን መልዕክተኛ በመግደሌ ቁረይሾች ትልቅ ውለታ እንደዋልኩላቸው (ምንዳ እንደከፈልኳቸው) ይቆጥሩ ነበር›› አልኳቸው:: ነጃሺ ዘንድ ገባሁ:: ከዚህ በፊት እንደማደርገው ለርሱ (ለሰላምታ) አጎነበስኩ፡፡

ነጃሺም ‹እንኳን ደህና መጣህ ወዳጄ›› አለኝ:: በርካታ ስጦታም ሰጠሁት:: (በኋላ ላይም) ዐምር ‹‹የጠላታችን ሙሐመድ መልዕክተኛ ከአንተ ዘንድ ገብቶ ሲወጣ አየሁት:: (ከቁረይሽ) ታላላቆቹና ምርጦቹ ተገደሉ፡፡
ስጠኝና ይህን ሰው ልግደለው›› ስል ጠየቅሁት::
ነጃሺ በጥያቄው ክፉኛ ተናደደ።
ዐምርም በነጃሺ አኳኋን ተደናገጠ፡፡
‹‹ምናለ መሬት ተቀዳ በዋጠችኝ!›› እስኪል ድረስ የቁጭት ስሜት ተሰማው፡፡

‹‹ንጉሥ ሆይ! ይህ ጉዳይ እንዲህ የሚያናድድዎ መሆኑን ባውቅ አልጠይቆትም ነበር›› ሲል ተናገረ፡፡

ነጃሺም ‹‹ለሙሴ ይመጣ የነበረው መልአኩ ገብርኤል (ጂብሪል) የሚመጣለትን ሰው መልዕክተኛ ልትገድል ትጠይቀኛለህን?›› ሲል በቁጣ ተናገረ፤ገሰጸው፡፡
ዐምርም ‹‹ንጉሥ ሆይ! እንደዚያ ነው እንዴ?›› ሲል ጠየቀ።
ነጃሺም ‹‹ወየውልህ ዐምር! እኔን ታዘዘኝና እርሳቸውን (ነቢዩ ሙሐመድን) ተከተላቸው፡፡ በአላህ እምላለሁ! ሙሴ በፊርዓውንና ሠራዊቱ ላይ ድል እንዳደረገ ሁሉ
ሙሐመድም በእውነት በተቃዋሚዎቹ ላይ ድል ማድረጉ የማይቀር ነው› አለ፡፡

ዐምር ‹‹በኢስላም ላይ ቃል ኪዳን ተጋባኝ›› ሲል ነጃሺን ጠየቀ። ነጃሺም “መልካም›› በማለት እጁን ዘርግቶ ከዐምር ኢብኑል ዓስ ጋር በኢስላም ላይ ቃል ኪዳን ተጋባ። በነጃሺ ግሳጼና ዳዕዋ የተማረከው ዐምርም ኢስላምን በነጃሺ እጅ ተቀበለ።

ዐምር ትረካውን ይቀጥላል፡- “እጄን ዘርግቼ በኢስላም ላይ ቃል ኪዳን ተጋባሁ:: ከርሱ ዘንድ ስወጣ መስለሜን ከወዳጆቼ ደበቅሁ:: ወደ ነቢዩ (ሶ.ዐ.ወ) ተጓዝኩ:: ጊዜው ከፈትህ (hመካ በድል መከፈት) በፊት ነበር፤ወደ መዲና ስሄድ በመንገድ ላይ ኻሊድ ኢብኑ ወሊድን አገኘሁት::

የሱለይማን አባት ወዴት ነው?› ስል ጠየቅኩት:: ሊሰልም እንደሚሄድ ነገረኝ። «በአላህ ይሁንብኝ! እኔም ለእስልምና ስል ነው የመጣሁት› ስል ገለጽኩለት::
መንገድ ላይም ዑስማን ቢን ጠልሀን አግኝተው ተያይዘው ሄዱ፡፡
ዐምርም ሙስሊምነቱን ይፋ አድርጎ ከነቢዩ ጋር ቃል ተጋባ፡፡
ነቢዩን (ሶ.ዐ.ወ) አገኛቸውና ‹‹የአላህ መልዕክተኛ ሆይ! እኔ ያለፈው ወንጀሌ እንዲማርልኝ  መስፈርት በማድረግ ከርስዎ ጋር ቃል ኪዳን ልጋባ›› አላቸው፡፡ ነቢዩም (ሶ.ዐ.ወ) ‹‹ዐምር ሆይ! ቃል ኪዳን ተጋባኝ! ኢስላም ከርሱ በፊት የነበረውን ኃጢአት ያብሳል:: ስደትም ከርሱ በፊት የነበረውን ያብሳልና›› አሉ::

በነጃሺ እጅ የሰለመው ዐምር ኢብኑል ዓስ ያለፈው ወንጀሉና ጥፋቱ እንዲማርለት ከነቢዩ (ሶ.ዐ.ወ) ጋር ቃል ኪዳን ተጋባ፡፡
በዚህም ሐበሻዊው ሙስሊም ንጉሥ ነጃሺ ዐምርን ማስለም ቻለ፤
ዐምርም በ640 ግብጽን በመክፈት ከእስላማዊው የኸሊፋ ግዛት ጋር የቀላቀለ ታላቅ ሳሃባ ነበር።
በእርግጥም ኋላችን ትግል ያዋዛው፣ መማሪያ፣ መገሰጫ እና መንቂያ ደዉል መሆን በሚችል መልኩ ሰፍሯል።
እኛስ?ለወደፊቱ ትውልድ መቅረቡ ግድ የሆነውን ታሪካችንን በምን መልኩ እየጻፍነው ይሁን?

የመጨረሻው ክፍል ይቀጥላል…

@aaumsu